Talḥasant N Ugadir
Talḥasant n Ugadir (s uzgzl arumiy : HUSA, s tifinaɣ : ⵜⴰⵎⵓⵏⵜ ⵜⴰⵡⵏⵏⵓⵏⵜ ⵜⴰⵍⵃⴰⵙⴰⵏⵜ ⵏ ⵓⴳⴰⴷⵉⵔ Tamunt tawennunt Talḥasant n Ugadir, s uzgzl n tfinaɣ : ⵃⵓⵙⴰ Ḥusa) tga yat trabbut tawnnunt n tkurt n uḍar illan ɣ tmdint n Ugadir.
Ig Adrar abaraz nns.
| Talḥasant n Ugadir | |
|---|---|
| ⵍⵃⴰⵙⴰⵏⵢⵢⴰ ⵏ ⵓⴳⴰⴷⵉⵔ | |
 | |
| Ism iɣzzifn | Lḥasanyya tamunt n tunnunt n ugadir |
| Ism wis-sin | Taẓkʷṭ n Sus |
| Ism igzzuln | Ḥusa |
| Ttuyskar | Asggʷas n 1946 |
| Abaraz | Abaraz n Adrar |
| Mnck n middn | 45,480 |
Tettyawskar trabbut ad asggas n 1946, skrn tt kra n ayt ugadir ɣ illa ssiɛr n tmazirt, irin gis ad tg tarabbut ɣ ur llin irumiyn.
Ism n talḥasant (lḥasaniyya s tɛrabt) ikka d ism n illis n walli isrsn tirsal n trabbut, lḥajj dris lḥlu.
Agdud
Dar Lḥasanyya n ugadir uṭṭun bahra iggutn n ugdud, slawant akk ɣ tsga n sus, ɣ tɣrmt n ugadir ula tɣrmin as yaẓn, zund inzggan, ayt mllul, ddcayra, tiznit, taṣṣurt, lqliɛa, byugra, ayt baha, tarudant, tmssya, imi mqqurn, awrir, ayt tamr, sidi ifni, laxṣaṣ... lliɣ tga tarabbut tasusit tamyiwnt issmrasn ɣ ugzzum amzwaru n lbuṭula tanamurt, mk d ulambik ddcayra issmrasn ɣ ugzzum wiss sin. mk nna dars illa ugdud ɣ mnnawt tɣrmin timɣribiyin nniḍn, slawant akk timqqranin, zund taddart tamllalt nna ɣ llan tugtt n imzwag isusiyn.
Dar lḥasanyya n ugadir sin ultrat (timagrawin n ugdud): ultras imaziɣn d ultras rid riblz.
Ultras Imaziɣn
Gan Ultras Imaziɣn ultras amzwaru n ugdud n lḥasanyya n ugadir; ttysrasnt trsal nns ɣ usggas n 2006 s tɣarast n yat trabbut n imaḍfarn d imiritn n "Tẓnkḍt n sus", ig wawrik "Bihi", tawlaft n ufgan amaziɣ ɣ tmnaḍt n sus, tamatart nns, mk ann d twalt "UI 06" nna igan asgzl n "Ultras Imazighen 2006". Ikka tt inn da ittḍfur tarabbut n ḥusa zɣ mad sttinn tkka ar tturar ɣ usurar "al inbiɛat", d ɣ usurar "adrar" da ttilin imaḍfarn n "ultras imaziɣn" s umata ɣ unniḍ n iffus, ma yad af izdi d wassaɣ nns unniḍ n iffus (Curva Sud).
Ultras Rid Ribilz
Ultras Rid Riblz (s tanglizt: Red Rebels) nɣ igrawliyn iẓggaɣn, ttysrasnt trsal nns ɣ usggas n 2011, taɣawsa lli d yiwin ad ig uṭṭun 2961 yan zɣ tmatarin nns, asggas amaziɣ n tska nns. imaḍfarn nns kkan tt inn da ttilin ɣ unniḍ n iẓẓlmḍ (Curva Nord) lliɣ urta tn tsmmutti tamhla n usurar adrar s tuẓẓumt n usurar. Zɣ tmatarin nns sin iskkiln ilatinin "ЯR", asgzl n wassaɣ "Red Rebels", mk ann d yan ufus iskrn tukkimt nna isddugumn i tmzaɣt d tmsnkart d tgrawla.
Tizdayyin ittawyn s mani yaḍn
Isaɣuln
This article uses material from the Wikipedia Taclḥit article Talḥasant n Ugadir, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mayad illa ddu CC BY-SA 4.0 abla iɣ ittuybdar mas ur t-igi. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taclḥit (DUHOCTRUNGQUOC.VN) is an independent company and has no affiliation with Wiki Foundation.