Aḥmad Badduj: Inmɣuṛn n taẓuṛi taclḥit tamaziɣt
Aḥmad Badduj (1950 - 22 Ɣuct 2020) iga yan zɣ inmɣuṛn n taẓuṛi taclḥit tamaziɣt, ilul ɣ usggas n 1950 ɣ Msgina igan yan udwar n Ifrxs itabɛan i Ugadir, tasga n Sus Masst.
Dars uggar n 30 film s tutlayt taclḥit.
Tudrt-nns
Aḥmad Badduj iga yuws n Talburjt ɣ Ugadir. Iswurri ɣ kigan n twuriwin lli ɣ d yumẓ lbac nns, ilɛb akk d iɛrrimn n Talḥasant n ugadir ɣ usggwas n 1967.
Ɣ usggwas n 1972 ifta s Inzggan, ɣin aɣ iskr trabbut nns tamzwarut n lmṣraḥ s tmaziɣt iga yas s yism "Amnar Umrr". Izri nn ɣ tuggt n trubba yaḍni aylliɣ ikcm d tamsmunt n Tifawin ɣ isggwas n 1985, zɣ lliɣ disn ikcm as ibda ar ittuyssan ɣ ammas n ubaraz n tẓuri d lmaṣraḥ amaziɣ.
Ɣ usggwas n 1989 icark ɣ ṭṭṣwir n lfilm lli akk izwarn s tutlayt taclḥit d akk tutlayin timaziɣin at igan "Tamɣart n wurɣ". Zɣ ɣ-akud-ann icark ɣ kigan n laflam yaḍni iskr akk ntta talif d lixraj.
Immut igllin n Aḥmad Badduj s tmaḍunt n Kurunafirus ɣ wass n 20 ɣuct 2020 ɣ Ugadir. Ikka-tt-inn yad ihrc s sskar d wul
Laflam nns
| Asggʷas | Assaɣ | Ma iga | Amssufɣ |
|---|---|---|---|
| 2008 | Houti Houta | Asmdya | Nasim Abasi |
| 1992 | Taguḍi | Lmudir, Asmdya | Aḥmad Badduj |
| 1989 | Tamɣart n wurɣ | Asmdya ɣ ḍḍawr n Iddr | Lḥusin Biyzgarn |
Lmut nns
Ur ta ilkinn unɣmis n wis yudf igllin n unaẓuṛ Aḥmad Badduj ajajuy ffir n yat tulɣizt tadusant ally ilullk udul nns. Yudj ɣ yan uzmz agrmim, ɣ ur ifri udimal n umaḍal .Ssirdn imṭṭawn ul nns zg umnus Izry aɣiluf ɣ icba n imalgn, n igurad, n imddukkal d ismunn n tẓuṛi d isffarahn s umata. Ilsa tallara aha iny tazujra ffir n kigan n twuriwin n usuny d usrlel (proposé pour la mis en scène de «isers» et «alil» s wukus n «s» ittyalsn i usfsis n tawalt) ɣ tmzgunt d uɣraw uẓṛmussu zg «iẓṛa» d «umussu».
Idda ɣ yan uzmz nna gis ittugᵚdl ubḥlus s umntil n ufrurt n ubayyur n Kufid-19, aha ur illi xas amduny s usttum. Mac iddɣ iga udm adugman hatin ar ittɣima iddr ɣ tungint n iwdann nna t issnn. Udm nns iga wi-n umxṛfef d umԑafar d tassasin n uzlaḍ ɣ igma d unzwum n tẓuṛi n usuny nna s immuqqn. Udm nns ila tifiras izzdrazn tasuta ikkan asala nns. Iffɣ akal , yaḍu s wakal. Iffɣ tasddagamt nna gis ifka, iskullԑ ɣ ignna n tẓuṛi , iggz akal. Ikka tin iman d yan usmun ɣ tihirit n umggaru-ad taf ad immgnt ɣ yat tfagla n usnnumku nns. Kud aḍun ttuẓwan s utwar n tgrwawt aha ifra i usmun nns ma s issilɣ tihirit nns mqqaṛ idrus uy-nna as ittufkan ɣ ulssi. Ay-a iga tamatart n usfṣky d uflsy (le dévouement) n igllin. Ar urttuɣ ad issdnɣ umɣnanu tawja nns tamẓẓyant d tamqṛant aha ifk as afurgt, ad t yadn s tamlla nns, issɣlel t ɣ umaglal nns anmmazzu. Nga wi-n umɣnanu ar sars nttuɣul. Walu may d inna ḥtta yan dat urttum nns abla ad issidn.
Isaɣuln
 |  | Amnni ad iga amud izdin d imɣnassn d ixatarn Imaziɣn lli yusin anzgum n tutlayt d tamagit Tamaziɣt. Aws i Wikipidya s usnfl nns, tssimɣurt t. |
| Taẓuṛi tamaziɣt g Lmɣrib | ||||
|---|---|---|---|---|
| Aẓawan | Taṛṛwayṣit | Lḥajj Blɛid · Ɛumar Wahruc · Muḥmmad Albnsir · Muḥammad Abaɛmran · Ḥasan Arsmuk · Ḥmad Amntag · Saɛid Actuk | ||
| Taẓnẓaṛt | Iẓnẓaṛn · Iẓnẓaṛn Ɛbdlɛaziz Ccamx | |||
| Ṛṛuk amazigh (Rock amazigh) | Juba n Tuja | |||
| Fuzyun amaziɣ (Fusion) | Ɛli Fayq · Fulan Buḥsin | |||
| Aẓawan asɣun | Mbark u Lɛṛbi · Ɛmmuri Mbark | |||
| Tagruppit | Ajyal Sus · Ayt laman | |||
| imassn | Ribab · Luṭaṛ · Lbanju | |||
| Ssinima tamaziɣt | imssufaɣ | Aḥmad Badduj · Ɛbdlɛziz u Ssayḥ | ||
| inmuggarn | Anmuggar Agraɣlan Isni n Wurɣ n Usaru Amaziɣ n Ugadir · Anmuggar Anamur n Lfilm Amaziɣ n Warzazat | |||
| Ismdyatn | Lḥusin Brdawz · Ɛabdllaṭif Ɛaṭif · Muḥammad Abɛmran · Zzahya Zzahiri | |||
| Tanḍḍamt | Isaffn n umarg | |||
| Ahyyaḍ | Aḥwac · Lɛammt · Aḥidus · Aḥwac n taskiwin · Taḥidust · Tamawayt | |||
This article uses material from the Wikipedia Taclḥit article Aḥmad Badduj, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mayad illa ddu CC BY-SA 4.0 abla iɣ ittuybdar mas ur t-igi. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taclḥit (DUHOCTRUNGQUOC.VN) is an independent company and has no affiliation with Wiki Foundation.