Azggʷaɣ udmr nɣd Azggʷaɣ wul (s tɛrabt: أبو الحناء, ism usnan: Erithacus rubecula) iga yan ugḍiḍ ar ittddr g umaḍal aqqbuṛ (Uṛupa - Tafṛiqt - Asya) tafgga nns tmẓẓi, d idmr nns iga alitcini.
Azggʷaɣ udmer | |
---|---|
Tasnsartut | |
Tagldit | Animalia |
Tazuni | Chordata |
Asmil | Aves |
Anmala | Passeriformes |
Tawja | Muscicapidae |
Anaw | Erithacus Linnaeus, 1758 |
Azggʷaɣ udmr n Uṛupa iga yan waylal imẓẓin ihyan, ar tlkkm tiɣzi ns ar 14 n cm. Idmr nns izggʷaɣ, amma tafgga nns ɣ yiggi s udmman (aqhwi), d uḥlig nns s umlil. D illa ugḍiḍ ad g Lmɣrib d ar ittddr g taganin d turtitin d ar ittḍfuṛ imkrazn iqqazn urtan. Afad ad yamẓ ibuxxucn d iwkkatn n wakal.
Kigan aɣ ittṣku ugḍiḍ ad isddi nns g waddag n tmannaḍt d immɣayn ijgagaln f waddagn d iɣʷrban ... d ar iskar isddi nns s wafar iqquṛn d iẓuṛan n immɣayn .. d ar issbɣar tallaɣt afad ad yamẓ isddi d ar-as ittgga kra n tuga yqquṛn. Ar ittuẓla s tdut nns mnid n igḍaḍ n uzggʷaɣ udmr wiyyaḍ iɣ a yttmzaɣ f idɣarn nnsn. Amma agṛḍ isdid d ar iskar kra n iskajjan mmimnin.
Tẓḍart ad tẓṛt uggar f Azggʷaɣ udmer ɣ usnfar n Commons. |
This article uses material from the Wikipedia Taclḥit article Azggʷaɣ udmer, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mayad illa ddu CC BY-SA 4.0 abla iɣ ittuybdar mas ur t-igi. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taclḥit (DUHOCTRUNGQUOC.VN) is an independent company and has no affiliation with Wiki Foundation.