Tallinn lea Estteeatnama oaivegávpot.
Dat lea Nuortamerrii gullevaš Suomaluovttas, gávccinuppelot kilomehttera Helssega lullelis.
Guovvamánu 24. beaivve rádjai 1918 gávpoga virggálaš namma lei Reval. Eará boares namahusat leat ruoššagiela Ревель (Rewel) ja ovdal Колывань (Kolywan), dánskkagiela Lyndanisse ja ruoŧagiela Lindanäs.
Namma Tallinn, mii lea leamašan anus esttegillii dan rájes go dánskkalaš gonagas Waldemar jagi 1219 vuoluštii gávpoga, dábálaččat suorggiduvvo Taani-linn(a)-sánis, mii mearkkaša "dánskkalaš gávpot" dahje "dánskkalaš ladni".
Tallinn lea juohkašuvvan gávpotosiide Haabersti, Kesklinn, Kristiine, Lasnamäe, Mustamäe, Nõmme, Pirita ja Põhja-Tallinn ja vel 84 biirriide.
Tallinn rádjašuvvá davvenuortin Viimsi, nuortin Jõelähtme, nuortalullin Rae, lullin Saku, oarjinlullin Vasalemma ja oarjin Harku.
This article uses material from the Wikipedia Sámegiella article Tallinn, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisdoalu sáhttá geavahit liseanssain CC BY-SA 4.0, jus ii boađe eará diehtu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sámegiella (DUHOCTRUNGQUOC.VN) is an independent company and has no affiliation with Wiki Foundation.