Risttalaš Álbmotbellodat (dárogillii Kristelig Folkeparti) lea politihkalaš bellodat Norggas ásahuvvon jagis 1933.
RÁb:s leat 10 stuorradikkelahtu, 17 sátnejođiheaddji, 623 gielddastivrralahtu ja 46 filkadikkelahtu. Kjell Ingolf Ropstad lea 2019 rájes jođiheaddjin.
Bellodaga nuoraidorganisašuvdna lea Kristelig Folkepartis Ungdom (KrFU).
Bellodat lea huksejuvvon risttalaš árvvuin, mii deattuha sivdnádusa ja olbmo árvvu. Bellodat háliida dan dihtii čavga gena- ja bioteknologiijalága, ja vuosttilda lága mii dikta olbmuid iežaset válljet abortta, ja maiddái vuosttildii oktasaš náittoslága. Seammás bellodagas olusat áŋgiruššet birasbargui, ja ovddideames geafes riikkaid.
Váldoáššit:
Bellodat ásahuvvui Biibbalskuvllas Bergenis 4.9.1933 Ingebrigt Bjørø bovdejumi vuođul, ja son leaige vuosttas jođiheaddji bellodagas.
Muhtun servodatdiehttit leat ovttaoaivilis ahte 1997 válga ja Kjell Magne Bondevika vuosttaš ráđđehus lea dat stuorámus mii lea dáhpahuvvan RaB historjjás. Bellodaga buoremus válga lea eahpitkeahttá stuorradiggeválga jagis 1997, goas bellodat oaččui 12,7 proseantta jienain. Bellodat leai bivnnut ja jagis 1998 oaččui bellodat olles 19.7 % jienain oaiviliskkadeamis maid Norsk Gallup dagai. Dan maŋŋel go bellodat šattai riikkaviidosažža lea jagi 2013 válga heajumus, dušše 4,2 proseantta. Bellodagas leat olu miellahtut jienastuslogu ektui buohtástaladettiin eará bellodagaide.
Bellodagas lei gitta 2013 rádjái risttalaš «dovddastanparagráfa», mii mearkkašii ahte juohkehaš gii háliidii válljejuvvot luohttámušdoaimmaide bellodagas fertii dovddastit risttalažžan ja ovttaoaivilat bellodaga vuođđooainnuin.
Bellodagas leamas guokte stáhtaministtara: Lars Korvald ja Kjell Magne Bondevik. Bellodat lea searvan ovcci koališuvdnaráđđehusain:
Ráđđehus | Áigodat | Bellodagat |
---|---|---|
John Lyng | 28.8.1963–25.9.1963 | Olgeš, RÁb, Guovddáš (Gb), Gurut |
Per Borten | 12.10.1965–17.3.1971 | Guovddáš, Olgeš, RÁb, Gurut |
Lars Korvald | 18.10.1972–16.10.1973 | RÁb, Gurut, Gb |
Kåre Willoch | 14.10.1981–9.5.1986 | Olgeš, RÁb, Gb |
Jan P. Syse | 16.10.1989–3.11.1990 | Olgeš, RÁb, Gb |
Kjell Magne Bondevik I | 17.10.1997–17.3.2000 | RÁb, Gb, Gurut |
Kjell Magne Bondevik II | 19.10.2001–17.10.2005 | RÁb, Olgeš, Gurut |
Erna Solberg | 22.1.2019– | Olgeš, Ovddádusbellodat, Gurut, RÁb |
Erna Solberga ráđđehus lea jođihan 2013 rájes. 22.1.2019 rájes oassálastá RÁb ráđđehussii.
Jahkelohku | Jienat | Proseanta jietnain | Stuorradikki áirasat |
---|---|---|---|
1933 | 1 | ||
1936 | 2 | ||
1945 | 7,9% | 8 | |
1949 | 8,4% | 9 | |
1953 | 10,5% | 14 | |
1957 | 10,2% | 12 | |
1961 | 9,6% | 15 | |
1965 | 8,1% | 13 | |
1969 | 9,4% | 14 | |
1973 | 12,2% | 20 | |
1977 | 12,4% | 22 | |
1981 | 219 179 | 9,4% | 15 |
1985 | 214 969 | 8,3% | 16 |
1989 | 224 852 | 8,5% | 14 |
1993 | 193 885 | 7,9% | 13 |
1997 | 353 082 | 13,7% | 25 |
2001 | 312 839 | 12,4% | 22 |
2005 | 178 885 | 6,8% | 11 |
2009 | 148 748 | 5,5% | 10 |
2013 | 158 475 | 5,6% | 10 |
2017 | 122 797 | 4,2% | 8 |
This article uses material from the Wikipedia Sámegiella article Risttalaš Álbmotbellodat, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisdoalu sáhttá geavahit liseanssain CC BY-SA 4.0, jus ii boađe eará diehtu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sámegiella (DUHOCTRUNGQUOC.VN) is an independent company and has no affiliation with Wiki Foundation.