فيض بخشاپوري انگريزي (Faiz Bukhshapuri) (جنم:1922ع- وفات:1992ع) سنڌي ٻوليءَ جو ناميارو شاعر هو جنهن جا سنڌي ۽ فارسي شاعري ۾ ڪيترائي ڪتاب شايع ٿيل آهن.
ناميارو شاعر، فيض الله خان ولد مصري خان ڊومبڪي ، 1922ع ۾ ضلعي جيڪب آباد جي تعلقي ڪشمور جي ڳوٺ بخشاپور ۾ پيدا ٿيو. پاڻ کي ”فيض بخشاپوريءَ“ تخلص اختيار ڪيائين. ابتدائي تعليم بخشاپور م ورتائين. ننڍپڻ کان ئي موزون طبيعت هيس؛ جنهن ڪري شعر چوڻ لڳو. سندس والد بزرگوار نهايت سنجيده، پرهيزگار وفادار ۽ مانائتو مڙس هو. وٽس ڪنهن به شيءِ جي ڪمي ڪانه هئي. اهڙي ئي سانتيڪي ۽ سکڻي ماحول ۾ فيض صاحب ابتدائي تعليم جا مرحلا ته تيزيءَ سان طيءِ ڪيا، پر پوءِ وڌيڪ تعليم کي ترڪ ڪري، زمينداري پيشي سان لونءَ لڳايائين. پنجن سالن جي مختصر عرصي ۾ کيس پنهنجي قومي سردار، مير تاج محمد خان ڊومبڪيءَ جي صحبت ملي، جيڪو پڻ سخن شناس اڪابر ۽ وڏو داناءُ هو. ڪلام ۾ بناوت، سجاوت، سلاست، بلاغت، جدت، نفاست ۽ لطافت وغيره جا ڪافي عنصر ملن ٿا. صحافي پڻ رهيو.
ناميارو شاعر مارچ 1992ع ۾ وفات ڪري ويو.
This article uses material from the Wikipedia سنڌي، سندھی ، सिन्ध article فيض بخشاپوري, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). مواد CC BY-SA 4.0 ھيٺ موجود آھي جيسيتائين ٻي صورت واضع نہ ڪئي وڃي. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سنڌي، سندھی ، सिन्ध (DUHOCTRUNGQUOC.VN) is an independent company and has no affiliation with Wiki Foundation.