سپت سنڌو
سنڌ کي سپت سنڌو (Sapat Sindhu) ۽ جنت السنڌ (Janat-ul-Sindh) به چيو وڃي ٿو.
سنڌ کي جنت السنڌ جو نالو ان ڪري ڏنو ويو آهي جو پيداوار جي حوالي سان هيءَ برڪت ۽ بچت واري ڌرتي آهي. جنت السنڌ، سنڌو نديءَ جي هڪ وادي آهي، جيڪا ننڍي کنڊ يا برصغير جي ميداني علائقي انڊو جائيگينٽڪ يا پربت جيڏي ميداني علائقي جو الهندو حصو والاري ٿي. هي ميداني علائقو جبلن جي مٽيءَ مان جڙيل آهي. جيڪو ڊيگهه ۾ پندرهن سئو ميل ۽ ويڪر ۾ ڏيڍ سئو ميل آهي. هي ميدان سدو سنئون سنڌو نديءَ کان گنگا ندي تائين جي ڊيلٽا تائين پکڙيل آهي ۽ منجهانئس سنڌو، گنگا ۽ برهمپترا نديون وهن ٿيون. هي پربت جيڏو ميداني علائقو سنڌ، پنجاب، بنگال، آسام ۽ گڏيل علائقا والاري ٿو ۽ هي سڀ علائقا زرخير آهن. هن ميداني واديءَ ۾ ڪڻڪ، ڪپهه، ڪمند ۽ ٻي پوک ٿئي ٿي. ننڍي کنڊ جي هن ميداني علائقي جي اڀرندي حصي تي جهجهو مينهن پوي ٿو. تنهنڪري ان پاسي جو نظارو اولهه واري حصي کان وڌيڪ سهڻو ۽ وڻندڙ آهي. آرين هن ميداني علائقي تي سپت سنڌو ۽ آريا ورت نالا رکيا هئا.
This article uses material from the Wikipedia سنڌي، سندھی ، सिन्ध article سپت سنڌو, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). مواد CC BY-SA 4.0 ھيٺ موجود آھي جيسيتائين ٻي صورت واضع نہ ڪئي وڃي. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سنڌي، سندھی ، सिन्ध (DUHOCTRUNGQUOC.VN) is an independent company and has no affiliation with Wiki Foundation.