بلڙي شاھ ڪريم
بلڙي شاھ ڪريم (انگريزي: Bulri Shah Karim) پاڪستان جي صوبي سنڌ جي ضلعي ٽنڊو محمد خان جو هڪ شھر آهي جيڪو بلڙي شاھ ڪريم تعلقي جو صدر مقام آهي.
ھن شھر جو نالو سنڌ جي مشھور بزرگ ۽ شاعر شاھ عبدالڪريم بلڙي واري جي نالي تان پيو جيڪو شاھ عبداللطيف ڀٽائي جو ڏاڏو ھيو. شھر جو شروع ۾ نالو بلڙي ھيو. شاھ عبدالڪريم (1536-1623) مٽياري ۾ ڄائو ھو ۽ پوء لڏي بلڙي ۾ آيو جنھن ڪري ھن شھر جو نالو بلڙي شاھ ڪريم پئجي ويو. چوڻ ۾ اچي ٿو ته بلڙي ھڪ عورت جو نالو ھيو. ان جي مزار پڻ ھتي واقع آهي جيڪا ھن شھر جي سياحت جو مرڪز آھي. ھن شھر م لکي محلو ۽ شيدي محلو واقع آهن. شھر م ھڪ سرڪاري اسپتال چوويھ ڪلاڪ صحت جي سھولت مھيا ڪري ٿي. ھن شھر کان پنج ڪلوميٽرن جي فاصلي تي جھوڪ شريف واقع آهي جتي صوفي شاھ عنايت شھيد جي درگاھ آھي جتي ھر سال ھزارين ماڻھو زيارت لاءِ ايندا آهن. ھن شھر جو هي پوسٽل ڪوڊ يا زپ ڪوڊ 73020 آھي.
| بلڙي شاھ ڪريم | |
|---|---|
| شھر | |
| Bulri Shah Kareem | |
 سنڌ جي نقشي ۾ ڳاڙهي رنگ سان ڏيکاريل ٽنڊو محمد خان ضلعو جنھن م. ھي شھر پڻ واقع آهي | |
  بلڙي شاھ ڪريم  بلڙي شاھ ڪريم | |
| جاگرافي بيهڪ: 24°51′48″N 68°19′49″E / 24.86333°N 68.33028°E 68°19′49″E / 24.86333°N 68.33028°E | |
| ملڪ |  پاڪستان |
| صوبو |  سنڌ |
| ضلعو | ٽنڊو محمد خان |
| آبادي (2017) | |
| • ڪل | 6,382 |
آبادي
2017ع جي آدمشماري مطابق ھن شھر جي آبادي 6,382 ھئي.
تعليم
ھن شھر م پرائمري، مڊل، سيڪنڊري ۽ ھڪ ھائر سيڪنڊري تعليم جي سھولت لاء اسڪول موجود آهن. گريجوئيشن لاء پڻ ھتي گورنمينٽ ڊگري ڪاليج واقع آهي.
ٽائون ڪاميٽي
بلڙي شاھ ڪريم شھر ٻہ وارڊن تي مشتمل آهي جنھن ۾ ھڪ ميمڻ محلو ۽ ٻئي ۾ لکي محلو اچي وڃن ٿو. شھر جو درجو ٽائون ڪاميٽي وارو آھي. ھر وارڊ مان ھڪ جنرل ڪائونسلر سڌي چونڊ وسيلي چونڊجندو آهي. ڪل ڪائونسلر گڏجي شھر جي ٽائون ڪميٽي جي چيئرمين ۽ وائس چيئرمين کي چونڊيندا آهن.
حوالا
This article uses material from the Wikipedia سنڌي، سندھی ، सिन्ध article بلڙي شاھ ڪريم, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). مواد CC BY-SA 4.0 ھيٺ موجود آھي جيسيتائين ٻي صورت واضع نہ ڪئي وڃي. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سنڌي، سندھی ، सिन्ध (DUHOCTRUNGQUOC.VN) is an independent company and has no affiliation with Wiki Foundation.