آمريت
آمريت يا ڊڪٽيٽرشپ (Dictatorship) حڪومت ڪرڻ جو هڪ اهڙو سرشتو آهي، جنھن ۾ سياسي طاقت هڪ شخص يا گروھ جي هٿن ۾ هجي تہ اهڙو شخص يا گروھ عوامي راءِ جي پرواھ نہ ڪندو آهي.
آمريت جون ٽي امڪاني صورتون آهن:
- هڪ گروھ يا شخص کي مليل اقتدار، جنھن ۾ ٻئي جي شرڪت يا ڪنھن اداري ڏانھن جوابداريءَ بنا هُو اهي سڀ ڪم ڪري سگهي، جيڪي سندس نظر ۾ جائز ۽ واجبي هُجن. جيئن قديم دور ۾ رومي بادشاھ حڪومت هلائيندا هئا.
- ورثي ۾ مليل سلطنت جي حُڪومت، جيڪا ڪنھن هڪ شخص جي اشارن تي هلي ۽ سندس حُڪمن کي قانون جو درجو ڏنو وڃي.
- سياسي پارٽين جي اهڙي حڪومت، جيڪا ڪنھن هڪ شخص جي حڪمن تي عمل ڪندي هُجي ۽ اهو شخص آئين، قانون ۽ ادارن ۾ پنھنجي مرضيءَ مطابق تبديليون ڪري پسند جا فيصلا ڪرائي سگهي.
ويھين صديءَ جي عالمي سياست ۾ اهڙن حڪمرانن ۾ مسوليني، هٽلر، اسٽالن ۽ ضياءالحق وغيره شمار ٿين ٿا. سندن پوئلڳ کين ”فيورر“، ”ڊيوس“ ”ووزد“ ۽ ”مرد مومن مرد حق“ جي لقبن سان سڏيندا هُئا.
حوالا
This article uses material from the Wikipedia سنڌي، سندھی ، सिन्ध article آمريت, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). مواد CC BY-SA 4.0 ھيٺ موجود آھي جيسيتائين ٻي صورت واضع نہ ڪئي وڃي. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سنڌي، سندھی ، सिन्ध (DUHOCTRUNGQUOC.VN) is an independent company and has no affiliation with Wiki Foundation.