英国: 西欧一国家

The United Kingdom of Great Britain and Northern Ireland Teyrnas Unedig Prydain Fawr a Gogledd Iwerddon An Rìoghachd Aonaichte na Breatainn Mhòr agus Eirinn mu Thuath Ríocht Aontaithe na Breataine Móire agus Thuaisceart Éireann Unitit Kingdom o Great Britain an Norlin Airlann 大不列颠北爱尔兰联合王国
国旗 国徽
国家格言：上帝搭仔吾个权力（法语：Dieu et mon droit）
国歌：天佑国王 （God Save the King）
自然地理 （实际管辖区）
首都	伦敦（London）
最大城市	伦敦
面积 国土面积：244,820平方公里 水域率：1.34%
时区	+0 （夏令时+1）
人民生活
官方语言	英语、威尔士语、低地苏格兰语、阿尔斯特苏格兰语、苏格兰盖尔语、康沃尔语、爱尔兰语
人口 总人口：67,081,000人（2020年） 人口密度：270.7/平方公里（2020年）/km2
政治文化
政治体制	君主立宪制
国家领导人： 国家元首（国王）：查尔斯三世 政府首脑（首相）：里希·苏纳克
经济实力
货币单位	英镑
国家资料
国际域名缩写	.uk
国际电话区号	44
編輯

英国有四個构成国，分别是英格兰、苏格兰、威尔士搭仔北爱尔兰，后头三個拥有一定个权力。三地首府分别是爱丁堡、卡迪夫搭仔贝尔法斯特。附近个马恩岛、根西行政区同泽西行政区并弗是联合王国个一部分，算皇家属地，英国政府负责伊拉个国防搭外交事务。

英国是君主立宪制国家，通过议会制管理。现在个英国君主是国王查尔斯三世，2022年9月8号即位个。

英国也叫“英伦三岛”（源自19世纪英格兰、苏格兰、爱尔兰），是大西洋里向个岛国。国家位于欧洲西部，搭仔法国、比利时、荷兰、爱尔兰咾啥隔海相望。

 

英国个国土主要集中在拉不列颠岛上向，总体上地势比较平缓，无没忒过高个山峰。弗过土壤也弗是顶肥沃，适合放牧，个咾中世纪辰光英国农牧业就已经邪气发达哉。

英国资源在拉欧洲算丰富个，兰开夏搭默西塞德地区有得煤炭，北海里向有得石油。

英国乃朝个人口已经超过6200万，个当中三分之一住在英格兰东南部（首都伦敦就有将近800万）。迭个里向英国白人数量在拉弗断低落，东欧移民数量则一径上升。本土个少数族裔包括巴基斯坦人、孟加拉人、索马里人、尼日利亚人咾啥，大部分相信伊斯兰教，出生率高；乃朝少数族裔多数聚居拉大城市个贫民区，造成治安问题替恐怖主义问题。英国华人有靠40万在许，以香港替东南沿海人为主。弗过近玱，北方人也逐眼多起来哉。

英国个历史好分成功史前阶段、不列颠尼亚时代、罗马征服、盎格鲁撒克逊时代、中世纪、都铎王朝、斯图亚特王朝、乔治王时代、维多利亚时代以及20世纪至今几隻部分。

2020年，英国是世界第5大经济体。

传统上向，英国是基督教国家；但不过1950年代之后，基督教个信徒比例一直在拉降低。再加上移民个关系，乃朝英国个宗教情况邪气复杂。

基督教

基督教在英国已经传播仔1500多年。宗教改革之前，英国一直是天主教国家。邪气有名个狮心王就参加十字军东征。都铎王朝亨利八世个改革，让英国个教会独立，产生乃朝个圣公会。弗过，圣公会对信徒个控制一直弗大稳固，内部还为仔礼仪问题相争相论。天主教在宗教改革之后相当长远一玱里是禁止个，直到19世纪再开始复苏。20世纪90年代之后，波兰移民个进入让天主教开始扩张。乃朝英国有500多万天主教徒。2000年代之后，东正教也开始迅速传播，迭眼情况，侪是移民带来个。本土个白人基督徒数目一径低落，在英格兰北许、西许，有种场许基督徒已经变成功本地个少数派。根据2014年个统计，英国人有得59%是基督徒。

伊斯兰教

伊斯兰依靠生育替移民，人口飞速增长。乃朝已经有得300万穆斯林，主要来自巴基斯坦、阿富汗、孟加拉、索马里等穷国，伊拉融入弗进英国社会里向，自家合帮合淘形成功小帮派，交关穆斯林想通过排斥英国人占领英国，乃么社会问题越来越严重。

其他宗教

• 锡克教徒60万人
• 印度教徒40万人
• 犹太教徒30万人
• 佛教徒2万5000人