The Championships, Wimbledon: Auldest tennistoornament in the warld

It haes been held at the All England Club in Wimbledon, Lunnon, syne 1877. It is ane o the fower Grand Slam tennis toornaments (Majors), the ithers bein the Australian Open, the French Open (Roland Garros) an the US Open. Syne the Australian Open shiftit tae haird coort in 1988, Wimbledon is the anerly Major still played on grass, the gemme's oreeginal surface, whilk gae the gemme its oreeginal name o "lawn tennis".

The toornament taks place ower twa weeks in late Juin an early Julie, culminatin wi the Ladies' an Gentlemen's Singles Final, scheduled for the seicont Setturday an Sunday respectively. Ilka year five major, junior, an invitational events is held.

The haird coort (Plexicushion) Australian Open an clay coort French Open precede Wimbledon in the year, an the haird coort (DecoTurf) US Open follaes. For men, the grass coort Queen's Club Championships, an aa in Lunnon, an the Gerry Weber Open in Halle, Germany, serve as warm-up events; for weemen, the Aegon Classic in Birmingham an twa jynt events, the Topshelf Open in 's-Hertogenbosch, Netherlands an the Eastbourne Internaitional.

Wimbledon tradeetions include a strict dress code for competitors, the eatin o strawberries an cream bi the spectators, an Ryal patronage. The toornament is forbye notable for the absence o sponsor advertisin aroond the courts. In 2009, Wimbledon's Centre Coort wis fittit wi a retractable roof tae lessen the loss o playin time due tae rain.