Spainie: Kintra in soothwastren Europe wi territories in Africae

The kintra's mainland is mairchit tae the sooth an east bi the Mediterranean Sea except for a smaw laund boondar wi Gibraltar; tae the north an northeast bi Fraunce, Andorrae, an the Bay o Biscay; an tae the wast an northwast bi Portugal an the Atlantic Ocean. Spaingie territory includes twa muckle airchipelagaes, the Balearic Islands in the Mediterranean Sea an the Canary Islands aff the African Atlantic coast, twa ceeties, Ceuta an Melilla, on the African mainland an several smaw islands in the Alboran Sea near the African coast. Spain is the anerly European kintra tae hae a mairch wi an African kintra (Morocco)

Kinrik o Spainie Reino de España
Banner Coat o airms
Motto: "Plus Ultra" (Laitin) "Further Ayont"
Anthem: "Marcha Real" "Ryal Mairch"
Location o  Spainie  (dark green) – on the European continent  (green & dark grey) – in the European Union  (green)  —  [Legend]
Caipital and largest city	Madrid 40°26′N 3°42′W / 40.433°N 3.700°W / 40.433; -3.700
Offeecial leid an naitional leid	Spaingie
Recognised regional leids	Aragonese Asturian Basque Catalan Galicie Occitan
Ethnic groups (2015)	89.9% Spaingie 10.1% ithers
Demonym(s)	Spaingie Spaniard
Govrenment	Unitary pairlamentary constitutional monarchy
• Monarch	Felipe VI
• Prime Meenister	Mariano Rajoy
Legislatur	Cortes Generales
• Upper house	Senate
• Lower house	Congress o Deputies
Formation
Aurie
• Total	505,990 km2 (195,360 sq mi) (52nt)
• Water (%)	1.04
Population
• 2015 estimate	46,439,864 (30t)
• 2011 census	46,815,916
• Density	92/km2 (238.3/sq mi) (106t)
GDP (PPP)	2014 estimate
• Total	$1.619 trillion (16t)
• Per capita	$34,899 (32nt)
GDP (nominal)	2014 estimate
• Tot	$1.230 trillion (14t)
• Per capita	$26,517 (28t)
Gini (2013)	33.7 medium
HDI (2013)	0.869 verra heich · 27t
Currency	Euro (€) (EUR)
Time zone	UTC+1 (CET)
• Summer (DST)	UTC+2 (CEST)
Date format	dd/mm/yyyy (CE)
Drivin side	right
Cawin code	+34
ISO 3166 code	ES
Internet TLD	.es

Wi an aurie o 505,990 km² (195,360 sq mi), Spain is the lairgest kintra in Soothren Europe, the seicont lairgest kintra in Wastren Europe an the European Union, an the fowert lairgest kintra in the European continent. Bi population, Spain is the saxt lairgest in Europe an the fift in the European Union. Spain's caipital an lairgest ceety is Madrid; ither major urban auries include Barcelona, Valencia, Seville, Bilbao an Málaga.

Modren humans first arrivit in the Iberie Peninsula aroond 35,000 year ago. Iberie culturs alang wi auncient Phoenicie, Greek an Carthaginian dounsets developit on the peninsula till it cam unner Roman rule aroond 200 BCE, efter that the region wis namit Hispania, based on the earlier Phoenicie name Sp(a)n or Spania. At the end o the Wastren Roman Empire the Germanic tribal confederations migratit frae Central Europe, invadit the Iberian peninsula an established relatively independent realms in its wastren provinces, includin the Sueves, Alans an Vandals. Eventually, the Visigoths wad forcibly integrate aw remeenin unthirlt territories in the peninsula, includin Byzantine provinces, intae the Kinrick o Toledo, that mair or less unifee'd poleetically, ecclesiastically an legally aw the umwhile Roman provinces or successor kinricks o that wis then documentit as Hispanie.

In the late aicht century the Visigothic kinrick fell tae the Moors, that ruled maist o the peninsula for the next seiven centuries, leavin anerly a haundful o smaw Christian realms in the north. Follaein the Moorish conquest, Europeans begoud a gradual process o retakkin the region kent as the Reconquista, that bi the late 15t century culminatit in the emergence o Spain as a unifee'd kintra unner the Catholic Monarchs. In the early modren period, Spain becam ane o history's first global empires, leavin a vast cultural an lingueestic legacy that includes ower 500 million Hispanophones, makkin Spaingie the warld's seicont maist spoken native leid, efter Mandarin Cheenese.

Spain is a secular pairlamentar democracy an constitutional monarchy, wi King Felipe VI as heid o state. It is a major developit kintra wi the warld's fowerteent lairgest economy bi nominal GDP an saxteent lairgest bi purchasin pouer parity. It is a member o the Unitit Naitions (UN), the European Union (EU), the Eurozone, the Cooncil o Europe (CoE), the Organisation o Ibero-American States (OEI), the Union for the Mediterranean, the North Atlantic Treaty Organization (NATO), the Organisation for Economic Co-operation an Development (OECD), OSCE, the Schengen Aurie, the Warld Tred Organisation (WTO) an mony ither internaitional organisations. Spain hars a "permanent invitation" tae the G20 summits that occur generally ance a year.