Scots Beuk Sculptures

The sculptures ur on topics maistly anent Scots leeteratur an poetry, an ur makit fae auld beuks bi an unkenned female sculptor.

The stairtin group o sculptures wis 10 sculptures that war left at sindry cultural pairts in Embro, Scotland, atween Mairch an November 2011, as gifts tae the cultural institutions an fowk o the city. The sculptures came wi gift labels that rooset leeteracy an the luve o wirds an argied conter leebrary an ither airts fond cuts. An eleivent sculpture wis gied tae writer Ian Rankin, whase wirk wis weel-forrit in mony o the ither sculptures. The ten Embro sculptures wur tourt athort Scotland in a shawin in late 2012.

The sculptor wis contractit tae mak ainither five sculptures tae be dernt in secrit pairts athort Scotland as pairt o Book Week Scotland, that stairted in November 2012. In December 2012, the sculptor gied ainither gift sculpture tae the Scottish Poetry Library, wha haed awreidy gotten twa o her earlier wirks.

Furst sculpture

The furst sculpture wis fand oan Tysday 11 Mairch 2011, left oan a table in the Scottish Poetry Library. It featurt a tree staundin oan an auld beuk. At the base o the tree wis an egg, braken in hauf an the inner lined wi gowd formin wirds fae the poem "A Trace of Wings" bi Edwin Morgan. It haed a tag backin tae @byleaveswelive, the name o the leebrarie's Twitter accoont readin "It started with your name @byleaveswelive and became a tree.… … We know that a library is so much more than a building full of books… a book is so much more than pages full of words.… This is for you in support of libraries, books, words, ideas….. a gesture (poetic maybe?)". It wis gien the name "poetree" bi the leebrarie staff.

Seicont sculpture

The seicont sculpture wis fand in late Juin 2011 at the National Library of Scotland, a "delicately crafted" gramophone an a deidbox creatit fae a copy o Ian Rankin's novelle Exit Music. The note wi it read "For @natlibscot – A gift in support of libraries, books, words, ideas….. (& against their exit)".