Würstel: Speci di nsaccàtu

Lu würstel n cummerciu nn'Italia currispunni ô Würstchen (letteralmenti "sasizzeddha di Vienna").

Ntâ Svizzira venni chiamatu Wienerli e Würstel ni Francoforti. Sti dui tipi su diversi: lu primu è nicu si servi appaiatu a n'âutru, lu sicunnu è cchiù granni e si servi a sulu. Di ricenti, lu würstel talianu arranciuncì na propria ndividualità, tantu ca si putissi parrari di nna tipuluggìa armenu parzialmenti distinta.
Sulitamenti, li würstel vìnninu vinnuti càudi ntî strati e li vìi dî centri stòrici ni bancarelli o carretti, misi intra nu paninu ccu na sarsa chi si pò scegghiri tra ketchup, maiunese, senape.

Li tedeschi mangianu li würstel abbinati ccu li crauti.

La carni veni capuliata ccû grassu di maiali, aromi, additìvi e n'alta percentuali di acqua agghiacciata, poi tuttu veni nsaccatu e cottu ni forni di vapuri.

A diffirenza di chìddu ca accadi spessu, nu würstel di bona qualità nun avissi a cuntèniri scarti o cureddha, fatta eccezzioni ppi arcuni prudotti. Spessu li würstel cuntengunu ssi parti dû maiali ca nun si ponu trovari nni chianchieri, cumu li zòccoli o ntiriora, ca difficilmenti s'addistingunu ccû grassu a cui si uniscunu.

Cumu n'vòlicru si usa nna speci di gilatìna ppî würstel senza peddhi, mentri ppi l'âutri si usa nu nvòlicru sìmili a na pillicula di plàstica.

N salintinu a mmera Caddipuli-Santa Maria di Leuca la parola ca se usa, picca pi la viritati, pi diri wruster è servula.

 

Chista è na vuci nzirita nni l'artìculu n vitrina, zoè una dî mègghiu vuci criati dâ cumunità.
Fu arricanusciuta lu 27 di uttùviru 2009

S'hai traduciutu n'artìculu o hai criatu na vuci e riteni ca sia lu casu di fàrila canùsciri picchì è cumpreta n tuttu, signàlila. Naturalmenti, sunnu boni accittati suggirimenti e canciamenti chi mìgghiùranu lu travagghiu.

Signala na vuci          Archiviu         Talìa tutti l'articuli n vitrina