Struògnuli (n italianu Stròmboli) è una di l'ìsuli Eolî e dû vurcanu omònimu chi desi uriggini all'isula circa 40000 anni fa, e chi è tra li cchiù attivi dû munnu.
La sò attivitati rigulari duna lu nomu ê fasi d'eruzzioni vurcànichi cu effusioni rigulari e cuntìnua di lava, attivitati chi sunnu canusciuti cû nomu di attivitati strummuliana.
L'ìsula cunta du' paiseddi, Struògnuli, e Ginostra pi nu tutali di circa 500 abbitanti, appartinenti amministrativamenti ô cumuni di Lipari, e chi ntâ stati pònnu divintari quasi lu duppiu. Nti l'ìsula nunn c'è circulazzioni di màchini, e puru l'elittricità fu ntruduciuta ricintimenti. Veni chiamatu "Iddu" di l'abbitanti di l'isula.
Lu vurcanu havi eruzzioni giniralmenti friquenti e la cui culata lavica s'adduvaca ntâ cusidditta sciara dû focu. Eruzzioni particularmenti viulenti foru rigistrati ntô 1919 e ntô 1930.
A Struògnuli fu giratu lu film omònimu, Stromboli, di Robbertu Rossellini, cu Ingrid Bergman.
This article uses material from the Wikipedia Sicilianu article Struògnuli, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Stu cuntinutu è dispunìbbili sutta â CC BY-SA 4.0 quannu nun veni spicificatu diversamenti. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sicilianu (DUHOCTRUNGQUOC.VN) is an independent company and has no affiliation with Wiki Foundation.