Puggilatu Tailannisi
Lu puggilatu tailannisi (o Muay Thai) è n'arti marziali) chi fu sviluppata 'n Tailannia.
È canusciutu macari comu "l'arti di tutti li mèmmira", pirchì li manu, li pedi, li gùviti e li dinocchia sunnu tutti assai usati.
Macari siddu li càuci àuti a la testa ponnu pariri mprissiunanti nta la cumpitizzioni, li sperti di stu sport assicùranu ca li càuci vasci (low kicks) e li corpi cu li gùviti e li dinocchia sunnu cchiù divastanti pi li cummattenti.
Duranti la cumpitizzioni, lu participanti fa la cirimonia longa e lu rituali prima di cummàttiri. Chisti asìstinu pi raggiuni riliggiusi e sèrvinu comu n'allungamentu e comu priparazzioni.
L'allinamentu pi lu puggilatu tailannisi è canusciutu pi la sò ntinzitati e lu sò riguri. Mira a nduriri l'ottu armi dû corpu umanu, accussì ca l'èssiri curputu di la tibbia di lu pùggili tailannisi è spessu paragunatu a èssiri curputu di na mazza di baseball. Li pùggili tailannisi caucìanu cu la tibbia nveci di lu pedi.
Lu puggilatu tailannisi nfluinzau tantu lu sviluppu di lu kick-boxing chi fu criatu appoi nta lu Giappuni, 'n Europa e 'n Amèrica di lu Nord.
Quasi tutti li muvimenti nta lu puggilatu tailannisi ùsanu lu corpu nteru, mentri gira l'anca a ogni càuciu e ogni corpu di pugnu. Di cunziquenza, l'attacchi e li difisi nta lu puggilatu tailannisi sunnu cchiù lenti ma cchiù putenti p'asempiu di chiddi di lu puggilatu o di lu karate.
This article uses material from the Wikipedia Sicilianu article Puggilatu tailannisi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Stu cuntinutu è dispunìbbili sutta â CC BY-SA 4.0 quannu nun veni spicificatu diversamenti. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sicilianu (DUHOCTRUNGQUOC.VN) is an independent company and has no affiliation with Wiki Foundation.