Nùmmuru Naturali

'n matimàtica sti nùmmura sunnu â basa di l'aritmètica e dâ Tiurìa dî nùmmura. Quarchi vota si cunsìdira puru lu 0 comu nùmmuru naturali. Particulari mpurtanza havi lu cuncettu di nùmmuru primu.

Ogni nùmmuru naturali ammetti na fatturizzazzioni ùnica, veni a diri ca pi ogni nùmmuru naturali nn'esìstinu na certa quantità di nùmmura primi (e sta quantità è ùnica) tali ca lu prudottu dî nùmmura primi duna n. Li nùmmura naturali ccu nu signu + o menu cumpòninu li nùmmura rilativi.

Nurmarmenti, li nùmmura naturali sunnu ndicati n ginirali ccu la littra ${\displaystyle \mathbb {N} }$. Lu sìmmulu ${\displaystyle \mathbb {N} ^{*}}$ o ${\displaystyle \mathbb {N} ^{+}}$ ìnnica li nùmmura naturali pusitivi, cioé senza lu zeru, ne mentri ca lu sìmmulu ${\displaystyle \mathbb {N} _{0}}$ ìnnica spicificamenti li nùmmura naturali cumprisu lu zeru.