Frivaru 2014

• Roma: Lu cuvernu novu di Matteu Renzi, ca si cumponi di 16 ministri, ottu òmini e ottu fìmmini, giurau davanzi a Giorgiu Napulitanu.

19 di frivaru

• Catania: L'ex prisidenti dâ riggiuni Siciliana Raffaeli Lombardu fu cunnannatu di nu tribbunali catanisi a sei anni e ottu misi di carciri pi cuncursu esternu n assuciazzioni mafiusa.
• Roma: Doppu li dimissioni di Enricu Letta, lu prisidenti dâ ripùbbrica Giorgiu Napulitanu numinau a Matteu Renzi di circari di furmari nu cuvernu novu.

18 di frivaru

• Augusta: Li circa 1000 extracumunitari sbarcati nti l'ùrtimi jorna n Sicilia, doppu la chiusura dû centru di Lampidusa vènunu purtati ntâ cità dâ costa sarausana.

• Kiev: Lu prisidenti Viktor Yanucovich fu licinziatu dû parramentu ca vutau la sò distitutzzioni. Lu parramentu vutau puru la scarcirazzioni di Iulia Timoschenko, ex primu ministru e cunsidirata una dî capi di l'uppusizzioni â prisidenza ucraina.

18 di frivaru

• Kiev: Armenu 25 morti tra manifistanti e polizzia nti li chiazzi dâ capitali, n sèquitu â crisi ca di di versi simani, cchiùi, pigghiau 'n Ucraina pi quistioni liati â dicisioni cuntruversi dû prisidenti Viktor Yanucovich n materia di pulitica forastera.

7 di frivaru

• Soci: Li Olimpiadi mmirnali accuminzaru ogghi cu na cirimonia di graputa ntâ citati russa n riva ô mari Niuru.