Braşov (ca si prununza Bràsciov) è na citati dâ Rumania.
Ntô 2002, la sô pupulazzioni fu di 283.901 abbitanti. Lu sô nomu n tudiscu è "Kronstadt" e n ungarisi è "Brassó".
Braşov è situata ntô centru dâ Rumania, a 166 chm dâ capitali Bucarest, ntâ catina muntagnosa dî Carpazzi. Fa parti dâ riggiuni dâ Transilvania.
La citati fu funnata dû l'òridini dî Cavallera Teutònici ntô 1211. Ntô sèculu XIII e sèculu XIV, Braşov fu attaccata dî Tatari e dî turchi. Granni mura foru custruiuti pi pruttiggìrila ca arristanu nzinu ô sèculu XVII.
Ntô sèculu XVI, la citati addiventa un granni centru econùmicu grazzî a la sô pusizzioni geogràfica assai ntirissanti e arcuni privileggi fiscari. Nta chista èbbica ci foru 45 corpurazzioni diversi e la prospiritati pirmisi l'edificazzioni di nummarusi palazzi ca si ponnu vidiri macari oggi. Nta chistu sèculu ci campàu e travagghiàu macari l'umanista tudiscu Johannes Honterus. Li primi libbra rumini sunnu stampati di Coresi. Ma ntô 1688, un focu granni distruggi la citati e la pupulazzioni fruntiggiari gravi malatìi ca ammazzaru assai pirsuni.
Ntô sèculu XIX, foru distruiuti li mura dâ citati e chiddu pirmisi un rinovu di li attivitati cu l'arrivu di fàbbrichi e manufatturi. Quannu la riggiuni fu occupata di l'Austria, ci fu stampatu lu jurnalu pâ ndipinnenza "Gazzetta dâ Transilvania".
Doppu la Prima Guerra Munniali, Braşov addiventa lu secunnu centru econùmicu dû paisi darreri la capitati Bucarest, ma la citati fu parziarmenti distruiuta dî bummardamenti dâ Secunna Guerra Munniali.
Dû 1951 ô 1961, la citati si chiamàu "Oraşul Stalin" (la Citati di Stalin), n onuri di Giuseppi Stalin.
Rifirimenti: Braşov en français
This article uses material from the Wikipedia Sicilianu article Braşov, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Stu cuntinutu è dispunìbbili sutta â CC BY-SA 4.0 quannu nun veni spicificatu diversamenti. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sicilianu (DUHOCTRUNGQUOC.VN) is an independent company and has no affiliation with Wiki Foundation.