Burgu De Londra Greenwich

Su Burgu Reale de Greenwich (pronùntzia: /ˈɡrɛnɪtʃ/, //ˈɡrɛnɪtʃ// opuru //ˈɡrɛnɪdʒ//) est unu burgu de sa tzitade de Londra, in Inghilterra, nòdidu pro èssere sa localidade pro sa cale in su de XIX sèculos est istadu adduidu de fàghere colare su meridianu chi tenet longitùdine 0, balet a nàrrere su meridianu fundamentale o meridianu de Greenwich.

Su burgu de Greenwich benit formadu in su 1965 dae s'unione de su burgu metropolitanu de Greenwich e de sa majore ala de su burgu metropolitanu de Woolwich (cun s'etzetzione de North Woolwich, a nord de su Tamigi, chi divenit ala de su burgu londinesu de Newham).

Fiat istadu pessadu, in comintzu, de dare a su burgu nou su nùmene de "Charlton". Nointames, aende Greenwich fatu recherta pro otènnere su status de tzitade, su nùmene chi diat èssere istadu dadu a su burgu diat èssere istadu City of Greenwich; duncas, est istadu retentu prus importante dèpere dare a su burgu su nùmene de Greenwich. Sa recherta pro s'atributzione de su tìtulu de tzitade est istada nointames refudada.