Connecticut

Su Connecticut (kəˈnɛtɨkət, kuh-net-i-kət) est unu istadu federadu chi faghet parte de sos Istados Unidos e chi s'agatat in su Nord-Est de sa natzione. Faghet parte de sa regione de Noa Inghilterra in ue est s'istadu prus meridionale.

Faghet lacana cun is istados federados Rhode Island in s'Est, Massachusetts in su Nord, New York in s'Ovest e in su Sud tenet bessida in sa foghe de su frùmene Connecticut. Sa capitale est Hartford.

S'istadu pigat nòmene de su frùmene chi d'atraessat e ddu chìrriat in duos cantones. Connecticut benit de unu faeddu de limba Algonchina chi cheret nàrrere frùmene longu chi chìrriat.

Est naradu fentzamentas Istadu de sa Costitutzione e at tentu meda importu in s'isvilupu de su guvernu federale de sa natzione.

In istérrida est su de 3 istados prus pitios, su de 29 prus populados e su de 4 in densidade in sos Istados Unidos.

Manna parte de su territòriu meridionale e otzidentale de su Connecticut pigat parte a s'area metropolitana de New York.

Is primos bividores suos fiant olandesos e pro metade fiat difatis parte de su territòriu coloniale chi teniat nòmene de Olanda Noa.

Is cussòrgias mannas sunt però de su 1630, dèpidos a is inglesos.

In su tempus de sa Rivolutzione Americana su Connecticut est istadu una de sas trèighi colònias chi si sunt ribelladas.