ᱵᱟᱥᱛᱟᱨ ᱦᱚᱱᱚᱛ: ᱪᱷᱚᱛᱛᱤᱥᱜᱚᱰ ᱨᱮᱱᱟᱜ ᱦᱚᱱᱚᱛ, ᱥᱤᱧᱚᱛ
ᱵᱟᱥᱛᱟᱨ ᱦᱚᱱᱚᱛ ᱫᱚ ᱛᱟᱢᱞᱟ ᱥᱤᱧᱚᱛ ᱨᱮᱱᱟᱜ ᱪᱷᱚᱛᱛᱤᱥᱜᱚᱲ ᱯᱚᱱᱚᱛ ᱨᱮᱭᱟᱜ ᱢᱤᱫᱴᱟᱹᱝ ᱦᱚᱱᱚᱛ ᱠᱟᱱᱟ ᱾ ᱡᱚᱜᱽᱫᱚᱞᱯᱩᱨ ᱠᱟᱱᱟ ᱱᱤᱭᱟᱹ ᱦᱚᱱᱚᱛ ᱨᱮᱭᱟᱜ ᱫᱚᱵᱷᱟᱴᱤᱭᱟᱹ ᱴᱷᱟᱹᱭ ᱫᱚ, ᱟᱨ ᱵᱟᱥᱛᱟᱨ ᱠᱷᱚᱱᱰ ᱨᱮ ᱜᱮ ᱯᱟᱲᱟᱣ ᱟᱠᱟᱱᱟ ᱾ ᱱᱤᱭᱟᱹ ᱦᱚᱱᱚᱛ ᱫᱚ ᱞᱮᱠᱷᱟ ᱜᱩᱴ ᱑᱐᱗᱕᱕.᱗᱙ ᱪᱟᱹᱣᱠᱟᱹ ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ ᱾ ᱵᱟᱥᱟᱛᱟᱨ ᱦᱚᱱᱚᱛ ᱨᱮᱭᱟᱜ ᱠᱚᱭᱮ ᱯᱟᱪᱷᱮ ᱱᱟᱠᱷᱟ ᱛᱮ ᱫᱚ ᱱᱟᱨᱟᱭᱟᱱ ᱯᱩᱨ ᱦᱚᱱᱚᱛ ᱨᱮᱭᱟᱜ ᱥᱤᱢᱟᱹ ᱨᱮ ᱡᱟᱯᱟᱜ ᱟᱠᱟᱱᱟ, ᱠᱚᱭᱮ ᱱᱟᱠᱷᱟ ᱛᱮ ᱫᱚ ᱠᱚᱱᱰᱟᱜᱟᱶ ᱦᱚᱱᱚᱛ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ, ᱥᱟᱢᱟᱝ ᱱᱟᱠᱷᱟ ᱛᱮ ᱫᱚ ᱚᱵᱤᱥᱟ ᱯᱚᱱᱚᱛ ᱨᱮᱭᱟᱜ ᱱᱚᱵᱚᱨᱚᱝ ᱯᱩᱨ ᱦᱚᱱᱚᱛ ᱟᱨ ᱠᱚᱨᱟᱯᱩᱴ ᱦᱚᱱᱚᱛ ᱨᱮ ᱡᱟᱯᱟᱜ ᱟᱠᱟᱱᱟ, ᱮᱛᱚᱢ ᱟᱨ ᱮᱛᱚᱢᱼᱯᱟᱪᱮ ᱱᱟᱠᱷᱟ ᱛᱮ ᱫᱚ ᱫᱟᱱᱛᱮ ᱣᱟᱲᱟ ᱦᱚᱱᱚᱛ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ, ᱟᱨ ᱯᱟᱪᱮ ᱱᱟᱠᱷᱟ ᱛᱮ ᱫᱚ ᱢᱚᱦᱟᱨᱟᱥᱴᱚ ᱯᱚᱱᱚᱛ ᱨᱮᱭᱟᱜ ᱜᱚᱰᱪᱤᱨᱚᱞᱤ ᱦᱚᱱᱚᱛ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱾ ᱱᱤᱭᱟᱹ ᱦᱚᱱᱚᱛ ᱨᱮ ᱫᱚ ᱟᱹᱫᱤᱵᱟᱹᱥᱤ ᱟᱨ ᱩᱰᱤᱭᱟᱹ ᱞᱟᱭ ᱞᱟᱠᱪᱟᱨ ᱛᱮ ᱮᱞᱟᱝ ᱚᱨᱥᱚᱝ ᱜᱮᱭᱟ ᱾
| ᱛᱟᱥᱛᱟᱨ ᱦᱚᱱᱚᱛ | |
|---|---|
| ᱪᱷᱚᱛᱛᱤᱥᱜᱚᱲ ᱨᱮᱭᱟᱜ ᱦᱚᱱᱚᱛ | |
 ᱪᱤᱛᱨᱚᱠᱚᱴ ᱡᱷᱟᱨᱱᱟ, ᱵᱟᱥᱛᱟᱨ | |
.svg) ᱪᱷᱚᱛᱛᱤᱥᱜᱚᱲ ᱨᱮ ᱵᱟᱥᱛᱟᱨ ᱦᱚᱱᱚᱛ ᱨᱮᱭᱟᱜ ᱴᱷᱟᱶ | |
| ᱫᱤᱥᱚᱢ | ᱥᱤᱧᱚᱛ |
| ᱯᱚᱱᱚᱛ | ᱪᱷᱚᱛᱛᱤᱥᱜᱚᱲ |
| ᱠᱷᱚᱸᱰ | ᱵᱟᱥᱛᱟᱨ |
| ᱢᱟᱹᱪᱤ | ᱡᱚᱜᱽᱫᱚᱞᱯᱩᱨ |
| ᱮᱨᱤᱭᱟ | |
| • ᱡᱚᱛᱚ ᱛᱮ | 10470 ᱠᱤᱢᱤ২ (4040 ᱜᱟᱺᱴ ᱢᱟᱭᱤᱞ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱡᱚᱛᱚ ᱛᱮ | ᱑,᱔᱑᱑,᱖᱔᱗ |
| • ᱰᱮᱱᱥᱤᱴᱤ | 130/ᱠᱤᱢᱤ2 (350/ᱜᱟᱺᱴ ᱢᱟᱹᱭᱤᱞ) |
| ᱦᱚᱲ ᱮᱞᱮᱞ | |
| • ᱥᱤᱠᱷᱱᱟᱹᱛ | ᱥᱟᱭᱠᱚᱲᱟ |
| IST (ᱭᱩᱴᱤᱥᱤ+᱐᱕:᱓᱐) | |
ᱯᱟᱹᱨᱥᱤ
᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱥᱤᱚᱛ ᱦᱚᱲ ᱞᱮᱠᱷᱟ ᱞᱮᱡᱟ ᱛᱮ, ᱵᱟᱥᱛᱟᱨ ᱦᱚᱱᱚᱛ ᱨᱮ ᱥᱟᱭ ᱠᱟᱲᱟ ᱔᱐.᱐᱕% ᱦᱤᱥ ᱦᱚᱲ ᱫᱚ ᱦᱟᱵᱽᱞᱤ ᱯᱟᱹᱨᱥᱤ ᱠᱚ ᱨᱚᱲ ᱮᱫᱟ, ᱥᱟᱭ ᱠᱟᱲᱟ ᱒0.0᱘% ᱦᱤᱥ ᱦᱚᱲ ᱫᱚ ᱜᱚᱱᱰᱤ ᱯᱟᱹᱨᱥᱤ ᱠᱚ ᱞᱟᱲ ᱪᱟᱲ ᱮᱫᱟ, ᱥᱟᱭ ᱠᱟᱲᱟ ᱑᱙.᱑᱓% ᱦᱤᱥ ᱦᱚᱲ ᱫᱚ ᱦᱤᱱᱫᱤ ᱯᱟᱹᱨᱥᱤ ᱠᱚ ᱞᱥᱲ ᱪᱟᱲ ᱮᱫᱟ, ᱑᱖,᱕᱘% ᱦᱤᱥ ᱦᱚᱲ ᱫᱚ ᱚᱰᱤᱭᱟ ᱯᱟᱹᱨᱥᱤ ᱠᱚ ᱞᱟᱲ ᱪᱟᱲ ᱮᱫᱟ, ᱥᱟᱭ ᱠᱟᱲ ᱑.᱗᱗% ᱦᱤᱥ ᱦᱚᱲ ᱫᱚ ᱫᱩᱨᱩᱣᱟ, ᱥᱟᱭ ᱠᱟᱲᱟ 0.᱘᱕% ᱦᱤᱥ ᱦᱚᱲ ᱫᱚ ᱵᱟᱝᱜᱽᱞᱟ ᱯᱟᱹᱨᱥᱤ ᱠᱚ ᱞᱟᱲ ᱪᱟᱲ ᱮᱫᱟ ᱟᱨ ᱥᱟᱨᱮᱡ 0.᱔᱑% ᱦᱤᱥ ᱦᱚᱲ ᱫᱚ ᱛᱮᱞᱜᱩ ᱯᱟᱹᱨᱥᱤ ᱟᱠᱚᱣᱟᱜ ᱜᱚ ᱯᱟᱹᱨᱥᱤ ᱞᱮᱠᱟ ᱛᱮ ᱠᱚ ᱞᱟᱲ ᱪᱟᱲ ᱮᱫᱟ ᱾
ᱦᱚᱲ ᱞᱮᱠᱷᱟ
᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱵᱟᱥᱛᱟᱨ ᱦᱚᱱᱚᱛ ᱨᱮᱭᱟᱜ ᱞᱮᱠᱷᱟ ᱫᱚ ᱞᱮᱠᱷᱟ ᱜᱩᱴ ᱑,᱔᱑᱑,᱖᱔᱔ ᱡᱚᱱᱟ, ᱦᱚᱲ ᱞᱮᱠᱷᱟ ᱦᱤᱥᱟᱹᱵᱽ ᱛᱮ ᱱᱚᱣᱟ ᱦᱚᱱᱚᱛ ᱫᱚ ᱥᱣᱟᱡᱤᱞᱮᱱᱰ ᱫᱤᱥᱚᱢ ᱩᱱᱟᱹᱜ ᱢᱟᱨᱟᱝ ᱟᱨ ᱵᱟᱝ ᱟᱢᱮᱨᱤᱠᱟ ᱫᱤᱥᱚᱢ ᱨᱮᱭᱟᱜ ᱦᱟᱦᱟᱭ ᱯᱚᱱᱚᱛ ᱩᱱᱟᱹᱜ ᱢᱟᱨᱟᱝ ᱦᱩᱭᱩᱜᱼᱟ ᱾ ᱱᱤᱭᱟᱹ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱢᱩᱫᱽ ᱨᱮ ᱓᱔᱘ ᱮᱞᱟᱱ ᱦᱚᱱᱚᱛ ᱯᱟᱲᱟᱜ ᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱢᱤᱫ ᱪᱟᱹᱣᱠᱟᱹ ᱠᱤᱞᱚᱢᱤᱴᱟᱨ ᱡᱟᱭᱜᱟ ᱨᱮ ᱑᱔᱐ ᱡᱚᱱᱟ ᱦᱚᱲ ᱠᱚ ᱜᱤᱨᱟᱹᱵᱟᱥ ᱟᱠᱟᱱ ᱢᱮᱱᱟᱜ ᱠᱚᱣᱟ ᱾ ᱯᱟᱨᱚᱢᱮᱱ ᱜᱮ-ᱥᱮᱨᱢᱟ ᱒᱐᱐᱑ - ᱒᱐᱑᱑ ᱦᱟᱹᱵᱤᱡ ᱱᱚᱣᱟ ᱵᱟᱥᱛᱟᱨ ᱦᱚᱱᱚᱛ ᱨᱮᱭᱟᱜ ᱵᱟᱹᱰᱚᱜ ᱦᱟᱨ ᱫᱚ ᱛᱟᱦᱮ ᱠᱟᱱᱟ ᱑᱗.᱘᱓% ᱾ ᱵᱟᱥᱛᱟᱨ ᱦᱚᱱᱚᱛ ᱨᱮ ᱢᱤᱫ ᱜᱮ- ᱥᱟᱭ ᱦᱮᱨᱮᱞ ᱵᱚᱫᱚᱞ ᱛᱮ ᱑,᱐᱒᱔ ᱡᱚᱱᱟ ᱢᱟᱭᱡᱤᱣ ᱢᱮᱱᱟᱜ ᱠᱚᱣᱟ ᱾ ᱟᱨ ᱥᱮᱪᱮᱜ ᱠᱚᱣᱟᱜ ᱦᱟᱨ ᱫᱚ ᱦᱩᱭᱩᱜ ᱠᱟᱱᱟ ᱕᱔.᱙᱔% ᱾
ᱟᱹᱯᱟᱹᱥᱩᱞ
ᱱᱤᱭᱟᱹ ᱦᱚᱱᱚᱛ ᱨᱮ ᱥᱟᱭ ᱠᱟᱲᱟ ᱔᱐% ᱦᱤᱥ ᱦᱚᱲ ᱟᱜ ᱜᱮ ᱟᱠᱚᱣᱟᱜ ᱫᱤᱱᱟᱹᱢ ᱫᱤᱱ ᱨᱮᱭᱟᱜ ᱡᱤᱭᱚᱱ ᱫᱚ ᱵᱤᱨ-ᱵᱩᱨᱩ ᱪᱮᱛᱟᱱ ᱨᱮ ᱜᱮ ᱴᱮᱦᱟᱱᱰ ᱟᱠᱟᱱᱟ, ᱥᱟᱭ ᱠᱟᱲᱟ ᱓᱐% ᱦᱤᱥ ᱦᱚᱲ ᱫᱚ ᱪᱟᱥ-ᱟᱵᱟᱫᱽ ᱨᱮ ᱟᱠᱚᱣᱟᱜ ᱫᱤᱱᱟᱹᱢ ᱫᱤᱱ ᱨᱮᱭᱟᱜ ᱡᱤᱭᱚᱱ ᱠᱚ ᱠᱷᱟᱱᱰᱟᱣᱮᱫ ᱟᱠᱟᱱᱟ ᱾ ᱟᱨ ᱟᱫᱚᱢ ᱑᱕% ᱦᱤᱥ ᱦᱚᱲ ᱫᱚ 15 ᱡᱤᱵᱽ ᱡᱟᱱᱣᱟᱨ ᱟᱹᱥᱩᱞ ᱨᱮ ᱟᱠᱚᱣᱥᱜ ᱡᱤᱭᱚᱱ ᱠᱚ ᱠᱷᱮᱢᱟᱣᱮᱫ ᱠᱟᱱ ᱛᱟᱠᱚᱣᱟ ᱾ ᱟᱨ ᱥᱟᱨᱮᱡ ᱑᱕% ᱦᱤᱥ ᱦᱚᱲ ᱫᱚ ᱫᱤᱱᱟᱹᱢ ᱫᱤᱱ ᱠᱟᱢᱞᱟ ᱠᱷᱟᱢᱟᱣ ᱠᱟᱛᱮ ᱟᱠᱚᱣᱟᱜ ᱡᱤᱭᱚᱱ ᱠᱚ ᱠᱷᱮᱢᱟᱣᱮᱫ ᱠᱟᱱᱟ ᱛᱟᱠᱚᱣᱟ ᱾
ᱥᱟᱹᱠᱷᱭᱟᱹᱛ
ᱵᱟᱦᱨᱮ ᱡᱚᱱᱚᱲ
| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱵᱟᱥᱛᱟᱨ ᱦᱚᱱᱚᱛ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
82°01′59″E / 19.06667°N 82.03306°E
This article uses material from the Wikipedia ᱥᱟᱱᱛᱟᱲᱤ article ᱵᱟᱥᱛᱟᱨ ᱦᱚᱱᱚᱛ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.