ᱵᱚᱨᱚᱜᱚᱰ
ᱵᱚᱨᱚᱜᱚᱰ ᱫᱚ ᱥᱤᱧᱚᱛ ᱨᱮ ᱳᱰᱤᱥᱟ ᱯᱚᱱᱚᱛ ᱨᱮᱭᱟᱜ ᱵᱚᱨᱚᱜᱚᱰ ᱦᱚᱱᱚᱛ ᱨᱮᱭᱟᱜ ᱢᱩᱱᱥᱤᱯᱟᱞᱴᱤ ᱠᱟᱱᱟ ᱾ ᱱᱚᱣᱟ ᱫᱚ ᱵᱚᱨᱚᱜᱚᱰ ᱦᱚᱱᱚᱛ ᱨᱮᱭᱟᱜ ᱮᱰᱢᱤᱱᱤᱥᱴᱨᱮᱴᱤᱵᱽ ᱦᱮᱰᱠᱣᱟᱴᱚᱨ ᱠᱟᱱᱟ ᱾ ᱱᱚᱣᱟ ᱫᱚ ᱦᱳᱲᱳ ᱪᱟᱥᱵᱟᱥ ᱞᱟ.ᱜᱤᱫ ᱵᱟ.ᱲᱛᱤ ᱩᱯᱨᱩᱢ ᱢᱮᱱᱟᱜ ᱠᱷᱟ.ᱛᱤᱨ ᱳᱰᱤᱥᱟ ᱯᱚᱱᱚᱛ ᱨᱮᱭᱟᱜ ᱫᱟᱠᱟ ᱴᱩᱠᱩᱡ ᱢᱮᱱᱛᱮ ᱦᱚᱸᱠᱚ ᱢᱮᱛᱟᱜᱼᱟ ᱾
| ᱵᱚᱨᱚᱜᱚᱰ | |
|---|---|
| ᱵᱟᱡᱟᱨ | |
  ᱵᱚᱨᱚᱜᱚᱰ  ᱵᱚᱨᱚᱜᱚᱰ | |
| Coordinates: 21°20′N 83°37′E / 21.333°N 83.617°E 83°37′E / 21.333°N 83.617°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱳᱰᱤᱥᱟ |
| ᱦᱚᱱᱚᱛ | ᱵᱚᱨᱚᱜᱚᱰ ᱦᱚᱱᱚᱛ |
| ᱥᱚᱨᱠᱟᱨ | |
| • ᱯᱟᱨᱞᱤᱭᱟᱢᱮᱴ ᱥᱚᱦᱮᱛ | ᱢᱟᱱᱚᱛᱟᱱ ᱥᱩᱨᱮᱥ ᱯᱩᱡᱟᱨᱤ, (BJP) |
| • Member of Legislative Assembly | ᱢᱟᱱᱚᱛᱟᱱ ᱫᱮᱵᱮᱥ ᱟᱪᱟᱨᱭᱚ, (BJD) |
| ᱮᱨᱤᱭᱟ | |
| • ᱞᱮᱠᱷᱟᱜᱩᱴ | 5837 ᱠᱤᱢᱤ২ (2254 ᱜᱟᱺᱴ ᱢᱟᱭᱤᱞ) |
| ᱩᱥᱩᱞ | 171 ᱢᱤᱴᱚᱨ (561 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2011) |
| • ᱰᱮᱱᱥᱤᱴᱤ | 231/ᱠᱤᱢᱤ2 (600/ᱜᱟᱺᱴ ᱢᱟᱹᱭᱤᱞ) |
| ᱯᱟ.ᱨᱥᱤ | |
| • ᱟ.ᱢᱟ.ᱞᱮᱛ | ᱳᱰᱤᱥᱟ and ᱤᱝᱞᱤᱥ |
| IST (ᱭᱩᱴᱤᱥᱤ+5:30) | |
| ᱯᱤᱱ ᱠᱳᱰ | 768028 |
| ᱜᱟᱹᱰᱤ ᱨᱤᱡᱤᱥᱴᱨᱤ | OD-17 |
| ᱣᱮᱵᱽᱥᱟᱭᱤᱴ | http://bargarh.nic.in |
ᱚᱛᱱᱚ
ᱵᱚᱨᱚᱜᱚᱰ ᱫᱚ ᱯᱩᱲᱥᱤ ᱯᱚᱱᱚᱛ ᱪᱷᱚᱛᱤᱥᱜᱚᱰ ᱨᱮᱭᱟᱜ ᱥᱤᱢᱟᱹ ᱥᱩᱨ ᱠᱳᱥᱚᱞ ᱨᱮᱭᱟᱜ ᱢᱤᱫ ᱢᱩᱠᱷᱤᱭᱟᱹ ᱦᱟᱹᱴᱤᱧ ᱞᱮᱠᱟᱛᱮ ᱢᱮᱱᱟᱜ-ᱟ ᱾ ᱱᱚᱣᱟ ᱫᱚ 21°20′N 83°37′E / 21.33°N 83.62°E ᱨᱮ ᱢᱮᱱᱟᱜ-ᱟ ᱾ ᱡᱟᱦᱟᱸ ᱨᱮᱭᱟᱜ ᱚᱣᱥᱚᱛ ᱩᱥᱩᱞ ᱫᱚ ᱑᱗᱑ ᱢᱤᱴᱚᱨ (᱕᱖᱑ ᱯᱷᱤᱴ) ᱢᱮᱱᱟᱜ-ᱟ ᱾ ᱯᱩᱨᱟᱹ ᱵᱚᱨᱚᱜᱚᱰ ᱦᱚᱱᱚᱛ ᱰᱮᱠᱟᱱ ᱯᱞᱟᱴᱤᱣ ᱨᱮ ᱢᱮᱱᱟᱜ-ᱟ ᱟᱨ ᱵᱟᱡᱟᱨ ᱥᱩᱨ ᱨᱮ ᱯᱩᱨᱩᱵᱽ ᱜᱷᱟᱴ ᱢᱮᱱᱟᱜ-ᱟ ᱾ ᱥᱤᱧᱚᱛ ᱨᱮᱭᱟᱜ ᱚᱛ ᱞᱟᱲᱟᱣ ᱴᱚᱴᱷᱟ ᱞᱮᱠᱟᱛᱮ , ᱵᱚᱨᱚᱜᱚᱰ ᱴᱚᱴᱷᱟ ᱫᱚ ᱵᱟᱨᱟᱝ ᱴᱷᱟᱶ ᱨᱮ ᱦᱟᱹᱡᱩᱜ ᱠᱟᱱᱟ ᱾ ᱨᱮᱞᱣᱮ ᱥᱴᱮᱥᱚᱱ ᱫᱚ ᱡᱷᱟᱨᱥᱩᱜᱩᱰᱟ ᱠᱷᱚᱱ ᱴᱤᱴᱤᱞᱟᱜᱚᱰ ᱫᱷᱟᱹᱵᱤᱡ ᱪᱟᱞᱟᱜ ᱠᱟᱱ ᱰᱤᱵᱤᱠᱮ ᱨᱮᱞᱣᱮ ᱦᱚᱛᱮᱛᱮ ᱥᱮᱵᱟ ᱦᱩᱭᱩᱜ ᱠᱟᱱᱟ ᱾ ᱥᱴᱮᱥᱚᱱ ᱫᱚ ᱢᱩᱠᱷᱤᱭᱟᱹ ᱵᱟᱡᱟᱨ ᱠᱷᱚᱱ ᱥᱩᱢᱩᱝ ᱔ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱥᱩᱨ ᱨᱮᱭᱟᱜ ᱩᱰᱟᱹᱱ ᱟᱰᱟ ᱫᱚ ᱨᱟᱭᱯᱩᱨ (᱒᱒᱐ ᱠᱤᱹᱢᱤᱹ) ᱟᱨ ᱵᱷᱩᱵᱽᱱᱮᱥᱚᱨ (᱓᱕᱐ ᱠᱤᱹ ᱢᱤᱹ) ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱴᱚᱴᱷᱟ ᱥᱟᱸᱜᱷᱟᱨ ᱞᱟᱹᱜᱤᱫ ᱫᱚ ᱥᱮᱨᱢᱟ ᱨᱮᱭᱟᱜ ᱡᱚᱛᱚ ᱠᱷᱚᱱ ᱥᱚᱨᱮᱥ ᱚᱠᱛᱚ ᱫᱚ ᱚᱠᱴᱚᱵᱚᱨ ᱠᱷᱚᱱ ᱢᱟᱨᱪ ᱛᱟᱞᱟᱨᱮ ᱾ ᱱᱚᱣᱟ ᱚᱠᱛᱚᱨᱮ ᱟᱜ ᱡᱟᱛᱨᱟ ᱯᱟᱨᱟᱵᱽ (ᱱᱚᱣᱟ ᱫᱚ ᱡᱮᱜᱮᱛ ᱨᱮᱭᱟᱜ ᱡᱚᱛᱚ ᱠᱷᱟᱱ ᱢᱟᱨᱟᱝ ᱢᱮᱞᱟᱱ ᱮᱭᱟᱨ ᱛᱷᱤᱭᱮᱴᱚᱨ) ᱠᱟᱱᱟ ᱾ ᱱᱚᱰᱮ ᱫᱚ ᱥᱚᱨᱠᱟᱨᱟᱜ ᱥᱚᱨᱠᱤᱴ ᱦᱟᱣᱩᱥ ᱟᱨ ᱦᱚᱱᱚᱛ ᱨᱮᱭᱟᱜ ᱜᱮᱥᱴ ᱦᱟᱣᱩᱥ ᱥᱩᱨ ᱨᱮ ᱟᱹᱰᱤᱜᱟᱱ ᱱᱟᱯᱟᱭ ᱱᱟᱯᱟᱭ ᱦᱚᱴᱮᱞ ᱢᱮᱱᱟᱜ-ᱟ ᱡᱟᱦᱟᱸᱨᱮ ᱴᱩᱨᱤᱥᱴ ᱟᱨ ᱢᱟᱹᱱᱟᱱ ᱥᱟᱸᱜᱷᱟᱨᱤᱭᱟᱹ ᱠᱚ ᱞᱟᱹᱜᱤᱫ ᱛᱟᱦᱮᱸᱱ ᱞᱟᱹᱜᱤᱫ ᱚᱲᱟᱜ ᱨᱮᱭᱟᱜ ᱦᱚᱸ ᱥᱩᱵᱤᱫᱷᱟ ᱢᱮᱱᱟᱜ-ᱟ ᱾ ᱥᱩᱨ ᱨᱮᱭᱟᱜ ᱧᱮᱢᱮᱞ ᱴᱚᱴᱷᱟ ᱫᱚ ᱦᱚᱱᱚᱛ ᱦᱮᱰᱠᱣᱟᱴᱚᱨ ᱥᱟᱞᱟᱜ ᱱᱟᱯᱟᱭ ᱥᱩᱵᱤᱫᱷᱟ ᱥᱟᱶᱛᱮ ᱡᱩᱲᱟᱹᱭ ᱢᱮᱱᱟᱜ-ᱟ ᱾
ᱱᱨᱩᱥᱤᱝᱦᱚᱱᱟᱛᱷ
ᱱᱨᱩᱥᱤᱝᱦᱚᱱᱟᱛᱷ ᱫᱚ ᱵᱚᱨᱚᱜᱚᱰ ᱠᱷᱚᱱ ᱑᱑᱒ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱢᱤᱫᱴᱟᱹᱝ ᱜᱮ ᱵᱚᱸᱜᱟ ᱛᱷᱟᱱ ᱠᱟᱱ ᱠᱷᱟᱹᱛᱤᱨ ᱱᱚᱣᱟ ᱫᱚ ᱜᱮᱥᱟᱭ ᱦᱚᱲ ᱠᱚᱣᱟᱜ ᱢᱚᱱᱮ ᱯᱟᱹᱪᱷᱞᱟᱹ ᱛᱤᱱᱟᱹᱜ ᱥᱚᱛᱟᱵᱽᱫᱷᱤ ᱠᱷᱚᱱ ᱡᱟᱹᱫᱩ ᱟᱱᱟᱜ ᱡᱷᱟᱞᱠᱟᱣ ᱛᱮᱭ ᱢᱩᱦᱤᱛ ᱟᱹᱜᱩ ᱟᱠᱟᱫ ᱠᱚᱣᱟ ᱾ ᱱᱚᱣᱟ ᱫᱚ ᱢᱚᱦᱟᱵᱷᱟᱨᱚᱛ, ᱵᱚᱣᱫᱷᱚ ᱡᱩᱜᱽ ᱨᱮᱭᱟᱜ ᱥᱚᱱᱚᱛ ᱵᱩᱨᱩ ᱜᱚᱸᱫᱷᱵᱚᱨᱫᱷᱚᱱ ᱨᱤᱱᱤᱡ ᱵᱚᱸᱜᱟ ᱱᱨᱩᱥᱤᱝᱦᱚᱱᱟᱛᱷ ᱟᱜ ᱢᱤᱫ ᱛᱷᱟᱱ ᱠᱟᱱᱟ ᱾ ᱱᱨᱩᱥᱤᱝᱦᱚᱱᱟᱛᱷ ᱫᱚ ᱦᱤᱱᱫᱩ ᱵᱚᱸᱜᱟ ᱵᱤᱥᱱᱩᱣᱟᱜ ᱢᱤᱫ ᱨᱩᱯ ᱠᱟᱱᱟ ᱾
ᱱᱟᱜᱟᱢ
ᱵᱚᱨᱚᱜᱚᱰ ᱨᱮᱫᱚ ᱪᱚᱣᱦᱟᱱ ᱨᱟᱡᱽ ᱵᱚᱝᱥᱚ ᱞᱟᱹᱜᱤᱫ ᱟᱹᱰᱤᱜᱟᱱ ᱠᱤᱞᱟ ᱠᱷᱚᱱ ᱢᱤᱫᱴᱟᱹᱝ ᱢᱮᱱᱟᱜ-ᱟ ᱤᱠᱷᱟᱹᱱ ᱱᱚᱣᱟ ᱤᱫᱤ ᱠᱟᱛᱮ ᱪᱮᱫ ᱦᱚᱸ ᱴᱷᱟᱹᱣᱠᱟᱹ ᱵᱟᱱᱟᱰᱟᱭ ᱫᱚ ᱵᱟᱹᱱᱩᱜ ᱟᱱᱟ ᱾ ᱑᱑ ᱟᱱᱟᱜ ᱥᱚᱫᱤ ᱨᱮᱭᱟᱜ ᱢᱤᱫ ᱫᱷᱤᱨᱤ ᱚᱞ ᱠᱷᱚᱱ ᱱᱚᱣᱟ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜ-ᱟ ᱫᱚ ᱱᱚᱣᱟ ᱴᱚᱴᱷᱟ ᱨᱮᱭᱟᱜ ᱢᱩᱲᱩᱛ ᱧᱩᱛᱩᱢ ᱫᱚ ᱵᱚᱜᱚᱨ ᱠᱳᱴᱟ ᱛᱟᱦᱮᱸ ᱠᱟᱱᱟ ᱾ ᱥᱚᱢᱵᱚᱞᱯᱩᱨ ᱨᱤᱱᱤᱡ ᱪᱚᱣᱦᱟᱱ ᱵᱚᱞᱚᱨᱟᱢ ᱫᱮᱵᱽ ᱫᱚ ᱱᱚᱣᱟ ᱴᱚᱴᱷᱟ ᱫᱚ ᱵᱚᱨᱚᱜᱚᱰ ᱢᱮᱱᱛᱮᱭ ᱧᱩᱛᱩᱢ ᱞᱮᱫ-ᱟ ᱾ ᱱᱚᱣᱟ ᱛᱤᱱᱟᱹᱜ ᱚᱠᱛᱚ ᱫᱷᱟᱹᱵᱤᱡ ᱫᱚ ᱟᱡᱟᱜ ᱦᱮᱰᱠᱣᱟᱴᱚᱨ ᱮ ᱵᱮᱱᱟᱣ ᱞᱮᱫ-ᱟ ᱛᱤᱱ ᱡᱚᱦᱚᱜ ᱡᱤᱨᱟᱹ ᱱᱟᱹᱭ ᱫᱷᱟᱨᱮ ᱨᱮ ᱠᱤᱞᱟ ᱠᱚᱭ ᱵᱮᱱᱟᱣ ᱦᱚᱪᱚ ᱞᱮᱫ-ᱟ ᱾ ᱥᱚᱢᱵᱚᱞᱯᱩᱨ ᱨᱤᱱᱤᱡ ᱢᱩᱪᱟᱹᱫ ᱪᱚᱣᱦᱟᱱ ᱱᱟᱨᱟᱭᱟᱬ ᱥᱤᱝ ᱫᱚ ᱵᱚᱨᱚᱜᱚᱰ ᱨᱮᱭᱟᱜ ᱯᱩᱨᱟᱹ ᱚᱛ ᱦᱟᱥᱟ ᱫᱚ ᱵᱟᱨᱭᱟ ᱵᱟᱵᱽᱬᱮ ᱵᱚᱭᱦᱟ ᱠᱨᱩᱥᱱᱚ ᱫᱟᱥ ᱟᱨ ᱱᱟᱨᱟᱭᱚᱬ ᱫᱟᱥ ᱮ ᱮᱢᱟᱦᱟᱫ ᱠᱤᱱᱟ ᱾ ᱡᱟᱦᱟᱸᱭ ᱫᱚ ᱵᱟᱞᱫᱤᱭᱟ ᱨᱟᱭ ᱟᱨ ᱢᱚᱦᱟᱯᱟᱛᱨᱚ ᱨᱟᱭ ᱟᱜ ᱛᱟᱹᱨᱤᱨᱮ ᱜᱚᱸᱰ ᱦᱩᱞᱥᱟᱹᱭᱤᱭᱟᱹ ᱦᱚᱛᱮᱛᱮ ᱠᱤᱱ ᱜᱚᱡ ᱦᱚᱪᱚ ᱞᱮᱱ ᱛᱟᱦᱮᱸᱫ ᱾ ᱵᱚᱨᱚᱜᱚᱰ ᱨᱮᱭᱟᱜ ᱯᱚᱫᱚᱢᱯᱩᱨ ᱥᱚᱵᱽᱰᱤᱵᱷᱤᱡᱚᱱ ᱡᱟᱦᱟᱸ ᱫᱚ ᱵᱚᱨᱟᱥᱚᱢᱵᱷᱟᱨ ᱴᱚᱴᱷᱟ ᱞᱮᱠᱟᱛᱮ ᱩᱯᱨᱩᱢ ᱢᱮᱱᱟᱜ-ᱟ ᱱᱚᱣᱟ ᱫᱚ ᱡᱚᱢᱤᱫᱟᱨ ᱠᱚᱣᱟᱜ ᱦᱮᱰᱠᱣᱟᱴᱚᱨ ᱛᱟᱦᱮᱸ ᱠᱟᱱᱟ , ᱡᱟᱦᱟᱸ ᱫᱚ ᱒᱑᱗᱘ ᱥᱠᱚᱭᱟᱨ ᱠᱤᱹ ᱢᱤᱹ ᱫᱷᱟᱹᱵᱤᱡ ᱯᱟᱥᱱᱟᱣ ᱠᱟᱛᱮ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱫᱚ ᱵᱚᱨᱚᱜᱚᱰ ᱦᱚᱱᱚᱛ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱥᱚᱵᱽᱰᱤᱵᱷᱤᱡᱚᱱ ᱠᱟᱱᱟ ᱡᱟᱦᱟᱸ ᱨᱮᱭᱟᱜ ᱫᱚ ᱟᱹᱫᱤᱵᱟᱹᱥᱤ ᱟᱹᱜᱩᱣᱟᱹᱱ ᱥᱟᱶ ᱱᱟᱜᱟᱢ ᱦᱚᱸ ᱢᱮᱱᱟᱜ-ᱟ ᱾
ᱞᱟᱠᱪᱟᱨ
ᱟᱜ ᱡᱟᱛᱨᱟ
ᱥᱟ.ᱠᱷᱭᱟ.ᱛ
ᱵᱟᱦᱨᱮ ᱡᱚᱱᱚᱲ
- Bargarh District website
- Navratnews.com Archived ᱒᱐᱒᱑-᱐᱓-᱐᱙ at the Wayback Machine.
- Maps
- Satellite View
- View 1
This article uses material from the Wikipedia ᱥᱟᱱᱛᱟᱲᱤ article ᱵᱚᱨᱚᱜᱚᱰ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.