ᱰᱚᱢᱚᱱ ᱦᱟᱸᱥᱫᱟ ᱫᱚ ᱢᱤᱫ ᱥᱟᱱᱛᱟᱲ ᱚᱱᱚᱞᱤᱭᱟᱹ ᱟᱨ ᱚᱱᱚᱬᱦᱤᱭᱟᱹ ᱠᱟᱱᱟᱭ᱾ ᱢᱮᱱᱠᱷᱟᱱ ᱩᱱᱤ ᱫᱚ ᱥᱟᱶᱦᱮᱫ ᱨᱮᱭᱟᱜ ᱥᱟᱱᱟᱢ ᱦᱟᱹᱴᱤᱧ ᱨᱮᱱ ᱯᱟᱹᱨᱩᱠᱷᱤᱭᱟᱹ ᱜᱮᱭ ᱛᱟᱦᱮᱸ ᱠᱟᱱᱟ ᱾
ᱱᱚᱣᱟ ᱥᱟᱛᱟᱢ ᱣᱤᱠᱤ ᱞᱚᱵᱽᱥ ᱞᱤᱴᱮᱨᱮᱪᱚᱨ ᱒᱐᱒᱒ ᱞᱟᱹᱜᱤᱫ ᱵᱮᱨᱮᱫ ᱟᱠᱟᱱᱟ । |
ᱰᱚᱢᱚᱱ ᱦᱟᱸᱥᱫᱟ | |
---|---|
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱡᱩᱞᱟᱭ ᱑, ᱑᱙᱓᱐ |
ᱜᱩᱨ | ᱒᱒ ᱚᱜᱚᱥᱴ ᱑᱙᱙᱒ (᱖᱒ ᱵᱚᱭᱚᱥ) |
ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
ᱠᱟᱹᱢᱤ | ᱢᱟᱪᱮᱫ |
ᱧᱩᱢᱱᱟᱢ | ᱚᱱᱚᱞᱤᱭᱟᱹ, ᱚᱱᱚᱬᱦᱤᱭᱟᱹ |
ᱧᱩᱢᱦᱟᱞᱟᱝ ᱠᱟᱹᱢᱤ | "ᱜᱟᱞᱟᱝ ᱵᱟᱦᱟ", "ᱤᱧ ᱫᱚ ᱚᱠᱚᱭ?" |
ᱰᱚᱢᱚᱱ ᱦᱟᱸᱥᱫᱟ ᱫᱚ ᱩᱱᱚᱠᱛᱚ ᱵᱤᱦᱟᱨ ᱯᱚᱱᱚᱛ (ᱱᱤᱛ ᱡᱷᱟᱨᱠᱷᱚᱸᱰ) ᱨᱮᱭᱟᱜ ᱥᱟᱢᱟᱝ ᱥᱤᱝᱵᱷᱩᱢ ᱡᱮᱞᱟ ᱨᱮᱭᱟᱜ ᱪᱟᱹᱠᱩᱞᱤᱭᱟᱹ ᱥᱩᱨ ᱵᱟᱨᱮᱰᱤᱦ ᱟᱹᱛᱩ ᱨᱮ ᱑᱙᱓᱐ ᱥᱮᱨᱢᱟ ᱨᱮᱭᱟᱜ ᱑ ᱞᱩ ᱡᱩᱞᱟᱭ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱯᱟᱛ ᱧᱩᱛᱩᱢ ᱫᱚ ᱯᱷᱟᱹᱜᱩ ᱦᱟᱸᱥᱫᱟ ᱟᱨ ᱟᱭᱳ ᱫᱚ ᱪᱷᱤᱛᱟ ᱦᱟᱸᱥᱫᱟ ᱾ ᱚᱞᱚᱜ ᱯᱟᱲᱦᱟᱜ ᱫᱚ ᱟᱡᱟᱜ ᱟᱹᱛᱩ ᱥᱠᱩᱞ ᱠᱷᱚᱱ ᱜᱮ ᱮᱛᱚᱦᱚᱵ ᱟᱠᱟᱱ ᱛᱟᱭᱟ᱾ ᱚᱱᱟ ᱛᱟᱭᱚᱢ, ᱞᱟᱯᱷᱟᱝ ᱥᱮᱪᱮᱫ ᱦᱟᱢᱮᱴ ᱞᱟᱹᱜᱤᱫ ᱜᱷᱟᱴᱥᱤᱞᱟᱹ ᱦᱟᱭ ᱥᱠᱩᱞ ᱨᱮᱭ ᱵᱷᱩᱨᱛᱤ ᱞᱮᱱᱟ ᱟᱨ ᱚᱸᱰᱮ ᱠᱷᱚᱱ ᱑᱙᱔᱘ ᱥᱮᱨᱢᱟ ᱨᱮ ᱢᱮᱴᱨᱤᱠ ᱮ ᱯᱟᱥ ᱞᱮᱫᱟ᱾
ᱢᱟᱪᱮᱫ ᱞᱮᱠᱟᱛᱮ ᱜᱮ ᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱫᱚ ᱮᱦᱚᱵ ᱞᱮᱱ ᱛᱟᱭᱟ᱾ ᱠᱤᱱᱭᱟᱱᱤ ᱯᱨᱟᱭᱵᱷᱮᱴ ᱥᱠᱩᱞ ᱨᱮᱱ ᱢᱟᱨᱟᱝ ᱢᱟᱪᱮᱫ ᱞᱮᱠᱟᱛᱮ ᱟᱹᱰᱤ ᱫᱤᱱ ᱠᱟᱹᱢᱤ ᱛᱟᱭᱚᱢ ᱵᱚᱲᱚᱰᱤᱠᱟᱱᱯᱩᱨ ᱮᱢ.ᱤ. ᱥᱠᱩᱞ ᱨᱮᱱ ᱢᱟᱨᱟᱝ ᱢᱟᱪᱮᱫ ᱞᱮᱠᱟᱛᱮᱭ ᱵᱚᱦᱟᱞ ᱞᱮᱱᱟ᱾
ᱢᱚᱬᱮ ᱜᱮᱞ ᱫᱚᱥᱚᱠ ᱠᱷᱚᱱ ᱜᱮ ᱰᱚᱢᱚᱱ ᱦᱟᱸᱥᱫᱟ ᱫᱚ ᱥᱟᱶᱦᱮᱫ ᱪᱟᱨᱪᱟᱭ ᱮᱛᱚᱦᱚᱵ ᱟᱠᱟᱫᱟ᱾ ᱛᱚᱵᱮ ᱩᱱᱤ ᱫᱚ ᱛᱩᱨᱩᱭ ᱜᱮᱞ ᱫᱚᱥᱚᱠ ᱠᱷᱚᱱ ᱢᱤᱫ ᱧᱩᱛᱩᱢᱟᱱ ᱚᱱᱚᱬᱦᱤᱭᱟᱹ ᱞᱮᱠᱟᱛᱮᱭ ᱩᱯᱨᱩᱢ ᱟᱠᱟᱱᱟ᱾ ᱟᱹᱰᱤ ᱟᱞᱜᱟ ᱛᱮᱜᱮ ᱟᱡᱟᱜ ᱚᱱᱚᱬᱦᱮᱸ ᱛᱟᱞᱟ ᱛᱮ ᱥᱟᱶᱛᱟ ᱨᱮᱭᱟᱜ ᱠᱟᱛᱷᱟᱭ ᱯᱷᱚᱴᱮᱞ ᱨᱟᱠᱟᱵ ᱟᱠᱟᱫᱟ᱾ ᱥᱟᱶᱛᱟ ᱨᱮᱭᱟᱜ ᱵᱮᱼᱵᱟᱹᱲᱤᱡ ᱠᱚ ᱵᱤᱨᱩᱫᱽ ᱨᱮᱭ ᱦᱩᱞᱥᱟᱹᱭ ᱟᱠᱟᱫᱟ᱾ ᱥᱟᱶᱛᱮ ᱞᱮᱛᱟᱲ ᱞᱟᱦᱟ ᱪᱟᱞᱟᱜ ᱨᱮᱭᱟᱜ ᱢᱟᱱᱛᱟᱲ ᱛᱮ ᱥᱟᱱᱛᱟᱲ ᱥᱟᱶᱛᱟ ᱪᱮᱜᱷᱟᱹᱣ ᱨᱮᱭᱟᱜ ᱮ ᱠᱩᱨᱩᱢᱩᱴᱩ ᱟᱠᱟᱫᱟ᱾ ᱰᱚᱢᱚᱱ ᱦᱟᱸᱥᱫᱟ ᱫᱚ ᱟᱹᱰᱤ ᱫᱤᱱ ᱥᱟᱱᱛᱟᱲ ᱥᱟᱶᱦᱮᱫ ᱥᱟᱶ ᱡᱚᱯᱲᱟᱣ ᱮ ᱛᱟᱦᱮᱸ ᱠᱟᱱ ᱛᱮᱭ ᱵᱩᱡᱷᱟᱹᱣ ᱧᱟᱢ ᱞᱮᱫᱟ, ᱵᱟᱝᱢᱟ ᱮᱠᱷᱮᱱ ᱯᱩᱛᱷᱤ ᱯᱟᱨᱥᱟᱞ ᱛᱮᱫᱚ ᱯᱟᱹᱨᱥᱤᱼᱥᱟᱶᱦᱮᱫ ᱵᱟᱭ ᱩᱛᱷᱱᱟᱹᱣᱚᱜᱼᱟ᱾ ᱟᱜᱟᱢ ᱫᱤᱱ ᱨᱮ ᱱᱟᱣᱟ ᱱᱟᱣᱟ ᱚᱱᱚᱞᱤᱭᱟᱹ ᱠᱚ ᱛᱮᱭᱟᱨ ᱨᱟᱠᱟᱵ ᱨᱮ ᱥᱟᱶᱦᱮᱫ ᱯᱟᱛᱷᱟᱢ ᱨᱮᱭᱟᱜ ᱦᱚᱸ ᱞᱟᱹᱠᱛᱤ ᱢᱮᱱᱟᱜᱼᱟ᱾ ᱱᱚᱣᱟ ᱡᱚᱥ ᱠᱷᱟᱹᱛᱤᱨ ᱛᱮᱜᱮ ᱑᱙᱘᱕ ᱥᱮᱨᱢᱟ ᱠᱷᱚᱱ ᱯᱮᱼᱪᱟᱸᱫᱚᱠᱤᱭᱟᱹ ᱨᱟᱭᱵᱟᱨ ᱯᱟᱛᱷᱟᱢ ᱟᱨ ᱑᱙᱘᱗ ᱥᱮᱨᱢᱟ ᱠᱷᱚᱱ ᱪᱟᱸᱫᱚᱠᱤᱭᱟᱹ ᱩᱢᱩᱞ ᱯᱟᱛᱷᱟᱢ ᱮ ᱥᱟᱯᱲᱟᱣ ᱞᱮᱫᱟ᱾
ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮ ᱟᱡᱟᱜ ᱮᱱᱮᱢ ᱠᱷᱟᱹᱛᱤᱨ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱠᱷᱚᱱ ᱑᱙᱘᱙ ᱥᱮᱨᱢᱟ ᱨᱮ ᱢᱟᱹᱱ ᱠᱚ ᱪᱟᱞ ᱟᱠᱟᱫᱮᱭᱟ᱾
ᱰᱚᱢᱚᱱ ᱦᱟᱸᱥᱫᱟ ᱫᱚ ᱑᱙᱙᱒ ᱥᱮᱨᱢᱟ ᱨᱮᱭᱟᱜ ᱒᱒ ᱟᱜᱚᱴᱥ ᱦᱤᱞᱚᱜ ᱮ ᱵᱚᱸᱜᱟ ᱛᱟᱞᱟ ᱞᱮᱱᱟ᱾
This article uses material from the Wikipedia ᱥᱟᱱᱛᱟᱲᱤ article ᱰᱚᱢᱚᱱ ᱦᱟᱸᱥᱫᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.