ᱭᱚᱜᱟ
ᱭᱚᱜᱟ ᱫᱚ ᱥᱮᱫᱟᱭ ᱵᱷᱟᱨᱚᱛ ᱨᱮᱭᱟᱜ ᱯᱟᱞᱮ ᱖᱐᱐᱐ ᱵᱚᱪᱷᱚᱨ ᱢᱟᱬᱟᱝ ᱨᱮ ᱮᱦᱚᱵ ᱟᱠᱟᱱ ᱦᱚᱲᱢᱚ, ᱢᱚᱱ ᱟᱨ ᱟᱛᱢᱟ ᱛᱷᱤᱨ ᱫᱚᱦᱚᱭ ᱞᱟᱹᱜᱤᱫ ᱢᱤᱫᱴᱟᱝ ᱛᱚᱦᱚᱨ ᱠᱟᱱᱟ᱾ ᱭᱚᱜᱟ ᱨᱮᱭᱟᱜ ᱟᱹᱰᱤ ᱜᱟᱱ ᱪᱟᱸᱜᱟ ᱟᱨ ᱦᱮᱣᱟ ᱢᱮᱱᱟᱜᱼᱟ᱾ ᱦᱤᱱᱫᱩ ᱫᱷᱚᱨᱚᱢ, ᱵᱩᱫᱽᱫᱷᱚ ᱫᱷᱚᱨᱚᱢ ᱟᱨ ᱡᱚᱭᱱᱚ ᱫᱷᱚᱨᱚᱢ ᱨᱮ ᱵᱷᱮᱜᱟᱨ ᱵᱷᱮᱜᱟᱨ ᱥᱟᱫᱷᱱᱟ ᱦᱚᱨ ᱢᱮᱱᱟᱜᱼᱟ᱾ ᱟᱹᱰᱤ ᱜᱟᱱ ᱭᱚᱜᱟ ᱠᱷᱚᱱᱟᱜ ᱨᱟᱡᱽ ᱭᱚᱜᱟ ᱟᱨ ᱦᱚᱴᱷ ᱭᱚᱜᱟ ᱵᱤᱥᱛᱤ ᱦᱚᱲ ᱠᱚ ᱵᱟᱰᱟᱭ ᱟᱠᱟᱜᱼᱟ᱾
ᱵᱮᱫᱽ ᱡᱩᱜᱽ ᱢᱟᱬᱟᱝ ᱨᱮᱜᱮ ᱭᱚᱜᱟ ᱫᱚ ᱮᱦᱚᱵ ᱞᱮᱱᱟ ᱢᱮᱱᱛᱮ ᱵᱟᱰᱟᱭᱚᱜᱼᱟ᱾ ᱥᱤᱱᱫᱷᱩ ᱥᱚᱥᱱᱚᱜ ᱠᱷᱚᱱ ᱧᱟᱢ ᱟᱠᱟᱱ ᱯᱚᱥᱩᱯᱚᱛᱤᱭᱟᱜ ᱢᱩᱨᱛᱤ ᱠᱷᱚᱱ ᱭᱚᱜᱟ ᱫᱚ ᱟᱹᱰᱤ ᱥᱮᱫᱟᱭᱟᱜ ᱠᱟᱱᱟ ᱢᱮᱱᱛᱮ ᱵᱟᱰᱟᱭᱚᱜᱼᱟ᱾ ᱨᱩᱠ ᱵᱮᱫᱚ ᱟᱨ ᱩᱯᱚᱱᱤᱥᱚᱫᱽ ᱠᱚᱨᱮ ᱦᱚᱸ ᱭᱚᱜᱟ ᱵᱟᱵᱚᱛ ᱛᱮ ᱚᱞ ᱢᱮᱱᱟᱜᱼᱟ᱾ ᱯᱚᱛᱚᱧᱡᱚᱞᱤᱭᱟ ᱭᱚᱜᱟᱥᱩᱛᱨᱚ ᱯᱚᱛᱚᱵ ᱭᱚᱜᱟ ᱵᱟᱵᱚᱛ ᱫᱚ ᱯᱩᱭᱞᱩ ᱯᱚᱛᱚᱵ ᱠᱟᱱᱟ᱾ ᱵᱷᱚᱜᱚᱵᱚᱛ ᱜᱤᱛᱟ ᱨᱮᱦᱚᱸ ᱭᱚᱜᱟ ᱵᱟᱵᱚᱛ ᱛᱮ ᱚᱞ ᱢᱮᱱᱟᱜᱼᱟ᱾
ᱭᱚᱜᱟ ᱟᱹᱲᱟᱹ ᱨᱮᱭᱟᱜ ᱡᱟᱱᱟᱢ
ᱭᱚᱜᱟ ᱟᱹᱲᱟᱹ ᱫᱚ ᱥᱚᱸᱥᱠᱨᱩᱛ ᱠᱮᱭᱟᱜ ᱭᱩᱡᱽ ᱫᱷᱟᱹᱛᱩ ᱠᱷᱚᱱ ᱦᱟᱛᱟᱣ ᱟᱠᱟᱱᱟ᱾ ᱱᱚᱶᱟ ᱨᱮᱭᱟᱜ ᱢᱮᱱᱮᱛ ᱫᱚ ᱢᱤᱫ ᱴᱷᱮᱱ ᱥᱮᱞᱮᱫ᱾ ᱟᱫᱷᱭᱟᱛᱢᱤᱠ ᱞᱮᱠᱟ ᱛᱮᱫᱚ ᱱᱚᱶᱟ ᱟᱛᱢᱟ ᱟᱨ ᱯᱚᱨᱚᱢᱟᱛᱢᱟ ᱨᱮᱭᱟᱜ ᱢᱤᱞᱚᱱ ᱵᱩᱡᱷᱟᱹᱜᱼᱟ᱾
ᱭᱚᱜᱟ ᱟᱨ ᱱᱟᱱᱟ ᱦᱩᱱᱟᱹᱨ ᱢᱚᱛᱚᱵᱟᱫᱽ
ᱦᱤᱱᱫᱩ ᱫᱷᱚᱨᱚᱢ ᱨᱮ ᱭᱚᱜᱟ
ᱭᱚᱜᱟ ᱫᱚ ᱵᱮᱫᱽ ᱨᱮᱭᱟᱜ ᱥᱚᱰ ᱫᱚᱨᱥᱚᱱ ᱠᱷᱚᱱ ᱢᱤᱫᱴᱟᱝ ᱠᱟᱱᱟ᱾ ᱭᱚᱜᱟ ᱨᱮᱭᱟᱜ ᱵᱮᱵᱷᱟᱨ ᱟᱨ ᱛᱚᱦᱚᱨ ᱤᱫᱤ ᱠᱟᱛᱮ ᱟᱰᱤ ᱜᱟᱱ ᱚᱞ ᱢᱮᱱᱟᱜᱼᱟ᱾ ᱡᱚᱛᱚ ᱛᱷᱚᱠ ᱨᱮᱭᱟᱜ ᱢᱩᱬ ᱱᱤᱭᱟᱢ ᱫᱚ ᱢᱚᱱᱮ ᱢᱤᱫ ᱴᱷᱮᱱ ᱡᱟᱶᱨᱟᱭ ᱜᱮ ᱠᱟᱱᱟ᱾ ᱭᱚᱜᱟ ᱨᱮᱭᱟᱜ ᱱᱚᱶᱟ ᱛᱷᱚᱠ ᱠᱚᱫᱚ ᱱᱮᱛᱟᱨ ᱦᱚᱸ ᱢᱮᱱᱟᱜ ᱜᱮᱭᱟ᱾
- ᱨᱟᱡᱽ ᱭᱚᱜᱟ
- ᱦᱚᱴᱷ ᱭᱚᱜᱟ
- ᱠᱩᱱᱰᱞᱤ ᱭᱚᱜᱟ
- ᱠᱟᱹᱢᱤ ᱭᱚᱜᱟ
- ᱜᱮᱭᱟᱱ ᱭᱚᱜᱟ
- ᱥᱟᱦᱬᱟ ᱭᱚᱜᱟ
ᱨᱟᱡᱽ ᱭᱚᱜᱟ
ᱢᱚᱦᱚᱨᱥᱤ ᱯᱚᱛᱚᱧᱡᱚᱲᱤ ᱚᱞ ᱟᱠᱟᱫ ᱭᱚᱜᱟ ᱫᱚ ᱨᱟᱡᱽ ᱭᱚᱜᱟ ᱠᱚ ᱢᱮᱛᱟᱜᱼᱟ᱾ ᱱᱚᱶᱟ ᱭᱚᱜᱟ ᱫᱚ ᱡᱤᱥᱩ ᱡᱟᱱᱟᱢ ᱨᱮᱭᱟᱜ ᱢᱤᱫ ᱥᱟᱭᱟᱝ ᱨᱮ ᱚᱞ ᱟᱟᱠᱱᱟ ᱢᱮᱱᱛᱮ ᱵᱟᱰᱟᱭᱚᱜᱼᱟ᱾ ᱱᱚᱶᱟ ᱯᱩᱛᱷᱤ ᱨᱮᱫᱚ ᱭᱚᱜᱟ ᱨᱮᱭᱟᱜ ᱫᱟᱨᱥᱚᱱᱤᱠ ᱟᱨ ᱟᱫᱷᱭᱟᱛᱢᱤᱠ ᱵᱤᱥᱲᱤ ᱢᱮᱱᱟᱜᱼᱟ᱾ ᱱᱚᱶᱟ ᱯᱩᱛᱷᱤ ᱨᱮᱫᱚ ᱚᱥᱴᱟᱝᱜᱚ ᱭᱚᱜᱟ ᱥᱟᱫᱷᱚᱱ, ᱭᱚᱢᱚ ᱱᱤᱭᱚᱢ, ᱯᱨᱟᱱᱟᱭᱟᱢ, ᱫᱷᱮᱭᱟᱱ, ᱥᱚᱢᱟᱫᱷᱤ ᱮᱢᱟᱱ ᱵᱟᱵᱚᱫ ᱛᱮ ᱚᱞ ᱢᱮᱱᱟᱜᱼᱟ᱾ ᱢᱤᱫᱴᱤᱡ ᱥᱟᱫᱷᱩ ᱱᱚᱶᱟ ᱠᱚ ᱥᱟᱫᱷᱱᱟ ᱫᱟᱨᱟᱭ ᱛᱮ ᱥᱟᱹᱱᱛᱤ ᱧᱟᱟᱢ ᱠᱮᱭᱟ᱾
ᱦᱚᱴᱷ ᱭᱚᱜᱟ
ᱦᱚᱲᱢᱚ ᱪᱮᱛᱟᱱ ᱨᱮ ᱚᱥᱚᱨ
ᱡᱮᱜᱮᱛ ᱭᱚᱜᱟ ᱢᱟᱦᱟᱸ
᱑᱑ ᱰᱤᱥᱮᱢᱵᱚᱨ ᱒᱐᱑᱔ ᱥᱟᱞ ᱨᱮ United Nations General Assembly ᱨᱮ ᱠᱚ ᱴᱷᱟᱹᱶᱠᱟᱹ ᱠᱮᱜᱼᱟ ᱡᱮ ᱑᱑ ᱡᱩᱱ ᱫᱚ ᱡᱮᱜᱮᱛ ᱭᱚᱜᱟ ᱢᱟᱦᱟᱸ ᱵᱚ ᱢᱟᱱᱟᱶᱟ᱾ ᱱᱚᱶᱟ ᱵᱟᱵᱚᱛ ᱛᱮ ᱵᱷᱟᱨᱚᱛ ᱨᱮᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱚᱫᱤ ᱒᱗ ᱥᱮᱯᱴᱮᱢᱵᱚᱨ ᱒᱐᱑᱔ ᱥᱟᱞ ᱨᱮ UN General Assembly ᱨᱮ ᱞᱟᱹᱭ ᱞᱮᱜᱼᱟ᱾
ᱯᱩᱭᱞᱩ ᱡᱮᱜᱮᱛ ᱭᱚᱜᱟ ᱢᱟᱦᱟ ᱫᱚ ᱒᱑ ᱡᱩᱱ ᱒᱐᱑᱕ ᱥᱟᱞ ᱨᱮ ᱢᱟᱱᱟᱶ ᱞᱮᱱᱟ᱾ ᱵᱷᱟᱨᱚᱛ ᱨᱮᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱚᱫᱤ ᱫᱚ ᱓᱕,᱐᱐᱐ ᱦᱚᱲ ᱥᱟᱶ ᱒᱑ ᱜᱚᱴᱟᱝ ᱭᱚᱜᱟ ᱟᱥᱚᱱ ᱓᱕ ᱢᱤᱱᱤᱴ ᱫᱷᱟᱹᱵᱤᱡ ᱨᱟᱡᱽᱯᱚᱛᱷ ᱱᱟᱶᱟ ᱫᱤᱞᱞᱤ ᱨᱮ ᱢᱟᱱᱟᱶ ᱞᱮᱜᱼᱟ᱾ ᱓᱕,᱙᱘᱕ ᱦᱚᱲ ᱠᱚ ᱥᱮᱞᱮᱫ ᱞᱮᱱ ᱠᱷᱟᱹᱛᱤᱨ ᱱᱚᱶᱟ ᱫᱚ ᱜᱤᱱᱤᱡᱽ ᱵᱩᱠ ᱨᱮᱠᱚᱨᱰ ᱨᱮᱦᱚᱸ ᱴᱷᱟᱶ ᱮ ᱧᱟᱢ ᱠᱮᱜᱼᱟ᱾
ᱟᱨᱦᱚᱸ ᱧᱮᱞ ᱢᱮ
ᱵᱟᱦᱨᱮ ᱡᱚᱱᱚᱲ
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱭᱚᱜᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.