ᱫᱤᱞᱞᱤ ᱫᱚ ᱥᱤᱧᱚᱛ ᱨᱮᱭᱟᱜ ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ ᱟᱨ ᱢᱟᱦᱟᱱᱚᱜᱚᱨ ᱠᱟᱱᱟ ᱾ ᱱᱚᱣᱟ ᱨᱮ ᱱᱟᱣᱟ ᱫᱤᱞᱞᱤ ᱢᱮᱥᱟ ᱠᱟᱛᱮ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱥᱤᱧᱚᱛ ᱨᱮᱭᱟᱜ ᱨᱟᱡᱽᱜᱟᱲ ᱠᱟᱱᱟ ᱾ ᱫᱤᱞᱞᱤ ᱫᱚ ᱨᱟᱡᱽᱜᱟᱲ ᱠᱟᱱ ᱠᱷᱟᱹᱛᱤᱨ ᱛᱟᱞᱢᱟ ᱥᱚᱨᱠᱟᱨ ᱟᱜ ᱯᱮᱭᱟ ᱭᱩᱱᱤᱴᱥ ᱦᱚᱸ ᱚᱸᱰᱮ ᱜᱮ ᱢᱮᱱᱟᱜᱼᱟ ᱾ ᱑,᱔᱘᱓ ᱥᱠᱳᱭᱟᱨ ᱠᱤᱞᱳ ᱢᱤᱴᱚᱨ ᱨᱮ ᱯᱟᱥᱱᱟᱣ ᱟᱠᱟᱱ ᱫᱤᱞᱞᱤ ᱚᱸᱰᱮᱱ ᱠᱚ ᱦᱚᱲ ᱮᱞᱮᱞ ᱞᱮᱠᱟᱛᱮ ᱥᱤᱧᱚᱛ ᱨᱮᱭᱟᱜ ᱫᱚᱥᱟᱨ ᱡᱚᱛᱚ ᱠᱷᱚᱱ ᱢᱟᱨᱟᱝ ᱢᱟᱦᱟᱱᱚᱜᱚᱨ ᱠᱟᱱᱟ ᱾ ᱱᱚᱸᱰᱮᱱ ᱠᱚ ᱦᱚᱲ ᱠᱚᱣᱟᱜ ᱮᱞᱮᱞ ᱫᱚ ᱥᱩᱯᱩᱨ ᱑ ᱠᱚᱨᱚᱲ ᱗᱐ ᱜᱮᱥᱟᱥᱟᱭ ᱢᱮᱱᱟᱜ ᱠᱚᱣᱟ ᱾ ᱚᱸᱰᱮ ᱠᱚ ᱨᱚᱲ ᱮᱫ ᱢᱩᱬᱩᱛ ᱯᱟᱹᱨᱥᱤ ᱠᱚᱫᱚ ᱦᱩᱭᱩᱜ ᱠᱟᱱᱟ ᱺᱼ ᱦᱤᱱᱫᱤ, ᱯᱚᱧᱡᱟᱵᱤ, ᱩᱨᱫᱩ ᱟᱨ ᱤᱝᱞᱤᱥ ᱾ ᱥᱤᱧᱚᱛ ᱨᱮ ᱫᱤᱞᱞᱤ ᱨᱮᱭᱟᱜ ᱫᱚ ᱱᱟᱜᱟᱢᱮᱛ ᱢᱚᱦᱚᱛ ᱢᱮᱱᱟᱜᱼᱟ ᱾ ᱱᱚᱣᱟ ᱨᱮᱭᱟᱜ ᱮᱛᱚᱢ ᱯᱟᱪᱮ ᱨᱮ ᱚᱨᱟᱵᱚᱞᱤ ᱵᱩᱨᱩ ᱠᱚ ᱟᱨ ᱥᱟᱢᱟᱝ ᱨᱮ ᱡᱚᱢᱩᱱᱟ ᱱᱟᱹᱭ ᱢᱮᱱᱟᱜᱼᱟ, ᱡᱟᱦᱟᱸ ᱨᱮᱭᱟᱜ ᱠᱟᱛᱟ ᱨᱮᱫᱚ ᱱᱚᱣᱟ ᱵᱚᱥᱠᱚᱫ ᱟᱠᱟᱱᱟ ᱾ ᱡᱚᱢᱩᱱᱟ ᱱᱟᱹᱭ ᱠᱟᱛᱟ ᱨᱮ ᱢᱮᱱᱟᱜ ᱱᱚᱣᱟ ᱱᱚᱜᱚᱨ ᱨᱮᱭᱟᱜ ᱫᱚ ᱜᱚᱨᱚᱵᱟᱱ ᱯᱟᱹᱦᱤᱞ ᱢᱟᱨᱮ ᱱᱟᱜᱟᱢ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱥᱤᱧᱚᱛ ᱨᱮᱭᱟᱜ ᱟᱹᱰᱤ ᱢᱟᱨᱮ ᱱᱚᱜᱚᱨ ᱠᱟᱱᱟ ᱾ ᱱᱚᱣᱟ ᱨᱮᱭᱟᱜ ᱱᱟᱜᱟᱢ ᱨᱮᱭᱟᱜ ᱮᱛᱚᱦᱚᱵ ᱫᱚ ᱥᱤᱱᱫᱷᱩ ᱜᱷᱟᱹᱴᱤ ᱥᱚᱥᱱᱚᱜ ᱥᱟᱶ ᱡᱩᱲᱟᱹᱭ ᱠᱟᱛᱮ ᱢᱮᱱᱟᱜᱼᱟ ᱾ ᱦᱚᱨᱤᱭᱟᱬᱟ ᱥᱩᱨ ᱥᱩᱯᱩᱨ ᱨᱮ ᱦᱩᱭ ᱮᱱ ᱛᱟᱲᱟᱣ ᱠᱷᱚᱱ ᱱᱚᱣᱟ ᱨᱮᱭᱟᱜ ᱯᱚᱨᱢᱟᱱ ᱧᱟᱢ ᱟᱠᱟᱱᱟ ᱾ ᱢᱚᱦᱟᱵᱷᱟᱨᱚᱛ ᱱᱟᱝ ᱨᱮᱫᱚ ᱱᱚᱣᱟ ᱨᱮᱭᱟᱜ ᱧᱩᱛᱩᱢ ᱫᱚ ᱤᱸᱫᱽᱨᱚᱯᱨᱚᱥᱛ ᱛᱟᱦᱮᱸ ᱠᱟᱱᱟ ᱾ ᱫᱤᱞᱞᱤ ᱥᱩᱞᱛᱚᱱᱚᱛ ᱟᱜ ᱮᱛᱚᱦᱚᱵ ᱥᱟᱶ ᱛᱮ ᱜᱮ ᱫᱤᱞᱞᱤ ᱫᱚ ᱢᱤᱫ ᱨᱟᱡᱽᱟᱹᱨᱤᱭᱟᱹᱛ, ᱞᱟᱠᱪᱟᱨᱮᱛ ᱟᱨ ᱵᱟᱹᱱᱤᱡᱮᱛ ᱱᱟᱜᱟᱨ ᱞᱮᱠᱟᱛᱮ ᱥᱟᱢᱟᱝ ᱮᱱᱟ ᱾ ᱱᱚᱸᱰᱮ ᱫᱚ ᱟᱹᱰᱤᱜᱟᱱ ᱢᱟᱨᱮ ᱟᱨᱵᱟᱝ ᱛᱟᱞᱟ ᱡᱩᱜᱽ ᱨᱮᱭᱟᱜ ᱫᱚᱞᱟᱱ ᱟᱨᱵᱟᱝ ᱚᱱᱟ ᱨᱮᱭᱟᱜ ᱨᱟᱹᱯᱩᱫ ᱥᱟᱨᱮᱡ ᱦᱚᱸ ᱧᱮᱞᱚᱜᱼᱟ ᱾ ᱑᱖᱓᱙ ᱥᱟᱞᱮ ᱨᱮ ᱢᱩᱜᱚᱞ ᱵᱟᱫᱽᱥᱟᱦ ᱥᱟᱦᱡᱟᱦᱟᱸ ᱫᱚ ᱫᱤᱞᱞᱤ ᱨᱮᱜᱮ ᱢᱤᱫ ᱯᱩᱱ ᱠᱟᱸᱛ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱ ᱱᱟᱜᱟᱨ ᱮ ᱵᱮᱱᱟᱣ ᱦᱚᱪᱚ ᱞᱮᱜᱼᱟ, ᱡᱟᱦᱟᱸ ᱫᱚ ᱑᱖᱗᱙ ᱠᱷᱚᱱ ᱑᱘᱕᱗ ᱫᱷᱟᱹᱵᱤᱡ ᱢᱩᱜᱚᱞ ᱥᱟᱢᱨᱟᱡᱽᱡᱚ ᱣᱟᱜ ᱨᱟᱡᱽᱜᱟᱲ ᱛᱟᱦᱮᱸ ᱠᱟᱱᱟ ᱾ ᱑᱘ ᱟᱱᱟᱜ ᱟᱨ ᱑᱙ ᱟᱱᱟᱜ ᱥᱚᱛᱟᱵᱽᱫᱷᱤ ᱨᱮ ᱵᱨᱤᱴᱤᱥ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱱᱤ ᱫᱚ ᱯᱩᱨᱟᱹ ᱥᱤᱧᱚᱛ ᱞᱮᱠᱟ ᱜᱮ ᱟᱡᱟᱜ ᱜᱚᱵᱚᱞ ᱛᱮᱭ ᱤᱫᱤ ᱞᱮᱜᱼᱟ ᱾ ᱱᱩᱠᱩ ᱦᱚᱲ ᱠᱚ ᱠᱚᱞᱠᱟᱛᱟ ᱫᱚ ᱟᱠᱚᱣᱟᱜ ᱨᱟᱡᱽᱜᱟᱲ ᱠᱚ ᱵᱮᱱᱟᱣ ᱠᱮᱜᱼᱟ ᱾ ᱑᱙᱑᱑ ᱨᱮ ᱤᱸᱜᱽᱨᱟᱹᱡᱽ ᱥᱚᱨᱠᱟᱨ ᱮ ᱴᱷᱟᱹᱣᱠᱟᱹ ᱠᱮᱫᱼᱟ ᱫᱚ ᱨᱟᱡᱽᱜᱟᱲ ᱫᱚ ᱟᱨ ᱦᱚᱸ ᱫᱤᱞᱞᱤ ᱟᱹᱜᱩ ᱨᱩᱣᱟᱹᱲ ᱦᱩᱭᱩᱜᱼᱟ ᱾ ᱱᱚᱣᱟ ᱞᱟᱹᱜᱤᱫ ᱢᱟᱨᱮ ᱫᱤᱞᱞᱤ ᱨᱮᱭᱟᱜ ᱫᱩᱠᱷᱤᱱ ᱯᱟᱦᱴᱟ ᱨᱮ ᱢᱤᱫ ᱱᱟᱣᱟ ᱱᱟᱜᱟᱨ ᱱᱟᱣᱟ ᱫᱤᱞᱞᱤ ᱵᱮᱱᱟᱣ ᱠᱚ ᱮᱛᱚᱦᱚᱵ ᱠᱮᱫᱼᱟ ᱾ ᱤᱸᱜᱽᱨᱟᱹᱡᱽ ᱠᱷᱚᱱ ᱑᱙᱔᱗ ᱥᱟᱞᱮ ᱨᱮ ᱥᱤᱧᱚᱛ ᱯᱷᱩᱨᱜᱟᱹᱞ ᱟᱢᱮᱴ ᱠᱟᱛᱮ ᱫᱤᱞᱞᱤ ᱫᱚ ᱥᱤᱧᱚᱛ ᱨᱮᱭᱟᱜ ᱨᱟᱡᱽᱜᱟᱲ ᱢᱮᱱᱛᱮ ᱵᱤᱠᱱᱟᱹᱣ ᱮᱱᱟ ᱾
ᱫᱤᱞᱞᱤ | |
---|---|
Union Territory / Megacity | |
ᱡᱟᱹᱛᱤᱭᱟᱹᱨᱤ ᱨᱟᱡᱽᱜᱟᱲ ᱮᱞᱟᱠᱟ ᱫᱤᱞᱞᱤ | |
ᱫᱤᱞᱞᱤ ᱨᱮᱱᱟᱜ ᱴᱷᱟᱶ ᱥᱤᱧᱚᱛ ᱨᱮ | |
Coordinates: 28°36′36″N 77°13′48″E / 28.61000°N 77.23000°E 77°13′48″E / 28.61000°N 77.23000°E | |
ᱫᱤᱥᱚᱢ | ᱥᱤᱧᱚᱛ |
Settled | 6th century B.C. |
Capital formation | ᱑᱙᱑᱑ |
Formation of Union Territory | 1956 |
Formation of NCT | ᱑ ᱯᱷᱮᱵᱨᱩᱣᱟᱨᱤ ᱑᱙᱙᱒ |
ᱨᱟᱡᱽᱜᱟᱲ | ᱱᱟᱶᱟ ᱫᱤᱞᱞᱤ |
ᱯᱚᱱᱚᱛ ᱠᱚ | ᱑᱑ |
ᱥᱚᱨᱠᱟᱨ | |
• ᱪᱟᱪᱞᱟᱣ | ᱫᱤᱞᱞᱤ ᱥᱚᱨᱠᱟᱨ |
• Lt. Governor | ᱚᱱᱤᱞ ᱵᱟᱭᱡᱟᱞ, IAS |
• ᱥᱤᱨᱟ. ᱢᱚᱱᱛᱨᱤ | ᱚᱨᱵᱤᱸᱫᱽ ᱠᱮᱡᱽᱨᱤᱣᱟᱞ (AAP) |
• ᱰᱮᱯᱴᱤ ᱥᱤᱨᱟ. ᱢᱚᱱᱛᱨᱤ | ᱢᱚᱱᱤᱥ ᱥᱤᱥᱳᱫᱤᱭᱟ |
• Chief Secretary | ᱵᱤᱡᱚᱭ ᱠᱩᱢᱟᱨ ᱫᱮᱵᱽ, IAS |
• ᱯᱳᱞᱤᱥ ᱠᱚᱢᱤᱥᱚᱱᱟᱨ | Amulya Patnaik, IPS |
ᱮᱨᱤᱭᱟ | |
• Union territory | ᱕᱗᱓.᱐ ᱜᱟᱺᱴ ᱢᱟᱭᱤᱞ (᱑,᱔᱘᱔.᱐ ᱠᱤᱢᱤ২) |
• ᱫᱟᱜ ᱦᱟᱹᱴᱤᱧ | 18 ᱠᱤᱢᱤ২ (6.9 ᱜᱟᱺᱴ ᱢᱟᱭᱤᱞ) |
ᱮᱨᱤᱭᱟ ᱨᱮᱸᱠ | 31st |
ᱩᱥᱩᱞ | 200–250 ᱢᱤᱴᱚᱨ (650–820 ᱯᱷᱩᱴ) |
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2011) |
• Union territory | ᱑᱖,᱗᱘᱗,᱙᱔᱑ |
• ᱰᱮᱱᱥᱤᱴᱤ | 11312/ᱠᱤᱢᱤ2 (29298/ᱜᱟᱺᱴ ᱢᱟᱹᱭᱤᱞ) |
• ᱱᱟᱜᱟᱨ | ᱑᱖,᱓᱔᱙,᱘᱓᱑ (᱒nd) |
• Megacity | ᱑᱑,᱐᱓᱔,᱕᱕᱕ (᱒nd) |
• Metro (2016) | ᱒᱖,᱔᱕᱔,᱐᱐᱐ (᱑st) |
Demonym(s) | ᱫᱤᱞᱞᱤᱨᱤᱱ |
ᱯᱟᱹᱨᱥᱤ | |
• ᱟᱹᱢᱟᱹᱞᱮᱛ | |
• Additional official | |
GDP | |
• Nominal (NCT) | (2018-19) |
• Nominal Per Capita | ᱓᱖᱐,᱖᱖᱔ (US$᱕,᱐᱑᱘.᱕) (2017-18) |
• Metro GDP/PPP | $167–370 billion |
IST (ᱭᱩᱴᱤᱥᱤ+᱐᱕:᱓᱐) | |
ᱯᱤᱱ ᱠᱳᱰ | 1100XX |
ᱮᱨᱤᱭᱟ ᱠᱳᱰ(ᱠᱚ) | +᱙᱑ ᱑᱑ |
ᱟᱭ.ᱮᱥ.ᱳ ᱓᱑᱖᱖ ᱠᱳᱰ | IN-DL |
HDI (2017) | 0.744 (High) · 5th |
Literacy (2011) | 86.21% |
ᱡᱟᱱᱟᱝ ᱡᱟᱹᱱᱤ (᱒᱐᱑᱑) | ᱘᱖᱘ ♀/᱑᱐᱐᱐ ♂ |
ᱣᱮᱵᱽᱥᱟᱭᱤᱴ | delhi |
ᱱᱚᱣᱟ ᱱᱟᱜᱟᱨ ᱨᱮᱭᱟᱜ ᱧᱩᱛᱩᱢ 'ᱫᱤᱞᱞᱤ' ᱪᱮᱫ ᱞᱮᱠᱟᱨᱮ ᱦᱩᱭ ᱮᱱᱟ ᱱᱚᱣᱟ ᱨᱮᱭᱟᱜ ᱫᱚ ᱪᱮᱫ ᱴᱷᱟᱹᱣᱠᱟᱹ ᱦᱚᱸ ᱵᱟᱝ ᱧᱟᱢᱚᱜᱼᱟ, ᱤᱠᱟᱷᱹᱱ ᱴᱷᱟᱹᱣᱠᱟᱹ ᱫᱷᱟᱨᱟ ᱱᱚᱣᱟ ᱢᱟᱱᱟᱣ ᱵᱟᱴᱟᱣ ᱢᱮᱱᱟᱜᱼᱟ ᱫᱚ ᱱᱚᱣᱟ ᱫᱚ ᱯᱟᱹᱦᱤᱞ ᱨᱟᱡᱟ 'ᱰᱷᱤᱞᱩ' ᱥᱟᱶ ᱥᱟᱹᱜᱟᱹᱭ ᱡᱚᱲᱟᱣ ᱢᱮᱱᱟᱜᱼᱟ ᱾ ᱛᱤᱱᱟᱹᱝ ᱜᱟᱱ ᱱᱟᱜᱟᱢᱤᱭᱟᱹ ᱠᱚᱣᱟᱜ ᱱᱚᱣᱟ ᱦᱚᱸ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜᱼᱟ ᱫᱚ ᱱᱚᱣᱟ ᱫᱚ 'ᱜᱟᱱᱟᱰᱮ' ᱨᱮᱭᱟᱜ ᱢᱤᱫ ᱨᱩᱯ ᱠᱟᱱᱟ, ᱡᱟᱦᱟᱸ ᱫᱚ ᱥᱤᱧᱚᱛᱤᱭᱟᱹ ᱠᱚᱣᱟᱜ ᱢᱮᱱᱮᱛ ᱦᱩᱭᱩᱜ ᱠᱟᱱᱟ ᱫᱩᱣᱟᱹᱨᱵᱚᱸᱫᱽ ᱾ ᱟᱨ ᱢᱤᱫ ᱚᱱᱢᱟᱱ ᱞᱮᱠᱟᱛᱮ ᱱᱚᱣᱟ ᱱᱟᱜᱟᱨ ᱨᱮᱭᱟᱜ ᱮᱛᱚᱦᱚᱵ ᱧᱩᱛᱩᱢ ᱫᱚ 'ᱰᱷᱤᱞᱤᱠᱟ ᱛᱟᱦᱮᱸ ᱠᱟᱱᱟ ᱾
ᱫᱤᱞᱞᱤ ᱨᱮᱭᱟᱜ ᱢᱟᱨᱮ ᱩᱱᱩᱫᱩᱜ ᱫᱚ ᱢᱚᱦᱟᱵᱷᱟᱨᱚᱛ ᱧᱩᱛᱩᱢᱟᱱ ᱢᱚᱦᱟᱯᱩᱨᱟᱬ ᱨᱮ ᱧᱟᱢᱚᱜᱼᱟ, ᱡᱟᱦᱟᱸ ᱱᱚᱣᱟ ᱫᱚ ᱯᱟᱹᱦᱤᱞ ᱤᱸᱫᱽᱨᱚᱯᱨᱚᱥᱛ ᱨᱩᱯ ᱨᱮ ᱩᱫᱩᱜ ᱥᱚᱫᱚᱨ ᱞᱮᱱᱟ ᱾ ᱤᱸᱫᱽᱨᱚᱯᱨᱚᱥᱛ ᱫᱚ ᱢᱚᱦᱟᱵᱷᱟᱨᱚᱛ ᱱᱟᱝ ᱨᱮ ᱯᱟᱱᱰᱚᱵᱚ ᱠᱚᱣᱟᱜ ᱨᱟᱡᱽᱜᱟᱲ ᱛᱟᱦᱮᱸ ᱠᱟᱱᱟ ᱾ ᱴᱷᱟᱹᱣᱠᱟᱹ ᱥᱟᱺᱦᱤᱡ ᱡᱟᱦᱟᱸ ᱯᱩᱭᱞᱩ ᱯᱚᱨᱢᱟᱬ ᱧᱟᱢ ᱟᱠᱟᱱᱟ, ᱚᱱᱟ ᱠᱷᱚᱱ ᱵᱟᱰᱟᱭᱚᱜ ᱠᱟᱱᱟ ᱫᱚ ᱵᱟᱨ ᱜᱮᱥᱟᱭ ᱵᱚᱨᱥᱚ ᱢᱟᱬᱟᱝ ᱦᱚᱸ ᱫᱤᱞᱞᱤ ᱟᱨᱵᱟᱝ ᱚᱱᱟ ᱥᱩᱨ ᱥᱩᱯᱩᱨ ᱨᱮᱫᱚ ᱦᱚᱲ ᱠᱚ ᱵᱟᱥᱟᱜ ᱠᱟᱱ ᱜᱮ ᱛᱟᱦᱮᱸᱫ ᱾ ᱢᱚᱣᱨᱭᱚ ᱱᱟᱝ ᱠᱷᱚᱱ ᱚᱸᱰᱮ ᱢᱤᱫ ᱱᱟᱜᱟᱨ ᱵᱮᱱᱟᱣᱜ ᱮᱛᱚᱦᱚᱵ ᱮᱱᱟ ᱾ ᱢᱚᱦᱟᱨᱟᱡᱽ ᱯᱨᱩᱛᱷᱵᱤ ᱨᱟᱡᱽ ᱪᱚᱣᱦᱟᱱ ᱟᱜ ᱫᱚᱨᱵᱟᱹᱨᱤᱭᱟᱹ ᱚᱱᱚᱬᱦᱤᱭᱟᱹ ᱪᱚᱸᱫᱽ ᱵᱚᱨᱫᱟᱭᱤ ᱟᱜ ᱦᱤᱱᱫᱤ ᱜᱟᱱᱟᱝ ᱯᱨᱩᱛᱷᱵᱤᱨᱟᱡᱽ ᱨᱟᱥᱳ ᱨᱮ ᱛᱳᱢᱟᱨ ᱨᱟᱡᱟ ᱚᱱᱚᱸᱜᱽᱯᱟᱞ ᱫᱚ ᱫᱤᱞᱞᱤ ᱨᱤᱡᱤᱱ ᱛᱷᱟᱯᱚᱱᱤᱭᱟᱹ ᱠᱚ ᱵᱮᱱᱟᱣ ᱞᱮᱫᱮᱭᱟ ᱾ ᱱᱚᱝᱠᱟ ᱦᱚᱸ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜᱼᱟ ᱫᱚ ᱩᱱᱤ ᱜᱮ ᱞᱟᱞᱼᱠᱳᱴ ᱫᱚᱭ ᱵᱮᱱᱟᱣ ᱦᱚᱪᱚ ᱞᱮᱜᱼᱟ ᱟᱨ ᱢᱚᱦᱨᱳᱞᱤ ᱨᱮᱭᱟᱜ ᱢᱮᱬᱦᱮᱫ ᱠᱷᱩᱱᱴᱤ ᱫᱚ ᱫᱤᱞᱞᱤ ᱛᱮᱭ ᱟᱹᱜᱩ ᱠᱮᱫᱼᱟ ᱾ ᱫᱤᱞᱞᱤ ᱨᱮ ᱛᱳᱢᱚᱨ ᱠᱚᱣᱟᱜ ᱜᱚᱵᱚᱞ ᱚᱠᱛᱚ ᱫᱚ ᱙᱐᱐ ᱠᱷᱚᱱ ᱑᱒᱐᱐ ᱫᱷᱟᱹᱵᱤᱡ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜᱼᱟ᱾"ᱫᱤᱞᱞᱤ" ᱟᱨᱵᱟᱝ "ᱫᱤᱞᱞᱤᱠᱟ" ᱟᱹᱲᱟᱹ ᱨᱮᱭᱟᱜ ᱵᱮᱵᱷᱟᱨ ᱫᱚ ᱡᱚᱛᱚ ᱠᱷᱚᱱ ᱯᱩᱭᱞᱩ ᱨᱮ ᱩᱫᱚᱭᱯᱩᱨ ᱨᱮᱭᱟᱜ ᱫᱷᱤᱨᱤ ᱚᱞ ᱠᱷᱚᱱ ᱧᱟᱢ ᱞᱮᱱᱟ ᱾ ᱱᱚᱣᱟ ᱫᱷᱤᱨᱤ ᱚᱞ ᱨᱮᱭᱟᱜ ᱚᱠᱛᱚ ᱫᱚ ᱑᱑᱗᱐ ᱥᱟᱞ ᱢᱮᱱᱛᱮ ᱴᱷᱟᱹᱣᱠᱟᱹ ᱮᱱᱟ ᱾ ᱢᱚᱦᱟᱨᱟᱡᱽ ᱯᱨᱩᱛᱷᱵᱤᱨᱟᱡᱽ ᱪᱚᱣᱦᱟᱱ ᱫᱚ ᱫᱤᱞᱞᱤ ᱨᱤᱱᱤᱡ ᱢᱩᱪᱟᱹᱫ ᱦᱤᱱᱫᱩ ᱥᱚᱢᱨᱟᱴ ᱢᱮᱱᱛᱮ ᱠᱚ ᱢᱟᱱᱟᱣ ᱮᱭᱟ ᱾
ᱪᱷᱟᱸᱪ:ᱫᱤᱞᱞᱤ ᱪᱷᱟᱸᱪ:ᱫᱤᱞᱞᱤ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱨᱟᱡᱽᱜᱟᱲ ᱥᱟᱥᱚᱱᱮᱫ ᱮᱞᱟᱠᱟ ᱪᱷᱟᱸᱪ:Neighborhoods of Delhi ᱪᱷᱟᱸᱪ:Delhi landmarks
ᱪᱷᱟᱸᱪ:ᱥᱤᱧᱚᱛ ᱨᱮᱱᱟᱜ ᱯᱚᱱᱚᱛ ᱟᱨ ᱥᱟᱥᱚᱱᱮᱫ ᱮᱞᱟᱠᱟ ᱨᱟᱡᱽᱜᱟᱲ
ᱪᱷᱟᱸᱪ:Commonwealth Games Host Cities ᱪᱷᱟᱸᱪ:Proposed states and territories of India ᱪᱷᱟᱸᱪ:ᱨᱟᱡᱽᱜᱟᱲ ᱦᱚᱱᱚᱛ ᱠᱚ ᱟᱨ ᱮᱞᱟᱠᱟ ᱠᱚ
This article uses material from the Wikipedia ᱥᱟᱱᱛᱟᱲᱤ article ᱫᱤᱞᱞᱤ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.