ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱫᱚ ᱣᱤᱠᱤᱢᱤᱰᱤᱭᱟ ᱯᱷᱟᱣᱱᱰᱮᱥᱚᱱ ᱨᱮᱱᱟᱜ ᱣᱤᱠᱤᱯᱤᱰᱤᱭᱟ ᱯᱨᱚᱠᱚᱞᱯᱚ ᱨᱮᱱᱟᱜ ᱦᱤᱱᱫᱤ ᱵᱷᱟᱨᱥᱚᱱ ᱠᱟᱱᱟ᱾ ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮᱱᱟᱜ ᱮᱛᱦᱚᱵ ᱫᱚ ᱒᱐᱐᱓ ᱥᱮᱨᱢᱟ ᱨᱮᱱᱟᱜ ᱡᱩᱞᱟᱭ ᱪᱟᱸᱫᱚ ᱦᱩᱭ ᱟᱠᱟᱱᱟ᱾ ᱠᱚᱧᱮ ᱮᱥᱤᱭᱟ ᱨᱮᱱᱟᱜ ᱡᱚᱛᱚᱠᱷᱚᱱ ᱞᱟᱹᱴᱩ ᱣᱤᱠᱤᱯᱤᱰᱤᱭᱟ ᱫᱚ ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱠᱟᱱᱟ᱾ ᱡᱩᱞᱟᱭ ᱒᱐᱒᱐ ᱥᱮᱨᱢᱟ ᱞᱮᱠᱟᱛᱮ ᱱᱚᱣᱟ ᱣᱤᱠᱤᱯᱤᱰᱤᱭᱟ ᱨᱮ ᱑,᱔᱐,᱑᱔᱘ ᱜᱚᱴᱟᱝ ᱟᱨᱴᱤᱠᱮᱹᱞ ᱢᱮᱱᱟᱜᱼᱟ᱾ ᱱᱚᱣᱟ ᱨᱮᱱ ᱵᱮᱵᱷᱟᱨᱤᱭᱟᱹ ᱫᱚ ᱕,᱗᱑,᱐᱐᱐ ᱜᱚᱴᱟᱝ ᱢᱮᱱᱟᱜ ᱠᱳᱣᱟ᱾ ᱘ ᱡᱚᱱ ᱪᱟᱪᱞᱟᱣᱤᱭᱟᱹ ᱟᱨ ᱓,᱕᱗᱖ ᱜᱚᱴᱟᱝ ᱨᱮᱫ ᱢᱮᱱᱟᱜᱼᱟ᱾ ᱱᱚᱣᱟ ᱣᱤᱠᱤᱯᱤᱰᱤᱭᱟ ᱨᱮ ᱔᱘,᱕᱗,᱙᱓᱗ ᱫᱷᱟᱣ ᱥᱟᱯᱲᱟᱣ ᱦᱩᱭ ᱟᱠᱟᱱᱟ᱾ ᱡᱩᱱ ᱪᱟᱸᱫᱚ ᱒᱐᱒᱐ ᱥᱮᱨᱢᱟ ᱞᱮᱠᱟᱛᱮ ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮᱱᱟᱜ ᱥᱟᱦᱴᱟ ᱧᱮᱞ ᱨᱮᱱᱟᱜ ᱮᱞᱮᱞ ᱛᱟᱸᱦᱮᱸᱠᱟᱱᱟ ᱔᱗ ᱞᱟᱠᱷ᱾ ᱛᱚᱵᱮ ᱱᱚᱵᱷᱮᱢᱵᱚᱨ ᱒᱐᱑᱙ ᱠᱷᱚᱱ ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮᱱᱟᱜ ᱥᱟᱦᱴᱟ ᱧᱮᱞ ᱮᱞᱮᱞ ᱫᱚ ᱟᱥᱛᱮ ᱟᱥᱛᱮ ᱠᱚᱢᱟᱜ ᱠᱟᱱᱟ᱾ ᱦᱤᱱᱫᱤ ᱥᱟᱶ ᱥᱤᱧᱚᱛ ᱨᱮᱱᱟᱜ ᱟᱭᱢᱟ ᱯᱟᱹᱨᱥᱤᱛᱮ ᱱᱮᱛᱚᱜ ᱣᱤᱠᱤᱯᱤᱰᱤᱭᱟ ᱨᱮᱱᱟᱜ ᱵᱷᱟᱨᱥᱚᱱ ᱚᱯᱷᱤᱥᱤᱭᱟᱞᱤ ᱯᱟᱨᱥᱟᱞ ᱟᱠᱟᱱᱟ᱾
ᱭᱩ.ᱟᱨ.ᱮᱞ | hi.wikipedia.org |
---|---|
ᱵᱮᱯᱟᱨᱤᱭᱟᱹ | N |
ᱩᱰᱷᱟᱹᱣ ᱢᱟᱦᱟ | 11 July 2003 |
ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱑᱑ ᱡᱩᱞᱟᱭ ᱒᱐᱐᱓ ᱥᱮᱨᱢᱟ ᱨᱮ ᱪᱟᱹᱞᱩ ᱟᱠᱟᱱᱟ᱾ ᱒᱐᱑᱘ ᱥᱮᱨᱢᱟ ᱨᱮ ᱜᱩᱜᱚᱞ ᱮ ᱞᱟᱹᱭ ᱞᱮᱫᱟ ᱡᱮ ᱩᱱᱠᱩ ᱫᱚ ᱦᱤᱱᱫᱤ ᱣᱤᱠᱤᱯᱤᱰᱤᱭᱟᱱ ᱠᱩ ᱥᱟᱶ ᱤᱝᱨᱮᱡᱤ ᱣᱤᱠᱤᱯᱤᱰᱤᱭᱟ ᱨᱮᱱᱟᱜ ᱟᱨᱴᱤᱠᱮᱹᱞ ᱠᱩ ᱦᱤᱱᱫᱤ ᱛᱮ ᱠᱩ ᱛᱚᱨᱡᱚᱢᱟᱭ ᱫᱟ ᱡᱟᱸᱦᱟᱸ ᱫᱚ ᱒᱐᱐᱘ ᱠᱷᱚᱱ ᱮᱛᱦᱚᱵ ᱟᱠᱟᱱᱟ᱾ ᱜᱩᱜᱚᱞ ᱛᱚᱨᱡᱚᱢᱟ ᱟᱨ ᱮᱱᱮᱢᱤᱭᱟᱹ ᱠᱩ ᱥᱟᱯᱲᱟᱣᱛᱮ ᱖᱐᱐,᱐᱐᱐ ᱟᱲᱟᱹ ᱠᱚ ᱛᱚᱨᱡᱚᱢᱟᱣ ᱟᱠᱟᱫᱟ᱾
᱒᱐᱑᱙ ᱥᱮᱨᱢᱟ ᱞᱮᱠᱟᱛᱮ ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮ ᱕᱕ ᱦᱟᱡᱟᱨ ᱟᱞᱟᱫᱟ ᱛᱷᱚᱠ ᱢᱮᱱᱟᱜᱼᱟ ᱡᱟᱸᱦᱟᱸ ᱵᱷᱤᱛᱨᱤᱨᱮ ᱕᱕ᱹ᱖᱘% ᱟᱜ ᱫᱚ ᱛᱷᱚᱠ ᱱᱮᱢᱮᱥᱯᱮᱥ ᱨᱮ ᱥᱟᱦᱴᱟ ᱵᱟᱹᱱᱩᱜᱼᱟ ᱾ ᱱᱚᱣᱟ ᱯᱟᱹᱨᱥᱤ ᱨᱮᱱᱟᱜ ᱣᱤᱠᱤᱯᱤᱰᱤᱭᱟ ᱵᱷᱟᱨᱥᱚᱱ ᱨᱮᱱᱟᱜ ᱟᱨᱴᱤᱠᱮᱹᱞ ᱨᱮ ᱜᱚᱲᱮ ᱕ ᱜᱚᱴᱟᱝ ᱛᱷᱚᱠ ᱢᱮᱱᱟᱜ-ᱟ ᱡᱟᱸᱦᱟᱸ ᱨᱮ ᱟᱨᱴᱤᱠᱮᱹᱞ ᱠᱚᱨᱮ ᱟᱞᱟᱫᱟ ᱛᱷᱚᱠ ᱨᱮᱱᱟᱜ ᱦᱟᱨ ᱐ᱹ᱔᱒᱾ Nature ᱛᱷᱚᱠ ᱨᱮ ᱡᱚᱛᱚᱠᱷᱚᱱ ᱡᱟᱹᱥᱛᱤ ᱟᱨᱴᱤᱠᱮᱹᱞ (᱒᱗%) ᱟᱨ ᱥᱟᱬᱮᱥ ᱛᱷᱚᱠ ᱨᱮ ᱑᱖% ᱟᱨᱴᱤᱠᱮᱹᱞ ᱢᱮᱱᱟᱜᱼᱟ᱾ ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮ ᱵᱮᱵᱥᱟ ᱵᱟᱱᱤᱡᱽ ᱟᱨ ᱢᱟᱹᱱᱢᱤ ᱠᱳᱣᱟᱜ ᱥᱟᱛᱟᱢ ᱪᱮᱛᱟᱱ ᱡᱟᱸᱦᱟᱸ ᱟᱨᱴᱤᱠᱮᱹᱞᱠᱩ ᱢᱮᱱᱟᱜᱼᱟ ᱚᱱᱟᱠᱩ ᱜᱮ ᱜᱚᱲᱮ ᱱᱟᱯᱟᱭ ᱟᱨᱴᱤᱠᱮᱹᱞ ᱠᱟᱱᱟ᱾ ᱢᱟᱡᱷᱮ ᱢᱟᱡᱷᱮ ᱟᱹᱭᱤᱱ ᱠᱟᱹᱱᱩᱱ ᱨᱮᱱᱟᱜ ᱟᱨᱴᱤᱠᱮᱹᱞ ᱠᱚᱦᱚᱸ ᱡᱟᱹᱥᱛᱤ ᱠᱚ ᱯᱟᱲᱦᱟᱣ ᱟᱠᱟᱫᱟ ᱥᱮ ᱜᱚᱲ ᱦᱤᱥᱟᱹᱵᱛᱮ ᱚᱱᱟ ᱠᱚᱨᱮ ᱢᱟᱹᱱᱢᱤ ᱠᱳᱣᱟᱜ ᱟᱜᱽᱨᱚᱦᱚ ᱢᱮᱱᱟᱜᱼᱟ᱾
ᱢᱟᱨᱪ ᱪᱟᱸᱫᱚ ᱒᱐᱒᱐ ᱞᱮᱠᱟᱛᱮ ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮ ᱓᱓᱑ᱹ᱙ ᱦᱟᱡᱟᱨ ᱥᱟᱹᱠᱷᱭᱟᱹᱛ ᱢᱮᱱᱟᱜᱼᱟ᱾ ᱚᱱᱟ ᱵᱷᱤᱛᱨᱤᱨᱮ ᱓ᱹ᱒᱙% ᱥᱟᱹᱠᱷᱭᱟᱹᱛ ᱨᱮ ᱫᱚ DOI ᱪᱤᱱᱦᱟᱹ ᱢᱮᱱᱟᱜᱼᱟ ᱟᱨ ᱘ᱹ᱒% ᱥᱟᱹᱠᱷᱭᱟᱹᱛ ᱨᱮ ᱫᱚ ISBN ᱱᱚᱢᱵᱚᱨ ᱢᱮᱱᱟᱜᱼᱟ᱾ ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮ ᱢᱤᱫᱴᱮᱱ ᱠᱟᱛᱮ ᱥᱟᱹᱠᱷᱭᱟᱹᱛ ᱢᱮᱱᱟᱜ ᱜᱮᱭᱟ ᱚᱱᱠᱟᱱ ᱟᱨᱴᱤᱠᱮᱹᱞ ᱨᱮᱱᱟᱜ ᱥᱟᱭᱠᱚᱨᱟ ᱫᱚ ᱛᱟᱸᱦᱮᱸ ᱠᱟᱱᱟ ᱓᱙ᱹ᱓᱒%᱾ ᱤᱱᱟᱹ ᱵᱷᱤᱛᱨᱤᱨᱮ ᱑᱐ ᱜᱚᱴᱟᱝ ᱥᱟᱹᱠᱷᱭᱟᱹᱛ ᱫᱚ ᱔ᱹ᱕᱓% ᱟᱨᱴᱤᱠᱮᱹᱞ ᱛᱟᱸᱦᱮᱸᱠᱟᱱᱟ ᱟᱨ ᱑᱐᱐ ᱜᱚᱴᱟᱝ ᱥᱟᱹᱠᱷᱭᱟᱹᱛ ᱛᱟᱸᱦᱮᱸᱠᱟᱱᱟ ᱐ᱹ᱒᱙% ᱟᱨᱴᱤᱠᱮᱹᱞ ᱨᱮ᱾
ᱵᱮᱵᱷᱟᱨᱤᱭᱟᱹ ᱮᱞᱮᱞ | ᱟᱨᱴᱤᱠᱮᱹᱞ ᱮᱞᱮᱞ | ᱨᱮᱫ ᱮᱞᱮᱞ | ᱪᱟᱪᱞᱟᱣᱤᱭᱟᱹ ᱮᱞᱮᱞ |
---|---|---|---|
810171 | 161437 | 4391 | 7 |
This article uses material from the Wikipedia ᱥᱟᱱᱛᱟᱲᱤ article ᱦᱤᱱᱫᱤ ᱣᱤᱠᱤᱯᱤᱰᱤᱭᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.