ᱥᱳᱵᱷᱟ ᱱᱟᱭᱰᱩ ᱫᱚ ᱥᱤᱧᱚᱛ ᱨᱮᱱ ᱧᱩᱛᱩᱢᱟᱱ ᱠᱩᱪᱤᱯᱩᱲᱤ ᱱᱚᱨᱛᱚᱠᱤ ᱵᱷᱤᱛᱨᱤᱨᱮᱢᱤᱫᱴᱮᱱ ᱠᱟᱱᱟᱭ᱾ ᱠᱩᱪᱤᱯᱩᱲᱤ ᱮᱱᱮᱡ ᱨᱮᱱ ᱧᱩᱛᱩᱢᱟᱱ ᱜᱩᱨᱩ ᱵᱷᱮᱢᱯᱚᱛᱤ ᱪᱤᱱᱱᱟ ᱥᱚᱛᱛᱚᱢ ᱨᱮᱱ ᱥᱤᱥᱥᱚᱭ ᱛᱟᱸᱦᱮᱸᱠᱟᱱᱟ᱾ ᱟᱹᱰᱤ ᱦᱩᱰᱤᱧ ᱵᱚᱭᱚᱥ ᱠᱷᱚᱱ ᱜᱮ ᱥᱳᱵᱷᱟ ᱫᱚ ᱠᱩᱪᱤᱯᱩᱲᱤ ᱮᱱᱮᱡᱮ ᱟᱭᱚᱛᱛᱚ ᱟᱹᱜᱩ ᱞᱮᱫᱟ ᱟᱨ ᱚᱱᱟ ᱨᱮᱱᱟᱜ ᱢᱩᱬᱩᱛ ᱪᱚᱨᱤᱛ ᱨᱮ ᱚᱵᱷᱤᱱᱚᱭᱮ ᱮᱛᱦᱚᱵ ᱞᱮᱫᱟ᱾ ᱩᱱᱤ ᱫᱚ ᱟᱡ ᱨᱮᱱ ᱜᱩᱨᱩ ᱟᱜ ᱫᱚᱞ ᱠᱷᱚᱡ ᱥᱚᱛᱛᱚᱵᱷᱟᱢᱟ ᱟᱨ ᱯᱚᱫᱫᱚᱵᱚᱛᱤ ᱟᱜ ᱪᱚᱨᱤᱛ ᱨᱮᱭ ᱚᱵᱷᱤᱱᱚᱭ ᱟᱠᱟᱫᱟ ᱟᱨ ᱚᱱᱟ ᱠᱷᱟᱹᱛᱤᱨ ᱟᱭᱢᱟ ᱵᱟᱨᱦᱮ ᱫᱤᱥᱟᱹᱢᱨᱮᱭ ᱫᱟᱬᱟᱣᱠᱟᱫᱟ᱾
ᱥᱳᱵᱷᱟ ᱱᱟᱭᱰᱩ Shobha Naidu | |
---|---|
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | 1962 (age 61–62) Anakapalle, Andhra Pradesh |
ᱠᱟᱹᱢᱤ | Classical Indian dancer |
ᱥᱤᱨᱯᱷᱟᱹ | Padma Shri (2001) |
ᱣᱮᱵᱽᱥᱟᱭᱤᱴ | sobhanaidu.org |
ᱚᱱᱟ ᱵᱟᱫᱽ ᱠᱟᱛᱮ ᱦᱚᱸ ᱩᱱᱤ ᱫᱚ ᱟᱹᱰᱤ ᱱᱟᱯᱟᱭ ᱱᱟᱪᱚᱱᱤᱭᱟᱹ ᱠᱟᱱᱟᱭ᱾ ᱦᱟᱭᱫᱟᱨᱟᱵᱟᱫᱽ ᱨᱮᱱᱟᱜ ᱠᱩᱪᱤᱯᱩᱲᱤ ᱮᱱᱮᱡ ᱟᱨᱴ ᱮᱠᱟᱰᱮᱢᱤ ᱨᱮᱱ ᱢᱩᱬᱩᱛ ᱥᱳᱵᱷᱟ ᱱᱟᱭᱰᱩ ᱫᱚ ᱱᱮᱛᱟᱨ ᱦᱩᱰᱤᱧ ᱵᱚᱭᱚᱥ ᱨᱮᱱ ᱠᱩᱲᱤ ᱜᱤᱫᱨᱟᱹ ᱠᱚ ᱮᱱᱮᱡᱮ ᱪᱤᱛ ᱟᱹᱠᱩ ᱠᱟᱱᱟ᱾ ᱒᱐᱑᱒᱐ ᱥᱮᱨᱢᱟ ᱨᱮ ᱚᱱᱟ ᱮᱠᱟᱰᱮᱢᱤ ᱨᱮᱱᱟᱜ ᱓᱐ ᱥᱮᱨᱢᱟ ᱯᱩᱨᱟᱹᱣ ᱠᱩ ᱢᱟᱱᱟᱣ ᱞᱮᱫᱟ᱾ ᱩᱱᱤ ᱫᱚ ᱵᱮᱥ ᱠᱚᱭᱮᱠᱴᱤ ᱮᱱᱮᱡ ᱱᱟᱴᱚᱠ ᱨᱮᱱᱟᱜ ᱮ ᱯᱚᱨᱤᱪᱟᱞᱚᱱᱟᱣ ᱠᱟᱫᱟ᱾ ᱩᱱᱤ ᱫᱚ ᱢᱟᱫᱨᱟᱡᱽ ᱨᱮᱱᱟᱜ ᱠᱨᱤᱥᱱᱚ ᱜᱚᱱᱚ ᱥᱚᱵᱷᱟ ᱠᱷᱚᱱ ᱮᱱᱮᱡ ᱪᱩᱲᱟᱢᱚᱱᱤ ᱨᱮᱱᱟᱜ ᱩᱯᱟᱫᱷᱤᱭ ᱧᱟᱢ ᱞᱮᱫᱟ᱾
ᱥᱳᱵᱷᱟ ᱱᱟᱭᱰᱩ ᱑᱙᱕᱖ ᱥᱮᱨᱢᱟ ᱨᱮ ᱚᱱᱫᱷᱨᱚ ᱯᱚᱱᱚᱛ ᱨᱮᱱᱟᱜ ᱵᱤᱥᱟᱠᱷᱟᱯᱚᱛᱛᱚᱱᱚᱢ ᱦᱚᱱᱚᱛ ᱨᱮᱱᱟᱜ ᱟᱱᱟᱠᱟᱯᱟᱞᱞᱮᱛᱮᱭ ᱡᱟᱱᱟᱢ ᱞᱮᱱᱟ᱾ ᱩᱱᱤ ᱫᱚ ᱪᱮᱱᱱᱟᱭ ᱨᱮ ᱛᱟᱸᱦᱮᱸᱠᱟᱛᱮ ᱠᱩᱪᱤᱯᱩᱲᱤ ᱮᱱᱮᱡ ᱪᱤᱛ ᱥᱟᱶ ᱠᱩᱭᱤᱱ ᱢᱮᱹᱨᱤ ᱠᱚᱞᱮᱡᱽ ᱠᱷᱚᱱ ᱰᱤᱜᱨᱤᱭ ᱧᱟᱢ ᱞᱮᱫᱟ᱾
ᱟᱡ ᱵᱟᱵᱟ ᱫᱚ ᱢᱤᱫᱴᱮᱱ Engineer ᱮ ᱛᱟᱸᱦᱮᱸᱠᱟᱱᱟ᱾ ᱟᱡ ᱵᱟᱵᱟ ᱫᱚᱭ ᱢᱮᱱᱞᱮᱫᱟ ᱥᱳᱵᱷᱟ ᱫᱚ ᱞᱟᱹᱴᱩ ᱠᱟᱛᱮ ᱰᱟᱠᱛᱟᱨᱮ ᱦᱩᱭᱩᱜ ᱢᱟ᱾ ᱟᱨ ᱥᱳᱵᱷᱟ ᱟᱜ ᱢᱚᱱ ᱫᱚ ᱮᱱᱮᱡ ᱨᱮ ᱛᱟᱸᱦᱮᱸᱠᱟᱱᱟ᱾ ᱟᱡ ᱜᱚᱜᱚ ᱚᱱᱟ ᱵᱩᱡᱷᱟᱹᱣ ᱠᱟᱛᱮ ᱜᱷᱟᱸᱨᱚᱡ ᱨᱮᱱᱟᱜ ᱢᱟᱱᱟ ᱛᱟᱸᱦᱮᱸᱱ ᱥᱟᱶᱛᱮ ᱦᱚᱸ ᱥᱚᱨᱳᱡᱤᱱᱤ ᱫᱮᱹᱵᱤ ᱨᱟᱡᱽ ᱢᱚᱦᱮᱱᱫᱨᱚ ᱵᱚᱨᱚᱢᱮ ᱯᱤ ᱮᱞ ᱨᱮᱰᱰᱤ ᱟᱜ ᱛᱤ ᱛᱮᱭ ᱯᱟᱲᱦᱟᱣ ᱚᱪᱚ ᱞᱤᱫᱤᱭᱟ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱧᱩᱛᱩᱢᱟᱱ ᱥᱨᱤ ᱵᱷᱮᱢᱯᱚᱛᱤ ᱪᱤᱱᱱᱟ ᱥᱚᱛᱛᱚᱢ ᱟᱜ ᱟᱫᱷᱤᱱ ᱨᱮᱭ ᱛᱟᱸᱦᱮᱸᱠᱟᱱᱟ᱾ ᱩᱱᱤ ᱨᱮᱱ ᱡᱚᱛᱚᱠᱷᱚᱱ ᱥᱚᱨᱮᱥ ᱪᱮᱪᱮᱫᱤᱭᱟᱹᱭ ᱛᱟᱸᱦᱮᱸᱠᱟᱱᱟ ᱥᱳᱵᱷᱟ᱾
ᱥᱳᱵᱷᱟ ᱱᱟᱭᱰᱩ ᱫᱚ ᱠᱷᱟᱹᱞᱤ ᱟᱭᱟᱜ ᱫᱤᱥᱟᱹᱢ ᱨᱮ ᱫᱚ ᱵᱟᱝ ᱜᱚᱴᱟ ᱫᱷᱟᱹᱨᱛᱤ ᱡᱩᱲᱮᱭ ᱮᱱᱮᱡ ᱠᱷᱟᱹᱛᱤᱨᱮ ᱧᱩᱛᱩᱢ ᱞᱮᱫᱟ᱾ ᱴᱟᱱᱟ (TANA) ᱧᱩᱛᱩᱢᱟᱱ ᱢᱤᱫᱴᱮᱱ ᱥᱚᱝᱜᱚᱴᱷᱚᱱᱟᱜ ᱟᱹᱭᱩᱨᱛᱮ ᱥᱳᱵᱷᱟ ᱢᱟᱨᱠᱤᱱ ᱡᱚᱱᱚᱲᱯᱚᱱᱚᱛ ᱨᱮᱱᱟᱜ ᱟᱭᱢᱟ ᱡᱟᱜᱟ ᱨᱮ ᱫᱟᱬᱟ ᱠᱮᱛᱮᱛ ᱮᱱᱮᱡ ᱟᱨᱮ ᱚᱵᱷᱤᱱᱚᱭ ᱞᱮᱫᱟ᱾ ᱤᱱᱟᱹ ᱵᱟᱫᱽ ᱠᱟᱛᱮ ᱦᱚᱸ ᱥᱳᱵᱷᱤᱭᱮᱛ ᱤᱣᱱᱤᱭᱚᱱ, ᱥᱤᱨᱤᱭᱟ, ᱛᱩᱨᱚᱥᱠᱚ, ᱦᱚᱝᱠᱚᱝ, ᱵᱟᱜᱫᱟᱫᱽ, ᱠᱟᱢᱯᱩᱪᱤᱭᱟ ᱟᱨ ᱵᱮᱝᱠᱚᱠ ᱨᱮᱦᱚᱸ ᱮᱱᱮᱡ ᱥᱮᱨᱮᱧ ᱚᱱᱩᱥᱴᱷᱟᱱ ᱨᱮᱭ ᱥᱮᱞᱮᱫᱽ ᱟᱠᱟᱱᱟ᱾ ᱯᱟᱪᱷᱮ ᱮᱥᱤᱭᱟ ᱫᱟᱬᱟ ᱵᱷᱟᱜᱟᱣ ᱠᱟᱛᱮ ᱥᱤᱧᱚᱛ ᱫᱤᱥᱟᱹᱢ ᱨᱮᱱ ᱥᱚᱨᱠᱟᱨ ᱯᱟᱸᱦᱴᱟ ᱠᱷᱚᱱ ᱱᱟᱭᱰᱩ ᱫᱚ ᱳᱭᱮᱥᱴ ᱤᱱᱰᱤᱡᱽ, ᱢᱮᱠᱥᱤᱠᱳ, ᱵᱷᱮᱱᱮᱡᱩᱭᱮᱞᱟ, ᱛᱤᱣᱱᱤᱥᱤᱭᱟ ᱟᱨ ᱠᱤᱣᱵᱟ ᱨᱮᱦᱚᱸ ᱫᱟᱬᱟᱣ ᱟᱠᱟᱫᱟ᱾
This article uses material from the Wikipedia ᱥᱟᱱᱛᱟᱲᱤ article ᱥᱳᱵᱷᱟ ᱱᱟᱭᱰᱩ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.