᱑᱘᱕᱕ ᱥᱮᱨᱢᱟ ᱨᱮ ᱥᱤᱫᱚ ᱠᱟᱱᱦᱩ ᱦᱚᱛᱮ ᱛᱮ ᱥᱚᱨᱮᱥ ᱥᱟᱱᱛᱟᱲ ᱦᱩᱞ ᱞᱮᱱᱟ᱾ ᱱᱤᱭᱟᱹ ᱦᱩᱞ ᱫᱚ ᱮᱠᱮᱱ ᱢᱤᱫ ᱫᱤᱱ ᱥᱮ ᱢᱤᱫ ᱚᱠᱛᱮ ᱨᱮ ᱫᱚ ᱵᱟᱝ ᱦᱩᱭ ᱞᱮᱱᱟ᱾ ᱱᱤᱭᱟᱹ ᱫᱚ ᱟᱭᱢᱟ ᱫᱤᱱ ᱠᱷᱚᱱ ᱵᱩᱨᱥᱤ ᱥᱮᱝᱜᱮᱞ ᱞᱮᱱᱟ ᱢᱩᱸᱰᱩ ᱢᱩᱸᱰᱩ ᱡᱩᱞᱩᱜ ᱠᱟᱱ ᱢᱤᱫ ᱢᱟᱨᱟᱝ ᱥᱮᱝᱜᱮ ᱜᱮ ᱛᱟᱦᱮᱸᱠᱟᱱᱟ᱾ ᱚᱠᱟ ᱫᱚ ᱑᱘᱕᱕ ᱥᱮᱨᱢᱟ ᱨᱮᱭᱟᱜ ᱓᱐ ᱡᱩᱱ ᱢᱟᱹᱦᱤᱛ ᱨᱮ ᱵᱩᱨᱩ ᱥᱮᱝᱜᱮᱞ ᱞᱮᱠᱟ ᱫᱷᱟᱹᱣ ᱫᱷᱟᱹᱣ ᱡᱩᱞ ᱨᱟᱠᱟᱵ ᱮᱱᱟ᱾
ᱱᱚᱶᱟ ᱦᱩᱞ ᱨᱮᱭᱟᱜ ᱚᱠᱛᱮ ᱦᱟᱹᱴᱤᱝ ᱫᱚ ᱞᱟᱛᱟᱨ ᱨᱮ ᱚᱞ ᱟᱠᱟᱱ ᱞᱮᱠᱟᱱᱟ᱾
ᱺ ᱑᱒ ᱡᱩᱞᱭ ᱑᱘᱕᱕ ᱦᱤᱞᱚᱜ ᱥᱤᱫᱚ, ᱠᱟᱹᱱᱦᱩ, ᱪᱟᱱᱫᱚ ᱟᱨ ᱵᱷᱟᱭᱨᱚᱵᱽ ᱛᱟᱠᱚ ᱟᱹᱭᱩᱨ ᱛᱮ ᱦᱩᱞᱜᱟᱹᱨᱤᱭᱟᱹ ᱠᱚ ᱯᱟᱠᱩᱲ ᱵᱚᱞᱚᱱ ᱟᱨ ᱨᱟᱡᱽ ᱚᱲᱟᱜ ᱟᱠᱨᱚᱢᱚᱱ᱾ ᱺ ᱑᱔ ᱦᱩᱞ ᱜᱚᱴᱟ ᱯᱟᱲᱟ ᱯᱟᱥᱟᱱᱟᱣ ᱮᱱᱟ᱾ ᱑᱖ ᱡᱩᱞᱟᱭ ᱑᱘᱕᱕ ᱦᱤᱞᱚᱜ ᱢᱮᱡᱚᱨ ᱵᱩᱨᱜᱽ ᱟᱹᱜᱭᱩᱨ ᱛᱮ ᱵᱨᱤᱴᱤᱥ ᱯᱷᱟᱹᱫᱽ ᱥᱟᱱᱛᱟᱞ ᱴᱷᱮᱱᱠᱚ ᱦᱟᱨᱟᱣ ᱚᱪᱚ ᱮᱱᱟ᱾ ᱺ ᱑᱘ ᱡᱩᱞᱟᱭ ᱑᱘᱕᱕ ᱦᱤᱞᱚᱜ ᱦᱩᱞᱜᱟᱹᱨᱤᱭᱟᱹ ᱠᱚ ᱵᱷᱟᱜᱚᱞᱯᱩᱨ ᱒᱐ ᱠᱤᱞᱚᱢᱤᱴᱟᱨ ᱵᱮᱲᱦᱟᱭ ᱛᱮ ᱟᱠᱚᱣᱟᱜ ᱫᱷᱚᱠᱚᱞ ᱨᱮᱠᱚ ᱟᱹᱜᱩ ᱞᱮᱫᱟ᱾ ᱺ ᱒᱐ ᱡᱩᱞᱟᱭ ᱑᱘᱕᱕ ᱢᱟᱹᱦᱤᱛ ᱠᱚᱨᱮ ᱱᱤᱭᱟᱹ ᱚᱠᱛᱮ ᱠᱷᱚᱱ ᱦᱩᱞ ᱫᱚ ᱵᱟᱹᱭ ᱵᱟᱹᱭᱛᱮ ᱫᱟᱹᱠᱷᱤᱱ ᱯᱩᱨᱩᱵᱽ ᱵᱤᱨᱵᱷᱩᱢ ᱨᱮᱭᱟᱜ ᱛᱟᱞᱰᱟᱝᱜᱟ ᱴᱚᱴᱷᱟ ᱨᱮ ᱟᱨ ᱥᱟᱸᱭᱛᱷᱤᱭᱟᱸ ᱠᱷᱚᱱ ᱵᱷᱟᱜᱚᱞᱯᱩᱨ ᱥᱮᱡ ᱞᱮᱠᱟᱛᱮ ᱨᱟᱡᱽᱢᱚᱦᱚᱞ ᱴᱚᱴᱷᱟ ᱠᱚᱨᱮ ᱦᱩᱞ ᱯᱟᱥᱱᱟᱣ ᱮᱱᱟ᱾ ᱺ᱒᱔ ᱡᱩᱞᱟᱭ ᱑᱘᱕᱕ ᱦᱤᱞᱚᱜ ᱵᱟᱨᱦᱟᱨᱣᱟ ᱵᱟᱨᱦᱮᱭᱴ ᱰᱟᱦᱟᱨ ᱨᱮ ᱨᱟᱜᱷᱩᱱᱟᱛᱯᱩᱨ ᱴᱚᱴᱷᱟ ᱢᱩᱨᱥᱤᱫᱟᱵᱟᱵᱽ ᱡᱤᱞᱟᱹ ᱥᱟᱥᱚᱱ ᱪᱟᱪᱞᱟᱣ ᱤᱸᱨᱟᱹᱡᱽ ᱯᱷᱟᱹᱫᱽ ᱴᱷᱮᱱ ᱪᱟᱱᱫᱚ ᱟᱨ ᱵᱷᱟᱭᱨᱚᱵᱽ ᱯᱷᱟᱹᱫᱽ ᱦᱟᱨᱟᱣ᱾ ᱺ ᱒᱕ ᱡᱩᱞᱟᱭ ᱑᱘᱕᱕ ᱥᱟᱱᱛᱟᱞ ᱠᱚ ᱵᱷᱟᱜᱚᱞᱯᱩᱨ ᱟᱨ ᱯᱩᱨᱱᱤᱭᱟ ᱴᱚᱴᱷᱟ ᱨᱮᱭᱟᱜ ᱢᱮᱱᱤᱯᱷᱮᱥᱴᱚ ᱥᱚᱫᱚᱨ ᱠᱮᱫᱟ᱾ ᱺ ᱑᱐ ᱱᱚᱵᱷᱮᱢᱵᱚᱨ ᱑᱘᱕᱕ ᱢᱟᱹᱦᱤᱛ ᱨᱮ ᱤᱸᱨᱟᱹᱡ ᱥᱟᱨᱠᱟᱨ ᱦᱚᱛᱮᱛᱮ ᱢᱟᱨᱥᱟᱞ ᱟᱹᱱ ᱞᱟᱹᱜᱩ᱾ ᱺ ᱓ ᱡᱟᱱᱩᱣᱟᱨᱤ ᱑᱘᱕᱖ ᱢᱟᱨᱥᱟᱞ ᱟᱹᱱ ᱦᱟᱛᱟᱣ ᱨᱩᱣᱟᱹᱲ᱾ ᱺ ᱑᱔ ᱡᱟᱱᱩᱣᱟᱨᱤ ᱑᱘᱕᱖ ᱢᱟᱹᱦᱤᱛ ᱦᱤᱞᱚᱜ ᱵᱟᱨᱦᱮᱭᱴ ᱥᱩᱨ ᱵᱟᱨᱚᱢᱟᱹᱥᱤᱭᱟᱹ ᱴᱚᱴᱷᱟ ᱨᱮ ᱦᱩᱞ ᱯᱟᱥᱱᱟᱣ ᱟᱨ ᱱᱤᱭᱟᱹ ᱚᱠᱟᱛᱮ ᱨᱮ ᱥᱚᱝᱜᱨᱟᱢᱯᱩᱮ ᱨᱮ ᱤᱭᱩᱨᱚᱯᱤᱭᱟᱹ ᱠᱟᱨᱠᱷᱟᱱᱟ ᱠᱚ ᱦᱟᱢᱞᱟ᱾ ᱺ ᱯᱷᱮᱵᱽᱨᱩᱣᱟᱨᱤ ᱨᱮᱭᱟᱜ ᱫᱚᱥᱟᱨ ᱦᱟᱯᱛᱟ ᱨᱮ ᱥᱤᱫᱚ ᱢᱩᱨᱢᱩ ᱡᱤᱣᱤ ᱟᱞᱟᱭ᱾ ᱺ ᱒᱑/᱒᱒ ᱯᱷᱮᱵᱽᱨᱩᱣᱟᱨᱤ ᱑᱘᱕᱕ ᱦᱤᱞᱚᱜ ᱵᱤᱨᱵᱷᱩᱢ ᱨᱮ ᱠᱩᱨᱠᱩᱛᱨᱟ ᱯᱟᱨᱜᱟᱱᱟ ᱢᱟᱦᱟᱡᱚᱱ ᱠᱚᱣᱟᱜ ᱥᱚᱢᱯᱟᱚᱛᱛᱤ ᱟᱴᱚᱠ ᱞᱮᱫᱟ᱾
This article uses material from the Wikipedia ᱥᱟᱱᱛᱟᱲᱤ article ᱥᱟᱱᱛᱟᱲ ᱦᱩᱞ ᱨᱮᱭᱟᱜ ᱢᱟᱦᱟ ᱢᱟᱹᱦᱤᱛ ᱠᱚ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.