ᱱᱟᱜᱟᱨ ᱨᱮᱭᱟᱜ ᱩᱛᱱᱟᱹᱣ ᱦᱩᱭ ᱠᱚᱜ, ᱵᱷᱟᱹᱜᱤ ᱠᱟᱞᱪᱟᱨ ᱛᱟᱦᱮᱸ ᱠᱚᱜ, ᱨᱚᱲ ᱨᱮᱭᱟᱜ ᱜᱟᱨ ᱪᱤᱱᱦᱟᱹ ᱢᱮᱱᱫᱚ ᱪᱤᱠᱤ ᱮᱢᱟᱱ ᱛᱟᱦᱮᱸᱱ ᱠᱷᱟᱱ ᱚᱱᱟ ᱫᱚ ᱥᱚᱥᱱᱚᱜ ᱵᱚ ᱢᱮᱛᱟᱜᱼᱟ ᱾ ᱥᱚᱥᱱᱚᱜ ᱨᱮᱭᱟᱜ ᱫᱚ ᱥᱟᱶᱛᱟ, ᱨᱟᱡᱽ ᱟᱹᱨᱤ, ᱠᱟᱶᱰᱤ ᱟᱹᱨᱤ ᱮᱢᱟᱱ ᱥᱟᱶ ᱥᱟᱹᱜᱟᱹᱭ ᱢᱮᱱᱟᱜᱼᱟ ᱾ ᱚᱲᱟᱜ ᱫᱩᱣᱟᱹᱨ, ᱥᱚᱲᱚᱠ ᱦᱚᱨ, ᱪᱟᱥ, ᱦᱚᱲᱢᱚ ᱥᱟᱶᱟᱨ, ᱠᱟᱶᱰᱤ ᱟᱹᱨᱤ, ᱮᱱᱮᱡ ᱥᱮᱨᱮᱧ ᱮᱢᱟᱱ ᱠᱚᱨᱮ ᱢᱤᱫᱴᱟᱹᱝ ᱡᱟᱹᱛᱤ ᱞᱟᱦᱟ ᱟᱠᱟᱱ ᱠᱷᱟᱱ ᱚᱱᱟ ᱡᱟᱹᱛᱤ ᱫᱚ ᱥᱚᱥᱱᱚᱜ ᱨᱮ ᱞᱮᱠᱷᱟᱜᱼᱟ ᱾
ᱥᱟᱶᱛᱟ ᱥᱟᱬᱮᱥᱤᱭᱟᱹ ᱵᱷᱤ ᱪᱟᱭᱤᱞᱰᱮ ᱟᱜ ᱞᱟᱹᱭ ᱞᱮᱠᱟᱛᱮ ᱢᱤᱫᱴᱟᱹᱝ ᱡᱟᱹᱛᱤ ᱥᱚᱥᱱᱚᱜ ᱥᱮ ᱵᱟᱝᱟ ᱚᱱᱟ ᱵᱟᱰᱟᱭ ᱞᱟᱹᱜᱤᱫ ᱠᱷᱟᱱ ᱚᱱᱰᱮᱱ ᱠᱚ ᱦᱚᱲᱟᱜ ᱡᱤᱭᱚᱱ ᱫᱷᱟᱨᱚᱱ, ᱵᱟᱧᱪᱟᱜ ᱦᱚᱨᱟ, ᱛᱟᱦᱮᱸᱱ ᱛᱚᱦᱚᱨ (settlement patterns), ᱥᱚᱨᱠᱟᱨ ᱨᱮᱭᱟᱜ ᱨᱩᱯ, ᱥᱚᱢᱟᱡᱽ ᱵᱮᱵᱚᱥᱛᱷᱟ, ᱠᱟᱶᱰᱤ ᱟᱨᱤ, ᱥᱩᱦᱤᱭᱟᱛ (literacy) ᱮᱢᱟᱱ ᱵᱟᱰᱟᱭ ᱦᱩᱭᱩᱜᱼᱟ ᱾ ᱡᱚᱛᱚ ᱥᱚᱥᱱᱚᱜ ᱜᱮ ᱛᱤᱥᱴᱟᱹᱜ ᱞᱟᱹᱜᱤᱫ ᱪᱟᱥ ᱪᱮᱛᱟᱱ ᱨᱮ ᱵᱷᱚᱨᱥᱟᱭᱟ ᱾
ᱥᱚᱥᱱᱚᱜ ᱢᱮᱱ ᱞᱮᱠᱷᱟᱱ ᱫᱚ ᱥᱚᱦᱚᱨ ᱵᱟᱝᱢᱟ ᱵᱟᱡᱟᱨ ᱟᱨ ᱵᱟᱝᱢᱟ ᱱᱟᱜᱟᱨ ᱨᱮ ᱛᱟᱦᱮᱸᱱ ᱢᱮᱱᱛᱮ ᱵᱩᱡᱷᱟᱜᱼᱟ ᱾ ᱮᱴᱟᱜ ᱥᱟᱶᱛᱟ ᱠᱷᱚᱱᱟᱜ ᱥᱚᱥᱱᱚᱜ ᱨᱮᱭᱟᱜ ᱨᱟᱡᱽ ᱟᱹᱨᱤ ᱫᱚ ᱵᱷᱮᱜᱟᱨ ᱜᱮᱭᱟ ᱾ ᱱᱚᱸᱰᱮᱱᱟᱜ ᱚᱲᱟᱜ ᱫᱩᱣᱟᱹᱨ, ᱱᱟᱜᱟᱨ ᱵᱟᱡᱟᱨ ᱫᱚ ᱮᱴᱟᱜ ᱨᱮᱭᱟᱜ ᱠᱷᱚᱱ ᱱᱟᱯᱟᱭ ᱥᱟᱡᱟᱣ ᱟᱛᱮ ᱛᱟᱦᱮᱸᱱᱟ ᱾
ᱥᱚᱥᱱᱚᱜ ᱫᱚ ᱵᱟᱨ ᱞᱮᱠᱟᱛᱮ ᱩᱡᱟᱹᱲ ᱞᱮᱱᱟ ᱢᱮᱱᱴᱮ ᱱᱟᱜᱟᱢᱤᱭᱟᱹ ᱠᱚᱠᱚ ᱞᱟᱹᱭᱟ ᱾ ᱯᱩᱭᱞᱩ ᱫᱚ ᱮᱴᱟᱜ ᱥᱚᱥᱱᱚᱜ ᱨᱮᱭᱟᱜ ᱟᱠᱨᱚᱢᱚᱱ ᱫᱟᱨᱟᱭ ᱛᱮ ᱟᱨ ᱫᱚᱥᱟᱨ ᱫᱚ ᱯᱨᱟᱠᱨᱩᱛᱤᱠ ᱵᱤᱯᱚᱨᱡᱚᱭ ᱮᱢᱟᱱ ᱛᱮ ᱾
This article uses material from the Wikipedia ᱥᱟᱱᱛᱟᱲᱤ article ᱥᱚᱥᱱᱚᱜ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.