ᱢᱚᱱ ᱨᱮᱫᱚ ᱪᱮᱛᱱᱟ, ᱩᱭᱦᱟᱹᱨ, ᱵᱤᱪᱟᱹᱨ, ᱯᱟᱹᱨᱥᱤ ᱟᱨ ᱩᱭᱦᱟᱹᱨ ᱫᱚᱦᱚᱭ ᱴᱷᱟᱶ ᱛᱟᱦᱮᱸᱱᱟ ᱾ ᱢᱚᱱ ᱫᱚ ᱟᱹᱰᱤ ᱜᱟᱱ ᱩᱭᱦᱟᱹᱨ ᱨᱮᱭᱟᱜ, ᱪᱮᱛᱱᱟ ᱨᱮᱭᱟᱜ, ᱪᱤᱱᱦᱟᱹᱶ ᱨᱮᱭᱟᱜ, ᱫᱟᱭᱛᱚ ᱨᱮᱭᱟᱜ, ᱨᱟᱜ ᱞᱟᱱᱫᱟ ᱨᱮᱭᱟᱜ, ᱠᱟᱢᱤ ᱮᱢᱟᱱ ᱨᱮᱭᱟᱜ ᱥᱮᱞᱮᱫ ᱠᱟᱱᱟ ᱾
ᱢᱚᱱ ᱨᱮᱭᱟᱜ ᱫᱚ ᱦᱚᱲᱢᱚ ᱥᱟᱶ ᱥᱟᱹᱜᱟᱹᱭ ᱢᱮᱱᱟᱜᱼᱟ ᱾ ᱦᱚᱲᱢᱚ ᱠᱷᱟᱨᱟᱯ ᱞᱮᱱᱠᱷᱟᱱ ᱢᱚᱱ ᱠᱷᱟᱨᱟᱯᱚᱜᱼᱟ, ᱢᱚᱱ ᱠᱷᱟᱨᱟᱯ ᱞᱮᱠᱷᱟᱱ ᱦᱚᱸ ᱦᱚᱲᱢᱚ ᱵᱟᱹᱲᱤᱡᱚᱜᱼᱟ ᱾ ᱠᱟᱞᱪᱟᱨ ᱟᱨ ᱫᱷᱚᱨᱚᱢ ᱨᱮᱭᱟᱜ ᱢᱮᱫ ᱛᱮ ᱢᱚᱱ ᱨᱮᱭᱟᱜ ᱚᱵᱚᱥᱛᱟ ᱯᱟᱲᱦᱟᱶ ᱜᱟᱱᱚᱜᱼᱟ ᱾ ᱟᱫᱚᱢ ᱵᱩᱫᱽ ᱜᱮᱭᱟᱱ ᱦᱚᱲ ᱫᱚ ᱱᱚᱶᱟ ᱟᱛᱢᱟ ᱥᱟᱶ ᱢᱤᱫ ᱟ ᱢᱮᱱᱛᱮ ᱠᱚ ᱢᱮᱱ ᱟᱠᱟᱜᱼᱟ ᱾
ᱢᱚᱱ ᱨᱮᱭᱟᱜ ᱜᱩᱱ ᱵᱟᱵᱚᱫ ᱛᱮ ᱟᱹᱰᱤ ᱦᱚᱲ ᱟᱹᱰᱤ ᱞᱮᱠᱟᱱ ᱠᱟᱛᱦᱟ ᱠᱚ ᱢᱮᱱ ᱟᱠᱟᱜᱼᱟ ᱾ ᱫᱩᱞᱟᱹᱲ, ᱦᱤᱨᱠᱟᱹ, ᱵᱚᱛᱚᱨ, ᱨᱟᱹᱥᱠᱟᱹ ᱮᱢᱟᱱ ᱫᱚ ᱢᱚᱱ ᱨᱮᱭᱟᱜ ᱢᱤᱢᱤᱫᱴᱟᱝ ᱚᱵᱚᱥᱛᱟ ᱠᱟᱱᱟ ᱾ ᱟᱫᱚᱢ ᱢᱚᱱ ᱥᱟᱬᱮᱥᱤᱭᱟᱹ ᱠᱚ ᱢᱮᱱᱟ ᱱᱚᱶᱟ ᱠᱚᱫᱚ ᱡᱚᱛᱚ ᱢᱚᱱ ᱨᱮᱭᱟᱜ ᱠᱟᱱᱟ, ᱱᱚᱶᱟ ᱠᱚᱫᱚ ᱵᱟᱝ ᱵᱷᱮᱜᱟᱨ ᱞᱟᱹᱠᱛᱤ ᱾ ᱢᱚᱱ ᱫᱚ ᱩᱭᱦᱟᱹᱨ ᱵᱷᱟᱵᱽᱱᱟ ᱨᱮᱭᱟᱜ ᱜᱮ ᱨᱩᱯ ᱠᱟᱱᱟ ᱢᱮᱱᱛᱮ ᱟᱫᱚᱢ ᱢᱚᱱ ᱥᱟᱬᱮᱥᱤᱭᱟᱹ ᱠᱚ ᱞᱟᱹᱭᱟ ᱾ ᱢᱚᱱ ᱨᱮᱭᱟᱜ ᱢᱤᱫᱴᱟᱝ ᱢᱟᱨᱟᱝ ᱜᱩᱱ ᱦᱩᱭᱩᱜ ᱠᱟᱱᱟ ᱡᱮ ᱱᱚᱶᱟ ᱫᱚ ᱩᱠᱩ ᱨᱮᱭᱟᱜ ᱵᱟᱝᱢᱟ ᱩᱠᱩ ᱡᱤᱱᱤᱥ ᱠᱟᱱᱟ ᱾ ᱟᱢᱟᱜ ᱢᱚᱱ ᱨᱮᱭᱟᱜ ᱠᱟᱛᱷᱟ ᱫᱚ ᱮᱴᱟᱜ ᱦᱚᱲ ᱵᱟᱠᱚ ᱵᱟᱰᱟᱭ ᱫᱟᱲᱮᱭᱟᱜᱼᱟ ᱾
ᱡᱚᱛᱚ ᱡᱟᱱᱶᱟᱨ ᱟᱜ ᱜᱮ ᱦᱟᱛᱟᱝ ᱫᱚ ᱥᱤᱨ ᱨᱮᱭᱟᱜ ᱢᱩᱬᱩᱛ ᱠᱟᱱᱟ ᱾ ᱱᱚᱰᱮ ᱠᱷᱚᱱ ᱜᱮ ᱟᱵᱚᱵᱚ ᱩᱭᱦᱟᱹᱨᱟ ᱾ ᱟᱹᱰᱤ ᱜᱟᱱ ᱡᱟᱱᱶᱟᱨ ᱟᱜ ᱜᱮ ᱦᱟᱛᱟᱝ ᱫᱚ ᱵᱚᱦᱚᱜ ᱨᱮ ᱠᱷᱟᱹᱯᱨᱤ ᱵᱷᱤᱛᱨᱤ ᱨᱮ ᱛᱟᱦᱮᱸᱱᱟ ᱾ ᱦᱟᱛᱟᱝ ᱠᱷᱚᱱ ᱜᱮ ᱟᱵᱚ ᱵᱚ ᱧᱮᱞᱟ, ᱟᱧᱡᱚᱢᱟ ᱟᱨ ᱥᱤᱵᱤᱞ ᱵᱚ ᱵᱟᱰᱟᱭ ᱫᱟᱲᱮᱭᱟᱜᱼᱟ ᱾ ᱤᱥᱯᱚᱧᱡᱽ (sponges) ᱞᱮᱠᱟᱱ ᱡᱟᱱᱶᱟᱨᱟᱜ ᱫᱚ ᱦᱟᱛᱟᱝ ᱵᱟᱝ ᱛᱟᱦᱮᱸᱱᱟ ᱾ ᱢᱟᱹᱱᱢᱤᱭᱟᱜ ᱦᱟᱛᱟᱝ ᱨᱮ ᱫᱚ ᱘᱖ ᱵᱤᱞᱤᱭᱚᱱ ᱱᱤᱭᱩᱨᱚᱱ (neurons) ᱢᱮᱱᱟᱜᱼᱟ ᱾
ᱦᱟᱛᱟᱝ ᱟᱨ ᱢᱚᱱ ᱨᱮᱭᱟᱜ ᱥᱟᱹᱜᱟᱹᱭ ᱫᱚ ᱚᱠᱟ ᱞᱮᱠᱟᱱᱟ? ᱢᱚᱱ ᱟᱨ ᱦᱚᱲᱢᱚ ᱨᱮᱭᱟᱜ ᱥᱟᱹᱜᱟᱹᱭ ᱫᱚ ᱚᱠᱟ ᱞᱮᱠᱟᱱᱟ? ᱟᱹᱰᱤ ᱥᱮᱫᱟᱭ ᱠᱷᱚᱱᱟᱜ ᱱᱚᱶᱟ ᱠᱟᱛᱷᱟ ᱫᱟᱨᱥᱚᱱᱤᱠ ᱟᱨ ᱥᱟᱬᱮᱥᱤᱭᱟᱹ ᱠᱚ ᱱᱚᱶᱟ ᱵᱟᱵᱚᱫ ᱛᱮᱠᱚ ᱪᱟᱨᱪᱟ ᱟᱹᱜᱩᱭᱮᱜᱼᱟ ᱾
This article uses material from the Wikipedia ᱥᱟᱱᱛᱟᱲᱤ article ᱢᱚᱱ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.