ᱢᱚᱥᱞᱟ ᱫᱚᱥᱟ ᱫᱚ ᱢᱤᱫ ᱞᱮᱠᱟᱱ ᱫᱚᱥᱟ ᱠᱟᱱᱟ, ᱡᱟᱦᱟᱸ ᱫᱚ ᱢᱟᱝᱜᱟᱞᱚᱨ ᱠᱷᱚᱱ ᱥᱤᱨᱤᱡᱽ ᱠᱟᱛᱮ ᱜᱚᱴᱟ ᱥᱤᱧᱚᱛ ᱨᱮ ᱯᱷᱮᱢᱚᱥ ᱟᱠᱟᱱᱟ ᱾ ᱱᱚᱶᱟ ᱫᱚ ᱪᱟᱣᱞᱮ, ᱫᱟᱹᱞ, ᱟᱹᱲᱩ, ᱢᱤᱛᱷᱤ ᱟᱨ ᱵᱦᱨᱩᱥᱚᱝ ᱥᱟᱠᱟᱢ ᱢᱮᱥᱟ ᱠᱟᱛᱮ ᱠᱚ ᱛᱮᱭᱟᱨᱟ ᱟᱨ ᱪᱚᱴᱚᱬᱤ ᱟᱨ ᱥᱚᱢᱵᱚᱨ ᱥᱟᱣ ᱠᱚ ᱩᱨᱜᱩᱢᱟ ᱾ ᱠᱚᱧᱮ ᱥᱤᱧᱚᱛ ᱨᱮ ᱱᱚᱶᱟ ᱨᱱᱟᱜ ᱵᱟᱹᱲᱛᱤ ᱧᱩᱛᱩᱢ ᱛᱟᱦᱮᱸ ᱞᱮᱱ ᱨᱮᱦᱚᱸ, ᱱᱤᱛ ᱫᱚ ᱜᱚᱴᱟ ᱯᱟᱲᱟ ᱨᱮᱜᱮ ᱧᱟᱢᱚᱜ ᱠᱟᱱᱟ ᱾ ᱚᱱᱟ ᱥᱟᱶᱛᱮ ᱵᱤᱫᱮᱥ ᱨᱮᱦᱚᱸ ᱛᱤᱢᱤᱱ ᱜᱟᱱ ᱴᱚᱴᱷᱟ ᱨᱮ ᱧᱟᱢᱚᱜᱼᱟ ᱾ ᱠᱚᱧᱮ ᱥᱤᱧᱚᱛ ᱨᱮᱱᱟᱜ ᱵᱷᱮᱜᱟᱨ ᱵᱷᱮᱜᱟᱨ ᱴᱚᱴᱷᱟᱨᱮ ᱢᱚᱥᱞᱟ ᱫᱚᱥᱟ ᱨᱮᱱᱟᱜ ᱛᱮᱭᱟᱨ ᱟᱨ ᱥᱤᱵᱤᱞ ᱦᱚᱸ ᱵᱷᱮᱯᱮᱫ ᱧᱚᱜ ᱜᱮᱭᱟ ᱾
ᱢᱚᱥᱞᱟ ᱫᱚᱥᱟ ᱛᱮᱭᱟᱨ ᱞᱟᱹᱜᱤᱫ ᱞᱟᱹᱠᱛᱤᱭᱟᱱᱟᱜ ᱡᱤᱱᱤᱥ ᱞᱮᱠᱟᱛᱮ ᱪᱟᱣᱞᱮ, ᱫᱟᱹᱞ, ᱟᱹᱲᱩ, ᱯᱮᱭᱟᱸᱡᱽ, ᱥᱟᱥᱟᱝ, ᱢᱟᱹᱨᱤᱪ, ᱵᱚᱱᱚᱥᱯᱚᱛᱤ ᱥᱩᱱᱩᱢ ᱮᱢᱟᱱᱟᱜ ᱠᱚ ᱞᱟᱜᱟᱣᱜᱼᱟ ᱾
ᱢᱚᱥᱞᱟ ᱫᱚᱥᱟ ᱫᱚ ᱴᱷᱚᱝᱜᱟ ᱞᱮᱠᱟ ᱜᱩᱲᱭᱟᱹᱣ ᱠᱚᱜᱼᱟ ᱾ ᱪᱟᱣᱞᱮ ᱟᱨ ᱫᱟᱹᱞ ᱫᱚ ᱜᱚᱴᱟ ᱧᱤᱫᱟᱹ ᱞᱚᱦᱚᱫ ᱠᱟᱛᱮ ᱚᱱᱟ ᱫᱚ ᱠᱚ ᱨᱤᱫ ᱜᱩᱰᱟᱹ ᱭᱟ ᱾ ᱨᱤᱫ ᱪᱟᱣᱞᱮ ᱨᱮ ᱛᱤᱢᱤᱱ ᱜᱟᱱ ᱵᱩᱞᱩᱝ ᱟᱨ ᱫᱟᱜ ᱢᱮᱥᱟ ᱠᱟᱛᱮ ᱢᱤᱫ ᱞᱚᱯᱚᱨ ᱠᱚ ᱛᱮᱭᱟᱨᱟ ᱾ ᱚᱱᱟ ᱛᱟᱭᱚᱢ ᱱᱚᱶᱟ ᱫᱚ ᱫᱩᱞ ᱯᱤᱴᱷᱟᱹ ᱞᱮᱠᱟ ᱟᱹᱰᱤ ᱯᱟᱛᱞᱟ ᱟᱨ ᱥᱮᱬᱟ ᱚᱠᱚᱡ ᱛᱟᱣᱟ ᱨᱮ ᱫᱩᱞ ᱠᱟᱛᱮ ᱠᱚ ᱵᱮᱱᱟᱣᱟ ᱾ ᱚᱱᱟ ᱛᱮᱭᱟᱨ ᱟᱠᱟᱱ ᱯᱤᱴᱷᱟᱹ ᱨᱮᱱᱟᱜ ᱜᱩᱲᱭᱟᱹᱣ ᱛᱟᱞᱟᱨᱮ ᱟᱹᱲᱩᱼᱢᱚᱥᱞᱟ ᱥᱤᱯᱤ ᱠᱚ ᱥᱟᱢᱵᱟᱣᱟ ᱾ ᱚᱱᱟ ᱛᱟᱭᱚᱢ ᱚᱸᱰᱮ ᱱᱩᱰᱤᱭᱟᱹ ᱠᱚᱨᱟ, ᱜᱟᱡᱚᱨ, ᱵᱤᱴ, ᱛᱟᱦᱮᱨ, ᱯᱮᱭᱟᱸᱡᱽ ᱟᱨ ᱵᱟᱫᱟᱢ ᱢᱮᱥᱟ ᱠᱟᱛᱮ ᱜᱚᱨᱱᱮᱥᱤᱝᱼᱟ ᱾ ᱢᱚᱭᱥᱩᱨ ᱢᱚᱥᱞᱟ ᱫᱚᱥᱟ ᱨᱮ ᱫᱚ ᱟᱨᱟᱜ ᱢᱟᱹᱨᱤᱪ, ᱯᱮᱭᱟᱸᱡᱽ ᱟᱨ ᱨᱟᱹᱥᱩᱬ ᱛᱮ ᱟᱨᱟᱜ ᱪᱟᱹᱴᱱᱤ ᱠᱚ ᱵᱮᱱᱟᱣᱟ, ᱡᱟᱦᱟᱸ ᱫᱚ ᱟᱹᱞᱩ ᱢᱚᱥᱞᱟ ᱥᱤᱯᱤ ᱥᱟᱢᱵᱟᱣ ᱢᱟᱲᱟᱝ ᱨᱮ ᱠᱚ ᱡᱮᱨᱮᱲ ᱢᱮᱥᱟ ᱦᱟᱜᱼᱟ ᱾
This article uses material from the Wikipedia ᱥᱟᱱᱛᱟᱲᱤ article ᱢᱚᱥᱞᱟ ᱫᱚᱥᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.