ᱠᱟᱸᱥᱟ
ᱠᱟᱸᱥᱟ
ᱫᱚ ᱛᱟᱸᱵᱟ ᱢᱮᱥᱟ ᱢᱮᱴᱟᱞ ᱠᱚ ᱢᱮᱛᱟᱜᱼᱟ ᱾ ᱩᱱ ᱚᱠᱛᱚ ᱨᱮᱭᱟᱜ ᱯᱩᱨᱟᱹ ᱡᱤᱱᱤᱥ ᱠᱷᱚᱱ ᱱᱚᱣᱟ ᱫᱚ ᱢᱤᱫ ᱫᱟᱢᱟᱱ ᱡᱤᱱᱤᱥ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸ ᱠᱷᱟᱹᱛᱤᱨ ᱚᱱᱟ ᱡᱩᱜᱽ ᱫᱚ ᱠᱟᱸᱥᱟ ᱡᱩᱜᱽ ᱢᱮᱱᱛᱮ ᱠᱚ ᱧᱩᱛᱩᱢ ᱠᱮᱜᱼᱟ ᱾ ᱱᱚᱣᱟ ᱫᱚ ᱤᱸᱜᱽᱞᱤᱥ ᱛᱮᱫᱚ ᱵᱨᱚᱸᱡᱽ ᱠᱚ ᱢᱮᱛᱟᱜᱼᱟ, ᱡᱟᱦᱟᱸ ᱫᱚ ᱯᱷᱟᱹᱨᱥᱤ ᱨᱮᱭᱟᱜ ᱢᱩᱬ ᱟᱹᱲᱟᱹ ᱠᱟᱱᱟ ᱾ ᱠᱟᱸᱥᱟ ᱫᱚ ᱯᱩᱸᱰ ᱛᱟᱸᱵᱟ ᱟᱨᱵᱟᱝ ᱜᱷᱚᱱᱴᱟ ᱵᱮᱱᱟᱣ ᱞᱟᱹᱜᱤᱫ ᱢᱮᱴᱟᱞ ᱠᱚ ᱢᱮᱛᱟᱜᱼᱟ ᱾ ᱵᱟᱝ ᱱᱤᱨᱲᱟᱹ ᱛᱟᱸᱵᱟ ᱫᱚ ᱟᱨᱟᱜ ᱜᱮ ᱛᱟᱦᱮᱸᱱᱟ ᱾ ᱚᱱᱟᱨᱮ ᱨᱚᱝᱜᱟ ᱢᱮᱥᱟ ᱞᱮᱠᱷᱟᱱ ᱯᱩᱸᱰ ᱵᱮᱱᱟᱣᱜᱼᱟ ᱾ ᱚᱱᱟᱛᱮ ᱛᱟᱸᱵᱟ ᱟᱨ ᱨᱚᱝᱜᱟ ᱨᱮᱭᱟᱜ ᱢᱮᱥᱟ ᱢᱮᱴᱟᱞ ᱫᱚ ᱠᱟᱸᱱᱟ ᱠᱚ ᱢᱮᱛᱟᱜᱼᱟ ᱾ ᱜᱟᱞᱢᱟᱨᱟᱣ ᱡᱚᱝ ᱨᱮᱫᱚ ᱚᱠᱟ ᱚᱠᱟ ᱡᱚᱦᱚᱜ ᱛᱟᱸᱵᱟ ᱦᱚᱸ ᱠᱟᱸᱥᱟ ᱢᱮᱱᱛᱮ ᱠᱚ ᱢᱮᱱ ᱜᱚᱫ ᱠᱟᱜᱼᱟ ᱾ ᱛᱟᱸᱵᱟ ᱟᱨ ᱨᱟᱝᱜᱟ ᱢᱮᱥᱟ ᱢᱮᱴᱟᱞ ᱫᱚ "ᱵᱟᱦᱟ" ᱢᱮᱱᱛᱮ ᱦᱚᱸᱵᱚ ᱢᱮᱛᱟᱜᱼᱟ ᱾
ᱠᱟᱸᱥᱟ ᱨᱮᱭᱟᱜ ᱜᱩᱱ
ᱠᱟᱸᱥᱟ ᱫᱚ ᱛᱟᱸᱵᱟ ᱠᱷᱚᱱ ᱵᱟᱹᱲᱛᱤ ᱜᱮ ᱠᱮᱴᱮᱡᱼᱟ ᱟᱨ ᱟᱹᱰᱤ ᱠᱟᱼᱡ ᱞᱚᱞᱚ ᱛᱮ ᱛᱚᱨᱲᱟᱣ ᱜᱚᱫᱚᱜᱼᱟ ᱾ ᱚᱱᱟᱛᱮ ᱠᱟᱸᱥᱟ ᱫᱚ ᱞᱟᱹᱠᱛᱤ ᱞᱮᱠᱟ ᱜᱚᱲᱦᱚᱱ ᱜᱟᱱᱚᱜᱼᱟ ᱾ ᱑᱖ ᱵᱷᱟᱜᱽ ᱛᱟᱸᱵᱟ ᱟᱨ ᱑ ᱵᱷᱟᱜᱽ ᱨᱟᱝᱜᱟ ᱨᱮᱭᱟᱜ ᱢᱮᱥᱟ ᱢᱮᱴᱟᱞ ᱟᱹᱰᱤ ᱫᱚ ᱵᱟᱝ ᱠᱮᱴᱮᱡᱼᱟ ᱾ ᱱᱚᱣᱟ ᱫᱚ ᱱᱚᱨᱚᱢ ᱜᱚᱱ ᱢᱮᱴᱟᱞ (gun metal) ᱠᱚ ᱢᱮᱛᱟᱜᱼᱟ ᱾ ᱨᱟᱝᱜᱟ ᱨᱮᱭᱟᱜ ᱞᱚᱞᱚ ᱵᱟᱨ ᱜᱟᱵᱟᱬ ᱞᱮ ᱮᱱᱟᱝ ᱠᱮᱴᱮᱡ ᱜᱚᱱ ᱢᱮᱴᱟᱞ ᱫᱚ ᱵᱮᱱᱟᱣᱜᱼᱟ ᱾ ᱗ ᱵᱷᱟᱜᱽ ᱛᱟᱸᱵᱟ ᱟᱨ ᱑ ᱵᱷᱟᱜᱽ ᱨᱟᱝᱜᱟ ᱛᱟᱦᱮᱸ ᱞᱮᱱᱠᱷᱟᱱ ᱢᱮᱥᱟ ᱢᱮᱴᱟᱞ ᱠᱮᱴᱮᱡ, ᱨᱚᱠᱚᱲ ᱟᱨ ᱪᱤᱠᱟᱹᱬ ᱛᱟᱦᱮᱸᱱᱟ ᱾ ᱜᱷᱩᱲᱤ ᱵᱮᱱᱟᱣ ᱞᱟᱹᱜᱤᱫ ᱫᱚ ᱨᱟᱝᱜᱟ ᱟᱜ ᱞᱚᱞᱚ ᱟᱨ ᱦᱚᱸ ᱵᱟᱹᱲᱛᱤ ᱦᱩᱭᱩᱜᱼᱟ ᱾ ᱚᱱᱠᱟ ᱫᱚ ᱓ ᱠᱷᱚᱱ ᱕ ᱵᱷᱟᱜᱽ ᱫᱷᱟᱹᱵᱤᱡ ᱛᱟᱸᱵᱟ ᱟᱨ ᱢᱤᱫ ᱵᱷᱟᱜᱽ ᱨᱟᱝᱜᱟ ᱟᱜ ᱞᱟᱹᱠᱛᱤ ᱛᱟᱦᱮᱸᱱᱟ ᱾ ᱤᱠᱷᱟᱹᱱ ᱱᱤᱛᱚᱜ ᱢᱟ ᱨᱩᱯᱟᱹ ᱛᱮ ᱛᱚᱞ ᱟᱠᱟᱱ ᱠᱟᱸᱪ ᱟᱹᱨᱥᱤ ᱥᱟᱢᱟᱝ ᱨᱮ ᱱᱚᱣᱟ ᱨᱮᱭᱟᱜ ᱵᱮᱵᱷᱟᱨ ᱢᱮᱴᱟᱣ ᱤᱫᱤᱜ ᱠᱟᱱᱟ ᱾
ᱢᱮᱥᱤᱱ ᱨᱮᱭᱟᱜ bearings ᱞᱟᱹᱜᱤᱫ ᱠᱟᱸᱥᱟ ᱨᱮᱭᱟᱜ ᱫᱚ ᱟᱹᱰᱤ ᱵᱟᱹᱲᱛᱤ ᱵᱮᱵᱷᱟᱨ ᱦᱩᱭᱩᱜᱼᱟ, ᱪᱮᱫᱟᱜ ᱥᱮ ᱚᱱᱟᱛᱮ ᱠᱚᱢ ᱜᱟᱥᱟᱣᱜᱼᱟ ᱾ ᱤᱠᱷᱟᱹᱱ ᱢᱮᱴᱟᱞ ᱵᱟᱹᱲᱛᱤ ᱠᱮᱴᱮᱡᱽ ᱨᱮᱭᱟᱜ ᱦᱩᱫᱤᱥ ᱠᱷᱟᱹᱛᱤᱨ ᱚᱱᱟᱨᱮ ᱛᱤᱱᱟᱹᱝᱜᱟᱱ ᱮᱴᱟᱜ ᱢᱮᱴᱟᱞ ᱦᱚᱸ ᱢᱮᱥᱟ ᱠᱟᱜ ᱦᱩᱭᱩᱜ ᱠᱟᱱᱟ ᱾ ᱫᱟᱹᱭᱠᱟᱹ ᱞᱮᱠᱟᱛᱮ : ᱒᱔ ᱟᱨᱵᱟᱝ ᱵᱟᱹᱲᱛᱤ ᱵᱷᱟᱜᱽ ᱨᱟᱝᱜᱟ, ᱔ ᱵᱷᱟᱜᱽ ᱛᱟᱸᱵᱟ ᱟᱨ ᱘ ᱵᱷᱟᱜᱽ ᱟᱱᱴᱤᱢᱚᱱᱤ ᱫᱚ ᱧᱩᱛᱩᱢᱟᱱ ᱵᱮᱵᱤᱴ ᱢᱮᱴᱟᱞ ᱠᱟᱱᱟ ᱡᱟᱦᱟᱸ ᱨᱮᱭᱟᱜ ᱧᱩᱛᱩᱢ ᱫᱚ ᱤᱥᱟᱠ ᱵᱮᱵᱤᱴ ᱾ ᱱᱚᱣᱟ ᱫᱚ bearings ᱞᱟᱹᱜᱤᱫ ᱟᱹᱰᱤ ᱵᱟᱹᱲᱛᱤ ᱵᱮᱵᱷᱟᱨ ᱦᱩᱭᱩᱜᱼᱟ ᱾ ᱠᱟᱸᱥᱟᱨᱮ ᱑ ᱨᱟᱯᱟᱝᱜᱚᱥ ᱜᱟᱱ ᱯᱷᱳᱥᱯᱷᱚᱨᱚᱥ ᱢᱮᱥᱟ ᱞᱮᱠᱷᱟᱱ ᱢᱮᱥᱟ ᱢᱮᱴᱟᱞ ᱵᱟᱹᱲᱛᱤ ᱠᱮᱴᱮᱡ ᱦᱩᱭᱩᱜᱼᱟ ᱾ ᱱᱚᱝᱠᱟᱱ ᱢᱮᱥᱟ ᱢᱮᱴᱟᱞ ᱫᱚ ᱯᱷᱳᱥᱯᱷᱳᱨᱚᱥ ᱵᱨᱚᱸᱡᱽ ᱠᱚ ᱢᱮᱛᱟᱜᱼᱟ ᱾ ᱛᱟᱸᱵᱟ ᱟᱨ ᱮᱞᱩᱢᱤᱱᱤᱭᱚᱢ ᱨᱮᱭᱟᱜ ᱢᱮᱥᱟ ᱢᱮᱴᱞ ᱫᱚ ᱮᱞᱩᱢᱤᱱᱤᱭᱚᱢ ᱠᱚ ᱢᱮᱛᱟᱜᱼᱟ ᱾ ᱱᱚᱣᱟ ᱢᱮᱴᱟᱞ ᱫᱚ ᱟᱹᱰᱤ ᱠᱮᱴᱮᱡ ᱛᱟᱦᱮᱸᱱᱟ ᱟᱨ ᱦᱚᱭ ᱟᱨ ᱫᱟᱜ ᱛᱮ ᱱᱚᱣᱟ ᱫᱚ ᱵᱟᱝ ᱠᱷᱤᱭᱟᱹᱣᱜᱼᱟ ᱾
ᱱᱟᱜᱟᱢ
ᱛᱟᱸᱵᱟ ᱟᱨ ᱚᱱᱟ ᱨᱮᱭᱟᱜ ᱦᱟ.ᱴᱤᱧ
| ᱡᱟᱹᱛᱤ | ᱢᱩᱬᱩᱛ ᱢᱮᱥᱟᱞ | UNS ᱮᱞᱮᱞ |
|---|---|---|
| ᱛᱟᱸᱵᱟ ᱨᱮᱭᱟᱜ ᱢᱮᱥᱟᱞ ᱯᱤᱛᱚᱞ | ᱡᱤᱸᱠ (Zn) | C᱑xxxx–C᱔xxxx,C᱖᱖᱔00–C᱖᱙᱘00 |
| ᱯᱷᱚᱥᱯᱷᱚᱨ ᱵᱨᱚᱸᱡᱽ | ᱨᱟᱸᱜᱟ (Sn) | C᱕xxxx |
| ᱟᱞᱩᱢᱤᱱᱤᱭᱚᱢ ᱵᱨᱚᱸᱡᱽ | ᱟᱞᱩᱢᱤᱱᱤᱭᱚᱢ (Al) | C᱖᱐᱖᱐᱐–C᱖᱔᱒᱐᱐ |
| ᱥᱤᱞᱤᱠᱚᱱ ᱵᱨᱚᱸᱡᱽ | ᱥᱤᱞᱤᱠᱚᱱ (Si) | C᱖᱔᱗᱐᱐–C᱖᱖᱑᱐᱐ |
| ᱛᱟᱸᱵᱟ ᱱᱤᱠᱚᱞ, ᱱᱤᱠᱚᱞ ᱥᱤᱞᱵᱚᱨ | ᱱᱤᱠᱚᱞ (Ni) | C᱗xxxx |
ᱟᱨ ᱦᱚᱸ ᱧᱮᱞ ᱢᱮ
https://en.m.wikipedia.org/wiki/Art_object
https://en.m.wikipedia.org/wiki/Bell_founding https://en.m.wikipedia.org/wiki/French_Empire_mantel_clock
https://en.m.wikipedia.org/wiki/Bronze_and_brass_ornamental_work
ᱥᱟᱹᱠᱷᱭᱟᱹᱛ
https://doi.org/10.1006%252Fjasc.2002.0809
https://archive.is/20140205001504/http://antiquity.ac.uk/ant/087/ant0871030.htm
ᱵᱟᱦᱨᱮ ᱡᱚᱱᱚᱲ
- Bronze bells
- "Lost Wax, Found Bronze": lost-wax casting explained
- "Flash animation of the lost-wax casting process". James Peniston Sculpture. Retrieved 2008-11-03.
- Viking Bronze – Ancient and Early Medieval bronze casting
https://curlie.org/Business/Materials/Metals/Alloys/Bronze/
https://web.archive.org/web/20061216180940/http://www.msm.cam.ac.uk/phase-trans/2005/bell/bell.html
http://wildlifeart.org/Foundry/index2.html
http://www.jepsculpture.com/bronze.shtml
http://web.comhem.se/vikingbronze/ Archived ᱒᱐᱑᱖-᱐᱔-᱑᱖ at the Wayback Machine.
This article uses material from the Wikipedia ᱥᱟᱱᱛᱟᱲᱤ article ᱠᱟᱸᱥᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.