ᱠᱚᱭᱮᱞ ᱯᱚᱧᱪᱟᱱᱚᱱ ᱢᱟᱺᱨᱰᱤ
ᱠᱚᱭᱮᱞ ᱯᱚᱧᱪᱟᱱᱚᱱ ᱢᱟᱺᱨᱰᱤ (ᱜᱚᱲᱚᱢ ᱧᱩᱛᱩᱢ ᱫᱚ ᱯᱤᱛᱷᱚ ᱢᱟᱺᱨᱰᱤ) ᱫᱚ ᱥᱟᱱᱛᱟᱲᱤ ᱥᱟᱶᱦᱮᱫ ᱥᱮᱨᱢᱟ ᱨᱮᱱ ᱢᱤᱫᱴᱟᱝ ᱧᱩᱛᱩᱢᱟᱱ ᱚᱱᱚᱬᱦᱤᱭᱟᱹ ᱟᱨ ᱜᱟᱛᱷᱟᱱᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱥᱤᱧᱚᱛ ᱫᱤᱥᱚᱢ ᱳᱰᱤᱥᱟ ᱯᱚᱱᱚᱛ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱟᱭᱨᱚᱝᱯᱩᱨ ᱡᱟᱯᱟᱜ ᱠᱷᱚᱱᱛᱚ ᱯᱤᱲ ᱨᱮᱱᱟᱜ ᱮᱠᱰᱟᱲ ᱟᱹᱛᱩ ᱨᱮ ᱢᱟ.
᱑᱕/᱐᱗/᱑᱙᱒᱓ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱵᱟᱵᱟ ᱧᱩᱛᱩᱢ ᱫᱚ ᱥᱚᱞᱮ ᱢᱟᱺᱨᱰᱤ ᱟᱭᱳ ᱫᱚ ᱡᱟᱹᱣᱱᱟᱹ ᱢᱟᱺᱨᱰᱤ ᱾ ᱮᱨᱟ ᱧᱩᱛᱩᱢ ᱫᱩᱞᱤ ᱢᱟᱺᱨᱰᱤ ᱾ ᱯᱩᱱᱭᱟᱺ ᱜᱤᱫᱽᱨᱟᱹ, ᱢᱟᱨᱟᱝ ᱢᱟᱹᱭ ᱡᱟᱣᱱᱟᱹ ᱱᱤᱛᱭᱟᱱᱚᱱᱫᱚ, ᱵᱮᱬᱩᱫᱷᱚᱨ ᱟᱨ ᱦᱚᱯᱚᱱ ᱢᱟᱹᱭ ᱾
| ᱠᱚᱭᱮᱞ ᱯᱚᱧᱪᱟᱱᱚᱱ ᱢᱟᱺᱨᱰᱤ | |
|---|---|
| ᱡᱟᱱᱟᱢ | ᱡᱩᱞᱟᱭ ᱑᱕, ᱑᱙᱒᱓᱾ ᱮᱠᱰᱟᱲ, ᱨᱟᱭᱨᱚᱝᱯᱩᱨ, ᱢᱚᱭᱩᱨᱵᱷᱚᱸᱡᱽ |
| ᱜᱩᱨ | ᱒᱕ ᱡᱩᱱ ᱑᱙᱖᱓ (᱓᱙ ᱵᱚᱭᱚᱥ) |
| ᱢᱟᱹᱱ ᱧᱩᱢ | ᱠᱚᱭᱮᱞ ᱯᱚᱧᱪᱟᱱᱚᱱ |
| ᱠᱟᱹᱢᱤ | ᱚᱱᱚᱬᱦᱤᱭᱟᱹ , ᱥᱟᱶᱛᱟ ᱥᱩᱥᱟᱹᱨᱤᱭᱟᱹ , ᱥᱮᱨᱮᱧᱤᱭᱟᱹ |
| ᱯᱟᱹᱨᱥᱤ | ᱥᱟᱱᱛᱟᱲᱤ, ᱳᱰᱤᱭᱟ |
| ᱡᱟᱹᱛᱤᱭᱟᱹᱛ | ᱥᱤᱧᱚᱛᱤᱭᱟᱹ |
| ᱱᱟᱹᱜᱟᱹᱨᱤᱭᱟᱹ | ᱵᱽᱨᱤᱴᱤᱥ ᱵᱷᱟᱨᱚᱛᱤᱭᱚ (᱑᱙᱒᱓-᱑᱙᱔᱗) ᱥᱤᱧᱚᱛᱤᱭᱟᱹ (᱑᱙᱔᱗-᱑᱙᱖᱓) |
| ᱥᱟᱛᱟᱢ | ᱥᱟᱶᱦᱮᱫ |
| ᱥᱟᱶᱦᱮᱫ ᱮᱱᱮᱢ | ᱱᱟᱞᱦᱟ ᱛᱩᱢᱟᱹᱞ ᱥᱟᱢᱠᱟ ᱥᱟᱹᱴᱤ ᱦᱟᱭᱨᱮ ᱥᱟᱱᱛᱟᱲ ᱡᱟᱹᱛᱤ ᱜᱟᱛᱮ ᱟᱲᱟᱝ ᱫᱷᱚᱨᱚᱢ ᱰᱟᱠ |
ᱚᱞᱚᱜ ᱠᱟᱛᱷᱟ
ᱟᱡ ᱵᱟᱵᱟ ᱦᱟᱜ ᱥᱚᱱᱚᱛ ᱩᱭᱦᱟᱹᱨ ᱛᱟᱦᱮᱸ ᱠᱟᱱᱟ ᱜᱤᱫᱽᱨᱟᱹ ᱛᱤᱧ ᱢᱮᱫ ᱢᱟᱨᱥᱟᱞ ᱦᱚᱨ ᱰᱟᱦᱟᱨᱤᱧ ᱩᱫᱩᱜ ᱟᱭ ᱠᱷᱟᱱ ᱡᱟᱦᱟᱸ ᱛᱤᱥ ᱱᱚᱣᱟ ᱡᱟᱹᱛᱤ ᱨᱮᱱᱟᱝ, ᱱᱚᱣᱟ ᱥᱟᱶᱛᱟ ᱨᱮᱱᱟᱝ, ᱱᱚᱣᱟ ᱞᱟᱠᱪᱟᱨ ᱨᱮᱱᱟᱝ ᱩᱱᱩᱢ ᱟᱫᱚᱜ ᱠᱟᱱ ᱥᱚᱱᱮᱨ ᱫᱷᱚᱱ ᱠᱚ ᱚᱣᱟᱨ ᱞᱟᱹᱜᱤᱫ ᱛᱮ ᱫᱤᱥᱚᱢ ᱦᱚᱲ ᱠᱚ ᱦᱚᱨᱼᱮ ᱩᱫᱩᱜ ᱟᱠᱚᱣᱟ ᱾ ᱚᱱᱟ ᱩᱭᱦᱟᱹᱨ ᱛᱮ ᱟᱹᱛᱩ ᱥᱩᱨ ᱨᱮ ᱢᱮᱱᱟᱜ ᱵᱷᱚᱨᱵᱮᱰᱟ ᱟᱹᱛᱩ ᱨᱮ ᱢᱮᱱᱟᱜ ᱭᱩ. ᱯᱤ. ᱥᱠᱩᱞ ᱨᱮ ᱠᱚ ᱵᱷᱩᱨᱛᱤ ᱞᱮᱫᱮᱭᱟ ᱾ ᱚᱰᱮ ᱠᱷᱚᱱ ᱜᱮ ᱩᱱᱤᱭᱟᱜ ᱚᱞᱚᱜ ᱡᱤᱭᱚᱱ ᱫᱚ ᱮᱦᱚᱵ ᱞᱮᱱᱟ ᱾
ᱚᱞᱚᱜ ᱫᱚ ᱑᱙᱓᱔-᱓᱖ ᱨᱮ ᱮᱢ.ᱤ.ᱥᱠᱩᱞ ᱥᱟᱹᱛ ᱵᱚᱰᱟᱢ ᱛᱟᱹᱲᱤᱭᱟᱹ ᱵᱤᱨᱫᱟᱹᱜᱟᱲ ᱠᱷᱚᱱ ᱾ ᱤᱱᱟᱹ ᱚᱠᱛᱚ ᱫᱚ ᱵᱚᱰᱟᱢᱛᱟᱲᱭᱟᱹ ᱨᱮ ᱜᱩᱨᱩ ᱜᱚᱝᱠᱮ ᱯᱚᱸᱰᱤᱛ ᱨᱟᱹᱜᱷᱩᱱᱟᱛ ᱢᱩᱨᱢᱩ ᱛᱟᱹᱠᱤᱱ ᱢᱟᱪᱮᱛ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱑᱙᱔᱒ ᱥᱟᱞᱮ ᱨᱮ ᱵᱟᱹᱨᱯᱟᱫᱟ ᱮᱢ. ᱠᱮ. ᱥᱤ. ᱩᱥᱩᱞ ᱵᱤᱨᱫᱟᱹᱜᱟᱲ (ᱦᱟᱭᱤᱥᱠᱩᱞ) ᱠᱷᱚᱱ ᱢᱮᱴᱨᱤᱠ ᱮ ᱥᱟᱹᱛ ᱠᱮᱜᱼᱟ ᱾ ᱚᱱᱟ ᱛᱟᱭᱚᱢ ᱵᱟᱹᱞᱤᱥᱚᱨ ᱛᱩᱲᱤᱜᱹᱰᱤᱭᱟᱹ ᱵᱮᱥᱤᱠ ᱴᱨᱮᱱᱤᱝ ᱥᱠᱩᱞ ᱠᱷᱤᱱ ᱥᱤ.ᱴᱤ. ᱥᱟᱹᱛ ᱾
ᱪᱟᱹᱠᱨᱤ
ᱟᱨᱦᱚᱸ ᱤᱱᱟᱹ ᱛᱟᱭᱚᱢ ᱛᱟᱭᱚᱢ ᱛᱮᱜᱮ ᱵᱟᱞᱤᱥᱚᱨ ᱨᱮ ᱠᱟᱹᱢᱤ ᱟᱹᱢᱟᱹᱞᱤᱭᱟᱹ ᱞᱮᱠᱟ ᱛᱮ ᱠᱤᱱ ᱪᱟᱹᱠᱨᱤ ᱞᱮᱫᱼᱟ ᱾ ᱥᱟᱱᱛᱟᱲ ᱠᱚᱣᱟᱜ ᱚᱞᱚᱜ ᱱᱟᱦᱮᱫ ᱧᱮᱞ ᱠᱟᱛᱮ ᱠᱚᱱᱴᱨᱟᱠᱴᱚᱨ ᱠᱚ ᱥᱟᱞᱟ ᱟᱰᱤ ᱛᱚᱠᱨᱟᱲ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱾ ᱪᱮᱫᱟᱜ ᱥᱮ ᱟᱵᱚ ᱨᱮᱸᱜᱮᱡ ᱥᱟᱱᱛᱟᱲ ᱠᱚ ᱟᱹᱰᱤ ᱠᱚᱢ ᱠᱩᱲᱟᱹᱭ ᱛᱮ ᱠᱚ ᱠᱟᱹᱢᱤ ᱦᱚᱪᱚᱭᱮᱫ ᱠᱚ ᱛᱟᱦᱮᱸᱫ ᱾ ᱱᱚᱝᱠᱟᱱ ᱛᱚᱠᱠᱟᱲ ᱟᱨ ᱮᱨᱟᱲ ᱧᱮᱞᱮᱱ ᱠᱷᱟᱱ ᱢᱤᱫ ᱡᱚᱱᱚᱛᱟ ᱫᱚᱲ ᱮᱢ.ᱯᱤ.ᱪᱚᱱᱫᱽᱨᱚ ᱢᱚᱦᱚᱱ ᱥᱤᱝ ᱯᱚᱧᱪᱟᱱᱚᱱ ᱢᱟᱹᱨᱰᱤ ᱵᱟᱵᱟ ᱴᱷᱮᱱᱮ ᱞᱟᱹᱭ ᱠᱮᱫ-ᱟ , ᱪᱟᱹᱠᱨᱤ ᱵᱟᱹᱜᱤ ᱢᱟᱭ ᱵᱟᱝᱠᱷᱟᱱ ᱵᱩᱜᱤ ᱵᱟᱝ ᱦᱩᱭᱩᱜ-ᱟ , ᱫᱟᱞ ᱛᱚᱞ ᱪᱚ ᱟᱨ ᱪᱮᱫ ᱪᱚ ᱦᱩᱭᱩᱜ-ᱟ ᱾ ᱚᱱᱟᱛᱮ ᱪᱟᱹᱠᱨᱤ ᱵᱟᱹᱜᱤ ᱞᱮᱫᱼᱟ ᱾
ᱪᱟᱹᱠᱨᱤ ᱵᱟᱹᱜᱤ ᱛᱟᱭᱚᱢ
ᱵᱟᱫᱟᱢ ᱯᱟᱦᱟᱰ ᱮᱢ.ᱤ.ᱥᱠᱩᱞ ᱛᱟᱭᱚᱢ ᱡᱳᱰᱟ ᱮᱢ.ᱤ ᱥᱠᱩᱞ ᱨᱮ ᱢᱟᱪᱮᱛ ᱴᱤᱥᱠᱳ ᱴᱟᱴᱟ ᱥᱴᱤᱞ ᱠᱳᱢᱯᱟᱱᱤ ᱯᱟᱦᱴᱟ ᱠᱷᱚᱱ ᱪᱟᱞᱟᱜ ᱠᱟᱱ ᱵᱤᱨᱫᱟᱹᱜᱟᱲ ᱾ᱢᱩᱪᱟᱹᱫ ᱨᱮ ᱜᱟᱺᱵᱷᱟᱹᱨᱤᱭᱟᱹᱨᱮ ᱢᱟᱪᱮᱛ ᱞᱮᱠᱟ ᱛᱮ ᱠᱤᱱ ᱠᱟᱹᱢᱤ ᱠᱮᱫ-ᱟ ᱾
ᱚᱞ ᱯᱚᱛᱚᱵ ᱠᱚ
ᱩᱱᱠᱤᱱ ᱫᱚ ᱥᱮᱨᱮᱧ ᱨᱩᱥᱤᱠᱟᱦᱚᱸᱠᱤᱱ ᱛᱟᱦᱮᱸ ᱠᱟᱱᱟ ᱾ ᱠᱷᱮᱨᱣᱟᱲ ᱦᱚᱯᱚᱱ ᱥᱟᱱᱛᱟᱲ ᱠᱚᱣᱟᱜ ᱾ ᱨᱮᱸᱜᱮᱡ ᱢᱩᱨᱩᱠ ᱦᱟᱞᱟᱠ ᱧᱮᱞ ᱠᱟᱛᱮ ᱢᱤᱫ ᱥᱮᱨᱮᱧ ᱯᱚᱛᱚᱵ ᱠᱤᱱ ᱚᱞ ᱞᱮᱫ-ᱟ ᱾ ᱫᱤᱥᱚᱢ ᱫᱤᱥᱚᱢ ᱫᱟᱬᱟ ᱠᱟᱛᱮ ᱚᱱᱟᱠᱤᱱ ᱥᱮᱨᱮᱧ ᱟᱹᱪᱩᱨ ᱞᱮᱫ-ᱟ ᱾ ᱚᱱᱟ ᱥᱮᱨᱮᱧ ᱯᱚᱛᱚᱦ ᱨᱮᱱᱟᱜ ᱧᱩᱛᱩᱢ ᱫᱚ ᱱᱟᱞᱦᱟ ᱛᱩᱢᱟᱹᱞ ᱾ ᱚᱱᱠᱟ ᱜᱮ ᱟᱹᱠᱤᱱᱟᱜ ᱚᱞᱟᱜ ᱮᱴᱟᱜ ᱯᱚᱛᱚᱵ ᱠᱚ ᱫᱚ , ᱫᱷᱚᱨᱚᱢ ᱰᱟᱠ , ᱥᱟᱢᱠᱟᱥᱟᱹᱴᱤ , ᱜᱟᱛᱮ ᱟᱲᱟᱝ , ᱦᱟᱭᱨᱮ ᱥᱟᱱᱛᱟᱲ ᱡᱟᱹᱛᱤ ,ᱨᱟᱜ ᱟᱸᱫᱚᱲ , ᱫᱷᱚᱨᱚᱢ ᱟᱲᱟᱝ , ᱥᱮᱨᱮᱧ ᱤᱛᱟᱹ ᱮᱢᱟᱱ ᱠᱚ ᱾
ᱫᱷᱚᱨᱚᱢ ᱫᱟᱲᱮ
ᱢᱤᱫ ᱫᱷᱟᱣ ᱵᱤᱡᱟᱹᱛᱟᱲᱟ ᱦᱟᱴ ᱠᱤᱱ ᱦᱮᱡ-ᱟ ᱾ ᱫᱟᱨᱮ ᱵᱩᱴᱟᱹᱨᱮ ᱰᱩᱞᱩᱝ ᱴᱮᱸᱰᱟᱨ ᱠᱟᱛᱮ ᱦᱟᱴᱠᱤᱱ ᱵᱚᱞᱚᱭᱮᱱᱟ ᱾ ᱵᱟᱹᱲᱤᱡ ᱦᱚᱲ ᱟᱠᱤᱱ ᱠᱚ ᱟᱸᱫᱟᱜ ᱠᱤᱱ ᱞᱟᱹᱜᱤᱫ , ᱰᱩᱞᱩᱝ ᱠᱚ ᱟᱹᱛᱠᱤᱨ ᱛᱟᱹᱠᱤᱱᱟ ᱢᱮᱱᱛᱮ , ᱵᱟᱠᱚ ᱛᱩᱞ ᱫᱟᱲᱮᱭᱟᱫ-ᱟ ᱾ ᱑᱙᱖᱒ ᱤᱸᱜᱽᱨᱟᱡᱤ ᱢᱮᱸ ᱪᱟᱸᱫᱚ ᱨᱮ ᱵᱤᱡᱟᱹᱛᱟᱲᱟ ᱩᱞ ᱵᱟᱜᱟᱱ ᱨᱮ ᱥᱟᱱᱛᱟᱲ ᱢᱤᱫᱩᱱ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱾ ᱠᱚᱭᱮᱞ ᱯᱚᱧᱪᱟᱱᱚᱱ ᱢᱟᱹᱨᱰᱤ ᱛᱟᱹᱠᱤᱱ ᱫᱚ ᱥᱮᱛᱟᱜ ᱗ ᱴᱟᱲᱟᱝ ᱠᱷᱚᱱ ᱟᱹᱭᱩᱵ ᱘ ᱴᱟᱲᱟᱝ ᱫᱷᱟᱹᱨᱤᱡ ᱢᱤᱫ ᱡᱟᱸᱜᱟ ᱛᱮ ᱜᱤᱸᱜᱩ ᱠᱟᱛᱮ ᱠᱤᱱ ᱛᱟᱦᱮᱸ ᱞᱮᱱᱟ ᱾ ᱱᱚᱶᱟ ᱫᱚ ᱫᱷᱚᱨᱚᱢ ᱫᱟᱲᱮ ᱵᱮᱜᱚᱨ ᱚᱦᱚᱣᱟᱱ ᱜᱮᱭᱟ ᱾
ᱠᱚᱭᱮᱞ ᱧᱩᱛᱩᱢ
ᱯᱚᱧᱪᱟᱱᱚᱱ ᱢᱟᱹᱨᱰᱤ ᱛᱟᱹᱠᱤᱱ ᱫᱚ ᱞᱟᱜᱽᱬᱮ ᱫᱚᱝ ᱰᱟᱦᱟᱨ ᱮᱢᱟᱱ ᱨᱟᱦᱟ ᱛᱮ ᱠᱤᱱ ᱥᱮᱨᱮᱧ ᱛᱮ ᱠᱚᱭᱮᱞ ᱯᱚᱧᱪᱟᱱᱚᱱ ᱢᱟᱹᱨᱰᱤ ᱢᱮᱱᱛᱮ ᱠᱚ ᱧᱩᱛᱩᱢ ᱠᱮᱫ ᱠᱤᱱᱟ ᱾
ᱛᱩᱢᱟᱹᱞ
ᱡᱟᱱᱟᱢ ᱢᱟᱦᱟ ᱢᱟᱱᱟᱣ ᱣᱮᱵᱽᱱᱟᱨ ᱢᱤᱫᱩᱱ ᱜᱟᱞᱚᱪ ᱾ ᱫᱤᱱᱟᱹᱢ ᱰᱚᱜᱚᱨ ᱥᱟᱠᱟᱢ ᱾ ᱡᱚᱴᱟᱣ ᱠᱚ ᱠᱩᱞᱤ ᱠᱟᱛᱮ ᱾
ᱥᱟ.ᱠᱷᱭᱟ.ᱛ
This article uses material from the Wikipedia ᱥᱟᱱᱛᱟᱲᱤ article ᱠᱚᱭᱮᱞ ᱯᱚᱧᱪᱟᱱᱚᱱ ᱢᱟᱺᱨᱰᱤ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.