ᱟᱥᱮᱠᱟ ᱫᱚ ᱢᱤᱫ ᱤᱝᱜᱽᱞᱤᱥ ᱠᱷᱟᱴᱚ ᱧᱩᱛᱩᱢ ᱠᱟᱱᱟ ᱾ ᱚᱱᱟ ᱨᱮᱱᱟᱜ ᱥᱟᱱᱛᱟᱲᱤ ᱛᱮ ᱯᱩᱨᱟᱣ ᱧᱩᱛᱩᱢ ᱫᱚ ᱟᱹᱫᱤ ᱵᱟᱹᱥᱤ ᱥᱟᱶᱛᱟ ᱥᱮᱪᱮᱫ ᱞᱟᱠᱪᱟᱨ ᱥᱮᱢᱞᱮᱫ ᱾ ᱤᱝᱜᱽᱞᱤᱥ ᱛᱮ ᱫᱚ Adibasi Socio Educational & Cultural Assosiation (ASECA) ᱢᱮᱱᱛᱮ ᱠᱚ ᱢᱮᱛᱟᱜ-ᱟ ᱾ ᱚᱱᱟ ᱫᱚ ᱢᱟᱹᱦᱤᱛ ᱑/᱖/᱑᱙᱖᱔ ᱥᱮᱨᱢᱟ ᱥᱟᱞᱮ ᱨᱮ ᱯᱟᱹᱨᱥᱤ ᱥᱤᱧ ᱪᱟᱸᱫᱚ ᱚᱞ ᱜᱩᱨᱩ ᱜᱚᱝᱠᱮ ᱯᱚᱸᱰᱤᱛ ᱨᱟᱜᱷᱩᱱᱟᱛᱷ ᱢᱩᱨᱢᱩ ᱛᱟᱹᱠᱤᱱᱟᱜ ᱛᱟᱹᱨᱤᱨᱮ ᱛᱮᱸᱜᱮᱱ ᱞᱮᱱᱟ ᱾ ᱟᱥᱮᱠᱟ ᱨᱮᱱᱟᱜ ᱠᱟᱹᱢᱤᱞᱟ ᱫᱚ ᱨᱟᱭᱨᱚᱝᱯᱩᱨ ᱵᱟᱡᱟᱨ , ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ , ᱳᱰᱤᱥᱟ ᱯᱚᱱᱚᱛ , ᱥᱤᱧᱚᱛ ᱫᱤᱥᱚᱢ ᱾ ᱚᱱᱟ ᱥᱩᱨ ᱨᱮᱫᱚ ᱵᱟᱦᱟᱨ ᱰᱤᱦᱤ ᱰᱟᱸᱰᱵᱳᱥ ᱜᱩᱨᱩ ᱜᱚᱝᱠᱮ ᱛᱟᱹᱠᱤᱱᱟᱜ ᱡᱟᱱᱟᱢ ᱟᱹᱛᱩ ᱢᱮᱱᱟᱜ-ᱟ ᱾ ᱥᱤᱧᱚᱛ ᱫᱤᱥᱚᱢ ᱨᱮ ᱱᱚᱶᱟ ᱜᱮ ᱯᱩᱭᱞᱩ ᱥᱮᱢᱞᱮᱫ ᱠᱟᱱᱟ ᱥᱟᱱᱛᱟᱲᱤ ᱯᱟᱹᱨᱥᱤ ᱟᱨ ᱚᱞ ᱪᱤᱠᱤ ᱪᱷᱟᱨᱟᱣ ᱦᱟᱨᱟᱭ ᱞᱟᱹᱜᱤᱫ ᱫᱚ ᱾ ᱱᱚᱶᱟ ᱥᱮᱢᱞᱮᱫ ᱛᱮᱜᱮᱱ ᱨᱮᱫᱚ ᱟᱰᱤᱜᱟᱱ ᱞᱟᱥᱮᱨ ᱦᱟᱛᱟᱝ ᱜᱚᱝᱠᱮ ᱠᱚ ᱜᱚᱲᱚ ᱠᱚ ᱛᱟᱦᱮᱸ ᱠᱟᱱᱟ ᱾ ᱟᱥᱮᱠᱟ ᱛᱟᱹᱨᱤ ᱨᱮ ᱴᱚᱴᱷᱟ ᱯᱤᱪᱷᱤ ᱪᱟᱸᱜᱟ ᱟᱥᱮᱠᱟ ᱵᱮᱨᱮᱫ ᱮᱱᱟ ᱾ ᱪᱟᱸᱜᱟ ᱟᱥᱮᱠᱟ ᱛᱟᱹᱨᱤ ᱨᱮ ᱤᱛᱩᱱ ᱟᱥᱲᱟ ᱡᱷᱤᱡ ᱮᱱᱟ ᱾ ᱤᱛᱩᱱ ᱟᱥᱲᱟ ᱨᱮ ᱚᱞ ᱪᱤᱠᱤ ᱠᱚ ᱯᱟᱲᱦᱟᱣ ᱮᱱᱟ ᱾ ᱪᱤᱠᱤ ᱯᱟᱹᱨᱥᱤ ᱪᱮᱫᱚᱜ ᱦᱚᱲ ᱠᱚ ᱥᱟᱸᱜᱮ ᱮᱱᱟ ᱾ ᱥᱟᱱᱛᱟᱲᱤ ᱯᱟᱹᱨᱥᱤ ᱞᱟᱹᱜᱤᱫ ᱦᱩᱞ ᱥᱮᱸᱜᱮᱞ ᱡᱩᱞ ᱮᱱᱟ ᱾ ᱢᱛᱹ ᱒᱒ ᱑᱒ ᱒᱐᱐᱓ ᱨᱮ ᱵᱷᱟᱨᱚᱛ ᱥᱚᱨᱠᱟᱨ ᱥᱤᱧᱚᱛ ᱟᱹᱱᱟᱹᱨᱤ ᱨᱮᱱᱟᱜ ᱘ ᱛᱷᱚᱠ ᱨᱮ ᱥᱮᱞᱮᱫ ᱮᱱᱟ ᱾ ᱥᱟᱱᱛᱟᱲᱤ ᱚᱞ ᱪᱤᱠᱤ ᱯᱟᱹᱨᱥᱤ ᱫᱷᱚᱨᱚᱢ ᱡᱟᱹᱛᱤ ᱞᱟᱠᱪᱟᱨ ᱡᱟᱭᱡᱩᱜᱽ ᱞᱟᱹᱜᱤᱫ ᱡᱤᱭᱟᱹᱲ ᱢᱟᱨᱥᱟᱥ ᱮᱱᱟ ᱾ ᱦᱤᱨᱞᱟᱹ ᱢᱟᱨᱟᱝ ᱵᱳᱨᱳ , ᱡᱟᱭᱡᱤᱱ ᱡᱟᱦᱮᱨ ᱟᱭᱳ , ᱛᱷᱩᱢᱟᱱ ᱢᱚᱬᱮ ᱠᱚ ᱛᱩᱨᱩᱭ ᱠᱤ , ᱟᱹᱭᱩᱨ ᱠᱚ ᱦᱟᱯᱲᱟᱢ ᱠᱚ ᱾
This article uses material from the Wikipedia ᱥᱟᱱᱛᱟᱲᱤ article ᱟᱥᱮᱠᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.