ᱛᱩᱨᱥᱤ ᱫᱟᱨᱮ
Ocimum sanctum, King Swastik Som
| ᱛᱩᱨᱥᱤ | |
|---|---|
 | |
| ᱥᱟᱬᱮᱥ ᱞᱮᱠᱟᱛᱮ ᱦᱟᱹᱴᱤᱧ | |
| ᱡᱮᱜᱮᱛ: | Plantae |
| ᱵᱟᱝᱛᱷᱚᱠ ᱟᱠᱟᱱ: | Asterids |
| ᱫᱷᱟᱹᱲ: | Lamiales |
| ᱜᱷᱟᱨᱚᱡᱽ: | Lamiaceae |
| ᱯᱨᱚᱡᱟᱹᱛᱤ: | Ocimum |
| ᱡᱟᱹᱛ: | O. tenuiflorum |
| ᱵᱟᱭᱱᱚᱢᱤᱭᱟᱞ ᱧᱩᱛᱩᱢ | |
| Ocimum tenuiflorum L. | |
| Synonyms | |
ᱛᱩᱨᱥᱤ ᱫᱚ ᱢᱤᱫ ᱦᱩᱰᱤᱧ ᱫᱟᱨᱮ ᱠᱟᱱᱟ ᱾ ᱱᱚᱶᱟ ᱫᱟᱨᱮ ᱫᱚ ᱵᱷᱟᱨᱚᱛ ᱨᱮᱭᱟᱜ ᱡᱚᱛᱚ ᱡᱟᱜᱟ ᱠᱚᱨᱮ ᱜᱮ ᱧᱟᱢᱚᱜ-ᱟ ᱾ ᱵᱷᱟᱨᱚᱛ ᱨᱮᱱ ᱦᱚᱲᱟᱜ ᱡᱤᱭᱚᱱ ᱥᱟᱶ ᱱᱚᱶᱟ ᱫᱟᱨᱮ ᱫᱚ ᱟᱹᱰᱤ ᱡᱚᱲᱟᱣ ᱟᱠᱟ ᱢᱮᱱᱟᱜ-ᱟ ᱾ ᱱᱚᱶᱟ ᱫᱚ ᱮᱭᱟᱭ ᱞᱮᱠᱟᱱᱟᱜ ᱢᱮᱱᱟᱜ-ᱟ ᱢᱮᱱᱛᱮ ᱠᱚ ᱞᱟᱹᱭᱟᱹ ᱢᱮᱱᱠᱷᱟᱱ ᱥᱟᱠᱟᱢ ᱚᱝᱥᱟᱨ ᱧᱮᱞ ᱞᱮᱠᱷᱟᱱ ᱱᱚᱶᱟ ᱫᱚ ᱵᱟᱨ ᱞᱮᱠᱟᱱᱟ ᱾ ᱢᱤᱫ ᱫᱚ ᱯᱩᱸᱰ ᱨᱚᱝ ᱛᱩᱨᱥᱤ ᱟᱨ ᱫᱚᱥᱟᱨ ᱫᱚ ᱦᱮᱱᱫᱮ ᱨᱚᱝ ᱛᱩᱨᱥᱤ ᱾ ᱟᱨ ᱢᱤᱫᱴᱟᱝ ᱛᱩᱨᱥᱤ ᱫᱟᱨᱮ ᱦᱚᱸ ᱢᱮᱱᱟᱜ-ᱟ ᱡᱟᱦᱟᱸ ᱫᱚ ᱵᱤᱨ ᱛᱩᱨᱥᱤ ᱠᱚ ᱢᱮᱛᱟᱜ-ᱟ ᱾ ᱦᱤᱱᱫᱤ ᱛᱮ ᱱᱚᱶᱟ ᱫᱳ ᱠᱟᱴᱷᱮᱨᱚᱠ ᱠᱚ ᱢᱮᱛᱟᱜ-ᱟ ᱾ ᱱᱚᱶᱟ ᱫᱟᱨᱮ ᱫᱚ ᱨᱟᱱ ᱞᱟᱹᱜᱤᱫ ᱵᱟᱹᱲᱛᱤ ᱵᱮᱵᱷᱟᱨᱚᱜ-ᱟ ᱾
ᱜᱩᱱ
ᱵᱷᱚᱜᱚᱵᱟᱱ ᱵᱤᱥᱱᱩ ᱛᱩᱨᱥᱤ ᱫᱚ ᱟᱹᱰᱤ ᱮ ᱠᱩᱥᱤᱭᱟᱜ-ᱟ ᱾ ᱛᱩᱨᱥᱤ ᱥᱟᱠᱟᱢ ᱵᱮᱜᱚᱨ ᱵᱤᱥᱱᱩᱣᱟ ᱵᱷᱚᱜᱽ ᱫᱚ ᱵᱟᱠᱚ ᱮᱢᱟ ᱾ ᱚᱱᱟ ᱠᱷᱟᱹᱛᱤᱨ ᱵᱤᱥᱱᱩᱣᱟᱜ ᱧᱩᱛᱩᱢ ᱫᱚ ᱵᱚᱭᱥᱱᱚᱵᱤ, ᱵᱤᱥᱱᱩ ᱵᱚᱞᱞᱵᱷᱟ, ᱦᱚᱨᱤᱯᱨᱤᱭᱟ ᱮᱢᱟᱱ ᱾ ᱛᱩᱨᱥᱤ ᱥᱟᱠᱟᱢ ᱢᱟᱬᱟᱝ ᱨᱮ ᱥᱨᱤ ᱠᱚ ᱞᱟᱜᱟᱣᱟ ᱾ ᱛᱩᱨᱥᱤ ᱥᱟᱠᱟᱢ ᱯᱷᱮᱰᱟᱛ ᱨᱮ ᱫᱚ ᱜᱚᱝᱜᱟ ᱟᱨ ᱫᱟᱹᱨ ᱠᱚᱨᱮ ᱫᱚ ᱮᱴᱟᱜ ᱵᱚᱸ ᱜᱟ ᱠᱚᱠᱚ ᱶᱟᱥᱟᱜ-ᱟ ᱢᱮᱱᱛᱮ ᱯᱟᱹᱛᱭᱟᱹᱣ ᱢᱮᱱᱟᱜ-ᱟ ᱾
ᱵᱮᱵᱷᱟᱨ
ᱢᱩᱬ ᱠᱟᱛᱮ ᱱᱚᱶᱟ ᱨᱮᱭᱟᱜ ᱥᱟᱠᱟᱢ ᱨᱟᱱ ᱞᱮᱠᱟ ᱠᱚ ᱵᱮᱵᱷᱟᱨᱟ ᱤᱠᱷᱹᱱ ᱱᱚᱶᱟ ᱫᱟᱨᱮ ᱨᱮᱭᱟᱜ ᱡᱚᱛᱚᱣᱟᱜ ᱜᱮ ᱨᱟᱱ ᱨᱮ ᱞᱟᱜᱟᱵ ᱟ᱾ ᱟᱫᱟ ᱨᱟᱥᱟ ᱥᱟᱶ ᱛᱩᱨᱥᱤ ᱨᱟᱥᱟ ᱢᱮᱥᱟ ᱠᱟᱛᱮ ᱧᱩ ᱞᱮᱠᱷᱟᱱ ᱜᱤᱫᱟᱹᱨ ᱠᱚᱣᱟᱜ ᱨᱮᱭᱟᱲ ᱟᱨ ᱠᱷᱩᱜ ᱟᱡᱟᱨ ᱪᱟᱵᱟᱜ-ᱟ ᱾ ᱫᱤᱱᱟᱹᱢ ᱜᱮ ᱥᱮᱛᱟᱜ ᱨᱮ ᱢᱚᱬᱮ ᱛᱩᱨᱩᱭ ᱜᱚᱴᱟᱝ ᱛᱩᱨᱥᱤ ᱟᱠᱟᱢ ᱡᱚᱢ ᱞᱮᱠᱷᱟᱱ ᱨᱮᱸᱜᱮᱡ ᱵᱟᱲᱦᱟᱣᱜ-ᱟ, ᱱᱟᱯᱟᱭ ᱦᱚᱡᱚᱢᱚᱜ-ᱟ ᱟᱨ ᱦᱚᱲᱢᱚ ᱱᱤᱨᱚᱜᱽ ᱛᱟᱦᱮᱸᱱᱟ ᱾ ᱛᱩᱨᱥᱤ ᱥᱟᱠᱟᱢ ᱜᱚᱴᱟ ᱛᱮ ᱩᱫ ᱞᱮᱠᱷᱟᱱ ᱦᱚᱴᱤᱜ ᱦᱟᱹᱥᱩ (ᱴᱚᱱᱥᱤᱞ) ᱵᱮᱥᱚᱜ-ᱟ ᱾ ᱛᱩᱨᱥᱤ ᱠᱟᱴ ᱥᱩᱛᱟᱢ ᱨᱮ ᱛᱚᱞ ᱠᱟᱛᱮ ᱦᱚᱴᱚᱜ ᱨᱮ ᱢᱟᱞᱟ ᱠᱟᱜ ᱠᱷᱟᱱ ᱟᱭᱢᱟ ᱟᱡᱟᱨ ᱪᱟᱵᱟᱜ-ᱟ ᱢᱮᱱᱛᱮ ᱦᱚᱲᱟᱜ ᱯᱟᱹᱛᱭᱟᱹᱣ ᱢᱮᱱᱟᱜ-ᱟ ᱾ ᱛᱩᱨᱥᱤ ᱡᱟᱝ ᱡᱚᱢ ᱞᱮᱠᱷᱟᱱ ᱢᱚᱪᱟ ᱥᱚ ᱪᱟᱵᱟᱜ-ᱟ ᱾ ᱛᱩᱨᱥᱤ ᱥᱟᱠᱟᱢ ᱫᱟᱜ ᱨᱮ ᱡᱚᱵᱮ ᱞᱮᱠᱷᱟᱱ ᱫᱟᱜ ᱥᱟᱯᱷᱟᱜ-ᱟ, ᱯᱩᱱᱟᱹᱭᱚᱜᱟ ᱾ ᱚᱱᱟᱛᱮ ᱵᱚᱭᱥᱱᱚᱵᱚ ᱠᱚᱫᱚ ᱡᱚᱢᱟᱜ ᱟᱨ ᱧᱩᱣᱟᱜ ᱨᱮ ᱛᱩᱨᱥᱤ ᱥᱟᱠᱟᱢ ᱠᱚ ᱢᱮᱥᱟᱭᱟ ᱾ ᱳᱰᱤᱥᱟ ᱨᱮᱭᱟᱜ ᱡᱚᱛᱚ ᱚᱲ ᱚᱲᱟᱜ ᱨᱮᱜᱮ ᱛᱩᱨᱥᱤ ᱫᱟᱨᱮ ᱫᱚ ᱭᱟᱦᱮᱸᱱ ᱜᱮᱭᱟ ᱾ ᱱᱚᱶᱟ ᱫᱚ ᱟᱹᱰᱤ ᱯᱩᱱᱟᱹᱭ ᱜᱮᱭᱟ ᱢᱮᱱᱛᱮ ᱯᱟᱹᱛᱭᱟᱹᱣ ᱢᱮᱱᱟᱜ-ᱟ ᱾ ᱱᱚᱰᱮ ᱵᱟᱹᱦᱩ ᱠᱚ ᱟᱹᱭᱩᱵ ᱥᱚᱢᱚᱭ ᱟᱹᱭᱩᱵ ᱵᱟᱹᱛᱤ ᱠᱚ ᱡᱩᱞᱟ ᱾ ᱛᱩᱨᱥᱤ ᱵᱚᱸᱜᱟ ᱦᱟᱜ ᱠᱷᱟᱱ ᱢᱚᱱᱮᱨ ᱟᱥᱟ ᱯᱩᱨᱩᱱᱚᱜ-ᱟ ᱢᱮᱱᱛᱮ ᱯᱟᱹᱛᱭᱟᱹᱣ ᱢᱮᱱᱟᱜ-ᱟ ᱾
ᱵᱤᱨ ᱛᱩᱨᱥᱤ ᱨᱮᱭᱟᱜ ᱥᱚ ᱫᱚ ᱠᱚᱢ ᱜᱮᱭᱟ ᱤᱠᱷᱟᱹᱱ ᱵᱤᱥ ᱠᱚ ᱱᱚᱶᱟ ᱫᱚᱭ ᱟᱬᱜᱚ ᱫᱟᱲᱮᱭᱟᱜ-ᱟ ᱾ ᱚᱱᱟ ᱵᱮᱜᱚᱨ ᱢᱚᱨᱩᱵᱚᱠ ᱧᱩᱛᱩᱢᱟᱱ ᱢᱤᱫ ᱢᱟᱦᱨᱚᱜᱽ ᱛᱩᱨᱥᱤ ᱦᱚᱸ ᱢᱮᱱᱟᱜ-ᱟ ᱾ ᱜᱮᱫ, ᱵᱤᱧ ᱜᱮᱨ, ᱠᱟᱴᱠᱚᱢ ᱠᱤᱫᱤᱧ ᱜᱮᱨ ᱮᱢᱟᱱ ᱨᱮ ᱛᱩᱨᱥᱤ ᱨᱟᱥᱟ ᱞᱟᱜᱟᱣ ᱞᱮᱠᱷᱟᱱ ᱚᱱᱟ ᱪᱟᱵᱟᱜ-ᱟ ᱾
ᱥᱟᱹᱠᱷᱭᱟᱹᱛ
ᱵᱟᱦᱨᱮ ᱡᱚᱱᱚᱲ
Media related to ᱛᱩᱨᱥᱤ ᱫᱟᱨᱮ at Wiki Commons
This article uses material from the Wikipedia ᱥᱟᱱᱛᱟᱲᱤ article ᱛᱩᱨᱥᱤ ᱫᱟᱨᱮ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.