ᱵᱷᱩᱵᱽᱱᱮᱥᱚᱨ: ᱳᱰᱤᱥᱟ ᱨᱮᱱᱟᱜ ᱨᱟᱡᱽᱜᱟᱲ
ᱵᱷᱩᱵᱽᱱᱮᱥᱚᱨ ᱫᱚ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ ᱾ ᱱᱚᱶᱟ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱥᱟᱢᱟᱝ ᱥᱮᱦᱮᱫ (ᱪᱟᱸᱫᱚ ᱨᱟᱠᱟᱵ ᱱᱟᱠᱷᱟ) ᱨᱮ ᱢᱮᱱᱟᱜᱼᱟ ᱾ ᱵᱷᱩᱵᱽᱱᱮᱥᱚᱨ ᱑᱙᱔᱘ ᱥᱟᱞᱮᱨᱮ ᱳᱰᱤᱥᱟ ᱨᱮᱱᱟᱜ ᱨᱟᱡᱽᱜᱟᱲ ᱞᱮᱠᱟᱛᱮ ᱠᱚ ᱵᱮᱨᱮᱫ ᱠᱮᱫᱟ ᱾ ᱱᱚᱶᱟ ᱱᱟᱜᱟᱨ ᱫᱚ ᱥᱩᱨᱥᱩᱯᱩᱨ ᱓᱐᱐᱐ ᱥᱮᱨᱢᱟ ᱢᱟᱨᱮ ᱜᱮᱭᱟ ᱾ ᱵᱷᱩᱵᱽᱱᱮᱥᱚᱨ ᱨᱮ ᱫᱚ ᱟᱭᱢᱟ ᱡᱩᱜᱽ ᱠᱚᱨᱮᱱᱟᱜ ᱖᱐᱐ ᱜᱟᱱ ᱢᱩᱸᱫᱽᱨᱤ ᱢᱮᱱᱟᱜᱼᱟ ᱾ ᱚᱱᱟᱛᱮ ᱵᱷᱩᱵᱽᱱᱮᱥᱚᱨ ᱫᱚ ᱢᱩᱸᱫᱽᱨᱤ ᱢᱟᱲᱤᱱᱤ ᱱᱟᱜᱟᱨ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱢᱩᱸᱫᱽᱨᱤ ᱠᱚ ᱢᱩᱸᱫᱽ ᱨᱮ ᱞᱤᱝᱜᱚᱨᱟᱡᱽ ᱢᱩᱸᱫᱽᱨᱤ, ᱨᱟᱡᱽᱨᱟᱹᱱᱤ ᱢᱩᱸᱫᱽᱨᱤ, ᱢᱩᱠᱛᱮᱥᱚᱨ ᱫᱮᱣᱲᱚ ᱮᱢᱟᱱ ᱠᱚ ᱫᱚ ᱫᱮᱥᱵᱤᱫᱮᱥ ᱨᱮ ᱟᱭᱢᱟ ᱵᱟᱰᱟᱭᱟᱱᱟ ᱾ ᱢᱩᱸᱫᱽᱨᱤ ᱠᱚ ᱫᱚ ᱠᱚᱲᱤᱝᱜᱚ ᱜᱚᱲᱦᱚᱱ ᱨᱩᱯ ᱞᱮᱠᱟ ᱵᱮᱱᱟᱣ ᱟᱠᱟᱱᱟ ᱾ ᱥᱟᱢᱟᱝ ᱥᱤᱧᱚᱛ ᱨᱮ ᱫᱚ ᱯᱩᱨᱤ, ᱠᱚᱬᱟᱨᱠᱚ ᱟᱨ ᱵᱷᱩᱵᱽᱱᱮᱥᱚᱨ ᱫᱚ ᱥᱚᱱᱟ ᱯᱮᱠᱚᱬ ᱠᱚ ᱢᱮᱛᱟᱜ ᱠᱟᱱᱟ, ᱡᱟᱦᱟᱸ ᱫᱚ ᱧᱮᱧᱮᱞᱤᱭᱟᱹ ᱠᱚ ᱞᱟᱹᱜᱩᱫ ᱟᱹᱰᱤ ᱜᱚᱨᱚᱡᱟᱱ ᱦᱩᱭ ᱟᱠᱟᱱᱟ ᱾
| ᱵᱷᱩᱵᱽᱱᱮᱥᱚᱨ Bhuvaneswara ଭୁବନେଶ୍ଵର Ekamra Khetra | |
|---|---|
| ᱨᱟᱡᱽᱜᱟᱲ | |
     From Top; Left to Right: Udayagiri and Khandagiri Caves, Lingaraj Temple, Rajarani Temple, Nandankanan Zoological Park, and Dhauli Shanti Stupa | |
  ᱵᱷᱩᱵᱽᱱᱮᱥᱚᱨ  ᱵᱷᱩᱵᱽᱱᱮᱥᱚᱨ | |
| Coordinates: 20°16′N 85°50′E / 20.27°N 85.84°E 85°50′E / 20.27°N 85.84°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱳᱰᱤᱥᱟ |
| ᱧᱩᱢ ᱟᱠᱟᱱᱟ | Lord Shiva's name: Bhubaneswar |
| ᱥᱚᱨᱠᱟᱨ | |
| • ᱞᱮᱠᱟᱱ | ᱱᱚᱜᱚᱨ ᱱᱤᱜᱟᱢ |
| • ᱪᱟᱪᱞᱟᱣ | ᱵᱷᱩᱵᱽᱱᱮᱥᱚᱨ ᱱᱚᱜᱚᱨ ᱱᱤᱜᱟᱢ (BMC) |
| • ᱢᱮᱭᱚᱨ | ᱟᱱᱱᱟᱛ ᱱᱟᱨᱟᱭᱟᱱᱟ ᱡᱮᱱᱟ (BJD) |
| • ᱱᱚᱜᱚᱨ ᱠᱚᱢᱤᱥᱚᱱᱟᱨ | ᱢᱟᱱ ᱥᱚᱝᱡᱚᱭ ᱠᱩᱢᱟᱨ ᱥᱤᱝ, IAS |
| • Commissioner of Police | ᱢᱟᱱ ᱮᱥ.ᱠᱮ. ᱯᱨᱤᱭᱟᱫᱚᱨᱥᱤ, IPS |
| ᱮᱨᱤᱭᱟ | |
| • ᱨᱟᱡᱽᱜᱟᱲ | 422 ᱠᱤᱢᱤ২ (163 ᱜᱟᱺᱴ ᱢᱟᱭᱤᱞ) |
| ᱩᱥᱩᱞ | 58 ᱢᱤᱴᱚᱨ (190 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2011) |
| • ᱨᱟᱡᱽᱜᱟᱲ | ᱘᱓᱗,᱓᱒᱑ |
| • ᱫᱷᱟᱹᱲ ᱮᱞ | ᱖᱐ |
| • ᱰᱮᱱᱥᱤᱴᱤ | 2131.37/ᱠᱤᱢᱤ2 (5520.2/ᱜᱟᱺᱴ ᱢᱟᱹᱭᱤᱞ) |
| • ᱢᱟᱦᱟᱱᱟᱜᱟᱨ | ᱘᱘᱑,᱙᱘᱘ |
| Demonym(s) | ᱵᱷᱩᱵᱽᱱᱮᱥᱚᱨᱤᱛᱮᱡ |
| ᱯᱟᱹᱨᱥᱤ | |
| • ᱥᱚᱨᱠᱟᱨᱤ ᱯᱟᱹᱨᱥᱤ | ᱩᱰᱤᱭᱟᱹ, ᱤᱝᱜᱽᱞᱤᱥ |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | ᱗᱕᱑xxx |
| ᱴᱮᱞᱤᱯᱷᱚᱱ ᱠᱤᱰ | ᱐᱖᱗᱔ |
| ᱜᱟᱹᱰᱤ ᱨᱤᱡᱤᱥᱴᱨᱤ | OD-02 (ᱮᱛᱚᱢ ᱵᱷᱩᱵᱽᱱᱮᱥᱚᱨ) OD-33 (ᱠᱚᱧᱮ ᱵᱷᱩᱵᱽᱱᱮᱥᱚᱨ) |
| UN/LOCODE | IN BBI |
| ᱣᱮᱵᱽᱥᱟᱭᱤᱴ | www |
ᱵᱷᱩᱵᱽᱱᱮᱥᱚᱨ ᱧᱩᱛᱩᱢ ᱫᱚ ᱥᱤᱵᱚ ᱵᱚᱝᱜᱟ ᱦᱟᱜ ᱟᱨᱢᱤᱫ ᱧᱩᱛᱩᱢ ᱛᱨᱤᱵᱷᱩᱵᱚᱱᱮᱥᱚᱨ ᱠᱷᱚᱱ ᱦᱮᱡ ᱟᱠᱟᱱᱟ ᱾ ᱵᱷᱩᱵᱽᱱᱮᱥᱚᱨ ᱫᱚ ᱓᱐᱐᱐ ᱥᱮᱨᱢᱟ ᱢᱟᱬᱟᱝ ᱢᱚᱦᱟᱢᱮᱜᱷ ᱵᱟᱦᱚᱱ ᱪᱮᱫᱤᱵᱚᱝᱥᱚ ᱫᱟᱨᱟᱭ ᱛᱮ ᱮᱦᱚᱵ ᱞᱮᱱ ᱛᱟᱦᱮᱸᱫ ᱾ ᱡᱟᱦᱟᱸᱭ ᱠᱚᱣᱟᱜ ᱨᱟᱡᱽᱜᱟᱲ ᱫᱚ ᱵᱷᱩᱵᱽᱱᱮᱥᱚᱨ ᱥᱩᱨ ᱥᱤᱥᱩᱯᱟᱲᱜᱚᱰ ᱨᱮ ᱛᱟᱦᱮᱸ ᱠᱟᱱᱟ ᱾ ᱵᱷᱩᱵᱽᱱᱮᱥᱚᱨ ᱫᱚ ᱛᱚᱥᱟᱲᱤ, ᱠᱚᱲᱤᱝᱜᱚ ᱱᱚᱜᱚᱨᱤ, ᱱᱚᱜᱚᱨ ᱠᱚᱲᱤᱝᱜᱚ, ᱮᱠᱟᱢᱨᱚ ᱠᱟᱱᱚᱱ , ᱮᱠᱟᱢᱨᱚ ᱠᱷᱮᱛᱨᱚ ᱟᱨ ᱢᱩᱸᱫᱽᱨᱤ ᱢᱟᱲᱤᱱᱤ ᱱᱟᱜᱟᱨ ᱞᱮᱠᱟᱛᱮ ᱦᱚᱸ ᱵᱟᱰᱟᱭᱚᱜᱼᱟ ᱾ ᱫᱤᱥᱚᱢ ᱯᱷᱩᱨᱜᱟᱹᱞ ᱨᱮᱱᱟᱜ ᱢᱤᱫ ᱥᱮᱨᱢᱟ ᱛᱟᱭᱚᱢ ᱳᱰᱤᱥᱟ ᱨᱮᱱᱟᱜ ᱨᱟᱡᱽᱜᱟᱲ ᱫᱚ ᱠᱚᱴᱚᱠ ᱠᱷᱚᱱ ᱵᱷᱩᱵᱽᱱᱮᱥᱚᱨ ᱛᱮ ᱠᱚ ᱩᱪᱟᱹᱲᱠᱮᱫᱟ ᱾ ᱱᱮᱛᱟᱨᱟᱜ ᱱᱟᱜᱟᱨ ᱰᱷᱚᱝ ᱫᱚ ᱡᱚᱨᱢᱟᱱᱤ ᱨᱮᱱᱤᱡ ᱳᱴᱚ ᱠᱚᱱᱤᱥᱵᱚᱨᱜᱽᱟᱜ ᱫᱟᱨᱟᱭ ᱛᱮ ᱵᱮᱱᱟᱣ ᱟᱠᱟᱱᱟ ᱾ ᱩᱱᱤ ᱫᱚ ᱡᱟᱢᱥᱮᱫᱽᱯᱩᱨ ᱟᱨ ᱪᱚᱱᱰᱤᱜᱚᱰ ᱨᱮᱱᱟᱜ ᱱᱚᱠᱥᱟ ᱦᱚᱸᱭ ᱵᱮᱱᱟᱱ ᱞᱮᱫ ᱛᱟᱦᱮᱸᱫ ᱾ ᱵᱷᱩᱵᱽᱱᱮᱥᱚᱨ ᱟᱨ ᱠᱚᱴᱚᱠ ᱫᱚ ᱵᱷᱤᱲᱟᱹᱣ ᱠᱟᱛᱮ ᱳᱰᱤᱥᱟ ᱨᱮᱱᱟᱜ ᱴᱣᱤᱱ ᱥᱤᱴᱤ (Twin city) ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱱᱟᱜᱟᱨ ᱨᱮ ᱒᱐᱑᱑ ᱞᱮᱠᱷᱟ ᱦᱚᱲ ᱞᱮᱠᱷᱟ ᱡᱚᱠᱷᱟ ᱛᱮ ᱵᱟᱰᱟᱭᱟᱠᱟᱟ ᱵᱟᱝ ᱢᱟ ᱘᱘᱑,᱙᱘᱘ ᱞᱟᱠ ᱦᱚᱲ ᱢᱮᱱᱟᱜ ᱠᱚᱣᱟ ᱾
ᱜᱟᱲ ᱵᱮᱨᱮᱫ
᱑᱙᱔᱖ ᱥᱟᱞᱮᱨᱮ ᱵᱷᱩᱵᱽᱱᱮᱥᱚᱨ ᱫᱚ ᱥᱚᱨᱮᱥ ᱱᱟᱜᱟᱨ ᱛᱮᱭᱟᱨ ᱞᱟᱹᱜᱤᱫ ᱡᱚᱨᱢᱟᱱᱤ ᱨᱤᱱᱤᱡ ᱵᱤᱱᱟᱣᱤᱭᱟᱹ ᱟᱨ ᱫᱤᱥᱟᱹᱫᱩᱜᱤᱡ ᱚᱴᱚ ᱠᱚᱭᱮᱥᱵᱚᱨᱜᱽ ᱱᱚᱠᱥᱟᱭ ᱛᱮᱭᱟᱨ ᱞᱮᱫᱟ ᱾ ᱑᱙᱔᱘ ᱥᱟᱞᱮ ᱮᱯᱨᱤᱞ ᱪᱟᱸᱫᱚ ᱑᱓ ᱢᱟᱹᱦᱤᱛ ᱨᱮ ᱵᱷᱩᱵᱽᱱᱮᱥᱚᱨ ᱱᱟᱶᱟ ᱨᱟᱡᱽᱜᱟᱲ ᱵᱮᱨᱮᱫ ᱞᱟᱹᱟᱜᱤᱫ ᱩᱱ ᱚᱠᱛᱚ ᱨᱤᱱᱤᱡ ᱫᱤᱥᱚᱢ ᱯᱟᱨᱥᱮᱛ ᱜᱚᱢᱠᱮ ᱡᱚᱵᱟᱦᱚᱨᱞᱟᱞ ᱱᱮᱦᱨᱩ ᱭᱟᱜ ᱛᱤ ᱛᱮ ᱩᱰᱷᱟᱹᱣ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱩᱰᱷᱟᱹᱣ ᱠᱟᱸᱛ ᱫᱚ ᱱᱤᱛᱚᱜ ᱵᱤᱫᱷᱟᱱ ᱥᱚᱵᱷᱟ ᱥᱩᱨ ᱨᱮᱱᱟᱜ ᱮᱴᱮᱫ ᱨᱮ ᱢᱮᱱᱟᱜᱼᱟ ᱾ ᱑᱙᱔᱘ ᱥᱟᱞᱮ ᱠᱷᱚᱱ ᱡᱟᱣ ᱥᱮᱨᱢᱟ ᱜᱮ ᱮᱯᱨᱤᱞ ᱑᱓ ᱢᱟᱹᱦᱤᱛ ᱫᱚ ᱵᱷᱩᱵᱽᱱᱮᱥᱚᱨ ᱵᱮᱨᱮᱫ ᱢᱟᱦᱟᱸ ᱢᱮᱱᱛᱮ ᱠᱚ ᱢᱟᱱᱟᱣᱮᱜᱼᱟ ᱾
ᱱᱟᱜᱟᱢ
ᱵᱷᱩᱵᱽᱱᱮᱥᱚᱨ ᱱᱟᱜᱟᱨ ᱨᱮᱱᱟᱜ ᱫᱚ ᱵᱟᱱᱟᱨ ᱢᱟᱨᱮ ᱟᱨ ᱱᱟᱶᱟ ᱱᱟᱜᱟᱢ ᱛᱚᱞ ᱫᱚᱦᱚᱣᱟᱠᱟᱱᱟ ᱾ ᱢᱟᱨᱮ ᱱᱟᱜᱟᱢ ᱫᱚ ᱓᱐᱐᱐ ᱥᱮᱨᱢᱟ ᱢᱟᱬᱟᱝ ᱟᱨ ᱱᱟᱶᱟ ᱱᱟᱜᱟᱨ ᱫᱚ ᱑᱙᱔᱘ ᱥᱟᱞᱮ ᱠᱷᱚᱱ ᱮᱦᱚᱵ ᱮᱱᱟ ᱾ ᱥᱟᱥᱟᱭ ᱥᱮᱨᱢᱟ ᱨᱮᱱᱟᱜ ᱱᱟᱜᱟᱢᱟᱱᱟᱜ ᱴᱷᱟᱶ ᱠᱚᱴᱚᱠ ᱨᱮᱱᱟᱜ ᱩᱱᱩᱭᱦᱟᱹᱨ ᱟᱹᱰᱤ ᱵᱟᱹᱲᱛᱤᱭᱮᱱ ᱠᱷᱟᱹᱛᱤᱨ ᱨᱟᱡᱽᱜᱟᱲ ᱫᱚ ᱚᱸᱰᱮ ᱠᱷᱚᱱ ᱩᱪᱟᱹᱲ ᱠᱟᱛᱮ ᱮᱨᱟᱢᱨᱚ ᱠᱷᱮᱛᱨᱚ, ᱵᱷᱩᱵᱽᱱᱮᱥᱚᱨ ᱠᱚ ᱤᱫᱤ ᱠᱮᱜᱼᱟ ᱾ ᱢᱟᱨᱮ ᱚᱠᱛᱚ ᱠᱷᱚᱱ ᱜᱮ ᱮᱠᱟᱢᱨᱚ ᱠᱷᱮᱛᱨᱚ ᱫᱚ ᱥᱟᱶᱦᱮᱫ, ᱞᱟᱠᱪᱟᱨ, ᱥᱮᱪᱮᱫ, ᱱᱟᱜᱟᱢ ᱮᱢᱟᱱ ᱠᱚᱭ ᱛᱚᱞ ᱫᱚᱦᱚᱣᱟᱠᱫ ᱜᱮᱭᱟ ᱾
ᱚᱛᱱᱚᱜ ᱴᱷᱟᱶ
ᱵᱷᱩᱵᱽᱱᱮᱥᱚᱨ ᱫᱚ ᱠᱷᱚᱨᱫᱟ ᱡᱤᱞᱞᱟᱹ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱥᱤᱧᱚᱛ ᱨᱮᱱᱟᱜ ᱥᱟᱢᱟᱝ ᱥᱮᱦᱮᱫ (ᱯᱩᱨᱩᱵᱽ ᱱᱟᱠᱷᱟ) ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱥᱟᱹᱢᱩᱸᱫ ᱟᱴᱮᱫ ᱠᱷᱚᱱ ᱔᱕ ᱢᱤᱴᱚᱨ (᱑᱔᱘ ᱯᱷᱩᱴ) ᱩᱥᱩᱞ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱱᱟᱜᱟᱨ ᱫᱚ ᱫᱚᱭᱟ ᱜᱟᱰᱟ ᱟᱨ ᱠᱩᱣᱟᱠᱷᱟᱭ ᱜᱟᱰᱟ ᱛᱟᱞᱟ ᱨᱮ ᱢᱮᱱᱟᱜᱼᱟ ᱾
ᱦᱚᱲ ᱮᱞ
᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱵᱷᱩᱵᱽᱱᱮᱥᱚᱨ ᱨᱮ ᱢᱮᱱᱟᱜ ᱠᱚ ᱦᱚᱲ ᱠᱚᱣᱟᱜ ᱮᱞ ᱫᱚ ᱘,᱓᱗,᱗᱓᱗ ᱟᱨ ᱱᱟᱜᱟᱨᱟᱧᱪᱚᱞ ᱦᱚᱲ ᱫᱚ ᱘,᱘᱑,᱙᱘᱘ ᱜᱟᱱ ᱢᱮᱱᱟᱜ ᱠᱚᱣᱟ ᱾
ᱦᱚᱨᱰᱟᱦᱟᱨ
ᱥᱚᱲᱚᱠ ᱦᱚᱨ
ᱳᱰᱤᱥᱟ ᱯᱚᱱᱚᱛ ᱥᱚᱲᱚᱠ ᱯᱚᱨᱤᱵᱚᱦᱚᱱ ᱱᱤᱜᱚᱢ ᱥᱟᱢᱵᱽᱲᱟᱣ ᱛᱟᱞᱢᱟ ᱫᱚ ᱵᱷᱩᱵᱽᱱᱮᱥᱚᱨ ᱨᱮ ᱢᱮᱱᱟᱜᱼᱟ ᱾ ᱵᱷᱩᱵᱽᱱᱮᱥᱚᱨ ᱵᱚᱥᱴᱟᱸᱰ ᱫᱚ ᱵᱷᱩᱵᱽᱱᱮᱥᱚᱨ ᱨᱮᱱᱟᱜ ᱛᱟᱞᱟ ᱠᱷᱚᱱ ᱘ ᱠᱤᱞᱚᱢᱤᱴᱚ ᱥᱟᱺᱜᱤᱧ ᱨᱮ ᱵᱚᱨᱢᱩᱸᱰᱟ ᱧᱩᱛᱩᱢᱟᱱ ᱴᱷᱟᱶ ᱨᱮ ᱢᱮᱱᱟᱜᱼᱟ ᱾ ᱵᱷᱩᱵᱽᱱᱮᱥᱚᱨ ᱫᱚ ᱫᱤᱥᱚᱢ ᱨᱮᱱᱟᱜ ᱮᱴᱟᱜ ᱱᱟᱜᱟᱨ ᱠᱚ ᱦᱤᱡᱩᱜ ᱥᱮᱱᱚᱜ ᱞᱟᱰᱜᱤᱫ ᱡᱟᱹᱛᱤᱭᱟᱹᱨᱤ ᱨᱟᱡᱽᱦᱚᱨ ᱕ ᱟᱨ ᱨᱟᱡᱽᱦᱚᱨ ᱒᱐᱓ ᱫᱟᱨᱟᱭ ᱛᱮ ᱡᱚᱲᱟᱣᱟᱠᱟᱱᱟ ᱾ ᱵᱷᱩᱵᱽᱱᱮᱥᱚᱨ ᱨᱮᱱᱟᱜ ᱴᱷᱟᱶ ᱠᱚ ᱫᱟᱬᱟᱱ ᱞᱟᱹᱜᱤᱫ ᱥᱤᱴᱤ ᱵᱚᱥ ᱟᱨ ᱚᱴᱚ ᱨᱤᱠᱥᱟ ᱨᱮᱱᱟᱜ ᱥᱩᱵᱤᱫᱷᱟ ᱢᱮᱱᱟᱜᱼᱟ ᱾ ᱦᱚᱨ ᱛᱚᱯᱚᱞ ᱥᱟᱢᱵᱽᱲᱟᱣ ᱞᱟᱹᱜᱩᱫ ᱴᱨᱟᱯᱷᱤᱠ ᱠᱚᱱᱴᱨᱚᱞ ᱢᱮᱱᱟᱜᱼᱟ ᱾
ᱨᱮᱞ ᱦᱚᱨ
ᱥᱟᱢᱟᱝ ᱥᱮᱦᱮᱫ ᱨᱮᱞ ᱨᱮᱱᱟᱜ ᱥᱟᱢᱵᱽᱲᱟᱣ ᱛᱟᱞᱢᱟ ᱫᱚ ᱵᱷᱩᱵᱽᱱᱮᱥᱚᱨ ᱨᱮ ᱢᱮᱱᱟᱜᱼᱟ ᱾ ᱵᱷᱩᱵᱽᱱᱮᱥᱚᱨ ᱨᱮᱱᱟᱜ ᱢᱩᱬ ᱥᱴᱮᱞᱚᱱ ᱫᱚ ᱛᱟᱞᱟᱨᱮ ᱢᱮᱱᱟᱜᱼᱟ ᱾ ᱱᱚᱸᱰᱮ ᱠᱷᱚᱱ ᱜᱚᱴᱟ ᱯᱟᱲᱟ ᱜᱮ ᱦᱚᱨ ᱛᱚᱯᱚᱞ ᱟᱠᱟᱱᱟ ᱾ ᱱᱚᱶᱟ ᱱᱟᱜᱟᱨ ᱛᱟᱞᱟ ᱨᱮ ᱕ ᱜᱚᱴᱟᱝ ᱨᱮᱞ ᱥᱴᱮᱥᱚᱱ ᱢᱮᱱᱟᱜᱼᱟ ᱾
ᱚᱱᱟ ᱠᱚ ᱫᱚ :-
- ᱯᱚᱴᱤᱭᱟ ᱨᱮᱞ ᱥᱴᱮᱥᱚᱱ
- ᱢᱟᱧᱪᱮᱥᱚᱨ ᱨᱮᱞ ᱥᱴᱮᱥᱚᱱ
- ᱵᱟᱬᱤᱵᱤᱦᱟᱨ ᱨᱮᱞ ᱥᱴᱮᱥᱚᱱ
- ᱵᱷᱩᱵᱽᱱᱮᱥᱚᱨ ᱨᱮᱞ ᱥᱴᱮᱥᱚᱱ
- ᱞᱤᱝᱜᱚᱨᱟᱡᱽ ᱢᱩᱸᱫᱽᱨᱤ ᱨᱳᱰ ᱨᱮᱞ ᱥᱴᱮᱥᱚᱱ
ᱩᱰᱟᱹᱱ ᱦᱚᱨ
ᱵᱤᱡᱩ ᱯᱚᱴᱱᱟᱭᱚᱠ ᱩᱰᱟᱹᱱ ᱰᱟᱹᱦᱤ ᱫᱚ ᱳᱰᱤᱥᱟ ᱨᱮᱱᱟᱜ ᱢᱤᱫᱴᱟᱝ ᱜᱮ ᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱠᱟᱱᱟ ᱾ ᱱᱚᱶᱟ ᱩᱰᱟᱹᱱ ᱰᱟᱹᱦᱤ ᱵᱷᱩᱵᱽᱱᱮᱥᱚᱨ ᱛᱟᱞᱟ ᱠᱷᱚᱱ ᱓ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱛᱤᱢᱤᱱ ᱫᱤᱱ ᱦᱩᱭᱩᱜ ᱠᱟᱱᱟ ᱱᱚᱶᱟ ᱫᱚ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱞᱮᱠᱟᱛᱮ ᱢᱟᱱᱚᱛᱮ ᱧᱟᱢ ᱠᱮᱜᱼᱟ ᱾
ᱥᱮᱪᱮᱫ ᱵᱮᱵᱚᱥᱛᱟ
ᱵᱷᱩᱵᱽᱱᱮᱥᱚᱨ ᱫᱚ ᱥᱟᱢᱟᱝ ᱥᱮᱦᱮᱫ ᱨᱮ ᱡᱚᱛᱚ ᱠᱷᱚᱱ ᱢᱟᱨᱟᱝ ᱥᱮᱪᱮᱫ ᱴᱷᱟᱶ ᱞᱮᱠᱟᱛᱮ ᱢᱮᱱᱟᱭᱟ ᱾ ᱱᱚᱸᱰᱮ ᱡᱚᱛᱚ ᱞᱮᱠᱟᱱ ᱚᱞ ᱯᱟᱲᱦᱟᱣ ᱥᱮᱪᱮᱫᱚᱜ ᱞᱟᱹᱜᱤᱫ ᱟᱥᱲᱟ ᱥᱚᱨᱠᱟᱨᱤ ᱟᱨ ᱵᱮᱥᱚᱨᱠᱟᱨᱤ ᱛᱷᱚᱠ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱠᱚ ᱢᱩᱸᱫᱽ ᱨᱮ ᱟᱭᱤ.ᱟᱭᱤ.ᱴᱤ, ᱟᱭᱤ.ᱟᱭᱤ.ᱟᱭᱤ.ᱴᱤ, ᱟᱭᱤ.ᱟᱭᱤ.ᱮᱢ, ᱱᱟᱭᱡᱚᱨ, ᱮᱢᱥ, ᱮᱱ.ᱟᱭᱤ.ᱮᱯᱷ.ᱴᱤ ᱮᱢᱟᱱ ᱮᱢᱟᱱᱟᱜ ᱠᱚ ᱢᱮᱱᱟᱜᱼᱟ ᱾
ᱪᱤᱛᱟᱹᱨ
-
ᱨᱚᱵᱤᱱᱫᱨᱚ ᱢᱚᱱᱰᱚᱯ -
ᱵᱟᱭᱟ ᱵᱟᱵᱟ ᱢᱚᱴᱷᱚ -
ᱞᱤᱝᱜᱚᱨᱟᱡᱽ ᱢᱩᱸᱫᱽᱨᱤ
-
ᱰᱮᱨᱟᱥ ᱰᱮᱢ
ᱵᱟᱹᱲᱛᱤ
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱵᱷᱩᱵᱽᱱᱮᱥᱚᱨ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.