ᱵᱷᱞᱟᱫᱤᱵᱷᱚᱥᱛᱳᱠ (ᱨᱟᱥᱤᱭᱟᱱ ᱺ Владивосто́к, ᱨᱟᱥᱤᱭᱟ ᱫᱤᱥᱚᱢ ᱨᱮᱱᱟᱜ ᱥᱟᱹᱜᱤᱱ ᱥᱟᱢᱟᱝ ᱥᱮᱫ ᱨᱮ ᱢᱮᱱᱟᱜ ᱢᱤᱫ ᱥᱟᱦᱟᱨ ᱠᱟᱱᱟ᱾ ᱱᱚᱣᱟ ᱫᱚ ᱨᱟᱥᱤᱭᱟᱱ ᱯᱚᱱᱚᱛ ᱯᱨᱤᱢᱳᱥᱠᱤ ᱠᱨᱟᱭ ᱨᱮᱱᱟᱜ ᱨᱟᱡᱽᱜᱟᱲ ᱱᱟᱜᱟᱨ ᱠᱟᱱᱟ᱾ ᱵᱷᱞᱟᱫᱤᱵᱷᱚᱥᱛᱳᱠ ᱪᱤᱱ ᱟᱨ ᱮᱛᱚᱢ ᱠᱳᱨᱤᱭᱟ ᱫᱤᱥᱚᱢ ᱢᱟᱯᱟᱜ ᱡᱳᱞᱮᱛᱳᱭ ᱨᱚᱜ ᱫᱚᱨᱭᱟ ᱟᱨᱮ ᱨᱮ ᱢᱮᱱᱟᱜᱼᱟ᱾ ᱒᱐᱑᱙ ᱥᱮᱨᱢᱟ ᱨᱟᱥᱤᱭᱟᱱ ᱦᱚᱲᱞᱮᱠᱷᱟ ᱞᱮᱠᱟᱛᱮ ᱱᱚᱸᱰᱮ ᱖᱐᱕,᱐᱔᱙ ᱜᱟᱱ ᱦᱚᱲ ᱟᱨ ᱒᱐᱑᱐ ᱥᱮᱨᱢᱟ ᱨᱮ ᱕᱙᱒,᱐᱓᱔ ᱜᱟᱱ ᱢᱮᱱᱟᱜ ᱠᱚᱣᱟ᱾
ᱵᱷᱞᱟᱫᱤᱵᱷᱚᱥᱛᱳᱠ Владивосток | ||
---|---|---|
ᱱᱟᱜᱟᱨ | ||
| ||
Coordinates: 43°08′N 131°54′E / 43.133°N 131.900°E 131°54′E / 43.133°N 131.900°E | ||
ᱫᱤᱥᱚᱢ | ᱨᱟᱥᱤᱭᱟ | |
Federal subject | ᱯᱨᱤᱢᱳᱥᱠᱤ ᱠᱨᱟᱭ | |
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱘) | |
• ᱞᱮᱠᱷᱟᱜᱩᱴ | ᱔᱐᱔,᱙᱐᱑ | |
UTC+10 (MSK+7) | ||
ᱣᱮᱵᱽᱥᱟᱭᱤᱴ | http://www.vlc.ru |
ᱱᱚᱣᱟ ᱱᱟᱜᱟᱨ ᱨᱮᱜᱮ ᱯᱨᱚᱥᱟᱱᱛ ᱢᱟᱦᱟᱫᱚᱨᱭᱟ ᱨᱮᱱᱟᱜ ᱢᱟᱨᱟᱝ ᱨᱟᱥᱤᱭᱟᱱ ᱵᱚᱱᱫᱚᱨ ᱢᱮᱱᱟᱜᱼᱟ᱾
"ᱵᱷᱞᱟᱫᱤᱵᱷᱚᱥᱛᱳᱠ" ᱵᱟᱨᱟᱭᱟ ᱨᱟᱥᱤᱭᱟᱱ ᱟᱹᱲᱟᱹ ᱢᱮᱥᱟ ᱠᱟᱛᱮᱡᱽ ᱛᱮᱭᱟᱨ ᱟᱠᱟᱱᱟ᱾ "ᱵᱷᱞᱟᱫ" (Влад) ᱨᱮᱱᱟᱜ ᱢᱮᱱᱮᱫ "ᱨᱟᱡᱟ" ᱟᱨᱵᱟᱝ "ᱢᱟᱹᱞᱤᱠ" ᱟᱨ "ᱵᱷᱚᱥᱛᱳᱠ" (восто́к) ᱨᱮᱱᱟᱜ ᱢᱮᱱᱮᱫ "ᱥᱟᱢᱟᱝ ᱥᱮᱫ"᱾ ᱱᱚᱣᱟ ᱵᱟᱨᱭᱟ ᱟᱹᱲᱟᱹ ᱢᱮᱥᱟ ᱠᱟᱛᱮᱡᱽ ᱵᱷᱞᱟᱫᱤᱵᱷᱚᱥᱛᱳᱠ ᱧᱩᱛᱩᱢ ᱦᱩᱭ ᱟᱠᱟᱱᱟ᱾ ᱪᱮᱫᱟᱜ ᱥᱮ ᱱᱚᱣᱟ ᱫᱚ ᱥᱟᱢᱟᱝ ᱨᱟᱥᱤᱭᱟ ᱨᱮᱱᱟᱜ ᱥᱟᱱᱟᱢ ᱠᱷᱚᱱ ᱢᱟᱨᱟᱝ ᱱᱟᱜᱟᱨ ᱠᱟᱱᱟ᱾
ᱵᱷᱞᱟᱫᱤᱵᱷᱚᱥᱛᱳᱠ ᱱᱟᱜᱟᱨ ᱢᱩᱨᱟᱵᱷᱤᱭᱚᱵᱷᱼᱟᱢᱩᱨᱥᱠᱤ ᱩᱯᱚᱫᱤᱯ ᱨᱮᱱᱟᱜ ᱠᱚᱧᱮ ᱥᱮᱫ ᱨᱮ ᱢᱮᱱᱟᱜᱼᱟ᱾ ᱱᱚᱣᱟ ᱫᱚ ᱓᱐ ᱠᱤᱞᱳᱢᱤᱴᱟᱨ (᱑᱙ ᱢᱟᱭᱤᱞ) ᱡᱤᱞᱤᱝ ᱟᱨ ᱑᱒ ᱠᱤᱞᱳᱢᱤᱴᱟᱨ (᱗.᱕ ᱢᱟᱭᱤᱞ) ᱚᱥᱟᱨᱟ᱾
ᱱᱚᱸᱰᱮᱱᱟᱜ ᱩᱥᱩᱞ ᱴᱷᱟᱣ ᱫᱚ ᱦᱩᱭᱩᱜ ᱠᱟᱱᱟ ᱢᱟᱭᱩᱱᱴ ᱠᱷᱳᱞᱳᱫᱤᱞᱱᱤᱠ ᱒᱕᱗ ᱢᱤᱴᱟᱨ (᱘᱔᱓ ᱯᱷᱩᱴ)᱾
ᱵᱷᱞᱟᱫᱤᱵᱷᱚᱥᱛᱳᱠ ᱚᱛᱱᱚᱜ ᱴᱷᱟᱣ ᱞᱮᱠᱟᱛᱮ ᱨᱥᱤᱭᱟᱱ ᱨᱟᱥᱤᱭᱟ ᱨᱮᱱᱟᱜ ᱥᱟᱢᱟᱝᱼᱠᱚᱧᱮ ᱥᱮᱫ ᱨᱮ ᱢᱮᱱᱟᱜ ᱠᱷᱟᱹᱛᱤᱨ ᱱᱚᱣᱟ ᱫᱚ ᱫᱤᱥᱚᱢ ᱨᱟᱡᱽᱜᱟᱲ ᱢᱚᱥᱠᱚ ᱠᱷᱚᱱ ᱟᱞᱟᱥᱠᱟ ᱨᱮᱱᱟᱜ ᱟᱱᱪᱳᱨᱟᱜᱮ, ᱦᱟᱣᱟᱭ ᱨᱮᱱᱟᱜ ᱦᱳᱱᱩᱞᱩᱞᱩ ᱮᱢᱟᱱ ᱱᱟᱜᱟᱨ ᱠᱚ ᱥᱩᱨ ᱜᱮᱭᱟ᱾
ᱪᱷᱟᱸᱪ:Vladivostok weatherbox
᱒᱐᱑᱐ ᱥᱮᱨᱢᱟ ᱦᱚᱲᱞᱮᱠᱷᱟ ᱞᱮᱠᱟᱛᱮ ᱵᱷᱞᱟᱫᱤᱵᱷᱚᱥᱛᱳᱠ ᱨᱮᱱ ᱦᱚᱲᱮᱞ ᱕᱙᱒,᱐᱓᱔ ᱜᱚᱴᱟᱱ, ᱡᱟᱦᱟ ᱫᱚ ᱒᱐᱐᱒ ᱥᱮᱨᱢᱟ ᱨᱮᱱᱟᱜ ᱦᱚᱲᱮᱞ ᱕᱙᱔,᱗᱐᱑ ᱠᱷᱚᱱ ᱠᱚᱢ ᱜᱮᱭᱟ᱾ ᱱᱚᱣᱟ ᱫᱚ ᱑᱙᱘᱙ ᱥᱮᱨᱢᱟ ᱦᱚᱲᱮᱞ ᱖᱐᱖,᱖᱕᱓ ᱠᱷᱚᱱ ᱦᱚ ᱟᱹᱰᱤ ᱜᱮ ᱠᱚᱢ ᱜᱮᱭᱟ᱾ ᱒᱐᱐᱙ ᱥᱮᱨᱢᱟ ᱨᱮ ᱨᱤᱥᱮᱥᱟᱱ (recession) ᱛᱟᱭᱚᱢ ᱱᱚᱣᱟ ᱱᱟᱜᱟᱨ ᱨᱮ ᱦᱚᱲᱮᱞ ᱖᱐᱖,᱖᱕᱓ ᱜᱟᱱ ᱠᱚ ᱰᱷᱮᱨ ᱪᱟᱞᱟᱣ ᱠᱟᱱᱟ ᱒᱐᱑᱖ ᱥᱮᱨᱢᱟ ᱦᱤᱥᱟᱹᱵᱽ ᱛᱮ᱾ ᱡᱟᱹᱛ ᱦᱤᱥᱟᱹᱵᱽ ᱛᱮ ᱨᱟᱥᱤᱭᱟᱱ ᱦᱚᱲ ᱜᱮ ᱡᱟᱹᱥᱛᱤ ᱢᱮᱱᱟᱜ ᱠᱚᱣᱟ᱾
ᱱᱚᱣᱟ ᱱᱟᱜᱟᱨ ᱨᱮᱱᱟᱜ ᱠᱟᱹᱣᱰᱤᱟᱹᱨᱤ ᱨᱮᱱᱟᱜ ᱢᱩᱬᱩᱛ ᱨᱮ ᱫᱚᱨᱭᱟ ᱵᱮᱯᱟᱨ, ᱦᱟᱹᱠᱩ ᱥᱟᱵᱽ ᱟᱨ ᱨᱟᱥᱤᱭᱟᱱ ᱱᱮᱵᱷᱟᱞ ᱵᱮᱥ (naval base) ᱨᱮᱱᱟᱜ ᱠᱟᱹᱢᱤ ᱠᱟᱱᱟ᱾ ᱵᱷᱞᱟᱫᱤᱵᱷᱚᱥᱛᱳᱠ ᱨᱮᱱᱟᱜ ᱞᱮᱠᱷᱟᱜᱩᱴ ᱟᱨᱡᱟᱣ ᱨᱮᱱᱟᱜ ᱢᱚᱬᱮ ᱦᱟᱹᱴᱤᱝ ᱨᱮᱱᱟᱜ ᱯᱩᱱ ᱦᱟᱹᱴᱤᱝ ᱜᱮ ᱦᱤᱡᱩᱜᱼᱟ ᱦᱟᱹᱠᱩ ᱥᱟᱵᱽ ᱟᱨ ᱚᱱᱟ ᱥᱟᱶ ᱡᱚᱯᱨᱟᱣ ᱠᱟᱹᱢᱤ ᱠᱷᱚᱱ᱾
ᱱᱚᱰᱮᱱᱟᱜ ᱠᱟᱹᱢᱤ ᱟᱨ ᱠᱟᱹᱣᱰᱤᱟᱹᱨᱤ ᱟᱨᱡᱟᱣ ᱨᱮᱱᱟᱜ ᱟᱨᱦᱚ ᱢᱤᱫ ᱦᱚᱨ ᱫᱚ ᱦᱩᱭᱩᱜ ᱠᱟᱱᱟ ᱡᱟᱯᱟᱱᱤ ᱜᱟᱹᱰᱤ ᱠᱤᱨᱤᱝᱼᱟᱹᱠᱷᱨᱤᱝ ᱨᱮᱱᱟᱜ ᱵᱮᱯᱟᱨ᱾ ᱵᱷᱞᱟᱫᱤᱵᱷᱚᱥᱛᱳᱠ ᱨᱮᱱ ᱰᱤᱞᱟᱨ ᱥᱮᱨᱢᱟ ᱨᱮ ᱒᱕᱐,᱐᱐᱐ ᱜᱚᱴᱟᱱ ᱜᱟᱹᱰᱤ ᱠᱚ ᱤᱠᱷᱨᱤᱧᱟ ᱱᱚᱣᱟ ᱨᱮᱱᱟᱜ ᱡᱟᱹᱥᱛᱤ ᱜᱮ (᱒᱐᱐,᱐᱐᱐) ᱨᱟᱥᱤᱭᱟᱱ ᱨᱮᱱᱟᱜ ᱮᱴᱟᱜ ᱴᱚᱴᱷᱟ ᱨᱮ ᱥᱮᱱᱚᱜᱼᱟ᱾
ᱣᱤᱠᱤᱥᱟᱸᱜᱷᱟᱨ ᱨᱮ ᱵᱷᱞᱟᱫᱤᱵᱷᱚᱥᱛᱳᱠ ᱵᱟᱵᱚᱛ ᱥᱟᱸᱜᱷᱟᱨ ᱫᱤᱥᱼᱦᱩᱫᱤᱥ ᱢᱮᱱᱟᱜᱼᱟ ᱾ |
This article uses material from the Wikipedia ᱥᱟᱱᱛᱟᱲᱤ article ᱵᱷᱞᱟᱫᱤᱵᱷᱚᱥᱛᱳᱠ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.