ᱵᱮᱠ, ᱡᱚᱦᱟᱱ ᱥᱮᱵᱚᱥᱴᱤᱭᱟᱱ
ᱡᱚᱷᱟᱱ ᱥᱮᱵᱟᱥᱴᱤᱭᱟᱱ ᱵᱮᱠ(en.Johann_Sebastian_Bach) (᱒᱑ ᱢᱟᱨᱪ ᱑᱖᱘᱕ – ᱒᱘ ᱡᱩᱞᱟᱭ ᱑᱗᱕᱐) ᱫᱚ ᱡᱟᱨᱢᱟᱱ ᱫᱤᱥᱟᱹᱢ ᱨᱮᱱ ᱥᱩᱨᱚᱠᱟᱨ ᱟᱨ ᱚᱨᱜᱟᱱ ᱨᱩᱨᱩᱭᱤᱡ ᱠᱟᱱᱟᱭ᱾ ᱩᱱᱤ ᱫᱚ ᱟᱭᱢᱟᱭ ᱠᱟᱹᱢᱤ ᱟᱠᱟᱫᱟ᱾ ᱠᱚᱭᱟᱨ, ᱚᱨᱠᱮᱥᱴᱨᱟ ᱟᱨ ᱢᱤᱫ ᱦᱚᱲ ᱨᱩᱭ ᱞᱟᱹᱜᱤᱫ ᱚᱞ ᱟᱠᱟᱱ ᱩᱱᱤᱭᱟᱜ ᱫᱷᱚᱨᱚᱢ ᱥᱤᱨᱤᱧ ᱥᱮ ᱫᱷᱚᱨᱚᱢ ᱵᱟᱨᱦᱮ ᱥᱤᱨᱤᱧ ᱠᱚ ᱫᱚ ᱵᱟᱨᱚᱠ ᱯᱚᱨᱵᱚ ᱨᱮᱱᱟᱜ ᱥᱤᱨᱤᱧ ᱠᱚ ᱢᱤᱫ ᱠᱟᱛᱮᱜ ᱮ ᱯᱩᱨᱟᱹᱣ ᱟᱠᱟᱫᱟ᱾ ᱵᱮᱠ ᱫᱚ ᱱᱟᱣᱟ ᱫᱷᱟᱨᱟ ᱨᱮᱱᱟᱜ ᱥᱤᱨᱤᱧ ᱫᱚ ᱵᱟᱭ ᱵᱮᱱᱟᱣ ᱟᱠᱟᱫᱟ᱾ ᱢᱮᱱᱠᱷᱟᱱ ᱠᱟᱣᱩᱱᱴᱟᱨᱯᱚᱭᱮᱱᱴ, ᱱᱟᱯᱟᱭᱛᱮ ᱠᱟᱹᱴᱤᱡ ᱠᱷᱚᱱ ᱞᱟᱹᱴᱩ ᱮᱥᱠᱮᱞ ᱪᱟᱞᱟᱜ, ᱤᱛᱟᱞᱤ ᱟᱨ ᱯᱷᱨᱟᱱᱥ ᱨᱮᱱᱟᱜ ᱥᱤᱨᱤᱧ ᱠᱷᱚᱱ ᱯᱟᱸᱪᱟ ᱟᱠᱟᱱ ᱪᱷᱚᱱᱫᱚ ᱟᱨ ᱴᱮᱠᱥᱪᱟᱨ ᱨᱮᱱᱟᱜ ᱞᱟᱜᱟᱣ ᱮᱢᱟᱱᱛᱮᱭᱟᱜ ᱠᱚᱣᱥᱚᱞ ᱞᱟᱜᱟᱣ ᱠᱟᱛᱮᱜ ᱤᱱᱟᱹ ᱚᱠᱛᱮ ᱨᱮᱱᱟᱜ ᱡᱟᱨᱢᱟᱱ ᱥᱤᱨᱤᱧ ᱠᱚ ᱫᱚᱭ ᱯᱮᱨᱮᱡ ᱟᱠᱟᱫᱟ᱾ ᱩᱱᱤ ᱫᱚ ᱡᱟᱭ ᱡᱩᱜᱽ ᱨᱮᱱ ᱥᱩᱨᱚᱠᱟᱨ ᱠᱟᱱᱟᱭ᱾
ᱵᱟᱧᱪᱟᱣ ᱛᱟᱦᱮᱱ ᱚᱠᱛᱮ ᱚᱨᱜᱟᱱ ᱨᱩᱨᱩᱭᱤᱡ ᱢᱮᱱᱛᱮ ᱛᱤᱱᱟᱹᱜ ᱧᱤᱛᱩᱢᱮ ᱦᱟᱢᱮᱴ ᱞᱮᱫᱟ᱾ ᱢᱮᱱᱠᱷᱟᱱ ᱥᱩᱨᱚᱠᱟᱨ ᱦᱤᱥᱟᱹᱵᱽ ᱛᱮ ᱫᱚ ᱤᱱᱟᱹᱜ ᱧᱤᱛᱩᱢ ᱵᱟᱭ ᱦᱟᱢᱮᱴ ᱫᱟᱲᱮ ᱟᱠᱟᱫᱟ᱾ ᱵᱮᱠ ᱟᱜ ᱥᱤᱨᱤᱧ ᱪᱮᱛᱟᱱ ᱥᱟᱹᱨᱤᱭᱟᱜ ᱟᱜᱜᱽᱨᱚᱷᱚ ᱫᱚ ᱧᱮᱞ ᱟᱠᱟᱱᱟ ᱑᱙ ᱥᱟᱭ ᱨᱮᱱᱟᱜ ᱮᱦᱚᱵ ᱥᱮᱡ ᱠᱷᱚᱱ᱾ ᱮᱴᱟᱜ ᱦᱚᱲ ᱦᱚᱛᱮᱛᱮ ᱱᱤᱭᱟᱹ ᱚᱠᱛᱮ ᱜᱮ ᱩᱱᱤᱭᱟᱜ ᱥᱤᱨᱤᱧ ᱪᱚᱨᱪᱟ ᱷᱚᱸ ᱮᱦᱚᱵ ᱞᱮᱱᱟ᱾ ᱟᱨ ᱵᱟᱝᱠᱷᱟᱱ ᱱᱤᱭᱟ ᱞᱟᱦᱟ ᱫᱚ ᱚᱱᱟ ᱚᱠᱛᱮ ᱨᱮᱱ ᱦᱚᱲ ᱫᱚ ᱩᱱᱤᱭᱟᱜ ᱥᱤᱨᱤᱧ ᱠᱚ ᱵᱮᱠᱰᱮᱴᱮᱴ ᱠᱚ ᱢᱮᱛᱟᱜ ᱠᱟᱱ ᱛᱟᱷᱮ ᱠᱟᱱᱟ᱾
ᱡᱤᱭᱳᱱ ᱱᱟᱜᱟᱢ
ᱵᱟᱞᱮ ᱩᱢᱮᱨ ᱥᱟᱝᱠᱛ ᱜᱮᱭᱟᱨᱜᱮᱥ ᱜᱤᱨᱡᱟᱹ ᱨᱮᱱ ᱚᱨᱜᱟᱱ ᱨᱩᱨᱩᱭᱤᱡ ᱡᱚᱦᱟᱱ ᱟᱢᱨᱚᱥᱤᱣᱩᱥ ᱵᱮᱠ ᱟᱨ ᱢᱟᱨᱤᱭᱟ ᱮᱞᱤᱡᱟᱵᱮᱴᱟ ᱵᱮᱠ ᱨᱮᱱ ᱜᱤᱫᱽᱨᱟᱹ ᱡᱚᱷᱟᱱ ᱥᱮᱵᱟᱥᱴᱤᱭᱟᱱ ᱵᱮᱠ ᱫᱚ ᱡᱟᱨᱢᱟᱱᱤ ᱨᱮᱱᱟᱜ ᱴᱩᱨᱤᱧᱮᱱ ᱯᱨᱚᱫᱮᱥ ᱨᱮᱱᱟᱜ ᱟᱭᱡᱮᱱᱛᱷᱟᱱ ᱥᱚᱦᱚᱨ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱵᱮᱦᱟᱞᱟ ᱟᱨ ᱦᱟᱨᱯᱥᱤᱠᱚᱨᱰ ᱨᱩᱨᱩ ᱫᱚ ᱟᱡ ᱵᱟᱵᱟ ᱴᱷᱮᱱ ᱜᱮᱭ ᱪᱮᱫ ᱟᱠᱟᱫᱟ᱾ ᱵᱮᱠ ᱨᱮᱱ ᱟᱡ ᱦᱚᱯᱚᱱᱵᱟ ᱛᱟᱠᱚ ᱫᱚ ᱡᱚᱛᱚ ᱜᱮ ᱥᱤᱨᱤᱧ ᱥᱟᱛᱮᱜ ᱡᱚᱯᱲᱟᱣ ᱠᱚ ᱛᱟᱦᱮ ᱠᱟᱱᱟ᱾ ᱟᱡ ᱦᱚᱯᱚᱱᱵᱟ ᱛᱟᱠᱚ ᱢᱩᱫᱽ ᱨᱮ ᱡᱚᱛᱚ ᱠᱷᱚᱱ ᱧᱤᱛᱩᱢᱟᱱ ᱫᱚᱭ ᱛᱟᱦᱮ ᱠᱟᱱᱟ ᱡᱚᱷᱟᱱ ᱠᱷᱨᱤᱥᱴᱚᱯᱷ ᱵᱮᱠ (᱑᱖᱔᱕ – ᱑᱖᱙᱓)᱾ ᱱᱩᱭ ᱜᱮ ᱵᱮᱠ ᱫᱚ ᱯᱩᱭᱞᱩ ᱚᱨᱜᱟᱱ ᱥᱟᱛᱮᱜᱼᱮ ᱩᱯᱲᱩᱢ ᱞᱤᱫᱤᱭᱟ᱾ ᱥᱤᱨᱤᱧ ᱪᱮᱛᱟᱱ ᱟᱠᱚ ᱜᱷᱟᱨᱚᱡᱽ ᱨᱮᱱᱟᱜ ᱦᱟᱢᱮᱴ ᱛᱮ ᱵᱮᱠ ᱟᱜ ᱫᱚ ᱟᱹᱰᱤ ᱜᱚᱨᱚᱵ ᱛᱟᱦᱮ ᱠᱟᱱᱛᱟᱭᱟ᱾ ᱚᱱᱟ ᱫᱚ ᱵᱟᱰᱟᱭᱚᱜᱼᱟ ᱩᱱᱤᱭᱟᱜ "ᱵᱮᱠ ᱥᱤᱨᱤᱧ ᱜᱷᱟᱨᱚᱡᱽ ᱟᱠᱷᱲᱟ" ᱧᱤᱛᱩᱢᱟᱱ ᱥᱮᱨᱢᱟ ᱯᱚᱸᱡᱤᱠᱟ ᱠᱷᱚᱱ᱾
᱑᱖᱖᱔ ᱥᱮᱨᱢᱟ ᱨᱮ ᱟᱡ ᱵᱟᱵᱟᱭ ᱵᱚᱸᱜᱟ ᱛᱟᱞᱟᱭᱮᱱᱟ ᱚᱱᱟ ᱘ ᱪᱟᱸᱫᱚ ᱛᱟᱭᱚᱢ ᱜᱮ ᱟᱡ ᱜᱚᱜᱚ ᱦᱚᱸᱭ ᱵᱚᱸᱜᱟ ᱛᱟᱞᱟᱭᱮᱱᱟᱹ ᱤᱱᱟ ᱚᱠᱛᱮ ᱵᱮᱠ ᱫᱚ ᱑᱐ ᱥᱮᱨᱢᱟ ᱩᱢᱮᱞ ᱛᱟᱦᱮ ᱠᱟᱱ ᱛᱟᱭᱟ᱾
ᱵᱟᱨᱦᱮ ᱡᱚᱱᱚᱲ
- J.S. Bach Home Page, by Jan Hanford—extensive information on Bach and his works; database of recordings and user reviews
- Bach Bibliography Archived ᱒᱐᱐᱖-᱐᱒-᱐᱖ at the Wayback Machine., by Yo Tomita of Queen's University Belfast—especially useful to scholars
- Bach Cantatas Website, by Aryeh Oron—information on the cantatas as well as other works
This article uses material from the Wikipedia ᱥᱟᱱᱛᱟᱲᱤ article ᱵᱮᱠ, ᱡᱚᱦᱟᱱ ᱥᱮᱵᱚᱥᱴᱤᱭᱟᱱ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.