ᱴᱟᱴᱟᱱᱚᱜᱚᱨ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ

ᱴᱟᱴᱟᱱᱚᱜᱚᱨ ᱨᱮᱞᱣᱮ ᱥᱴᱮᱥᱚᱱ ᱫᱚ ᱒᱐ ᱥᱟᱭ ᱥᱮᱨᱢᱟ ᱨᱮ ᱵᱮᱱᱟᱣ ᱞᱮᱱᱟ ᱾ ᱑᱙᱐᱗ ᱥᱮᱨᱢᱟ ᱨᱮᱱᱟᱜ ᱰᱤᱥᱮᱢᱵᱚᱨ ᱪᱟᱸᱫᱚ ᱨᱮ ᱥᱟᱠᱪᱤ ᱫᱚ ᱢᱤᱫ ᱥᱴᱤᱞ ᱯᱞᱟᱸᱴ ᱞᱟᱹᱜᱤᱫ ᱛᱮ ᱞᱟᱹᱠᱛᱤᱭᱟᱱ ᱴᱷᱟᱶ ᱞᱮᱠᱟᱛᱮ ᱵᱟᱰᱟᱭ ᱞᱮᱱᱟ᱾ ᱑᱙᱑᱐ ᱥᱟᱞᱮ ᱨᱮ, ᱥᱟᱠᱪᱤ ᱥᱩᱨ ᱨᱮ ᱢᱮᱱᱟᱜ ᱠᱟᱞᱤᱢᱚᱛᱤ ᱟᱹᱛᱩ ᱫᱚ ᱵᱤ.ᱱ.ᱟᱨ. ᱨᱮᱭᱟᱜ ᱦᱟᱣᱲᱟ ᱠᱷᱚᱱ ᱵᱚᱢᱵᱮ ᱰᱟᱦᱟᱨ ᱨᱮ ᱢᱤᱫ ᱨᱮᱞᱣᱮ ᱥᱴᱮᱥᱚᱱ ᱮ ᱧᱟᱢ ᱞᱮᱫᱼᱟ ᱾ ᱴᱟᱴᱟ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱ ᱥᱴᱤᱞ ᱯᱷᱮᱵᱽᱨᱩᱠᱥ ᱨᱮ ᱨᱮᱞᱣᱮ ᱫᱚ ᱡᱤᱣᱤ ᱡᱚᱝ ᱴᱷᱟᱶ ᱮ ᱟᱢᱮᱴ ᱞᱮᱫᱼᱟ ᱾ ᱛᱟᱭᱚᱢ ᱛᱮ ᱱᱚᱣᱟ ᱨᱮᱞᱣᱮ ᱥᱴᱮᱥᱚᱱ ᱨᱮᱭᱟᱜ ᱧᱩᱛᱩᱢ ᱫᱚ ᱡᱟᱢᱥᱮᱴᱡᱤ ᱴᱟᱴᱟ ᱟᱜ ᱢᱚᱱᱮ ᱛᱮ ᱴᱟᱴᱟᱱᱚᱜᱚᱨ ᱧᱩᱛᱩᱢ ᱛᱮ ᱩᱪᱷᱟᱹᱱ ᱞᱮᱱᱟ ᱾ ᱴᱟᱴᱟᱱᱚᱜᱚᱨ ᱟᱨᱩᱨᱠᱮᱞᱟ ᱥᱮᱠᱥᱚᱱ ᱫᱚ ᱫᱤᱥᱚᱢ ᱨᱮᱱᱟᱜ ᱫᱚᱥᱟᱨ ᱒᱕ ᱠᱤᱹᱵᱤᱹ ᱮᱥᱤᱹ ᱤᱞᱮᱠᱴᱨᱤᱠᱮᱥᱚᱱ ᱥᱮᱠᱥᱚᱱ ᱛᱟᱦᱮᱸ ᱠᱟᱱᱟ, ᱯᱩᱭᱞᱩ ᱫᱚ ᱵᱩᱨᱫᱩᱣᱟᱱᱼᱢᱩᱜᱚᱞᱥᱚᱨᱟᱭ (᱑᱙᱕᱗ ᱨᱮ) ᱛᱟᱦᱮᱸ ᱠᱟᱱᱟ ᱾

ᱴᱟᱴᱟᱱᱚᱜᱚᱨ ᱨᱮᱞ ᱥᱴᱮᱥᱚᱱ ᱫᱚ ᱦᱟᱵᱽᱲᱟ–ᱢᱩᱢᱵᱟᱭ ᱰᱟᱦᱟᱨ ᱨᱮ ᱢᱮᱱᱟᱜᱼᱟ, ᱟᱨ ᱱᱟᱶᱟ ᱫᱤᱞᱞᱤ, ᱪᱮᱱᱱᱟᱭ, ᱵᱤᱥᱟᱠᱷᱟᱯᱟᱴᱱᱟᱢ ᱟᱨ ᱳᱰᱤᱥᱟ ᱞᱮᱠᱟᱱ ᱴᱷᱟᱶ ᱞᱟᱹᱜᱤᱫ ᱛᱮ ᱰᱟᱦᱟᱨᱮ ᱥᱮᱵᱟᱭᱟ ᱾ ᱱᱚᱣᱟ ᱫᱚ ᱮᱛᱚᱢ ᱥᱟᱢᱟᱝ ᱨᱮᱞᱣᱮ ᱨᱮᱱᱟᱜ ᱢᱤᱫᱴᱟᱹᱝ ᱢᱟᱨᱟᱝ ᱥᱴᱮᱥᱚᱱ ᱠᱟᱱᱟ ᱾ ᱱᱚᱣᱟ ᱫᱚ ᱮᱛᱚᱢ ᱥᱟᱢᱟᱝ ᱨᱮᱞᱣᱮ ᱴᱚᱴᱷᱟ ᱟᱨ ᱪᱚᱠᱨᱚᱫᱷᱚᱨᱯᱩᱨ ᱨᱮᱞ ᱠᱷᱚᱸᱰ ᱨᱮᱱᱟᱜ ᱠᱟᱱᱟ ᱾ ᱡᱟᱦᱟᱸ ᱦᱤᱞᱚᱜ ᱜᱮ ᱱᱚᱣᱟ ᱰᱟᱦᱟᱨ ᱨᱮ ᱑᱐᱐ ᱠᱷᱚᱱ ᱰᱮᱦᱮᱨ ᱴᱨᱮᱱ ᱪᱟᱞᱟᱜᱼᱟ ᱾ ᱥᱟᱢᱟᱝ ᱥᱤᱧᱚᱛ ᱨᱮᱱᱟᱜ ᱟᱹᱰᱤ ᱵᱤᱡᱤ ᱴᱨᱟᱸᱠ ᱰᱟᱦᱟᱨ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾ ᱱᱟᱠᱷᱟ ᱖ ᱜᱚᱴᱟᱝ ᱯᱞᱮᱴᱯᱷᱚᱨᱢ ᱢᱮᱱᱟᱜᱼᱟ, ᱕ ᱜᱚᱴᱟᱝ ᱢᱩᱬ ᱴᱨᱮᱱ ᱞᱟᱹᱜᱤᱫ ᱚᱠᱟ ᱚᱠᱛᱚ ᱛᱟᱨᱟ ᱯᱟᱥᱮᱱᱡᱚᱨ ᱴᱨᱮᱱ ᱞᱟᱹᱜᱤᱫ ᱛᱮ ᱢᱤᱫᱴᱟᱹᱝ (ᱣᱟᱥᱤᱝ ᱞᱟᱭᱤᱱ ᱴᱷᱮᱱ ᱯᱞᱮᱴᱯᱷᱚᱨᱢ) ᱵᱮᱵᱷᱟᱨᱚᱜᱼᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}