ᱱᱤᱭᱩ ᱭᱚᱨᱠ: ᱡᱩᱢᱤᱫᱽ ᱯᱚᱱᱚᱛ ᱨᱮᱱᱟᱜ ᱢᱟᱨᱟᱝ ᱥᱚᱦᱚᱨ
ᱱᱤᱭᱩ ᱭᱚᱨᱠ (ᱤᱝᱞᱤᱥᱺ New York) ᱫᱚ ᱡᱩᱢᱤᱫᱽ ᱯᱚᱱᱚᱛ ᱟᱢᱮᱨᱤᱠᱟ ᱨᱮᱱᱟᱜ ᱢᱤᱫ ᱯᱚᱱᱚᱛ ᱠᱟᱱᱟ ᱾ ᱱᱚᱶᱟ ᱫᱚ ᱡᱩᱢᱤᱫᱽ ᱯᱚᱱᱚᱛ ᱨᱮᱱᱟᱜ ᱮᱛᱚᱢ ᱥᱟᱢᱟᱝ ᱥᱮᱦᱮᱰ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱚᱱᱴᱟᱨᱤᱭᱚ ᱞᱮᱠ ᱟᱨ ᱠᱟᱱᱟᱰᱟ ᱨᱮᱱᱟᱜ ᱵᱷᱤᱲᱟᱹᱣ ᱨᱮ ᱢᱮᱱᱟᱜᱼᱟ ᱾ ᱮᱨᱤ ᱞᱮᱠ ᱟᱨ ᱠᱟᱱᱟᱰᱟ ᱫᱚ ᱚᱱᱟ ᱨᱮᱱᱟᱜ ᱯᱟᱪᱷᱮ ᱥᱮᱦᱮᱰ ᱨᱮ ᱢᱮᱱᱟᱜᱼᱟ, ᱯᱮᱱᱥᱤᱞᱵᱷᱟᱱᱤᱭᱟ ᱫᱚ ᱯᱟᱪᱮ ᱟᱨ ᱠᱚᱧᱮ ᱥᱮᱦᱮᱫᱨᱮ, ᱵᱷᱮᱨᱢᱚᱸᱴ, ᱢᱟᱥᱟᱪᱩᱥᱮᱴᱥ ᱟᱨ ᱠᱚᱱᱮᱠᱴᱤᱠᱚᱴ ᱫᱚ ᱥᱟᱢᱟᱝ ᱥᱮᱦᱮᱫ ᱨᱮ, ᱟᱨ ᱱᱤᱭᱩ ᱡᱚᱨᱥᱤ ᱫᱚ ᱠᱚᱧᱮ ᱟᱨ ᱯᱟᱪᱮ ᱥᱮᱦᱮᱫ ᱨᱮ ᱢᱮᱱᱟᱜ ᱟᱠᱟᱫᱼᱟ ᱾
ᱱᱟᱜᱟᱢ
ᱱᱤᱭᱩ ᱭᱚᱨᱠ ᱫᱚ ᱚᱥᱚᱞ ᱨᱮ ᱱᱟᱶᱟ ᱱᱮᱫᱚᱨᱞᱮᱸᱰ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱰᱚᱪ ᱥᱚᱢᱨᱟᱡᱽ ᱫᱟᱨᱟᱭ ᱛᱮ ᱮᱦᱚᱵ ᱞᱮᱱ ᱛᱟᱦᱮᱸᱫ ᱑᱗ ᱥᱟᱭᱟᱝ ᱥᱟᱞᱮᱨᱮ ᱾ ᱱᱚᱶᱟ ᱫᱚ ᱟᱝᱜᱽᱞᱚ-ᱰᱚᱪ ᱞᱟᱹᱲᱦᱟᱹᱭ ᱡᱚᱠᱷᱟᱜ ᱤᱝᱞᱤᱥ ᱞᱟᱹᱣᱲᱤᱭᱟᱹ ᱴᱷᱮᱱ ᱠᱚ ᱮᱢ-ᱪᱟᱞ ᱠᱟᱫ ᱛᱟᱦᱮᱸᱫ ᱟᱨ ᱵᱨᱤᱴᱤᱥ ᱥᱟᱢᱨᱟᱡᱽ ᱨᱮ ᱢᱮᱥᱟᱭᱮᱱᱟ ᱾ ᱰᱚᱪ ᱰᱮᱨᱟ ᱨᱮᱱᱟᱜ ᱟᱫᱷᱟ ᱠᱮᱪᱟᱜ ᱫᱚ ᱤᱝᱞᱤᱥ ᱰᱮᱨᱟ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾ ᱞᱚᱝ ᱟᱭᱞᱮᱸᱰ ᱞᱟᱹᱲᱦᱟᱹᱭ, ᱥᱟᱨᱟᱴᱚᱜᱟ ᱞᱟᱹᱲᱦᱟᱹᱭ ᱟᱨ ᱮᱢᱟᱱ ᱧᱩᱛᱩᱢᱟᱱ ᱟᱢᱮᱨᱤᱠᱟ ᱨᱮᱱᱟᱜ ᱞᱟᱲᱟᱣᱱᱟ ᱫᱚ ᱱᱤᱭᱩ ᱭᱚᱨᱠ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱟᱨ ᱚᱱᱟ ᱠᱚ ᱢᱮᱥᱟ ᱠᱟᱛᱮ ᱡᱩᱢᱤᱫᱽ ᱯᱚᱱᱚᱛ (US) ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾ ᱡᱩᱢᱤᱫᱽ ᱯᱚᱱᱚᱛ ᱦᱚᱲᱞᱮᱠᱷᱟ ᱢᱟᱰᱣᱟ (USCB) ᱦᱟᱜ ᱞᱟᱹᱭ ᱞᱮᱠᱟᱛᱮ ᱒᱐᱐᱕ ᱥᱟᱞᱮ ᱦᱟᱹᱵᱤᱡ ᱛᱮ ᱠᱟᱞᱤᱯᱷᱚᱨᱱᱤᱭᱟ ᱟᱨ ᱴᱮᱠᱥᱟᱥ ᱯᱟᱹᱪᱷᱞᱟᱹ ᱱᱤᱭᱩ ᱭᱚᱨᱠ ᱨᱮ ᱛᱮᱥᱟᱨ ᱵᱟᱹᱲᱛᱤ ᱦᱚᱲ ᱢᱮᱱᱟᱜ ᱠᱚᱣᱟ ᱡᱩᱢᱤᱫᱽ ᱯᱚᱱᱚᱛ ᱛᱟᱞᱟ ᱨᱮ ᱾ ᱱᱤᱭᱩ ᱭᱚᱨᱠ ᱨᱮ ᱛᱟᱦᱮᱸᱱ ᱠᱟᱱ ᱦᱚᱲ ᱮᱞ ᱫᱚ ᱑᱙,᱒᱙᱗,᱗᱒᱙ ᱜᱟᱱ ᱠᱚ ᱦᱩᱭᱩᱜᱼᱟ ᱾
ᱱᱟᱜᱟᱨᱠᱚ
ᱱᱤᱭᱩ ᱭᱚᱨᱠ ᱯᱚᱱᱚᱛ ᱨᱮᱱᱟᱜ ᱢᱟᱨᱟᱝ ᱱᱟᱜᱟᱨ ᱫᱚ ᱱᱤᱭᱩ ᱭᱚᱨᱠ ᱥᱚᱦᱚᱨ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱫᱚ ᱠᱚᱧᱮᱼᱥᱟᱢᱟᱝ ᱯᱟᱴᱷᱟ ᱦᱩᱰᱥᱚᱱ ᱜᱟᱰᱟ ᱥᱩᱨ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱡᱩᱢᱤᱫᱽᱯᱚᱱᱚᱛ ᱨᱮᱱᱟᱜ ᱢᱟᱨᱟᱝ ᱱᱟᱜᱟᱨ ᱠᱷᱚᱱ ᱱᱟᱥᱮ ᱥᱟᱺᱜᱤᱧ ᱫᱷᱟᱨᱟ ᱜᱮᱭᱟ ᱾ ᱱᱤᱭᱩ ᱭᱚᱨᱠ ᱱᱟᱜᱟᱨ ᱨᱮᱱᱟᱜ ᱛᱤᱢᱤᱱ ᱦᱟᱹᱴᱤᱧ ᱫᱚ ᱞᱚᱝ ᱟᱭᱞᱮᱸᱰ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱟᱴᱞᱟᱱᱴᱤᱠ ᱢᱟᱦᱟᱫᱚᱨᱭᱟ ᱨᱮᱱᱟᱜ ᱢᱟᱨᱟᱝ ᱟᱭᱞᱮᱸᱰ ᱠᱟᱱᱟ ᱾ ᱟᱨᱢᱤᱫ ᱦᱟᱹᱴᱤᱧ ᱫᱚ ᱥᱴᱟᱴᱮᱱ ᱟᱭᱞᱮᱸᱰ ᱨᱮ ᱢᱮᱱᱟᱜᱼᱟ ᱾ ᱱᱤᱭᱩ ᱭᱚᱨᱠ ᱯᱚᱱᱚᱛ ᱨᱤᱱ ᱵᱟᱹᱲᱛᱤ ᱦᱚᱲ ᱜᱮ ᱱᱤᱭᱩ ᱭᱚᱨᱠ ᱢᱮᱴᱨᱚᱯᱚᱞᱤᱴᱟᱱ ᱮᱞᱟᱠᱟ ᱨᱮ ᱠᱚ ᱛᱟᱦᱮᱸᱱ ᱠᱟᱱᱟ ᱾ ᱱᱚᱶᱟ ᱫᱚ ᱡᱮᱜᱮᱛ ᱨᱮᱱᱟᱜ ᱢᱟᱨᱟᱝ ᱢᱮᱴᱨᱚᱯᱚᱞᱤᱴᱟᱱ ᱮᱞᱟᱠᱟ ᱢᱩᱸᱫᱽ ᱠᱷᱚᱱ ᱢᱤᱫᱴᱟᱹᱝ ᱠᱟᱱᱟ, ᱡᱟᱦᱟᱸ ᱫᱚ ᱥᱟᱢᱟᱝ ᱱᱤᱭᱩ ᱡᱚᱨᱥᱤ ᱨᱮᱱᱟᱜ ᱦᱚᱸ ᱦᱟᱹᱴᱤᱧ ᱠᱟᱱᱟ ᱾
ᱥᱟᱹᱠᱷᱭᱟᱹᱛ
ᱵᱟᱨᱦᱮ ᱡᱚᱱᱚᱲ
This article uses material from the Wikipedia ᱥᱟᱱᱛᱟᱲᱤ article ᱱᱤᱭᱩ ᱭᱚᱨᱠ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.