ᱱᱤᱡᱟᱢᱟᱵᱟᱫᱽ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱛᱮᱞᱮᱝᱜᱟᱱᱟ ᱯᱚᱱᱚᱛ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱱᱤᱡᱟᱢᱟᱵᱟᱫᱽ ᱱᱟᱜᱽᱨᱟᱦᱟ ᱫᱚ ᱚᱱᱟ ᱦᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾
ᱱᱤᱡᱟᱢᱟᱵᱟᱫᱽ ᱫᱚ "ᱱᱤᱡᱟᱢᱟ" ᱟᱨ "ᱟᱵᱟᱫᱽ" ᱟᱹᱲᱟᱹ ᱢᱮᱥᱟ ᱠᱟᱛᱮ ᱵᱮᱱᱟᱣ ᱟᱠᱟᱱᱟ ᱾ "ᱱᱤᱡᱟᱢ" ᱨᱮᱱᱟᱜ ᱢᱮᱱᱮᱛ ᱫᱚ "ᱦᱟᱭᱫᱽᱨᱟᱵᱟᱫᱽ ᱱᱤᱡᱟᱢ" ᱢᱮᱱ ᱛᱚ ᱚᱸᱰᱮᱱᱤᱡ ᱥᱟᱢᱨᱟᱴ ᱟᱨ "ᱟᱵᱟᱫᱽ" ᱢᱮᱱ ᱫᱚ "ᱡᱟᱡᱟᱡᱩᱜᱽ ᱡᱤᱣᱤᱫ" ᱾ ᱱᱤᱡᱟᱢᱟᱵᱟᱫᱽ ᱦᱚᱱᱚᱛ ᱫᱚ ᱑᱙᱐᱕ ᱥᱟᱹᱦᱤᱛ ᱨᱮ ᱵᱮᱱᱟᱣ ᱞᱮᱱᱟ, ᱾ ᱱᱚᱶᱟ ᱞᱟᱦᱟ ᱛᱮ ᱱᱚᱶᱟ ᱫᱚ "ᱤᱱᱫᱩᱨ" ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱫ, ᱡᱟᱦᱟᱸ ᱟᱹᱲᱟᱹ ᱫᱚ "ᱤᱱᱫᱽᱨᱚᱫᱚᱛᱛᱚ" ᱠᱷᱚᱱ ᱦᱮᱡ ᱟᱠᱟᱱᱟ ᱢᱮᱱᱛᱮ ᱵᱟᱰᱟᱭᱚᱜᱼᱟ ᱾ ᱚᱱᱟ ᱛᱟᱭᱚᱢ ᱑᱘ ᱥᱟᱭ ᱥᱟᱭᱟᱫ ᱨᱮ ᱱᱤᱡᱟᱢ ᱰᱮᱠᱟᱱ ᱮᱞᱟᱠᱟᱭ ᱥᱟᱥᱚᱱ ᱠᱮᱫ ᱟ ᱟᱨ ᱦᱚᱱᱚᱛ ᱧᱩᱛᱩᱢ ᱦᱚᱸ ᱟᱡᱟᱜ ᱧᱩᱛᱩᱢ ᱛᱮ ᱠᱚ ᱪᱷᱟᱹᱴᱭᱟᱹᱨ ᱠᱮᱫᱼᱟ ᱾
ᱚᱠᱴᱚᱵᱚᱨ ᱒᱐᱑᱖ ᱥᱟᱞᱮ ᱨᱮ ᱱᱚᱶᱟ ᱯᱚᱱᱚᱛ ᱛᱮᱞᱮᱝᱜᱟᱱᱟ ᱠᱚ ᱵᱮᱨᱮᱫ ᱠᱮᱫᱼᱟ ᱟᱨ ᱠᱟᱢᱟᱨᱮᱰᱤ ᱦᱚᱱᱚᱛ ᱠᱚ ᱵᱮᱱᱟᱣ ᱠᱮᱫᱼᱟ ᱱᱤᱡᱟᱢᱟᱵᱟᱫᱽ ᱦᱚᱱᱚᱛ ᱠᱷᱚᱱ ᱵᱷᱮᱜᱟᱨ ᱠᱟᱛᱮ, ᱡᱟᱦᱟᱸ ᱫᱚ ᱯᱚᱱᱚᱛ ᱨᱮᱱᱟᱜ ᱓᱑ ᱟᱱᱟᱜ ᱦᱚᱱᱚᱛ ᱠᱟᱱᱟ ᱾
ᱱᱚᱶᱟ ᱦᱚᱱᱚᱛ ᱫᱚ ᱔᱒᱘᱘ ᱜᱟᱺᱴ ᱠᱤᱞᱚᱢᱤᱴᱚᱨ ᱮᱨᱤᱭᱟ ᱛᱮ ᱟᱴᱮᱫ ᱟᱠᱟᱱᱟ ᱟᱨ ᱠᱚᱨᱰᱤᱱᱮᱴ 18°41′N 78°6′E / 18.683°N 78.100°E ᱨᱮ ᱢᱮᱱᱟᱜᱼᱟ ᱾ᱱᱤᱡᱟᱢᱟᱵᱟᱫᱽ ᱦᱚᱱᱚᱛ ᱨᱮᱱᱟᱜ ᱮᱛᱚᱢ ᱨᱮ ᱱᱤᱨᱢᱟᱞ ᱦᱚᱱᱚᱛ, ᱥᱟᱢᱟᱝ ᱥᱮᱦᱮᱫ ᱨᱮ ᱡᱚᱜᱽᱛᱤᱭᱟᱞ ᱦᱚᱱᱚᱛ ᱟᱨ ᱨᱟᱡᱟᱱᱱᱟ ᱥᱤᱥᱤᱞᱟ ᱦᱚᱱᱚᱛ, ᱠᱚᱧᱮ ᱥᱮᱦᱮᱫ ᱨᱮ ᱠᱟᱢᱟᱨᱮᱰᱤ ᱦᱚᱱᱚᱛ ᱟᱨ ᱯᱟᱪᱮ ᱥᱮᱦᱮᱫ ᱨᱮ ᱢᱟᱦᱟᱨᱥᱨᱚ ᱨᱮᱱᱟᱜ ᱱᱟᱱᱰᱮᱰ ᱦᱚᱱᱚᱛ ᱢᱮᱱᱟᱜᱼᱟ ᱾ ᱜᱚᱫᱟᱵᱚᱨᱤ ᱦᱚᱱᱚᱛ ᱫᱚ ᱛᱟᱮᱞᱮᱝᱜᱟᱱᱟ ᱯᱚᱱᱚᱛ ᱛᱮ ᱱᱤᱡᱟᱢᱟᱵᱟᱫᱽ ᱦᱚᱱᱚᱛ ᱨᱮᱱᱟᱜ ᱠᱟᱱᱫᱷᱟᱠᱩᱨᱴᱤ ᱨᱮ ᱵᱚᱞᱚ ᱟᱠᱟᱱᱟ ᱾
᱒᱐᱑᱑ ᱥᱟᱹᱦᱤᱛ ᱥᱤᱧᱚᱛ ᱨᱮᱱᱟ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱱᱚᱶᱟ ᱦᱚᱱᱚᱛ ᱨᱮ ᱑,᱕᱗᱑,᱐᱒᱒ ᱦᱚᱲ ᱢᱮᱱᱟᱜ ᱠᱚᱣᱟ ᱾ ᱥᱤᱧᱚᱛ ᱥᱚᱨᱠᱟᱨ ᱒᱐᱐᱖ ᱥᱟᱞᱮ ᱨᱮ ᱥᱤᱧᱚᱛ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱠᱷᱚᱱ ᱒᱕᱐ ᱦᱚᱱᱚᱛ ᱥᱟᱶᱛᱮ ᱱᱚᱶᱟ ᱦᱚᱸ ᱟᱹᱰᱤ ᱯᱟᱹᱪᱷᱞᱟᱹ ᱦᱚᱱᱚᱛ (most backward districts) ᱞᱮᱠᱟᱛᱮ ᱥᱮᱞᱮᱫ ᱟᱠᱟᱫᱼᱟᱭ ᱾ ᱱᱚᱶᱟ ᱫᱚ ᱛᱮᱞᱮᱝᱜᱟᱱᱟ ᱨᱮᱱᱟᱜ ᱙ ᱟᱱᱟᱜ ᱱᱟᱶᱟ ᱦᱚᱱᱚᱛ, ᱯᱟᱹᱪᱷᱞᱟᱹ ᱮᱞᱟᱠᱟ ᱜᱨᱟᱱᱴ (Backward Regions Grant Fund) ᱯᱷᱚᱸᱰ ᱮ ᱧᱟᱢ ᱮᱫᱟ ᱾
ᱱᱤᱡᱟᱢᱟᱵᱟᱫᱽ ᱦᱚᱱᱚᱛ ᱨᱮ ᱰᱟᱦᱟᱨ ᱡᱚᱯᱚᱲᱟᱣ ᱫᱚ ᱵᱷᱟᱹᱜᱤ ᱜᱮᱭᱟ ᱾ ᱡᱚᱛᱚ ᱱᱟᱜᱨ ᱟᱨ ᱟᱹᱛᱩ ᱠᱚ ᱟᱥᱯᱷᱟᱞᱴ ᱰᱟᱡᱦᱟᱨ (asphalt roads) ᱛᱮ ᱡᱩᱲᱟᱹᱣ ᱟᱠᱟᱱᱟ ᱦᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱥᱟᱶ ᱾ ᱱᱤᱡᱟᱢᱟᱵᱟᱫᱽ ᱦᱚᱱᱚᱛ ᱥᱮᱫ ᱛᱮ ᱵᱟᱨᱭᱟ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱯᱟᱨᱚᱢ ᱟᱠᱟᱱᱟ, ᱢᱤᱫᱴᱟᱝ ᱫᱚ NH 44 ᱡᱟᱦᱟᱸ ᱫᱚ ᱠᱚᱱᱭᱟᱠᱩᱢᱟᱨᱤ ᱠᱷᱚᱱ ᱵᱟᱨᱚᱬᱟᱥᱤ ᱪᱟᱞᱟᱣ ᱟᱠᱟᱱᱟ ᱟᱨ ᱟᱨᱢᱤᱫᱴᱟᱜ ᱫᱚ NH16, ᱡᱟᱦᱟᱸ ᱫᱚ ᱱᱤᱡᱟᱢᱟᱵᱟᱽ ᱠᱷᱚᱱ ᱮᱦᱚᱵ ᱠᱟᱛᱮ ᱠᱚᱨᱤᱢᱱᱟᱜᱟᱨ ᱥᱮᱫ ᱛᱮ ᱪᱷᱚᱛᱤᱥᱜᱚᱰ ᱨᱮᱱᱟᱜ ᱡᱚᱽᱫᱚᱞᱯᱩᱨ ᱥᱮᱱ ᱟᱠᱟᱱᱟ ᱾
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱱᱤᱡᱟᱢᱟᱵᱟᱫᱽ ᱦᱚᱱᱚᱛ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
This article uses material from the Wikipedia ᱥᱟᱱᱛᱟᱲᱤ article ᱱᱤᱡᱟᱢᱟᱵᱟᱫᱽ ᱦᱚᱱᱚᱛ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.