ᱱᱟᱜᱟᱨ ᱫᱚ ᱢᱤᱫ ᱴᱷᱟᱶ ᱠᱟᱱᱟ, ᱡᱟᱦᱟᱸᱨᱮ ᱟᱭᱢᱟ ᱦᱚᱲ ᱠᱚ ᱛᱟᱦᱮᱸᱱ ᱠᱟᱱᱟ ᱾
ᱢᱤᱫ ᱱᱟᱜᱟᱨ ᱨᱮ ᱫᱚ ᱟᱭᱢᱟ ᱵᱤᱞᱰᱤᱝ ᱟᱨ ᱦᱚᱨ ᱠᱚ ᱛᱟᱦᱮᱸᱱᱟ ᱾ ᱱᱚᱸᱰᱮ ᱟᱭᱢᱟ ᱦᱚᱲ ᱠᱚ ᱞᱟᱹᱜᱤᱫ ᱚᱲᱟᱜ ᱟᱨᱵᱟᱝ ᱟᱯᱟᱨᱴᱢᱮᱸᱴ ᱛᱟᱦᱮᱸᱱᱟ ᱵᱟᱥᱟᱜ ᱞᱟᱹᱜᱤᱫ, ᱫᱚᱠᱟᱱ ᱠᱚ ᱛᱟᱦᱮᱸᱱᱟ ᱡᱟᱦᱟᱸᱨᱮ ᱩᱱᱠᱩ ᱠᱚ ᱠᱤᱨᱤᱧ ᱫᱟᱲᱮᱭᱟᱜᱼᱟ ᱥᱟᱢᱟᱱ ᱠᱚ, ᱠᱟᱹᱢᱤ ᱞᱟᱹᱜᱤᱫ ᱴᱷᱟᱶ ᱛᱟᱦᱮᱸᱱᱟ ᱟᱨ ᱱᱟᱜᱟᱨ ᱪᱟᱪᱞᱟᱣ ᱞᱟᱹᱜᱤᱫ ᱥᱚᱨᱠᱟᱨᱤ ᱵᱮᱵᱚᱥᱛᱟ ᱛᱟᱦᱮᱸᱱᱟ ᱥᱟᱶᱛᱮ ᱚᱸᱰᱮ ᱨᱟᱭ ᱨᱤᱛ ᱠᱚ ᱫᱚᱦᱚᱭ ᱞᱟᱹᱜᱤᱫ ᱾ ᱦᱚᱲ ᱠᱚ ᱱᱟᱜᱟᱨ ᱨᱮ ᱛᱟᱦᱮᱸᱱ ᱨᱮᱱᱟᱜ ᱚᱡᱮ ᱫᱚ ᱱᱚᱶᱟ ᱪᱤ ᱱᱚᱸᱰᱮ ᱟᱞᱜᱟ ᱟᱠᱚ ᱡᱟᱦᱟᱸᱱᱟᱜ ᱪᱮᱠᱟ ᱥᱟᱱᱟ ᱠᱚᱣᱟ ᱾ ᱱᱟᱜᱟᱨ ᱛᱟᱞᱟᱨᱮ ᱢᱤᱛ ᱱᱟᱜᱟᱨᱶ ᱛᱟᱞᱢᱟ ᱛᱟᱦᱮᱸᱱᱟ ᱡᱟᱦᱸ ᱨᱮ ᱥᱚᱨᱠᱟᱨ ᱟᱨ ᱵᱮᱯᱟᱨ ᱦᱩᱭᱩᱜᱼᱟ ᱾
ᱚᱱᱠᱟᱱ ᱛᱦᱟᱹᱣᱠᱟᱹ ᱨᱟᱭ ᱫᱚ ᱵᱟᱹᱱᱩᱜ ᱟᱱᱟ ᱪᱤ ᱛᱢᱤᱱ ᱜᱟᱱ ᱴᱷᱟᱶ ᱫᱚ ᱱᱟᱜᱟᱨ ᱢᱮᱱᱚᱜᱼᱟ ᱟᱨ ᱛᱤᱢᱤᱱ ᱜᱟᱱ ᱫᱚ ᱥᱟᱦᱟᱨ ᱢᱮᱱᱛᱮ ᱾
ᱛᱤᱢᱤᱱ ᱜᱟᱱ ᱡᱤᱱᱤᱥ ᱡᱟᱦᱟᱸ ᱫᱚ ᱱᱟᱜᱟᱨᱮ ᱵᱮᱱᱟᱶᱟ ᱺ
ᱱᱟᱜᱟᱨ ᱨᱮᱱᱟᱜ ᱚᱥᱟᱨ ᱵᱤᱥᱟᱹᱨ ᱫᱚ ᱟᱹᱰᱤᱜᱮ ᱵᱷᱮᱯᱮᱫ ᱦᱩᱭ ᱫᱟᱲᱮᱭᱟᱼᱟ ᱾ ᱱᱚᱶᱟ ᱫᱚ ᱱᱟᱜᱟᱨ ᱨᱮᱱᱟᱜ ᱞᱮᱠᱟᱱ ᱪᱮᱛᱟᱱ ᱨᱮ ᱵᱷᱟᱹᱨᱭᱟᱹ ᱟ ᱾ ᱱᱟᱜᱟᱨ ᱠᱚ ᱡᱟᱦᱟᱸ ᱫᱚ ᱥᱟᱭ ᱥᱮᱨᱢᱟ ᱢᱟᱬᱟᱝ ᱠᱷᱚᱱ ᱨᱮ ᱵᱮᱱᱟᱣᱞᱮᱱᱟ ᱡᱟᱦᱸ ᱠᱚᱫᱚ ᱱᱤᱛ ᱦᱚᱸ ᱵᱟᱭ ᱵᱚᱫᱚᱞ ᱟᱠᱟᱱᱟ, ᱚᱱᱟ ᱠᱚᱫᱚ ᱟᱹᱰᱤ ᱜᱮ ᱦᱩᱰᱤᱧᱚᱜᱼᱟ ᱱᱮᱵᱮᱛᱟᱨᱟᱜ ᱱᱟᱜᱟᱨ ᱠᱷᱚᱱ ᱾ ᱱᱚᱸᱰᱮ ᱵᱟᱨᱭᱟ ᱢᱩᱬ ᱚᱡᱮ ᱧᱮᱞ ᱧᱟᱢᱚᱜᱼᱟ ᱾ ᱢᱤᱫ ᱚᱡᱮ ᱫᱚ ᱦᱩᱭᱩᱜ ᱠᱟᱱᱟ ᱢᱟᱨᱮ ᱱᱟᱜᱟᱨ ᱠᱚᱫᱚ ᱠᱟᱸᱛ ᱮᱥᱮᱫ ᱟᱠᱟᱱᱟ ᱟᱨ ᱚᱱᱟ ᱛᱟᱞᱟᱨᱮ ᱱᱟᱜᱟᱨ ᱢᱮᱱᱟᱜᱼᱟ, ᱡᱟᱦᱟᱸ ᱤᱫᱤ ᱠᱟᱛᱮ ᱱᱚᱶᱟ ᱚᱠᱛᱚ ᱡᱟᱹᱱᱤ ᱵᱟᱭ ᱢᱟᱨᱟᱝ ᱫᱟᱲᱮᱭᱟᱠᱟᱫᱼᱟ ᱾ ᱟᱨᱢᱤᱫ ᱢᱩᱬ ᱚᱡᱮ ᱫᱚ ᱦᱩᱭᱩᱜ ᱠᱟᱱᱟ ᱢᱟᱨᱮ ᱱᱟᱜᱟᱨ ᱠᱚ ᱨᱮᱱᱟᱜ ᱦᱚᱨ ᱠᱚ ᱫᱚ ᱟᱹᱰᱤ ᱥᱟᱠᱲᱟ ᱜᱮᱭᱟ ᱾ ᱡᱩᱫᱤ ᱱᱟᱜᱟᱨ ᱢᱟᱨᱟᱝᱚᱜ ᱠᱟᱱ ᱱᱚᱸᱰᱮ ᱜᱟᱹᱰᱤ ᱢᱚᱴᱚᱨ ᱦᱤᱡᱩᱜ ᱥᱮᱱᱚᱜ ᱟᱨ ᱡᱟᱦᱟᱸᱱ ᱥᱟᱢᱟᱱ ᱮᱢᱟᱱ ᱠᱚ ᱤᱫᱤ ᱟᱹᱜᱩ ᱨᱮ ᱟᱱᱟᱴ ᱥᱤᱨᱤᱡᱚᱜᱼᱟ ᱾ ᱱᱟᱜᱟᱨ ᱨᱤ ᱦᱚᱲ ᱠᱚ ᱡᱚᱢᱟᱜ ᱠᱚ ᱞᱟᱹᱠᱛᱤᱜᱼᱟ, ᱡᱟᱦᱟᱸ ᱫᱚ ᱱᱟᱜᱟᱨ ᱵᱟᱨᱦᱮ ᱠᱷᱚᱱ ᱦᱤᱡᱩᱜᱼᱟ ᱾ ᱵᱩᱨᱩ ᱥᱩᱨ ᱨᱮ ᱢᱮᱱᱟᱜ ᱱᱟᱜᱟᱨ ᱠᱷᱚᱱ ᱱᱟᱹᱭ ᱰᱷᱤᱯ ᱨᱮ ᱢᱮᱱᱟᱜ ᱱᱟᱜᱟᱨ ᱠᱚᱫᱚ ᱟᱹᱰᱤ ᱞᱟᱜᱮ ᱢᱟᱨᱟᱝᱚᱜᱼᱟ ᱪᱮᱫᱟᱜ ᱥᱮ ᱱᱟᱹᱭ ᱛᱮ ᱦᱮᱥᱮᱱ (transport) ᱨᱮᱱᱟᱜ ᱦᱚᱨ ᱵᱮᱱᱟᱣᱜᱼᱟ, ᱡᱟᱦᱟᱸ ᱦᱚᱨ ᱛᱮ ᱡᱚᱢᱟᱜ ᱟᱨ ᱥᱟᱢᱟᱱ ᱥᱟᱶᱛᱮ ᱦᱚᱲ ᱠᱚ ᱦᱚᱸ ᱦᱤᱡᱩᱜ ᱥᱮᱱᱚᱜ ᱜᱟᱱᱚᱼᱟ ᱾
This article uses material from the Wikipedia ᱥᱟᱱᱛᱟᱲᱤ article ᱱᱟᱜᱟᱨ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.