ᱱᱚᱱᱫᱤᱱᱤ ᱥᱚᱛᱯᱚᱛᱷᱤ

ᱱᱚᱱᱫᱤᱱᱤ ᱫᱮᱵᱤ ᱫᱚ ᱑᱙᱓᱑ ᱥᱟᱞᱮᱨᱮ ᱠᱚᱴᱚᱠ ᱦᱚᱱᱚᱛ ᱨᱮᱱᱟᱜ ᱢᱤᱫ ᱦᱩᱞᱜᱟᱹᱨᱤᱭᱟᱹ ᱜᱷᱟᱨᱚᱡᱽ ᱨᱮ ᱟᱡᱟᱜ ᱡᱟᱱᱟᱢ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱯᱚᱫᱽᱢᱚᱵᱷᱩᱥᱚᱬ ᱥᱟᱶᱦᱮᱫᱤᱭᱟᱹ ᱠᱟᱲᱤᱱᱫᱤ ᱪᱚᱴᱚᱬ ᱯᱟᱬᱤᱜᱨᱟᱦᱤ ᱟᱨ ᱨᱚᱛᱱᱚᱢᱚᱬᱤ ᱫᱮᱵᱤ ᱛᱤᱠᱤᱱ ᱨᱤᱱ ᱢᱟᱨᱟᱝ ᱩᱛᱟᱹᱨ ᱦᱚᱯᱚᱱ ᱮᱨᱟᱭ ᱛᱟᱦᱮᱸ ᱠᱟᱱᱟ ᱾ ᱳᱰᱤᱥᱟ ᱨᱮ ᱵᱟᱨᱟᱵᱟᱹᱨᱤ ᱦᱚᱠ ᱞᱟᱦᱩᱞᱥᱟᱹᱭ ᱨᱤᱱ ᱥᱟᱞᱜᱟᱣᱤᱭᱟᱹ ᱵᱷᱚᱜᱚᱵᱚᱛᱤ ᱯᱟᱬᱤᱜᱨᱟᱦᱤ ᱛᱤᱠᱤᱱ ᱨᱤᱱᱤᱡ ᱦᱚᱢᱚᱱ ᱠᱩᱭᱲᱤᱭ ᱛᱟᱦᱮᱸ ᱠᱟᱱᱟ ᱟᱨ ᱯᱷᱩᱨᱜᱟᱹᱞ ᱦᱩᱞᱜᱟᱹᱨᱤᱭᱟᱹ ᱥᱚᱯᱱᱮᱥᱚᱨ ᱯᱟᱬᱤᱜᱨᱟᱦᱤ ᱭᱤᱡ ᱜᱚᱲᱚᱢ ᱠᱩᱲᱤᱭ ᱛᱟᱦᱮᱸᱠᱟᱱᱟ ᱾ ᱯᱟᱹᱴᱷᱣᱟᱹ ᱡᱤᱭᱚᱱ ᱠᱷᱚᱱ ᱜᱮ ᱩᱱᱤ ᱫᱚ ᱨᱟᱹᱡᱽᱟᱹᱨᱤ ᱟᱨ ᱥᱟᱶᱦᱮᱫ ᱪᱮᱛᱟᱱ ᱨᱮ ᱟᱹᱰᱤ ᱜᱚᱨᱚᱡᱽ ᱛᱟᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱨᱮᱵᱷᱮᱱᱥᱟ ᱵᱤᱨᱫᱟᱹᱜᱟᱲ ᱠᱷᱚᱱ ᱳᱰᱤᱭᱟᱹ ᱛᱮ ᱥᱚᱱᱮᱨ ᱮ ᱥᱤᱫ ᱞᱮᱫ ᱛᱟᱦᱮᱸᱫ ᱾ ᱵᱤᱨᱫᱟᱹᱜᱟᱲ ᱡᱤᱭᱚᱱ ᱨᱮ ᱑᱙᱕᱑ ᱥᱟᱞᱮᱨᱮ ᱯᱟᱹᱴᱷᱣᱟᱹ ᱦᱩᱞᱥᱟᱹᱭ ᱨᱮ ᱟᱹᱭᱩᱨᱤᱭᱟᱹ ᱠᱟᱹᱢᱤᱭ ᱛᱩᱞᱟᱹᱣ ᱞᱮᱫ ᱠᱷᱟᱹᱛᱤᱨ ᱡᱤᱦᱚᱞ ᱥᱮᱱᱚᱜ ᱦᱩᱭ ᱟᱫᱮ ᱛᱟᱦᱮᱸᱫ ᱾

ᱱᱚᱱᱫᱤᱱᱤ ᱫᱮᱵᱤ ᱫᱚ ᱟᱡᱤᱡ ᱦᱩᱞᱜᱟᱹᱨᱤᱭᱟᱹ ᱡᱤᱭᱚᱱ ᱨᱤᱱᱤᱡ ᱜᱟᱛᱮ ᱫᱮᱵᱮᱱᱫᱽᱨᱚ ᱥᱚᱛᱯᱚᱛᱷᱤ ᱥᱟᱶ ᱵᱟᱯᱞᱟ ᱠᱟᱛᱮ ᱠᱚᱴᱚᱠ ᱨᱤᱱᱤᱡ ᱠᱩᱲᱤ ᱰᱷᱮᱝᱠᱟᱱᱟᱲ ᱨᱤᱱᱤᱡ ᱵᱟᱹᱦᱩᱭ ᱥᱟᱡᱟᱣ ᱞᱮᱱ ᱛᱟᱦᱮᱸᱫ ᱾ ᱫᱮᱵᱮᱱᱫᱽᱨᱚ ᱰᱷᱮᱝᱠᱟᱱᱟᱲ ᱠᱷᱚᱱ ᱵᱟᱨ ᱫᱷᱟᱣ ᱥᱟᱝᱥᱚᱫᱽ ᱞᱮᱠᱟᱛᱮᱭ ᱡᱤᱛᱠᱟᱹᱨ ᱞᱮᱱ ᱛᱟᱦᱮᱸᱫ ᱾ ᱟᱹᱠᱤᱱ ᱨᱤᱱ ᱵᱟᱨᱭᱟ ᱦᱚᱯᱚᱱ ᱢᱤᱫᱦᱚᱼᱲ ᱫᱚ ᱯᱚᱱᱚᱛ ᱵᱟᱨᱦᱮ ᱨᱮ ᱵᱮᱯᱟᱨ ᱮᱫᱟᱭ ᱟᱨ ᱦᱩᱰᱤᱧ ᱠᱚᱲᱟ ᱛᱚᱛᱷᱟᱜᱚᱛ ᱥᱚᱛᱯᱚᱛᱷᱤ ᱱᱤᱛᱚᱜ ᱰᱷᱮᱝᱠᱟᱱᱟᱲ ᱢᱟᱹᱪᱤ ᱠᱷᱚᱱ ᱵᱟᱪᱷᱱᱟᱣ ᱟᱹᱭᱩᱨ ᱥᱟᱶᱛᱮ ᱫᱤᱱᱟᱹᱢ ᱠᱷᱚᱵᱚᱨ ᱠᱟᱜᱚᱡᱽ ᱫᱦᱚᱨᱤᱛᱨᱤ ᱨᱤᱱ ᱥᱟᱯᱲᱮᱛ ᱢᱮᱱᱟᱭᱟ ᱾ ।

ᱱᱚᱱᱫᱤᱱᱤ ᱫᱮᱵᱤ ᱫᱚ ᱨᱟᱡᱽᱟᱹᱨᱤ ᱥᱟᱶᱛᱮ ᱥᱟᱶᱦᱮᱫ ᱛᱷᱚᱠ ᱨᱮᱦᱚᱸ ᱟᱡᱟᱜ ᱠᱟᱹᱨᱫᱷᱟᱹᱱᱤ ᱪᱷᱟᱯ ᱢᱮᱱᱟᱜ ᱜᱮᱭᱟ ᱾

ᱠᱟᱹᱦᱱᱤ

• • ᱚᱱᱟᱛᱷᱚ- ᱑᱙᱔᱒
• ᱠᱮᱴᱚᱴᱤ ᱠᱚᱛᱷᱟ- ᱑᱙᱗᱖
• ᱥᱚᱯᱛᱚᱫᱚᱥᱤ- ᱑᱙᱘᱘

ᱜᱟᱢᱟᱢ

• ᱴᱤᱠᱤ ᱥᱩᱱᱟ ᱦᱚᱡᱤᱜᱚᱞᱟ

ᱛᱚᱨᱡᱚᱢᱟ

• ᱜᱟᱱᱫᱷᱤ ᱠᱚᱛᱷᱟᱢᱨᱩᱛᱚ - ᱑᱙᱗᱐ (ᱱᱚᱶᱟ ᱫᱚ ᱠᱨᱤᱥᱱᱟ ᱠᱨᱤᱯᱟᱲᱤᱱᱤ ᱭᱟᱜ 'ᱚᱞ ᱢᱮᱱ ᱟᱨ ᱵᱨᱚᱫᱚᱨᱥ' ᱨᱮᱱᱟᱜ ᱳᱰᱤᱭᱟ ᱛᱚᱨᱡᱚᱢᱟ ), ᱛᱟᱞᱢᱟ ᱥᱶᱦᱮᱫ ᱠᱟᱰᱮᱢᱤ ᱦᱚᱛᱮᱛᱮ ᱯᱟᱨᱥᱟᱞ ᱾
• ᱨᱚᱥᱤᱫᱽ ᱴᱤᱠᱚᱴ - ᱑᱙᱙᱐ (ᱨᱮᱵᱷᱤᱱᱭᱩ)
• ᱞᱚᱡᱽᱡᱟ - ᱑᱙᱙᱓
• ᱡᱚᱢᱤ ᱡᱮᱵᱮ ᱡᱟᱜᱤ ᱩᱴᱷᱮ

• About Nandini Satpathy
• Nandini Satpathy^{[permanent dead link]}