ᱯᱷᱨᱮᱸᱪ ᱯᱟᱹᱨᱥᱤ (French: français, pronounced Fronce-eh) ᱫᱚ ᱨᱳᱢᱟᱱᱥ ᱯᱟᱹᱨᱥᱤ ᱠᱟᱱᱟ, ᱡᱟᱦᱟᱸ ᱫᱚ ᱮᱛᱚᱦᱚᱵ ᱯᱷᱨᱟᱱᱥ ᱫᱤᱥᱚᱢ ᱨᱮ ᱠᱚ ᱨᱚᱲ ᱠᱟᱱ ᱛᱟᱦᱮᱸᱫ ᱾ ᱱᱚᱣᱟ ᱯᱟᱹᱨᱥᱤ ᱫᱚ ᱟᱨᱦᱚᱸ ᱵᱮᱞᱡᱤᱭᱚᱢ, ᱞᱩᱠᱥᱮᱢᱵᱚᱨ, ᱠᱟᱱᱟᱰᱟ, ᱥᱩᱭᱡᱚᱨᱞᱟᱸᱰ ᱟᱨᱦᱚᱸ ᱟᱭᱢᱟ ᱟᱯᱷᱨᱤᱠᱟ ᱢᱟᱦᱟᱫᱮᱥ ᱨᱮᱱᱟᱜ ᱫᱤᱥᱚᱢ ᱨᱮ ᱱᱚᱣᱟ ᱯᱟᱹᱨᱥᱤ ᱠᱚ ᱨᱚᱲ ᱠᱟᱱᱟ ᱾ ᱥᱩᱨᱥᱩᱯᱤᱨ ᱒᱒᱐ ᱢᱤᱞᱤᱭᱚᱱ ᱜᱟᱱ ᱦᱚᱲ ᱯᱷᱨᱮᱸᱪ ᱫᱚ ᱡᱟᱱᱟᱢ ᱯᱟᱹᱠᱥᱤ ᱟᱨᱵᱟᱝ ᱫᱚᱥᱟᱨ ᱯᱟᱹᱨᱥᱤ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱮᱜᱼᱟ ᱾
ᱯᱷᱨᱮᱸᱪ | |
---|---|
français | |
ᱨᱟᱹᱲ | [fʁɑ̃sɛ] |
ᱮᱞᱟᱠᱟ | distribution maps below |
ᱡᱟᱱᱟᱢ ᱯᱟᱹᱨᱥᱤ ᱞᱮᱠᱟ | ᱗᱖.᱘ ᱢᱤᱞᱤᱭᱚᱱ ᱡᱮᱜᱮᱛ ᱨᱮ ᱟᱢᱫᱟᱡᱽ ᱒᱗᱔ ᱢᱤᱞᱤᱭᱚᱱ (L1 plus L2; 2014) |
ᱵᱮᱵᱷᱟᱨ ᱮᱦᱚᱵ | |
ᱚᱞ ᱛᱚᱦᱚᱨ | ᱞᱟᱛᱤᱱ |
ᱩᱫᱩᱜ ᱪᱤᱱᱦᱟᱹ | Signed French (français signé) |
ᱥᱚᱨᱠᱟᱨᱤ ᱢᱟᱱᱚᱛ | |
ᱟᱹᱢᱟᱹᱞᱮᱛ ᱯᱟᱹᱨᱥᱤ ᱴᱚᱴᱷᱟ | ᱒᱙ ᱫᱤᱥᱚᱢ
|
ᱥᱟᱢᱵᱽᱲᱟᱣᱤᱭᱟᱹ | Académie française (ᱯᱷᱨᱮᱸᱪ ᱮᱠᱟᱰᱮᱢᱤ) (ᱯᱷᱨᱟᱱᱥ) Office québécois de la langue française (Quebec Board of the French Language) (Quebec) |
ᱯᱟᱹᱨᱥᱤ ᱠᱳᱰ | |
ISO 639-1 | fr |
ISO 639-2 | fre (B) fra (T) |
ISO 639-3 | fra |
ᱜᱞᱳᱴᱳᱞᱳᱜᱽ | stan1290 |
ᱯᱟᱹᱨᱥᱤ ᱴᱚᱴᱷᱟ | 51-AAA-i |
ᱡᱟᱦᱟ ᱴᱚᱴᱷᱟ ᱨᱮ ᱯᱷᱨᱮᱸᱪ ᱢᱩᱬᱩᱛ ᱥᱚᱨᱠᱟᱨᱤ ᱯᱟᱹᱨᱥᱤ ᱡᱟᱦᱟ ᱴᱚᱴᱷᱟ ᱨᱮ ᱯᱷᱨᱮᱸᱪ ᱥᱚᱨᱠᱟᱨ ᱯᱟᱹᱨᱥᱤ, ᱢᱮᱱᱠᱷᱟᱱ ᱢᱩᱬᱩᱛ ᱯᱟᱹᱨᱥᱤ ᱫᱚ ᱵᱟᱝ ᱡᱟᱦᱟ ᱴᱚᱴᱷᱟ ᱨᱮ ᱯᱷᱨᱮᱸᱪ ᱫᱚᱥᱟᱨ ᱯᱟᱹᱨᱥᱤ (second language) ᱡᱟᱦᱟ ᱴᱚᱴᱷᱟ ᱨᱮ ᱱᱚᱣᱟ ᱫᱚ ᱠᱚᱢ ᱨᱚᱲᱮᱫ ᱯᱟᱹᱨᱥᱤ (minority language) | |
ᱟᱹᱰᱤ ᱥᱮᱫᱟᱭ ᱫᱷᱟᱨᱟ ᱨᱮ ᱯᱷᱨᱟᱱᱥ ᱨᱮ ᱥᱮᱞᱴ ᱡᱟᱹᱛ ᱨᱤᱱ ᱦᱚᱲ ᱠᱚ ᱛᱟᱦᱮᱸᱞᱮᱱᱟ ᱾ ᱩᱱ ᱚᱠᱛᱚ ᱨᱮ ᱚᱱᱟ ᱫᱤᱥᱚᱢ ᱫᱚ ᱜᱟᱣᱞ (Latin: Gallia) ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾ ᱨᱚᱢᱟᱱ ᱠᱚ ᱫᱚ ᱜᱟᱞᱤᱭᱟ ᱡᱤᱛᱠᱟᱹᱨ ᱠᱟᱛᱮ ᱟᱠᱚᱣᱟᱜ ᱛᱤ ᱨᱮ ᱠᱚ ᱟᱹᱜᱩ ᱠᱮᱜᱼᱟ ᱾ ᱨᱚᱢᱟᱱ ᱠᱚ ᱫᱚ ᱞᱟᱴᱤᱱ ᱯᱟᱹᱨᱥᱤ ᱠᱚ ᱨᱚᱲ ᱠᱟᱱ ᱛᱟᱦᱮᱸᱫ ᱾ ᱚᱱᱟᱛᱟᱭᱚᱢ ᱚᱸᱰᱮᱱ ᱠᱚ ᱜᱚᱲ ᱜᱚᱸ ᱞᱟᱴᱤᱱ ᱠᱚ ᱪᱮᱫ ᱠᱮᱜᱼᱟ ᱟᱨ ᱚᱱᱠᱟ ᱜᱮ ᱠᱚ ᱨᱚᱲ ᱠᱮᱜᱼᱟ ᱾ ᱚᱱᱠᱟᱛᱮ ᱟᱠᱚᱣᱟᱜ ᱡᱟᱱᱟᱢ ᱯᱟᱹᱨᱥᱩ ᱜᱩᱣᱟᱞᱤᱥ ᱫᱟ ᱟᱹᱰᱤ ᱠᱚᱢ ᱠᱚ ᱨᱚᱲ ᱠᱮᱜᱼᱟ ᱾ ᱑᱖᱓᱕ ᱥᱟᱞᱮ ᱨᱮ ᱯᱷᱨᱟᱱᱥ ᱫᱚ ᱯᱷᱨᱮᱸᱪ ᱮᱠᱟᱰᱮᱢᱤ ᱵᱮᱨᱮᱫ ᱠᱮᱫᱟᱭ ᱢᱤᱫ ᱫᱚᱲᱦᱚ ᱯᱷᱨᱮᱸᱪ ᱯᱟᱹᱨᱥᱤ ᱵᱮᱨᱮᱫ ᱞᱟᱹᱜᱤᱫ ᱾ ᱱᱩᱭ ᱮᱠᱟᱰᱮᱢᱤ ᱫᱚ ᱢᱤᱫ ᱨᱟᱭᱨᱤᱛ ᱮ ᱵᱮᱨᱮᱫ ᱠᱮᱫᱟ ᱢᱤᱫ ᱞᱮᱠᱟ ᱨᱚᱲ ᱞᱟᱹᱜᱤᱫ ᱾
ᱯᱷᱨᱮᱸᱪ ᱫᱚ ᱨᱳᱢᱟᱱ ᱪᱤᱠᱤ ᱛᱮ ᱠᱚ ᱚᱞ ᱮᱫᱟ ᱤᱝᱞᱤᱥ ᱞᱮᱠᱟ ᱜᱮ ᱾ ᱚᱱᱟᱠᱤᱱ ᱛᱟᱞᱟ ᱨᱮ ᱛᱤᱢᱤᱱ ᱜᱟᱱ ᱵᱷᱮᱯᱮᱫ ᱢᱮᱱᱟᱜᱼᱟ ᱾ ᱨᱟᱦᱟ ᱟᱲᱟᱝ ᱠᱚ ᱫᱮ ᱯᱮ ᱞᱮᱠᱟ ᱰᱤᱭᱟᱠᱨᱤᱴᱤᱠᱥ ᱠᱚ ᱢᱮᱥᱟ ᱦᱟᱠᱟᱣᱟᱫ ᱠᱚᱣᱟ ᱾ ᱩᱱᱠᱩ ᱠᱚ ᱫᱚ ᱠᱚ ᱦᱩᱭᱩᱜ ᱠᱟᱱᱟ é, è ᱟᱨ î. ᱟᱨ ᱢᱤᱫ ᱪᱤᱠᱤ ᱦᱚᱸ ᱠᱚ ᱵᱮᱨᱮᱫ ᱟᱠᱟᱫᱮᱭᱟ, ᱩᱱᱤ ᱫᱚᱭ ᱦᱩᱭᱩᱜ ᱠᱟᱱᱟ ç ᱾
ᱱᱚᱸᱰᱮ ᱛᱤᱢᱤᱱ ᱜᱟᱱ ᱫᱟᱹᱭᱠᱟᱹ ᱠᱚ ᱚᱞ ᱮᱱᱟ ᱯᱷᱨᱮᱸᱪ ᱯᱟᱹᱨᱥᱤ ᱨᱮᱱᱟᱜ ᱟᱹᱲᱟᱹ ᱟᱨ ᱟᱹᱭᱟᱹᱛ ᱠᱚ ᱨᱮᱱᱟᱜ ᱢᱮᱱᱮᱛ ᱥᱟᱶᱛᱮ
ᱟᱹᱲᱟᱹ | ᱢᱮᱱᱮᱛ |
Oui | ᱦᱚᱭ |
Non | ᱵᱟᱝ |
Bonjour | ᱡᱚᱦᱟᱨ (formal) |
Au revoir | ᱵᱤᱫᱟᱹᱭ ᱡᱚᱦᱟᱨ |
Salut | ᱢᱟ ᱛᱚᱵᱮ ᱵᱤᱫᱟᱹᱭ ᱡᱚᱦᱟᱨ (informal) |
Merci | ᱥᱟᱨᱦᱟᱣ |
Merci beaucoup | ᱟᱭᱢᱟ ᱟᱭᱢᱟ ᱥᱟᱨᱦᱟᱣ |
Monsieur | ᱢᱟᱞᱟᱭ |
Madame | ᱢᱟᱞᱟᱭᱱᱤ |
Homme | ᱦᱮᱨᱮᱞ |
Femme | ᱢᱟᱹᱭᱡᱩ |
Fille | ᱠᱩᱲᱤ |
Garçon | ᱠᱚᱲᱟ |
Poulet | ᱥᱤᱢ ᱡᱤᱞ |
Formidable | ᱥᱚᱨᱮᱥ |
En vacances | ᱰᱤᱜᱟᱹ ᱨᱮ |
Eau | ᱫᱟᱜ |
Manger | ᱡᱚᱢ |
Parlez-vous français? | ᱟᱢ ᱯᱷᱨᱮᱸᱪ ᱮᱢ ᱨᱚᱲᱟ? |
Je parle français. | ᱤᱧ ᱯᱷᱨᱮᱸᱪ-ᱤᱧ ᱨᱚᱲᱟ |
Comment allez-vous? | ᱚᱠᱟ ᱞᱮᱠᱟ ᱢᱮᱱᱟᱢᱟ? (formal) |
Comment vas-tu? | ᱚᱠᱟ ᱞᱮᱠᱟ ᱢᱮᱱᱟᱢᱟ? (informal) |
Je t'aime. | ᱤᱧ ᱟᱢᱤᱧ ᱥᱤᱵᱤᱞᱟᱢᱟ |
Où sont les toilettes s'il vous plaît? | ᱚᱠᱟᱨᱮ ᱨᱟᱪᱟ ᱡᱚᱝ ᱚᱲᱟᱜ ᱢᱮᱱᱟᱜᱼᱟ? |
Comment t'appelles-tu? | ᱟᱢᱟᱜ ᱧᱩᱛᱩᱢ ᱫᱚ ᱪᱮᱫ? |
Je m'appelle... (your name) | ᱤᱧᱟᱜ ᱧᱩᱛᱩᱢ ᱫᱚ... (ᱟᱢᱟᱜ ᱧᱩᱛᱩᱢ) |
Je parle anglais | ᱤᱧ ᱤᱝᱞᱤᱥᱤᱧ ᱨᱚᱲᱟ |
S'il vous plaît | ᱫᱟᱭᱟᱠᱟᱛᱮ |
J'ai besoin d'un taxi | ᱤᱧ ᱴᱮᱠᱥᱤᱧ ᱞᱟᱹᱠᱛᱤᱜ ᱠᱟᱱᱟ |
ᱟᱭᱢᱟ ᱯᱷᱨᱮᱸᱪ ᱟᱹᱲᱟᱹ ᱠᱚ ᱫᱚ ᱤᱝᱞᱤᱥ ᱟᱹᱲᱟᱹ ᱞᱮᱠᱟᱱ ᱜᱮᱭᱟ, ᱪᱮᱫᱟᱜ ᱥᱮ ᱤᱝᱞᱤᱥ ᱯᱟᱹᱨᱥᱤ ᱫᱚ ᱟᱭᱢᱟ ᱟᱹᱲᱟᱹ ᱠᱚ ᱱᱚᱨᱢᱟᱱ ᱯᱟᱹᱨᱥᱤ ᱠᱷᱚᱱᱮ ᱩᱫᱷᱟᱹᱨ ᱟᱠᱟᱜᱼᱟ ᱾
This article uses material from the Wikipedia ᱥᱟᱱᱛᱟᱲᱤ article ᱯᱷᱨᱮᱸᱪ ᱯᱟᱹᱨᱥᱤ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.