ᱯᱚᱨᱛᱩᱜᱤᱡᱽ ᱯᱟᱹᱨᱥᱤ ᱫᱚ ᱢᱤᱫ ᱭᱩᱨᱚᱯᱤᱭᱟᱹ ᱯᱟᱹᱨᱥᱤ ᱠᱟᱱᱟ ᱾ ᱯᱚᱨᱛᱩᱜᱤᱽ ᱟᱹᱲᱟᱹ ᱫᱚ ᱯᱚᱨᱛᱩᱜᱩᱭᱤᱥ ᱟᱹᱲᱟᱹ ᱠᱷᱚᱱ ᱦᱮᱡ ᱟᱠᱟᱱᱟ ᱾ ᱱᱚᱶᱟ ᱯᱟᱹᱨᱥᱤ ᱫᱚ ᱜᱞᱟᱥᱤᱭᱟ ᱟᱨ ᱮᱛᱚᱢ ᱯᱚᱨᱛᱩᱜᱟᱞ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱱᱚᱶᱟ ᱫᱚ ᱯᱚᱨᱛᱩᱜᱟᱞ, ᱵᱨᱟᱡᱤᱞ, ᱠᱮᱯ ᱵᱮᱨᱫᱤ, ᱜᱩᱭᱱᱤᱭᱟ-ᱵᱤᱰᱟᱹᱣ, ᱢᱚᱡᱟᱢᱵᱤᱠᱩᱭ, ᱟᱝᱜᱚᱞᱟ ᱟᱨ ᱥᱟᱣ ᱛᱚᱢᱮ ᱮᱢᱟᱱ ᱫᱤᱥᱚᱢ ᱨᱮ ᱨᱟᱡᱽᱯᱟᱹᱨᱥᱤ ᱨᱮᱱᱟᱜ ᱢᱟᱱᱚᱛ ᱮ ᱧᱟᱢ ᱟᱠᱟᱫᱼᱟ ᱾ ᱚᱱᱟ ᱥᱟᱶᱛᱮ ᱥᱟᱢᱟᱝ ᱛᱟᱭᱢᱚᱨ, ᱩᱠᱩᱣᱟᱴᱚᱨᱤᱭᱟᱞ ᱜᱩᱭᱱᱤᱭᱟ ᱟᱨ ᱠᱟᱠᱟᱣ ᱨᱮ ᱫᱚᱥᱟᱨ ᱨᱟᱡᱽᱯᱟᱹᱨᱥᱤ ᱨᱮᱱᱟᱜ ᱴᱷᱟᱶ ᱮ ᱧᱟᱢ ᱟᱠᱟᱫᱼᱟ ᱾
ᱡᱚᱠᱷᱚᱱ ᱨᱚᱢᱟᱱ ᱠᱚ ᱤᱵᱮᱨᱤᱭᱟᱱ ᱯᱮᱱᱤᱥᱩᱞᱟ ᱛᱮ ᱒᱑᱖ ᱡᱤᱥᱩᱢᱟᱹᱥᱤ ᱞᱟᱦᱟ ᱨᱮ ᱠᱚ ᱩᱱᱡᱠᱷᱟᱜ ᱩᱱᱠᱩ ᱞᱟᱴᱤᱱ ᱯᱟᱹᱨᱥᱤ ᱟᱠᱚ ᱥᱟᱶᱛᱮ ᱠᱚ ᱟᱹᱜᱩ ᱛᱟᱨᱟ ᱞᱨᱫ ᱛᱟᱦᱮᱸᱫ, ᱡᱟᱦᱟᱸ ᱤᱫᱤ ᱛᱮ ᱡᱚᱛᱚ ᱨᱚᱢᱟᱱ ᱯᱟᱹᱨᱥᱤ ᱯᱟᱥᱱᱟᱣᱮᱱᱟ ᱾ ᱨᱚᱢᱟᱱ ᱯᱷᱟᱹᱫ, ᱜᱤᱨᱟᱹᱵᱟᱹᱥ ᱦᱚᱲ ᱟᱨ ᱵᱮᱯᱟᱨᱤᱭᱟᱹ ᱠᱚ ᱫᱟᱨᱟᱭ ᱛᱮ ᱱᱚᱶᱟ ᱯᱟᱹᱨᱥᱤ ᱫᱚ ᱯᱟᱥᱱᱟᱣ ᱤᱫᱤᱭᱮᱱᱟ ᱾ ᱔᱐᱙ A.D. ᱠᱷᱚᱱ ᱗᱑᱑ A.D. ᱛᱟᱞᱟ ᱨᱮ ᱨᱚᱢᱟᱱ ᱠᱚᱣᱟᱜ ᱥᱟᱢᱨᱟᱡᱽ ᱨᱟᱹᱯᱩᱫ ᱮᱱ ᱛᱮ ᱡᱚᱨᱢᱟᱱᱤᱭᱟᱹ ᱦᱚᱲ ᱠᱚ ᱥᱚᱲᱚ ᱦᱮᱡ ᱮᱱᱟ ᱾ ᱩᱱᱠᱩ ᱫᱚ ᱡᱚᱨᱢᱟᱱᱤᱠ ᱯᱟᱹᱨᱥᱤ ᱠᱚ ᱨᱚᱲᱮᱫ ᱛᱟᱦᱮᱸᱫ, ᱟᱡ ᱴᱟᱴᱠᱟ ᱫᱷᱟᱨᱟ ᱞᱟᱴᱤᱱ ᱯᱟᱹᱨᱥᱤ ᱦᱚᱸ ᱵᱟᱝ ᱠᱚ ᱥᱟᱵ ᱫᱟᱲᱮᱭᱟᱫ ᱛᱟᱦᱮᱸᱫ, ᱚᱱᱠᱟ ᱛᱮ ᱛᱟᱨᱟ ᱞᱟᱴᱤᱱ ᱨᱚᱢᱟᱱ ᱛᱟᱨᱟ ᱯᱚᱨᱛᱩᱜᱤᱡ ᱢᱮᱥᱟ ᱢᱤᱥᱤ ᱠᱚ ᱨᱚᱲ ᱤᱫᱤ ᱠᱮᱫᱼᱟ ᱓᱐᱐ ᱥᱮᱨᱢᱟ ᱜᱟᱱ ᱦᱟᱹᱵᱤᱡ ᱟᱨ ᱚᱱᱟ ᱢᱮᱥᱟ ᱢᱤᱥᱤ ᱭᱟᱜ ᱜᱮ ᱚᱸᱰᱮᱱᱟᱜ ᱫᱚᱲᱦᱚ ᱯᱟᱹᱨᱥᱤ ᱢᱮᱱᱛᱮ ᱠᱚ ᱥᱟᱵ ᱠᱮᱫᱼᱟ ᱟᱨ ᱯᱚᱨᱛᱩᱜᱤᱡᱽ ᱯᱟᱹᱨᱥᱤ ᱢᱮᱱᱛᱮ ᱵᱤᱠᱟᱹᱶ ᱮᱱᱟ ᱾
ᱯᱚᱨᱛᱩᱜᱤᱡᱽ ᱯᱟᱹᱨᱥᱤ ᱨᱮᱱᱟᱜ ᱛᱤᱢᱤᱱ ᱜᱟᱱ ᱟᱹᱭᱟᱹᱴ ᱠᱚ ᱫᱟᱹᱭᱠᱟᱹ ᱞᱮᱠᱟᱛᱮ ᱞᱟᱛᱟᱨ ᱨᱮ ᱚᱞ ᱮᱱᱟ ᱾
This article uses material from the Wikipedia ᱥᱟᱱᱛᱟᱲᱤ article ᱯᱚᱨᱛᱩᱜᱤᱡᱽ ᱯᱟᱹᱨᱥᱤ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.