ᱫᱟᱥᱟᱨᱟᱛᱷ ᱢᱟᱸᱡᱷᱤ
85°14′35″E / 24.877093°N 85.242956°E / 24.877093; 85.242956
ᱫᱟᱥᱟᱨᱟᱛᱷ ᱢᱟᱸᱡᱷᱤ (᱑᱙᱓᱔- ᱑᱗ ᱟᱜᱚᱥᱴ, ᱒᱐᱐᱗), (ᱢᱟᱣᱩᱱᱴ ᱢᱮᱱ ᱢᱮᱱᱛᱮ ᱱᱟᱢᱰᱟᱠ) ᱫᱚ ᱵᱤᱦᱟᱨ ᱨᱮᱭᱟᱜ ᱜᱟᱭᱟ ᱥᱩᱨ ᱨᱮᱭᱟᱜ ᱜᱮᱦᱞᱩᱨ ᱧᱩᱛᱩᱢᱟᱱ ᱟᱛᱳ ᱨᱮᱱ ᱢᱤᱫᱴᱮᱱ ᱱᱟᱪᱟᱨ ᱠᱟᱹᱢᱤᱭᱟᱹᱭ ᱛᱟᱦᱮᱸᱠᱟᱱᱟ, ᱡᱟᱦᱟᱸᱭ ᱫᱚ ᱢᱤᱫᱴᱮᱱ ᱠᱩᱴᱟᱹᱥᱤ ᱟᱨ ᱵᱟᱹᱥᱞᱟᱹ ᱛᱮ ᱵᱩᱨᱩ ᱠᱩᱴᱟᱹᱢ ᱠᱷᱤᱞ ᱠᱟᱛᱮ ᱚᱱᱟ ᱛᱟᱞᱟ ᱛᱮ ᱰᱟᱦᱟᱨᱮ ᱵᱮᱱᱟᱣ ᱞᱮᱫᱟ᱾ ᱟᱭᱢᱟ ᱫᱤᱱ ᱒᱒ ᱥᱮᱨᱢᱟ ᱛᱟᱭᱚᱢ ᱨᱮ ᱜᱟᱭᱟ ᱨᱮᱭᱟᱜ ᱟᱴᱨᱤ ᱟᱨ ᱣᱟᱡᱤᱜᱟᱶ ᱛᱟᱞᱟ ᱨᱮᱭᱟᱜ ᱕᱕ ᱠᱤᱹᱢᱤᱹ ᱥᱟᱹᱝᱜᱤᱧ ᱰᱟᱦᱟᱨ ᱵᱩᱨᱩ ᱛᱟᱞᱟ ᱠᱩᱴᱟᱹᱢ ᱥᱚᱢᱟᱱ ᱠᱟᱛᱮ ᱢᱟᱛᱨᱚ ᱑᱕ ᱠᱤᱹᱢᱤᱹ ᱡᱮᱞᱮᱧ ᱰᱟᱦᱟᱨᱮ ᱵᱮᱱᱟᱣ ᱞᱮᱫᱟ ᱾
| ᱫᱟᱥᱟᱨᱟᱛᱷ ᱢᱟᱸᱡᱷᱤ | |
|---|---|
 ᱫᱟᱥᱟᱨᱟᱛᱷ ᱢᱟᱸᱡᱷᱤ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | 1934 ᱥᱤᱧᱚᱛ |
| ᱜᱩᱨ | ᱑᱗ ᱟᱜᱚᱥᱴ, ᱒᱐᱐᱗ ᱱᱟᱶᱟ ᱫᱤᱞᱞᱤ, ᱥᱤᱧᱚᱛ |
| ᱜᱩᱨ ᱨᱮᱱᱟᱜ ᱚᱡᱮ | ᱠᱮᱱᱥᱟᱨ ᱨᱳᱜᱽ |
| ᱫᱤᱥᱚᱢᱤᱭᱟᱹ |  ᱥᱤᱧᱚᱛᱤᱭᱟᱹ |
| ᱮᱴᱟᱜ ᱧᱩᱛᱩᱢ | The Mountain Man |
| ᱧᱩᱢᱱᱟᱢ | ᱮᱥᱠᱟᱨᱛᱮ ᱵᱩᱨᱩ ᱠᱩᱴᱟᱹᱢ ᱥᱚᱢᱟᱱ ᱠᱟᱛᱮ ᱰᱟᱦᱟᱨᱮ ᱛᱮᱭᱟᱨ ᱞᱮᱫᱟ |
| ᱡᱤᱭᱚᱱ ᱥᱚᱦᱮᱫ | ᱯᱷᱟᱞᱜᱩᱱᱤ ᱫᱮᱵᱤ |
ᱯᱟᱹᱦᱤᱞ ᱠᱟᱛᱷᱟ
᱑᱙᱕᱙ ᱥᱮᱨᱢᱟ ᱨᱮ ᱫᱟᱥᱨᱟᱟᱛᱷ ᱨᱮᱱ ᱮᱨᱟ ᱵᱤᱱᱟᱹ ᱨᱟᱱ ᱢᱩᱨᱜᱟᱹᱱ ᱛᱮᱭᱮ ᱵᱮᱱᱰᱟᱣᱮᱱᱟ᱾ ᱟᱠᱚ ᱟᱛᱳ ᱠᱷᱚᱱ ᱱᱟᱜᱟᱨ ᱛᱮ ᱥᱮᱱᱚᱜ ᱞᱟᱹᱜᱤᱤᱫ ᱞᱟᱹᱜᱤᱫ ᱗᱐ ᱠᱤᱹᱢᱤᱹ ᱡᱮᱞᱮᱧ ᱰᱟᱦᱟᱨ ᱯᱟᱨᱚᱢᱚᱜ ᱦᱩᱭᱩᱜ ᱠᱟᱱ ᱛᱟᱦᱮᱸᱠᱟᱱᱟ᱾ ᱟᱥᱚᱠᱟᱭᱛᱮ ᱰᱟᱦᱟᱨ ᱫᱚ ᱥᱩᱨ ᱜᱮᱭᱟ ᱢᱮᱱᱠᱷᱟᱱ ᱛᱟᱞᱟ ᱵᱩᱨᱩ ᱢᱮᱱᱟᱜ ᱠᱷᱟᱹᱛᱤᱨ ᱛᱮ ᱟᱹᱰᱤ ᱥᱟᱹᱧᱜᱤᱧ ᱛᱮ ᱟᱹᱪᱩᱨ ᱦᱩᱭᱩᱜ ᱠᱟᱱ ᱛᱟᱦᱮᱸᱠᱟᱱᱟ᱾ ᱫᱟᱥᱨᱟᱛᱷ ᱢᱟᱸᱡᱷᱤ ᱫᱚ ᱨᱟᱨᱟᱱ ᱨᱮᱭᱟᱜ ᱚᱵᱷᱟᱵᱽ ᱛᱮ ᱟᱡ ᱨᱮᱱ ᱵᱮᱱᱰᱟᱣᱮᱱ ᱛᱮ ᱟᱹᱰᱤᱭᱮ ᱫᱩᱠᱷ ᱮᱱᱟ ᱟᱨ ᱟᱠᱚ ᱟᱛᱳ ᱠᱷᱚᱱ ᱱᱟᱜᱟᱨ ᱪᱟᱞᱟᱜ ᱰᱟᱦᱟᱨ ᱥᱩᱨᱩᱜ ᱞᱟᱹᱜᱤᱫ ᱵᱩᱨᱩ ᱠᱩᱴᱟᱹᱢ ᱥᱚᱢᱮ ᱮᱦᱚᱵ ᱮᱱᱟ᱾ ᱵᱩᱨᱩ ᱛᱟᱞᱟ ᱠᱩᱴᱟᱹᱢ ᱠᱩᱴᱟᱹᱢ ᱛᱮ ᱥᱚᱢᱟᱱ ᱠᱟᱟᱛᱮ ᱰᱟᱦᱟᱨ ᱵᱮᱱᱟᱣ ᱨᱮ ᱡᱮᱞᱧ ᱒᱒ ᱥᱮᱨᱢᱟ ᱞᱟᱹᱜᱟᱣ ᱟᱫᱮᱭᱟ᱾ ᱛᱟᱭᱚᱢ ᱛᱮ ᱚᱱᱟ ᱰᱟᱦᱟᱨ ᱛᱮ ᱟᱠᱚ ᱟᱹᱛᱚ ᱨᱮᱭᱟᱜ ᱥᱟᱝᱜᱤᱧ ᱫᱚ ᱑᱕ ᱠᱤᱹᱢᱤᱹ ᱦᱩᱭᱮᱱᱟ᱾
ᱠᱟᱹᱢᱤ
ᱫᱟᱥᱨᱟᱛᱷ ᱫᱷᱟᱱᱵᱟᱫᱽ ᱨᱮᱭᱟᱜ ᱠᱚᱭᱞᱟ ᱠᱷᱟᱫᱟᱱ ᱨᱮ ᱢᱩᱱᱤᱥ ᱞᱮᱠᱟᱛᱮᱭᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱠᱟᱱᱟ᱾ ᱛᱟᱞᱟ ᱛᱟᱞᱟ ᱨᱮ ᱩᱱᱤ ᱚᱲᱟᱜ ᱮ ᱦᱤᱡᱩᱜ ᱠᱟᱱ ᱛᱟᱦᱮᱱᱟ ᱟᱨ ᱑᱑᱐ ᱢᱤᱴᱟᱨ ᱡᱮᱞᱮᱧ, ᱗ᱹ᱗ ᱢᱤᱴᱟᱨ ᱠᱷᱟᱹᱫᱽᱨᱤ ᱟᱨ ᱙ᱹ᱑ ᱢᱤᱴᱟᱨ ᱚᱥᱟᱨ ᱢᱤᱫᱴᱮᱱ ᱰᱟᱦᱟᱨ ᱨᱮ ᱜᱮᱦᱞᱚ ᱨᱮᱭᱟᱜ ᱵᱩᱨᱩ ᱫᱷᱤᱨᱤ ᱠᱩᱴᱟᱹᱢᱮᱫ ᱠᱟᱱ ᱛᱟᱦᱮᱸᱠᱟᱱᱟ᱾ ᱩᱱᱤᱭᱮ ᱢᱮᱱᱮᱫ ᱠᱟᱱ ᱛᱟᱦᱮᱱ, "ᱤᱧ ᱛᱤᱱ ᱨᱮ ᱫᱷᱤᱨᱤ ᱠᱩᱴᱟᱹᱢᱤᱧ ᱮᱦᱚᱵ ᱞᱮᱱᱟ, ᱦᱚᱲᱠᱚ ᱤᱧ ᱯᱟᱜᱽᱞᱟᱠᱚ ᱢᱤᱛᱟᱹᱧ ᱠᱟᱱ ᱛᱟᱦᱮᱸᱠᱟᱱᱟ, ᱢᱮᱱᱠᱷᱟᱱ ᱤᱧ ᱫᱚ ᱫᱤᱞ ᱫᱟᱲᱮ ᱵᱟᱹᱧ ᱠᱷᱟᱴᱚ ᱞᱮᱫᱟ᱾
ᱜᱩᱨ
᱒᱐᱐᱗ ᱥᱮᱨᱢᱟ ᱨᱮᱭᱟᱜ ᱑᱗ ᱟᱜᱚᱥᱴ ᱢᱟᱹᱦᱤᱛ ᱦᱤᱞᱚᱜ ᱗᱓ ᱥᱮᱨᱢᱟ ᱩᱢᱮᱨ ᱨᱮ ᱫᱟᱥᱟᱨᱟᱛᱷ ᱢᱟᱸᱡᱷᱤ ᱫᱚ ᱜᱩᱨᱮᱱᱟ᱾ ᱵᱮᱱᱟᱰᱟᱣ ᱚᱠᱛᱮ ᱩᱱᱤ ᱫᱚ ᱜᱚᱞᱟᱵᱞᱟᱰᱟᱨ ᱨᱮᱭᱟᱜ ᱠᱮᱱᱥᱟᱨ ᱨᱳᱜᱽ ᱛᱮ ᱡᱟᱹᱵᱽᱲᱤ ᱟᱠᱟᱱ ᱛᱟᱦᱮᱸᱠᱟᱱᱟ ᱟᱨ ᱮᱭᱢᱥ, ᱱᱟᱶᱟ ᱫᱤᱞᱞᱤ ᱨᱮᱭᱟᱜ ᱨᱟᱱ ᱚᱪᱚᱜᱠᱟᱱ ᱛᱟᱦᱮᱸᱠᱟᱱᱟ᱾ ᱩᱱᱤ ᱫᱚ ᱵᱤᱦᱟᱨ ᱥᱟᱨᱠᱟᱨ ᱦᱚᱛᱮᱛᱮ ᱢᱩᱪᱟᱹᱫ ᱢᱟᱱᱚᱛ ᱠᱚ ᱮᱢᱟᱣᱟᱫᱮ ᱛᱟᱦᱮᱸᱠᱟᱱᱟ᱾
ᱢᱟᱱᱚᱛ
ᱦᱚᱲᱠᱚ ᱛᱟᱞᱟᱨᱮ ᱠᱩᱯᱩᱥᱤ
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱫᱟᱥᱟᱨᱟᱛᱷ ᱢᱟᱸᱡᱷᱤ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.