ᱪᱟᱠᱟ
ᱪᱟᱠᱟ ᱫᱚ ᱢᱤᱫᱴᱟᱝ ᱜᱩᱞᱟᱹᱭ ᱡᱤᱱᱤᱥ ᱠᱟᱱᱟ ᱾ ᱪᱟᱠᱟ ᱟᱨ ᱦᱟᱹᱞ ᱨᱮᱭᱟᱜ ᱜᱚᱲᱚᱲ ᱛᱮ ᱦᱟᱢᱟᱞ ᱡᱤᱱᱤᱥ ᱡᱚ ᱟᱞᱜᱟ ᱛᱮ ᱤᱰᱤ ᱟᱹᱜᱩᱜᱼᱟ ᱾ ᱥᱮᱰᱟᱭ ᱫᱚ ᱤᱰᱤ ᱟᱹᱜᱩ ᱞᱟᱹᱜᱤᱰ ᱥᱩᱢᱩᱝ ᱜᱮ ᱵᱮᱵᱷᱨᱚᱜ ᱠᱟᱱ ᱛᱟᱦᱮᱸᱫ, ᱱᱮᱛᱟᱨ ᱰᱚ ᱱᱚᱶᱟ ᱟᱹᱰᱤ ᱞᱮᱠᱟ ᱵᱮᱵᱦᱟᱨᱚᱜ ᱠᱟᱱᱟ ᱾ ᱡᱤᱥᱩ ᱡᱟᱱᱟᱢᱚᱜ ᱨᱮᱭᱟᱜ ᱓᱕᱐᱐ ᱥᱮᱨᱢᱟ ᱢᱟᱬᱟᱝ ᱨᱮ ᱠᱩᱝᱠᱟᱹᱞ ᱠᱚᱶᱟᱜ ᱪᱟᱠᱟ ᱫᱚ ᱵᱮᱱᱟᱶ ᱮᱦᱚᱵ ᱞᱮᱱᱟ ᱢᱮᱱᱛᱮ ᱵᱟᱰᱟᱭᱚᱜᱼᱟ ᱾ ᱥᱮᱰᱟᱭ ᱠᱷᱚᱱᱟᱜ ᱱᱟᱦᱟᱜ ᱦᱟᱹᱵᱤᱡ ᱪᱟᱠᱟ ᱫᱚ ᱟᱹᱰᱤ ᱜᱮ ᱵᱮᱵᱷᱟᱨᱚᱜ ᱠᱟᱱᱟ ᱾
ᱫᱷᱚᱨᱚᱢ ᱯᱟᱹᱛᱭᱟᱹᱶ ᱨᱮ
ᱦᱤᱱᱫᱩ ᱫᱷᱚᱨᱚᱢ ᱵᱦᱚᱜᱚᱵᱟᱱ ᱵᱤᱥᱱᱩᱶᱟᱜ ᱦᱟᱹᱛᱭᱟᱹᱨ ᱫᱚ ᱦᱩᱭᱩᱜ ᱠᱟᱱᱟ ᱥᱩᱫᱚᱥᱚᱱ ᱪᱚᱠᱨᱚ ᱱᱮᱛᱟᱨ ᱦᱚᱸ ᱱᱚᱶᱟ ᱫᱚ ᱯᱩᱨᱤ ᱨᱮᱭᱟᱜ ᱡᱚᱜᱚᱱᱱᱟᱛᱷ ᱢᱩᱱᱫᱤᱨ ᱨᱮ ᱢᱮᱱᱟᱜ ᱜᱮᱭᱟ ᱾ ᱜᱚᱥᱟᱸᱭ ᱡᱚᱜᱚᱱᱱᱟᱛᱷᱟᱜ ᱢᱮᱰᱨᱮᱭᱟᱜ ᱟᱠᱟᱨ ᱫᱚ ᱪᱟᱠᱟ ᱞᱮᱠᱟ ᱜᱩᱞᱟᱹᱭ ᱜᱮᱭᱟ ᱾ ᱥᱤᱧ ᱪᱟᱸᱫᱚᱶᱟᱜ ᱢᱩᱱᱫᱤᱨ ᱠᱚᱱᱟᱨᱠᱚ ᱨᱮᱦᱚᱸ ᱪᱟᱠᱟ ᱞᱟᱜᱟᱶ ᱟᱠᱟᱱᱟ ᱾
ᱫᱤᱥᱶᱟᱹᱛᱟᱹᱨᱤ ᱨᱮ
ᱵᱷᱟᱨᱚᱛᱨᱮᱭᱟᱜ ᱡᱟᱹᱛᱤᱭᱟᱹᱨᱤ ᱪᱤᱨ ᱫᱚ ᱯᱮᱨᱚᱝ ᱪᱤᱨ ᱦᱚᱸᱠᱚ ᱢᱮᱛᱟᱜᱼᱟ ᱾ ᱱᱟᱥᱮ ᱟᱨᱟᱜ, ᱯᱩᱸᱰ ᱟᱨ ᱦᱟᱹᱨᱭᱟᱹᱲ ᱨᱚᱝ ᱢᱮᱱᱟᱜ ᱨᱮᱦᱚᱸ ᱚᱥᱚᱠ ᱪᱚᱠᱨᱚ ᱜᱮ ᱪᱤᱨ ᱨᱮᱭᱟᱜ ᱢᱩᱬ ᱡᱤᱱᱤᱥ ᱠᱟᱱᱟ ᱾ ᱵᱷᱟᱨᱚᱛ ᱥᱚᱨᱠᱟᱨ ᱰᱟᱨᱟᱭ ᱛᱮ ᱮᱢᱚᱜ ᱠᱟᱱ ᱥᱟᱢᱚᱨᱤᱠ ᱥᱚᱢᱢᱟᱱ ᱵᱤᱨ ᱪᱚᱠᱨᱚ, ᱢᱚᱦᱟᱵᱤᱨ ᱪᱚᱠᱨᱚ, ᱯᱚᱨᱚᱢ ᱵᱤᱨ ᱪᱚᱠᱨᱚ, ᱚᱥᱚᱠ ᱪᱚᱠᱨᱚ ᱮᱢᱟᱱ ᱟᱹᱰᱤ ᱫᱟᱢᱟᱱᱟᱜ ᱞᱮᱠᱷᱟᱜ ᱠᱟᱱᱟ ᱾
ᱥᱟᱬᱮᱥ ᱨᱮ
ᱥᱤᱧ ᱪᱟᱸᱫᱚ ᱟᱨ ᱧᱤᱫᱟᱹ ᱪᱟᱸᱫᱚ ᱫᱚ ᱠᱤᱱ ᱜᱩᱞᱟᱹᱭ ᱜᱮᱭᱟ ᱢᱮᱱᱴᱮ ᱟᱵᱚ ᱟᱹᱰᱤ ᱥᱮᱫᱟᱭ ᱠᱷᱚᱱ ᱜᱮᱵᱚ ᱵᱟᱰᱟᱭᱟ ᱾ ᱱᱚᱶᱟ ᱫᱷᱟᱹᱨᱛᱤ ᱫᱚ ᱰᱟᱯᱲᱟ ᱜᱮᱭᱟ ᱢᱮᱱᱛᱮ ᱥᱮᱰᱟᱭ ᱦᱚᱲᱟᱜ ᱯᱟᱹᱛᱭᱟᱹᱶ ᱛᱟᱦᱮᱸ ᱠᱟᱱᱟ ᱾ ᱤᱠᱷᱟᱱ ᱛᱟᱭᱚᱢ ᱛᱮ ᱯᱚᱨᱢᱟᱬ ᱮᱱᱟ ᱡᱮ ᱱᱚᱶᱟ ᱫᱷᱟᱹᱨᱛᱤ ᱫᱚ ᱜᱩᱞᱟᱹᱭ ᱜᱮᱭᱟ ᱾ ᱫᱷᱟᱹᱨᱛᱤ ᱦᱚᱭ ᱦᱤᱥᱤᱫ ᱨᱮᱭᱟᱜ ᱜᱚᱴᱟ ᱠᱷᱚᱱ ᱪᱟᱯ ᱢᱮᱱᱟᱜ ᱠᱷᱟᱹᱛᱤᱨ ᱫᱟᱜ ᱴᱷᱚᱯ ᱫᱚ ᱜᱩᱞᱟᱹᱭᱚᱜᱼᱟ ᱾
ᱡᱟᱜ ᱥᱟᱬᱮᱥ
ᱡᱟᱦᱟᱸ ᱡᱤᱱᱤᱥ ᱜᱮ ᱡᱚᱛᱚ ᱠᱷᱚᱱ ᱠᱚᱢ ᱯᱟᱦᱴᱟ ᱧᱟᱢ ᱞᱟᱹᱜᱤᱫ ᱠᱷᱟᱱ ᱜᱩᱞᱟᱹ ᱟᱠᱟᱨ ᱫᱷᱨᱚᱱ ᱦᱩᱭᱩᱜᱼᱟ ᱾
ᱚᱛᱥᱚᱝ
ᱜᱩᱞᱟᱹᱱ () ᱫᱚ ᱚᱛᱥᱚᱝ ᱠᱷᱚᱱ ᱚᱦᱚ ᱜᱮ ᱥᱟᱦᱟ ᱠᱚᱜᱼᱟ ᱾ ᱜᱩᱞᱟᱹᱱ ᱨᱮᱭᱟᱜ ᱯᱚᱨᱤᱫᱷᱤ ᱟᱨ ᱵᱭᱟᱥᱚ ᱨᱮᱭᱟᱜ ᱚᱱᱩᱯᱟᱛ ᱫᱚ ᱢᱤᱫ ᱛᱷᱤᱨ ᱮᱞ ᱠᱟᱱᱟ ᱾ ᱱᱚᱶᱟ ᱫᱚ ᱯᱟᱭ ᱪᱤᱱᱦᱟᱸ ᱛᱮᱠᱚ ᱥᱚᱫᱚᱨᱟ ᱾
ᱤᱫᱤ ᱟᱹᱜᱩ
ᱪᱟᱠᱟ ᱢᱮᱱ ᱞᱮᱠᱷᱟᱱ ᱟᱵᱚᱶᱟᱜ ᱢᱚᱱᱮ ᱛᱮ ᱡᱟᱦᱟᱸ ᱦᱤᱡᱩᱜᱼᱟ ᱚᱱᱟ ᱫᱚ ᱜᱟᱹᱰᱤ ᱨᱮᱭᱟᱜ ᱪᱟᱠᱟ ᱾ ᱥᱮᱫᱟᱭ ᱫᱚ ᱤᱫᱤ ᱟᱹᱜᱩ ᱥᱩᱢᱩᱝ ᱞᱟᱹᱜᱤᱫ ᱰᱟᱠᱟ ᱠᱚ ᱵᱮᱵᱷᱨᱮᱫ ᱛᱟᱦᱮᱸᱫ ᱤᱠᱷᱟᱱ ᱱᱮᱛᱟᱨ ᱫᱚ ᱟᱹᱰᱤ ᱞᱮᱠᱟᱱ ᱠᱟᱹᱢᱤ ᱨᱮ ᱱᱚᱶᱟ ᱵᱮᱵᱷᱟᱨᱚᱜ ᱠᱟᱱᱟ ᱾
ᱯᱷᱮᱰᱟᱛ
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱪᱟᱠᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.