ᱩᱜᱟᱱᱰᱟ (ᱤᱝᱨᱟᱹᱡᱤ ᱛᱮ Uganda) ᱫᱚ ᱟᱯᱷᱨᱤᱠᱟ ᱨᱮᱱᱟᱜ ᱢᱤᱫ ᱴᱮᱱ ᱫᱤᱥᱟᱹᱢ ᱠᱟᱱᱟ᱾
ᱩᱜᱟᱱᱰᱟ ᱨᱮᱱᱟᱜ ᱯᱩᱨᱩᱵᱽ ᱱᱟᱠᱷᱟ ᱨᱮ ᱫᱚ ᱠᱮᱱᱤᱭᱟ ᱫᱤᱥᱟᱹᱢ, ᱩᱛᱟᱹᱨ ᱥᱮ ᱮᱛᱚᱢ ᱱᱟᱠᱷᱟᱨᱮ ᱫᱚ ᱥᱩᱫᱟᱱ, ᱯᱟᱹᱪᱷᱤᱢ ᱱᱟᱠᱷᱟ ᱨᱮ ᱫᱚ ᱜᱚᱱᱚᱛᱟᱱᱛᱨᱤᱠ ᱠᱚᱝᱜᱳ ᱯᱨᱚᱡᱟᱛᱚᱱᱛᱨᱚ, ᱠᱚᱸᱭᱮ-ᱯᱟᱹᱪᱷᱤᱢ ᱨᱮ ᱨᱩᱣᱟᱱᱰᱟ, ᱟᱨ ᱠᱚᱸᱭᱮ ᱨᱮ ᱫᱚ ᱢᱮᱱᱟᱜᱼᱟ ᱛᱟᱱᱡᱟᱱᱤᱭᱟ ᱫᱤᱥᱟᱹᱢ ᱢᱮᱱᱟᱜᱼᱟ᱾ ᱱᱤᱭᱟᱹ ᱫᱤᱥᱟᱹᱢ ᱫᱚ ᱱᱟᱱᱟ ᱦᱩᱱᱟᱹᱨ ᱚᱛ ᱟᱨ ᱫᱟᱨᱮ ᱱᱟᱹᱲᱤ ᱛᱮ ᱥᱟᱡᱟᱣ ᱢᱮᱱᱟᱜᱼᱟ᱾ ᱱᱚᱱᱰᱮ ᱢᱮᱱᱟᱜᱼᱟ ᱜᱷᱟᱸᱥ ᱚᱛ, ᱜᱟᱹᱦᱤᱨ ᱜᱟᱡᱟᱲ, ᱩᱥᱩᱞ ᱰᱩᱝᱨᱤ ᱟᱨ ᱟᱯᱷᱨᱤᱠᱟ ᱨᱮᱱᱟᱜ ᱢᱟᱨᱟᱝ ᱞᱮᱠ ᱵᱷᱤᱠᱴᱳᱨᱤᱭᱟ ᱞᱮᱠ ᱨᱮᱱᱟᱜ ᱛᱟᱞᱟᱢᱟᱞᱟ ᱠᱷᱚᱱ ᱦᱚᱸ ᱰᱷᱤᱨ ᱢᱮᱱᱟᱜᱼᱟ᱾
ᱩᱜᱟᱱᱰᱟ ᱧᱤᱛᱩᱢ ᱫᱚ ᱦᱮᱡ ᱟᱠᱟᱱᱟ ᱵᱩᱜᱟᱱᱰᱟ ᱨᱟᱡᱚᱛᱛᱚ ᱠᱷᱚᱱ᱾ ᱱᱟᱦᱟᱜ ᱩᱜᱟᱱᱰᱟ ᱨᱮ ᱫᱚ ᱢᱟᱨᱮ ᱵᱚᱥᱚᱛ ᱠᱚ ᱛᱮᱭᱟᱨ ᱞᱮᱫᱟ ᱥᱤᱠᱟᱹᱨᱤ ᱦᱚᱲ ᱠᱚ᱾ ᱟᱢᱫᱟᱡᱚᱜᱼᱟ ᱧᱤᱛ ᱠᱷᱚᱱ ᱒᱐᱐᱐ ᱥᱮ ᱑᱕᱐᱐ ᱥᱮᱨᱢᱟ ᱞᱟᱦᱟᱨᱮ ᱵᱟᱱᱴᱩ ᱯᱟᱹᱨᱥᱤ ᱨᱮᱱ ᱦᱚᱲ ᱛᱟᱞᱟ ᱟᱨ ᱯᱟᱹᱪᱷᱤᱢ ᱟᱯᱷᱨᱤᱠᱟ ᱠᱷᱚᱱ ᱠᱚᱸᱭᱮ ᱥᱮᱡ ᱠᱷᱚᱱ ᱩᱜᱟᱱᱰᱟ ᱨᱮ ᱵᱚᱥᱚᱛ ᱠᱚ ᱮᱦᱚᱵ ᱞᱮᱫᱟ᱾ ᱱᱩᱠᱩ ᱦᱚᱲ ᱫᱚ ᱢᱮᱲᱦᱮᱫ ᱨᱮᱱᱟᱜ ᱠᱟᱹᱢᱤ ᱛᱩᱠᱷᱟᱹᱲ ᱠᱚ ᱵᱟᱰᱟᱭ ᱠᱟᱱᱛᱟᱦᱮᱱᱟ᱾ ᱑᱔᱐᱐ ᱟᱨ ᱑᱕᱐᱐ ᱥᱮᱨᱢᱟ ᱨᱮᱱᱟᱜ ᱠᱤᱛᱟᱨᱟ ᱥᱟᱢᱨᱟᱡᱽ ᱜᱮ ᱱᱚᱱᱰᱮᱱᱟᱜ ᱢᱟᱨᱮ ᱨᱟᱡᱽ ᱫᱚ᱾ ᱱᱤᱭᱟᱹ ᱥᱟᱢᱨᱟᱡᱽ ᱛᱟᱭᱚᱢ ᱦᱮᱡ ᱮᱱᱟ ᱵᱩᱱᱤᱣᱚᱨᱳ ᱠᱤᱛᱟᱨᱟ, ᱵᱩᱜᱟᱱᱰᱟ ᱟᱨ ᱟᱱᱠᱳᱞᱮ ᱥᱟᱢᱨᱟᱡᱽ᱾ ᱑᱘᱒᱖ ᱥᱮᱨᱢᱟ ᱨᱮ ᱩᱜᱟᱱᱰᱟ ᱫᱚ ᱵᱨᱤᱴᱤᱥ ᱯᱨᱳᱴᱮᱠᱴᱳᱨᱮᱴ ᱨᱮ ᱩᱪᱟᱹᱲᱮᱱᱟ᱾ ᱑᱙᱖᱒ ᱥᱮᱨᱢᱟ ᱨᱮ ᱱᱤᱭᱟᱹ ᱨᱮᱱᱟᱜ ᱱᱟᱦᱟᱜ ᱚᱛᱱᱚ ᱫᱚ ᱩᱫᱩᱜᱼᱮᱱᱟ᱾ ᱑᱙᱖᱒ ᱥᱮᱨᱢᱟ ᱨᱮ ᱵᱨᱤᱴᱤᱥ ᱥᱟᱥᱚᱱ ᱠᱷᱚᱱ ᱯᱷᱩᱨᱜᱟᱹᱞ ᱮᱱᱟ᱾
ᱱᱤᱭᱟᱹ ᱫᱤᱥᱟᱹᱢ ᱫᱚ ᱨᱮᱝᱜᱮᱡ ᱫᱤᱥᱟᱹᱢ ᱠᱟᱱᱟ᱾ ᱟᱵᱟᱫᱽ ᱟᱨ ᱠᱷᱮᱛ ᱠᱟᱹᱢᱤ ᱜᱮ ᱱᱚᱱᱰᱮᱱᱟᱜ ᱵᱷᱚᱨ ᱫᱚ᱾
ᱜᱚᱴᱟ ᱧᱤᱛᱩᱢ = ᱨᱤᱯᱟᱵᱞᱤᱠ ᱚᱵᱽ ᱩᱜᱟᱱᱰᱟ
ᱨᱟᱡᱽᱫᱷᱟᱹᱱᱤ ᱟᱨ ᱢᱟᱨᱟᱝ ᱥᱚᱦᱚᱨ = ᱠᱟᱢᱯᱟᱞᱟ
ᱫᱤᱥᱟᱹᱢ ᱯᱟᱹᱨᱥᱤ = ᱤᱝᱨᱟᱹᱡᱤ, ᱥᱳᱭᱟᱦᱤᱞᱤ
ᱥᱚᱨᱠᱟᱨ ᱵᱮᱵᱚᱥᱛᱷᱟ = ᱤᱣᱱᱤᱴᱟᱨᱤ ᱰᱚᱢᱤᱱᱮᱱᱴ ᱯᱟᱨᱴᱤ ᱥᱮᱢᱤ ᱯᱨᱮᱥᱤᱰᱮᱱᱥᱤᱭᱟᱞ ᱨᱤᱯᱟᱵᱞᱤᱠ
ᱯᱨᱮᱥᱤᱰᱮᱱᱴ = ᱤᱣᱭᱮᱨᱤ ᱢᱩᱥᱮᱵᱷᱮᱱᱤ
ᱯᱟᱨᱞᱟᱢᱮᱱᱴ = ᱯᱟᱨᱞᱟᱢᱮᱱᱴ
ᱯᱷᱩᱨᱜᱟᱹᱞ = ᱵᱨᱤᱴᱤᱥ ᱠᱷᱚᱱ ᱙ ᱚᱠᱴᱚᱵᱚᱨ ᱑᱙᱖᱒
ᱟᱨᱤᱭᱟ = ᱒᱔᱑᱐᱓᱘ ᱤᱥᱠᱩᱭᱟᱨ ᱠᱤᱞᱳᱢᱤᱴᱟᱨ
ᱦᱚᱲ = ᱔,᱑᱔,᱘᱗,᱙᱖᱕ ᱜᱟᱱ
ᱜᱷᱚᱱᱚ = ᱤᱥᱠᱩᱭᱟᱨ ᱠᱤ,ᱢᱤ ᱯᱤᱪᱷᱟᱹ ᱑᱕᱗ᱹ᱑ ᱦᱚᱲ
ᱡᱤᱰᱤᱯᱤ ᱘᱘ᱹ᱖᱑᱐ ᱵᱤᱞᱤᱭᱚᱱ ᱰᱚᱞᱟᱨ
ᱵᱚᱦᱚᱜ ᱯᱤᱪᱷᱟᱹ ᱤᱱᱠᱟᱢ = ᱓᱕᱒ ᱰᱚᱞᱟᱨ
ᱠᱟᱹᱣᱰᱤ ᱧᱤᱛᱩᱢ = ᱩᱜᱟᱱᱰᱟ ᱥᱤᱞᱤᱝ
ᱡᱟᱹᱛᱤ ᱜᱟᱫᱮᱞ ᱨᱮ ᱥᱮᱞᱮᱫ = ᱑᱙᱖᱒ ᱥᱮᱨᱢᱟ᱾
This article uses material from the Wikipedia ᱥᱟᱱᱛᱟᱲᱤ article ᱩᱜᱟᱱᱰᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.