ᱨᱟᱢ ᱢᱳᱨᱤ (ᱡᱟᱱᱟᱢ ᱒ ᱯᱷᱮᱵᱽᱨᱩᱣᱟᱨᱤ ᱑᱙᱙᱓) ᱫᱚ ᱥᱤᱧᱚᱛ ᱨᱮᱱᱟᱜ ᱜᱩᱡᱽᱨᱟᱴᱤ ᱯᱟᱹᱨᱥᱤ ᱨᱤᱱᱤᱡ ᱢᱤᱫ ᱚᱱᱚᱬᱦᱤᱭᱟᱹ, ᱥᱠᱨᱤᱱᱨᱟᱭᱴᱚᱨ ᱟᱨ ᱠᱚᱞᱚᱢᱱᱤᱥᱴ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱥᱳᱨᱟᱥᱴᱨᱚ ᱨᱮᱱᱟᱜ ᱟᱹᱛᱩ ᱡᱤᱭᱚᱱ ᱨᱮᱱᱟᱜ ᱠᱷᱟᱴᱚ ᱠᱟᱹᱦᱱᱤ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜᱼᱟ ᱾ ᱢᱚᱦᱳᱛᱩ ᱫᱚ ᱟᱡᱟᱜ ᱠᱷᱟᱴᱚ ᱠᱟᱹᱦᱱᱤ ᱨᱮᱱᱟᱜ ᱢᱤᱫ ᱯᱩᱛᱷᱤ ᱠᱟᱱᱟ, ᱡᱟᱦᱟᱸ ᱫᱚ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱭᱟᱜ ᱡᱩᱣᱟᱹᱱ ᱥᱤᱨᱯᱷᱟᱹ (᱒᱐᱑᱗) ᱮ ᱧᱟᱢ ᱟᱠᱟᱫ-ᱟ ᱾
ᱨᱟᱢ ᱢᱳᱨᱤ | |
---|---|
ᱡᱟᱱᱟᱢ | ᱨᱟᱢ ᱵᱷᱟᱣᱥᱟᱝᱵᱷᱟᱭ ᱢᱳᱨᱤ ᱒ ᱯᱷᱮᱵᱽᱨᱩᱣᱟᱨᱤ ᱑᱙᱙᱓ ᱢᱚᱴᱟ ᱥᱩᱠᱨᱟ, ᱥᱤᱦᱚᱨ, ᱜᱩᱡᱽᱨᱟᱴ |
ᱠᱟᱹᱢᱤ | ᱚᱱᱚᱬᱦᱤᱭᱟᱹ, ᱥᱠᱨᱤᱱᱨᱟᱭᱴᱚᱨ, ᱠᱷᱟᱴᱚ ᱠᱟᱹᱦᱱᱤ ᱚᱱᱚᱞᱤᱭᱟᱹ ᱟᱨ ᱠᱚᱞᱚᱢᱱᱤᱥᱴ |
ᱯᱟᱹᱨᱥᱤ | ᱜᱩᱡᱽᱨᱟᱴᱤ ᱯᱟᱹᱨᱥᱤ |
ᱡᱟᱹᱛᱤᱭᱟᱹᱛ | ᱥᱤᱧᱚᱛᱤᱭᱟᱹ |
ᱥᱮᱪᱮᱫ | ᱚᱱᱰᱚᱨᱜᱨᱮᱡᱩᱣᱮᱴ |
ᱚᱱᱚᱞ ᱛᱷᱚᱠ | ᱯᱷᱤᱞᱢ ᱚᱱᱚᱞᱤᱭᱟᱹ |
ᱥᱟᱶᱦᱮᱫ ᱮᱱᱮᱢ | ᱢᱟᱦᱚᱛᱩ (᱒᱐᱑᱖), Montu Ni Bittu (᱒᱐᱑᱙) |
ᱥᱤᱨᱯᱷᱟᱹ | ᱡᱩᱣᱟᱹᱱ ᱥᱤᱨᱯᱷᱟᱹ (᱒᱐᱑᱗) |
ᱡᱤᱭᱚᱱ ᱥᱚᱦᱮᱫ | ᱥᱚᱱᱟᱹᱞ ᱢᱳᱨᱤ |
ᱩᱱᱤ ᱫᱚ ᱒ ᱯᱷᱮᱵᱽᱨᱩᱣᱟᱨᱤ ᱑᱙᱙᱓ ᱥᱟᱞᱮᱨᱮ ᱜᱩᱡᱽᱨᱟᱴ ᱨᱮᱱᱟᱜ ᱥᱤᱦᱚᱨ ᱨᱮ ᱢᱳᱴᱟ ᱥᱩᱨᱠᱟ ᱟᱹᱛᱩ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱵᱟᱵᱟ ᱫᱚ ᱴᱮᱡᱚᱞᱵᱟ ᱟᱨ ᱵᱷᱚᱵᱽᱥᱚᱝᱵᱷᱟᱭ ᱢᱳᱨᱤ ᱠᱚ ᱛᱟᱦᱮᱸ ᱠᱟᱱᱟ ᱾ ᱩᱱᱤᱭᱟᱜ ᱜᱷᱟᱨᱚᱸᱡᱽ ᱫᱚ ᱯᱟᱞᱤᱴᱟᱱᱟ ᱥᱩᱨ ᱨᱮ ᱢᱮᱱᱟᱜ ᱞᱚᱠᱷᱚᱣᱟᱫᱽ ᱟᱹᱛᱩ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱩᱱᱤ ᱫᱚ ᱯᱷᱮᱵᱨᱤᱠᱮᱥᱚᱱ ᱤᱱᱡᱤᱱᱤᱭᱚᱨᱤᱝ ᱨᱮ ᱟᱡᱟᱜ ᱯᱟᱲᱦᱟᱣ ᱯᱩᱨᱟᱹᱣ ᱠᱮᱫ-ᱟ ᱾
ᱩᱱᱤ ᱫᱚ ᱑᱗ ᱥᱮᱨᱢᱟ ᱩᱢᱮᱨ ᱨᱮ ᱚᱱᱚᱬᱦᱮᱭ ᱚᱞ ᱮᱦᱚᱵ ᱠᱮᱜᱼᱟ ᱾ ᱟᱡᱟᱜ ᱚᱱᱚᱬᱦᱮ ᱫᱚ ᱜᱩᱡᱽᱨᱟᱴᱤ ᱚᱱᱚᱬᱦᱮ ᱢᱮᱜᱟᱡᱤᱱ ᱡᱮᱞᱮᱠᱟ ᱥᱚᱵᱫᱟᱥᱨᱤᱪᱷᱴᱤ, ᱱᱟᱵᱽᱱᱤᱛ ᱥᱚᱢᱚᱨᱯᱚᱱ, ᱮᱴᱟᱰ, ᱛᱟᱛᱟᱯᱤ ᱟᱨ ᱥᱚᱵᱫᱟᱥᱚᱨ ᱨᱮ ᱯᱟᱨᱥᱟᱞ ᱟᱠᱟᱱᱟ ᱾
ᱩᱱᱤ ᱫᱚ ᱚᱦᱢᱚᱫᱟᱵᱟᱫᱽ ᱨᱮ ᱛᱟᱦᱮᱸᱱᱟᱭ ᱾
ᱩᱱᱤ ᱫᱚ TV9 (Gujarati) ᱨᱮ ᱠᱟᱹᱢᱤ ᱞᱮᱫᱟᱭ ᱟᱨ ᱚᱱᱟ ᱛᱟᱭᱚᱢ Colors Gujarati ᱨᱮᱭ ᱥᱮᱞᱮᱫ ᱞᱮᱱᱟ ᱾ ᱩᱱᱤ ᱫᱚ ᱵᱤᱡᱚᱭᱜᱤᱨᱤ ᱯᱷᱤᱞᱢᱳᱥ ᱥᱟᱶᱮ ᱠᱟ. ᱩᱱᱤ ᱫᱚ ᱫᱤᱵᱽᱭᱟ ᱵᱷᱟᱥᱠᱚᱨ ᱨᱮ "ᱢᱩᱠᱟᱢ ᱵᱚᱨᱛᱟ" ᱟᱨ ᱢᱩᱢᱵᱟᱭ ᱥᱟᱢᱟᱪᱟᱨ ᱨᱮ "ᱫᱤ ᱠᱚᱱᱯᱷᱮᱥᱚᱱ ᱵᱚᱠᱥ" ᱧᱩᱛᱩᱢᱟᱱ ᱢᱤᱫ ᱥᱮᱨᱢᱟᱠᱤᱭᱟᱹ ᱠᱚᱞᱚᱢᱱᱟᱭ ᱚᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱜᱩᱡᱽᱨᱟᱴᱤ ᱢᱮᱜᱟᱡᱤᱱ ᱠᱚᱠᱴᱮᱞ ᱡᱤᱸᱫᱽᱜᱤ ᱟᱨ ᱯᱷᱩᱞᱪᱟᱵᱽ ᱨᱮ #We ᱞᱟᱹᱜᱤᱫ ᱞᱚᱵᱷ ᱭᱩ ᱡᱤᱸᱫᱽᱜᱤ ᱨᱮᱱᱟᱜ ᱠᱚᱞᱚᱢᱵᱚᱱ ᱮ ᱚᱞ ᱞᱮᱫᱼᱟ ᱾ ᱩᱱᱤ ᱫᱚ ᱱᱮᱥᱱᱟᱞ ᱤᱱᱥᱴᱤᱴᱭᱩᱴ ᱚᱯᱷ ᱢᱟᱥ ᱠᱚᱢᱭᱩᱱᱤᱠᱮᱥᱚᱱ ᱟᱨ ᱡᱚᱨᱱᱟᱞᱤᱥᱢ (NIMCJ), ᱚᱦᱢᱚᱫᱟᱵᱟᱫᱽ ᱨᱮ ᱵᱤᱡᱤᱴᱤᱝ ᱯᱷᱮᱠᱚᱞᱴᱤ ᱞᱮᱠᱟᱛᱮᱭ ᱠᱟᱹᱢᱤ ᱠᱟᱱᱟ ᱾
᱒᱐᱑᱖ ᱥᱟᱞᱮ ᱨᱮ ᱩᱱᱤ ᱫᱚ ᱟᱡᱟᱜ ᱠᱷᱟᱴᱚ ᱠᱟᱹᱦᱱᱤ ᱢᱚᱦᱩᱛᱩ ᱯᱩᱛᱷᱤ ᱯᱟᱨᱥᱟᱞ ᱞᱮᱫᱟᱭ, ᱡᱟᱦᱟᱸ ᱫᱚ ᱨᱚᱜᱷᱩᱵᱤᱨ ᱪᱚᱣᱫᱷᱨᱤ ᱟᱨ ᱠᱤᱨᱤᱛ ᱫᱩᱫᱷᱚᱛ ᱮᱢᱟᱱ ᱜᱩᱡᱽᱨᱟᱴᱤ ᱚᱱᱚᱞᱤᱭᱟᱹ ᱟᱨ ᱚᱱᱚᱬᱦᱤᱭᱟᱹ ᱠᱚᱣᱟᱜ ᱥᱟᱨᱦᱟᱣ ᱧᱟᱢ ᱞᱮᱫᱼᱟ ᱾ ᱟᱡᱟᱜ ᱠᱩᱲᱤ ᱜᱤᱫᱽᱨᱟᱹ ᱠᱷᱟᱴᱚ ᱠᱟᱹᱦᱱᱤ ᱫᱚ ᱥᱳᱨᱟᱥᱴᱨᱚ ᱨᱮᱭᱟᱜ ᱟᱹᱛᱩ ᱨᱮᱱ ᱠᱩᱲᱤ ᱜᱤᱫᱽᱨᱟᱹ ᱠᱚᱣᱟᱜ ᱠᱷᱟᱴᱚ ᱠᱟᱹᱦᱱᱤ ᱠᱟᱱᱟ ᱾ ᱟᱡᱟᱜ ᱫᱚᱥᱟᱨ ᱠᱷᱟᱴᱚ ᱠᱟᱹᱦᱱᱤ ᱯᱩᱛᱷᱤ, ᱠᱚᱯᱷᱤ ᱥᱴᱚᱨᱤᱥ, ᱫᱚ ᱰᱤᱥᱮᱢᱵᱚᱨ ᱒᱐᱑᱘ ᱨᱮ ᱯᱟᱨᱥᱟᱞ ᱞᱮᱱᱟ ᱾ ᱩᱱᱤᱭᱟᱜ ᱯᱮᱭᱟ ᱯᱚᱛᱚᱵ ᱠᱚᱱᱯᱷᱮᱥᱚᱱ ᱵᱚᱠᱥ (Confession Box) ᱚᱜᱚᱥᱴ ᱒᱐᱒᱐ ᱨᱮ ᱯᱟᱨᱥᱟᱞ ᱞᱮᱱᱟ ᱾ ᱵᱤᱡᱚᱭᱜᱤᱨᱤ ᱵᱟᱵᱟ ᱟᱜ ᱰᱤᱨᱮᱠᱥᱚᱱ ᱛᱮ "ᱢᱚᱱᱴᱩ ᱱᱤ ᱵᱤᱴᱴᱩ" ᱯᱷᱤᱞᱢ ᱛᱮ ᱜᱩᱡᱽᱨᱟᱴᱤ ᱥᱤᱱᱮᱢᱟ ᱨᱮᱭ ᱠᱟ.ᱢᱤ ᱞᱮᱱᱟ । ᱢᱚᱱᱛᱩ ᱱᱤ ᱵᱤᱴᱴᱩ ᱛᱟᱭᱚᱢ, ᱩᱱᱤ ᱫᱚ ᱵᱟᱨᱭᱟ ᱜᱩᱡᱽᱨᱟᱴᱤ ᱯᱷᱤᱞᱢ ᱠᱚᱭ ᱚᱞ ᱞᱮᱫ-ᱟ: ᱢᱟᱨᱟ ᱯᱟᱯᱟ ᱥᱩᱯᱚᱨ ᱦᱤᱨᱚ, ᱫᱟᱨᱥᱚᱱ ᱟᱥᱣᱤᱱ ᱛᱨᱤᱵᱮᱫᱤ ᱤᱫᱤ ᱛᱮ ᱟᱨ 21 ᱢᱩ ᱴᱤᱯᱷᱤᱱ, ᱵᱤᱡᱚᱭᱜᱤᱨᱤ ᱵᱟᱵᱚ ᱤᱫᱤ ᱛᱮ ᱾ ᱵᱟᱱᱟᱨ ᱯᱷᱤᱞᱢ ᱫᱚ ᱒᱐᱒᱑ ᱨᱮ ᱨᱤᱞᱤᱡᱽ ᱞᱮᱱᱟ ᱾
ᱥᱮᱨᱢᱟ | ᱯᱷᱤᱞᱢ | ᱠᱟᱹᱦᱱᱤ | ᱥᱠᱨᱤᱱᱯᱞᱮ | ᱰᱟᱭᱞᱚᱜᱽ | ᱱᱚᱴ |
---|---|---|---|---|---|
᱒᱐᱑᱙ | Montu Ni Bittu | Yes | Yes | Yes | ᱯᱩᱭᱞᱩ ᱯᱷᱤᱞᱢ |
᱒᱐᱒᱑ | Mara Pappa Superhero | Yes | Yes | Yes | |
᱒᱐᱒᱑ | 21mu Tiffin | Yes | Yes | Yes | |
᱒᱐᱒᱓ | Kutch Express (film) | No | No | Yes |
᱒᱐᱑᱖ ᱥᱮᱨᱢᱟ ᱨᱮ ᱥᱟᱦᱤᱛᱭᱚ ᱮᱠᱟᱰᱮᱢᱤ, ᱫᱤᱞᱞᱤ ᱯᱟᱦᱴᱟ ᱠᱷᱚᱱ ᱚᱞ ᱤᱱᱰᱤᱭᱟᱱ ᱭᱩᱝ ᱨᱟᱭᱴᱚᱨᱥ ᱢᱤᱴ (All Indian Young Writers Meet) ᱨᱮᱭ ᱥᱮᱞᱮᱫ ᱞᱮᱱᱟ ᱾ ᱒᱐᱑᱗ ᱨᱮ, ᱩᱱᱤ ᱫᱚ ᱢᱚᱦᱩᱛᱩ ᱞᱟᱹᱜᱤᱫ ᱛᱮ ᱜᱩᱡᱽᱨᱟᱴᱤ ᱯᱟᱹᱨᱥᱤ ᱞᱟᱹᱜᱤᱫ ᱛᱮ ᱭᱩᱵᱟ ᱯᱩᱨᱚᱥᱠᱟᱨ ᱧᱟᱢ ᱞᱮᱫᱼᱟ ᱾ ᱒᱐᱑᱘ ᱥᱮᱨᱢᱟ ᱨᱮ ᱵᱷᱟᱨᱚᱛᱤᱭᱚ ᱵᱷᱟᱥᱟ ᱯᱚᱨᱤᱥᱚᱫᱽ ᱫᱚ ᱩᱱᱤ ᱫᱚ ᱭᱩᱵᱟ ᱯᱩᱨᱚᱥᱠᱟᱨ ᱮᱢᱟᱫᱮ ᱛᱟᱦᱮᱸᱫ ᱾ ᱱᱚᱶᱟ ᱥᱮᱨᱢᱟ ᱨᱮ ᱩᱱᱤ ᱫᱚ ᱱᱚᱱᱚᱵᱷᱟᱭ ᱡᱮᱵᱟᱞᱤᱭᱟ ᱥᱢᱨᱤᱛᱤ ᱥᱟᱦᱤᱛᱭᱚ ᱯᱩᱨᱚᱥᱠᱟᱨ (᱒᱐᱑᱗) ᱧᱟᱢ ᱞᱮᱫᱼᱟ ᱾ ᱒᱐᱑᱖ ᱥᱟᱞᱮ ᱨᱮ ᱟᱡᱟᱜ ᱯᱚᱛᱚᱵ ᱢᱚᱦᱩᱛᱩ ᱞᱟᱹᱜᱤᱫ ᱛᱮ ᱜᱩᱡᱽᱨᱟᱴ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱠᱷᱚᱱ ᱯᱮᱭᱟ ᱥᱤᱨᱯᱷᱟᱹᱭ ᱧᱟᱢ ᱞᱮᱫᱼᱟ ᱾
This article uses material from the Wikipedia ᱥᱟᱱᱛᱟᱲᱤ article ᱨᱟᱢ ᱢᱳᱨᱤ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.